សហព័ន្ធកីឡាទូកកានូ និងរ៉ូអ៊ីងកម្ពុជា-Cambodian Canoe and Rowing Federation

17/08/2026

ខេត្តស្វាយរៀង៖ នៅថ្ងៃទី១៧ ខែសីហា ឆ្នាំ២០២៦ សហព័ន្ធកីឡាទូកកានូ និងរ៉ូអុីង បានចាត់តំណាងសហព័ន្ធ ចូលរួមកិច្ចប្រជុំស្តីពីការត្រៀមរៀបចំកម្មវិធីរត់ភ្លើងគប់កីឡា និងត្រៀមរៀបចំការប្រកួតកីឡាទូកនាគ ទូកកានូ និងរ៉ូអុីង ក្នុងព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ស្ថិតក្រោមអធិបតីភាព ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងឯកឧត្តម ញ៉ែម សារី អភិបាលរង តំណាង ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង នៅសាលប្រជុំសាលាខេត្តស្វាយរៀង៕

14/08/2026

សេចក្តីជូនដំណឹង ស្តីពីការប្រកួតកីឡាទូកនាគ ទូកកានូ-កាយ៉ាក់ និងទូករ៉ូអុីង ក្នុងព្រឹត្តិការណ៍កីឡាជាតិលើកទី៥ ឆ្នាំ២០២៦ ដែលនឹងប្រព្រឹត្តទៅចាប់ពីថ្ងៃទី៧ ដល់ថ្ងៃទី១០ ខែវិច្ឆិកា ឆ្នាំ២០២៦ នៅទន្លេវ៉ៃគោ ក្រុងស្វាយរៀង ខេត្តស្វាយរៀង។

01/08/2026

អបអរសាទរព្រឹត្តិការណ៍កីឡាជាតិលើកទី៥ និងកីឡាជាតិជនពិការលើកទី៣ ឆ្នាំ២០២៦

11/07/2026

09/07/2026

ខេត្តស្វាយរៀង៖ ព្រឹកថ្ងៃទី៩ ខែកក្កដា ឆ្នាំ២០២៦ ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២សហព័ន្ធកីឡាទូកកានូ និងរ៉ូអុីងកម្ពុជា តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអុីងកម្ពុជា បានអញ្ជើញជួបសំណេះសំណាល និងសួរសុខទុក្ខ ដល់គ្រូបង្វឹក គ្រូជំនួយ កីឡាករ កីឡាការិនីក្រុមជម្រើសជាតិ ក្រុមបម្រុង និងក្រុមថ្នាលកីឡាទូកនាគ ទូកកានូ-កាយ៉ាក់ និងទូករ៉ូអុីង ដែលកំពុងប្រមូលផ្តុំហ្វឹកហាត់នៅទន្លេវ៉ៃគោ ស្ថិតក្នុងក្រុងស្វាយរៀង ខេត្តស្វាយរៀង។

នាឱកាសនោះ ឯកឧត្តមរដ្ឋលេខាធិការអនុប្រធានទី២សហព័ន្ធ ក៏បាននាំយកអំណោយដ៏ថ្លៃថ្លារបស់ ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ឧបត្ថម្ភដល់គ្រូបង្វឹក- គ្រូជំនួយ និងកីឡាករ-កីឡាការិនី មានជាអាទិ៍៖ ថ្នាំបាញ់មូស ថ្នាំដុះធ្មេញ សាប៊ូដុះខ្លួន កន្លែងជូតខ្លួន ទឹកពិសាបរិសុទ្ធ ព្រមទាំងថវិកាមួយចំនួនផងដែរ៕

09/07/2026

ខេត្តស្វាយរៀង៖ នៅព្រឹកថ្ងៃទី៩ ខែកក្កដា ឆ្នាំ២០២៦ ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២ សហព័ន្ធ​ តំណាងដ៏ខ្ពង់ខ្ពស់​ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអុីងកម្ពុជា បានអញ្ជេីញចុះពិនិត្យទីតាំងដីសម្រាប់ត្រៀមសាងសងមជ្ឈមណ្ឌលកីឡាលើទឹកខេត្តស្វាយរៀង នាឱកាសនោះក៏មានការចូលរួមពីសំណាក់ ឯកឧត្តម ញ៉ែម សារី អភិបាលរង​ តំណាងឯកឧត្តម ប៉េង ពោធិ៍សា អភិបាល នៃគណៈអភិបាល​ ខេត្តស្វាយរៀង រួមជាមួយថ្នាក់ដឹកនាំ មន្ត្រីសហព័ន្ធ មន្ទីរ អង្គភាពពាក់ព័ន្ធ ផងដែរ។

09/07/2026

ខេត្តស្វាយរៀង៖ នៅព្រឹកថ្ងៃទី៩ ខែកក្កដា ឆ្នាំ២០២៦ ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២ សហព័ន្ធ​ តំណាងដ៏ខ្ពង់ខ្ពស់​ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាទូកកានូ និងរ៉ូអុីងកម្ពុជា បានអញ្ជេីញចូលរួមជាអធិបតី​ ដឹកនាំកិច្ចប្រជុំជាមួយរដ្ឋបាលខេត្តស្វាយរៀង ស្តីពីការត្រៀមរៀបចំព្រឹត្តិការណ៍ប្រកួតកីឡាជាតិលេីកទី៥​ និងការប្រកួតកីឡាទូក''ង'' ទូកនាគ ទូកផ្កាចារ ទូកកានូ-កាយ៉ាក់ និងទូករ៉ូអុីង ជ្រើសរើសជើងឯកថ្នាក់ជាតិ ''ពានរង្វាន់ឯកឧត្តមអភិសន្តិបណ្ឌិត ស សុខា'' លើកទី៣ ឆ្នាំ២០២៦ ដែលគ្រោងនឹងប្រព្រឹត្តទៅនាខែវិច្ឆិកា ឆ្នាំ២០២៦ នៅទន្លេវ៉ៃគោ ក្រុងស្វាយរៀង​ ខេត្តស្វាយរៀង​ កិច្ចប្រជុំនោះក៏មានការចូលរួមជាពី​ ឯកឧត្តម ញ៉ែម សារី អភិបាលរង​ តំណាងឯកឧត្តម ប៉េង ពោធិ៍សា អភិបាល នៃគណៈអភិបាល​ ខេត្តស្វាយរៀង នៅសាលប្រជុំសាលាខេត្តស្វាយរៀង។

29/06/2026

រាជធានីភ្នំពេញ៖ នៅព្រឹកថ្ងៃទី២៩ ខែមិថុនា ឆ្នាំ២០២៦ សហព័ន្ធកីឡាទូកកានូ និងរ៉ូអុីងកម្ពុជា បានរៀបចំពិធីសំណេះសំណាល និងជូនដំណើរប្រតិភូ កីឡាករទូកកានូ-កាយ៉ាក់ កម្ពុជា ទៅចូលរួមទស្សនកិច្ច ជាមួយគណៈប្រតិភូ សហព័ន្ធភាពសហព័ន្ធយុវជនកម្ពុជា រាជធានីភ្នំពេញ នៅប្រទេសប៉ូឡូញ ដែលនឹងប្រព្រឹត្តទៅចាប់ពីថ្ងៃទី២ ដល់ថ្ងៃទី១២ ខែកក្កដា ឆ្នាំ២០២៦ ស្ថិតក្រោមអធិបតីភាពឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២ សហព័ន្ធកីឡាទូកកានូ និងរ៉ូអុីងកម្ពុជា តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាសហព័ន្ធកីឡាទូកកានូ និងរ៉ូអុីងកម្ពុជា នៅសាលប្រជុំអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ ។

18/06/2026

សូមថ្លែងអំណរគុណយ៉ាងជ្រាលជ្រៅ ជូនចំពោះ Mr. Noboru Kikuchi សមាជិកសហព័ន្ធកីឡាទូកកានូជប៉ុន ដែលបានឧបត្ថម្ភច្រវាទូកកាយ៉ាក់ចំនួន២ ដើម ដល់សហព័ន្ធកីឡាទូកកានូ និងរ៉ូអុីងកម្ពុជា🇰🇭🙏🇯🇵🙏

16/06/2026

ការហ្វឹកហាត់កីឡាទូកនាគ ទូកកានូ ទូកកាយ៉ាក់ និងទូករ៉ូអុីង របស់ក្រុមជម្រើសជាតិឆ្នាំ២០២៦
#សហព័ន្ធកីឡាទូកកានូនិងរ៉ូអុីងកម្ពុជា
#កីឡារស់ក្នុងសន្តិភាព