Ulttyq jane at sporty turlerı ortalygy RMQK

02/10/2026

ДӘСТҮРЛІ САДАҚ АТУДАН ЖАСТАР АРАСЫНДАҒЫ ҚАЗАҚСТАН РЕСПУБЛИКАСЫНЫҢ ЧЕМПИОНАТЫ ӨТЕДІ

Жаңаөзен қаласында дәстүрлі садақ атудан жастар арасындағы Қазақстан Республикасының чемпионаты өткізіледі. Жарыс 5-8 қазан аралығында ұйымдастырылады.

Ел біріншілігіне еліміздің әр өңірінен келген жас мергендер қатысып, дәстүрлі садақ атудың бірнеше нысанасы бойынша өзара бақ сынайды.

Жарыс барысында спортшылар мергендігі мен шеберлігін, дәлдігі мен ептілігін сынға салып, жүлделі орындар үшін бәсекеге түседі.

Ел чемпионатының басты мақсаты – жас спортшылардың шеберлігін шыңдау, үздік мергендерді анықтау және дәстүрлі садақ атуды жастар арасында кеңінен насихаттау. Сонымен қатар мұндай республикалық жарыстар болашағынан үміт күттіретін спортшыларды іріктеп, олардың алдағы ірі додаларда тәжірибе жинақтауына мүмкіндік береді.

Чемпионат қорытындысында үздік нәтиже көрсеткен спортшылар анықталып, жеңімпаздар мен жүлдегерлер марапатталады.

Барлық қатысушыларға сәттілік тілейміз!

01/10/2026

ОРАЛДА АУДАРЫСПАҚТАН ЕРЕСЕКТЕР АРАСЫНДАҒЫ ХХ ҚАЗАҚСТАН ЧЕМПИОНАТЫ ӨТЕДІ

Батыс Қазақстан облысы Орал қаласында аударыспақтан жастар арасындағы ХХ Қазақстан Республикасының чемпионаты өтеді. Жарыс 5-8 қазан аралығында ұйымдастырылады.
Ересектер арасындағы аударыспақтан Қазақстан Республикасының чемпионаты - еліміздің әр өңірінен жоғары деңгейде дайындықтан өткен спортшыларды біріктіретін маңызды республикалық спорттық іс-шаралардың бірі. Мұндай жарыстар ұлттық спорт түрлерінің дамуына серпін беріп, спортшылардың кәсіби шеберлігін шыңдауға және олардың республикалық деңгейдегі бәсекеге қабілеттілігін арттыруға мүмкіндік береді.
Аударыспақтан Қазақстан чемпионаты еліміздің спорттық өмірінде ерекше орын алады. Жарысқа Астана қаласының, облыстардың және республикалық маңызы бар қалалардың құрама командалары қатысып, өзара спорттық шеберліктерін саралайды. Әртүрлі өңірлерден келген спортшылардың бір алаңда бас қосуы ұлттық спорттың дамуына ғана емес, өңірлер арасындағы спорттық байланысты нығайтуға да ықпал етеді.
Жарыс қорытындысы бойынша әр салмақ дәрежесі бойынша жеңімпаздар мен жүлдегерлер анықталып, марапатталады.

Орал қаласы
5-8 қазан 2026

01/10/2026

КӨКПАРДАН ЖАСТАР АРАСЫНДАҒЫ ХХ ҚАЗАҚСТАН РЕСПУБЛИКАСЫ ЧЕМПИОНАТЫНЫҢ ҚОРЫТЫНДЫСЫ

Көкпардан жастар арасындағы ХХ Қазақстан Республикасының чемпионаты өз мәресіне жетті.

Тартысты бәсекелердің қорытындысы бойынша:

🥇 I орын — Алматы облысы
🥈 II орын — Түркістан облысы
🥉 III орын — Шымкент қаласы
IV орын — Павлодар облысы

Жеңімпаздар мен жүлдегерлерді құттықтаймыз!

01/10/2026