Sabone VENTA

នឹកឃេីញ៦ឆ្នាំមុន ខ្ញុំបានចាប់ផ្តើមផលិតវីដេអូ និងចងក្រងសៀវភៅ ដើម្បីចែករំលែកមូលដ្ឋានបច្ចេកទេសបាល់ទាត់ដល់កុមារ និងយុវជន។ នេះគឺជាជំហានតូចមួយក្នុងការចូលរួមបង្កើតការផ្សព្វផ្សាយសម្រាប់ការអភិវឌ្ឍបាល់ទាត់យុវជននៅកម្ពុជា។

ថ្ងៃនេះ ខ្ញុំមានអារម្មណ៍រីករាយ និងមោទនភាពយ៉ាងខ្លាំង ដែលបានចូលរួមស្តាប់បទបង្ហាញពីអ្នកជំនាញ លោក Byer Tomas Francis ស្តីអំពីការអភិវឌ្ឍយុវជន ចាប់ពីមូលដ្ឋានគ្រឹះកុមារតូចៗ និងសារៈសំខាន់បច្ចេកទេសមូលដ្ឋានគ្រិះបាល់ទាត់ផងដែរ។

⚽️ រួមគ្នា ដើម្បីអភិវឌ្ឍបាល់ទាត់កម្ពុជា 🇰🇭

ថ្មីៗនេះ មានរឿងគួរឲ្យចាប់អារម្មណ៍មួយ គឺ ក្រុមជម្រើស U18 ពានរង្វាន់វិទ្យាល័យជប៉ុន បានយកឈ្នះ ក្រុមជម្រើស U18 J-League Select ក្នុងកម្មវិធី NEXT GENERATION MATCH 2026។ លទ្ធផលនេះបង្ហាញថា ប្រព័ន្ធបាល់ទាត់វិទ្យាល័យនៅប្រទេសជប៉ុនមានគុណភាពខ្ពស់ និងជាមូលដ្ឋានសំខាន់សម្រាប់ការអភិវឌ្ឍកីឡាករយុវជន។

នៅប្រទេសជប៉ុន ពានរង្វាន់វិទ្យាល័យមិនមែនត្រឹមតែជាការប្រកួតប៉ុណ្ណោះទេ ប៉ុន្តែជាប្រព័ន្ធសំខាន់ក្នុងការស្វែងរក និងអភិវឌ្ឍទេពកោសល្យកីឡាករ មុននឹងឈានទៅកាន់ក្លិបអាជីព និងក្រុមជម្រើសជាតិ។

ចំណែកនៅប្រទេសកម្ពុជា បច្ចុប្បន្នកម្មវិធីពានរង្វាន់វិទ្យាល័យ មានតែត្រឹមនៅរាជធានីភ្នំពេញ ដែលរៀបចំដោយកម្មវិធីកីឡារបស់ សសយក រាជធានីភ្នំពេញ ប៉ុណ្ណោះ។ ទោះជាយ៉ាងណា វាជាជំហានល្អមួយក្នុងការចាប់ផ្តើមបង្កើតវប្បធម៌បាល់ទាត់នៅសាលារៀន។

ប្រសិនបើកម្មវិធីនេះត្រូវបានពង្រីក និងរៀបចំជាប្រព័ន្ធទូទាំងប្រទេស វាអាចជួយ៖
• បង្កើនបទពិសោធន៍ប្រកួតរបស់កីឡាករយុវជន
• ស្វែងរក និងអភិវឌ្ឍទេពកោសល្យពីសាលារៀននានា
• បង្កើតវិន័យ ការទទួលខុសត្រូវ និងស្មារតីក្រុម
• បង្កើតស្ពានភ្ជាប់ពីសាលារៀនទៅកាន់ក្លិបអាជីព និងក្រុមជម្រើសជាតិ

ពានរង្វាន់វិទ្យាល័យអាចក្លាយជាគ្រឹះសំខាន់មួយសម្រាប់នាអនាគតបាល់ទាត់កម្ពុជាផងដែរ។

ការប្រកួតនេះបានធ្វើឡើង ថ្ងៃទី 11 កុម្ភៈ 2026 នៅ Nipatsu Mitsuzawa Stadium។
លទ្ធផល៖ Japan High School Select Team ឈ្នះ 2–0 លើ U-18 J-League Select Team។ 

អត្តបទដោយ : សាប៊ូន វិនតា
ប្រភពព័ត៌មាន : https://www.jleague.jp/match/next-generation/2026/021107/live/?utm_source=chatgpt.com

🇰🇭⚽ Proud Journey in Developing Cambodia’s Future Stars! ✨

From 2016–2021, I had the honor to serve as Assistant Coach at both the Cambodia National Youth Teams (U14–U19) and the National Football Training Center.

🌍 Competitions & Missions:
🔹 AFC & AFF Youth Tournaments (Brunei, Thailand, Mongolia, Indonesia, Japan, Vietnam)
🔹 FIFA World Cup Preliminary Qualifier Round with Senior Team 🇰🇭 vs 🇵🇰 in Qatar
🔹 Exchange with Japan’s top academies: Velgata Sendai & Shonan Bellmare

I’m passionate about building technically skilled, disciplined, and intelligent young footballers. Our youth are the future of Cambodian football. Let’s develop them the right way. 💪

កម្មវិធី CPL Honor 2025 🇰🇭

កុំយកភាពភ័យខ្លាចមកបន្លាចក្តីសុបិន្តខ្លួនឯង! ត្រូវតែជឿជាក់លេីខ្លួនឯងគ្រប់ពេលវេលា​មិនថាស្ថិតក្នុងស្ថានភាពបែបណាក៏ដោយគង់មានថ្ងៃរបស់យេីងមកដល់។

ការប្រកួតបាល់ទាត់សាមគ្គីរួមគ្នាគ្រួសារបាល់ទាត់កម្ពុជាគ្រប់ផ្នែកទាំងអស់ជាប្រវត្តិសាស្រ្តលើកទី១នៅវិស័យបាល់ទាត់កម្ពុជា។
ពិតជាសប្បាយរីករាយនិងមានកិត្តិយសជាខ្លាំងដែលបានចូលរួមក្នុងព្រឹត្តិការណ៍មួយនេះ។

សូមអគុណដល់ក្រុមហ៊ុនលីគ CPL និងសហព័ន្ធកីឡាបាល់ទាត់កម្ពុជា FFC ក្រុមការងាររៀបចំរបស់ទីលានបាល់ទាត់ AIA KHM Stadium។

📸 CPL