Yoga With Kimly

នៅក្នុងព្រះពុទ្ធសាសនា មានសម្តែងអំពីបំណុល ។
(សេចក្តីសុខរបស់គ្រហស្ថ ឬអ្នកគ្រប់គ្រងផ្ទះ) ដែលក្នុងនោះមាននិយាយអំពីបំណុល៖
១ សេចក្តីសុខ កើតពីការមិនមានបំណុល មិនជំពាក់ទ្រព្យគេ។
២. សេចក្តីសុខ កើតពីការប្រកបការងារដែលគ្មានទោស (មិនខុសច្បាប់ មិនខុសសីលធម៌)។

ហេតុអ្វីបានជា "ការមិនមានបំណុល" ស្មើនឹង "សេចក្តីសុខ"? ព្រោះវាផ្តល់នូវ៖

សេរីភាពផ្លូវចិត្ត៖ នៅពេលយប់ អ្នកអាចគេងលក់បានស្កប់ស្កល់ ដោយមិនចាំបាច់បារម្ភពីថ្ងៃស្អែកថានឹងត្រូវរកលុយពីណាមកសងការប្រាក់ ឬខ្លាចគេមកទារបំណុលឡើយ។

សេរីភាពនៃជម្រើស ៖ អ្នកមានសិទ្ធិសម្រេចចិត្តលើជីវិតខ្លួនឯង។ អ្នកមិនចាំបាច់បង្ខំចិត្តធ្វើការងារដែលអ្នកស្អប់ ឬទ្រាំរស់ក្នុងបរិយាកាសការងារដែលបៀតបៀនផ្លូវចិត្ត គ្រាន់តែដើម្បីយកប្រាក់ខែ ប្រាក់ចំណូល ដោះស្រាយបំណុលនោះទេ។

សន្តិភាពក្នុងចិត្ត ៖ មិនថាផ្ទះតូច ឬធំ នៅពេលគ្មានបំណុលគឺដេកលក់ស្រួល ។

ទោះយ៉ាងនេះក្តី បំណុលមិនមែនសុទ្ធតែអាក្រក់ទេ ប៉ុន្តែការចាត់ចែងបំណុលឱ្យទៅជាទ្រព្យសកម្ម មិនមែនជារឿងងាយស្រួល ។ បេីយេីងមានសមត្ថភាពចាត់ចែង និងគ្រប់គ្រងបំណុលបាន ជាការប្រពៃហេីយ ។

ជួយពន្លាតទ្រូង និងសួត: ជួយបើកតំបន់ទ្រូងឱ្យរីកធំ ដែលជួយឱ្យការដកដង្ហើមបានជ្រៅ និងល្អជាងមុន។ វាស័ក្តិសមបំផុតសម្រាប់អ្នកដែលចំណាយពេលអង្គុយធ្វើការច្រើននៅការិយាល័យ។

ជួយកាត់បន្ថយការឈឺចង្កេះ និងខ្នង: ការពន្លាតឆ្អឹងខ្នងទៅក្រោយជួយកាត់បន្ថយសម្ពាធលើថាសឆ្អឹងខ្នង និងពង្រឹងសាច់ដុំខ្នងឱ្យមានភាពបត់បែន។

សម្រួលប្រព័ន្ធរំលាយអាហារ: ក្បាច់នេះជួយពន្លាតសាច់ដុំពោះ ដែលផ្តល់ការម៉ាស្សាដល់សរីរាង្គក្នុងពោះ ជួយដល់ការរំលាយអាហារបានល្អ។

បង្កើនចរន្តឈាមទៅកាន់ខួរក្បាល: នៅពេលក្បាលស្ថិតនៅទាបជាងបេះដូង ។ វាជួយឱ្យឈាមរត់ទៅចិញ្ចឹមខួរក្បាលបានល្អ ។

យោងតាមសៀវភៅ (Hatha Yoga Pradipika - HYP) ដែលនិពន្ធដោយលោក (Swatmarama) បានលេីកឡេីងថា៖
ក្បាច់យោគៈ (Asana) ត្រូវបានគេនិយាយថា ជួយធ្វើឱ្យចិត្តគំនិតមានស្ថិរភាព (ស្ងប់ល្អ) ពីព្រោះវាជួយកាត់បន្ថយ Rajo Guna ដែលជាគុណភាពនៃថាមពលបង្កឱ្យចិត្តរវើរវាយ មិននឹងន។
ភាពធ្ងន់ស្រពាប់ស្រពោននៃរាងកាយ គឺបណ្តាលមកពីការកើនឡើងនៃ Tamo Guna ហើយការហាត់ក្បាច់យោគៈអាចជួយកម្ចាត់ភាពធ្ងន់នេះបាន។

ការមិនមានតុល្យភាពនៃធាតុទាំងបីនៅក្នុងរាងកាយ ពោលគឺ ធាតុ Vata, Pitta, Kapha គឺជាមូលហេតុចម្បងដែលបង្កឱ្យមានជំងឺផ្សេងៗ ដែលបញ្ហាទាំងនេះអាចត្រូវបានដោះស្រាយ និងកម្ចាត់ចោលតាមរយៈការហាត់ក្បាច់យោគៈ។

មុនពេលអនុវត្តយោគៈ
១. គួរតែបន្ទោបង់ (នោម និងបត់ជើងធំ) ឱ្យបានរួចរាល់។
២. គួរទុក រយៈពេលយ៉ាងតិចបំផុត ១ ម៉ោង បន្ទាប់ពីអាហារ /ញុំាទឹកតែ/កាហ្វេ/ទឹកផ្លែឈើ ឬភេសជ្ជៈផ្សេងៗ។
៣. ជៀសវាងការញុំាទឹក រយៈពេលកន្លះម៉ោងមុនពេលអនុវត្ត។

ក្នុងអំឡុងពេលអនុវត្ត៖

១. ត្រូវយកចិត្តទុកដាក់ខ្ពស់ មិនត្រូវធ្វើចលនាកន្ត្រាក់ៗ ឬបង្ខំឱ្យមានការតានតឹងដល់រាងកាយ និងផ្លូវចិត្តឡើយ (ពេលកំពុងអនុវត្ត មិនត្រូវធ្វើឱ្យហួសពីដែនកំណត់នៃកាយវិភាគសាស្ត្ររបស់បុគ្គលម្នាក់ៗនោះទេ)។

២. មិនត្រូវទប់ដង្ហើមឡើយ នៅរាល់គ្រប់ដំណាក់កាលទាំងអស់នៃការអនុវត្តយោគៈ (Yoga)។

ក្រោយពេលអនុវត្តរួច៖
១. គួរទុករយៈពេលយ៉ាងតិច ១៥ នាទី សិន មុននឹងទទួលទានទឹកតែ/កាហ្វេ/ទឹកផ្លែឈើ, ងូតទឹក ឬធ្វើលំហាត់ប្រាណផ្សេងៗ និងទុក រយៈពេលកន្លះម៉ោង មុននឹងទទួលទានអាហារ។

អនុញ្ញាតឱ្យខ្លួនឯង មានពេលហាត់យោគៈខ្លះ ដើម្បីសុខភាពរាងកាយ និងស្មារតីរឹងមាំ។

នៅពេលដែលយើងពត់សន្ធឹងខ្លួនផង និងទម្លាក់អារម្មណ៍ឱ្យធូរស្រាលផង នោះវានឹងគ្មានការរវើរវាយញាប់ញ័រនៃចិត្ត ឬរាងកាយឡើយ។ តុល្យភាពរវាងសកម្មភាព និងអកម្មភាពនេះហើយ ដែលនឹងផ្លាស់ប្តូរខួរក្បាលដែលកំពុងសកម្ម ឱ្យទៅជាអ្នកសង្កេតការណ៍ (ដឹង និងមើលឃើញអ្វីៗតាមការណ៍ពិតដោយស្ងប់ស្ងាត់)។
By B.K.S Iyengar

វិធីសាស្រ្តបង្រៀនយោគៈ
១. បង្រៀនដោយធ្វើក្បាច់ជាមួយសិស្សសុទ្ធ ។
២. បង្រៀនដោយធ្វើក្បាច់ជាមួយសិស្សខ្លះ ដើរពិនិត្យកែតម្រូវសិស្សខ្លះ។
៣.បង្រៀនដោយនិយាយប្រាប់សិស្សសុទ្ធតែម្តង។
របៀបកែសិស្ស
១. កែដោយពាក្យនិយាយ
២.កែដោយធ្វើក្បាច់បង្ហាញ
៣.កែដោយប៉ះសិស្ស កាន់សិស្ស
៤.កែដោយប្រើឧបករណ៍យោគៈ
របៀបគ្រប់គ្រងថ្នាក់​
១. សិស្សចាស់ ឱ្យនៅខាងនៃថ្នាក់។
២. សិស្សថ្មីឱ្យនៅកណ្តាលថ្នាក់។
៤. សិស្សថ្មី៖ បើគាត់ធ្វើក្បាច់មិនទាន់បាន ត្រូវបង្ហាញក្បាច់ Modification ឱ្យពួកគេ។
របៀបប្រើសម្លេង
១.​សិស្សមានចំនួនតិច និយាយដោយសម្លេងល្មម។
២.សិស្សមានចំនួនច្រើន និយាយឱ្យលឺដល់សិស្សគ្រប់គ្នា ។
៣.​ក្បាច់លំបាកនិយាយឱ្យលឺពោលពេញដោយថាមពលជម្រុងឱ្យពួកគេប្រឹងធ្វើ។
៤.ក្បាច់កំដៅសាច់ដុំ និងក្បាច់សម្រាកចុងក្រោយ​ឱ្យនិយាយសំដីថ្មមបំពេរអារម្មណ៍ពួកគេ។​
របៀបអភិវឌ្ឍខ្លួន
១.ត្រូវអនុវត្តយោគៈដោយខ្លួនឯង។
២.ត្រូវចូលរួមថ្នាក់ជាមួយគ្រូផ្សេងៗ។