NUBB United

យើងនិងបន្តបេសកកម្មបន្តទៀតក្នុងពានរង្វាន់បាល់ទះក្រុមសេនាតេជោ សន្តិភាពឆ្នាំ២០២៦🏐❤️

សូមគោរពថ្លែងអំណរគុណ និងកោតសរសើរដោយស្មោះអស់ពីដួងចិត្តជូនចំពោះ ឯកឧត្តម សុខ ឃន សាកលវិទ្យាធិការ នៃសាកលវិទ្យាល័យជាតិបាត់ដំបង ដែលតែងតែយកចិត្តទុកដាក់ខ្ពស់ចំពោះសុខទុក្ខ ការសិក្សា និងការអភិវឌ្ឍសមត្ថភាពរបស់និស្សិតគ្រប់រូប។ ក្រោមការដឹកនាំប្រកបដោយចក្ខុវិស័យ និងការទទួលខុសត្រូវខ្ពស់របស់ឯកឧត្តម សាកលវិទ្យាល័យជាតិបាត់ដំបងបានបន្តរីកចម្រើន និងបង្កើតឱកាសជាច្រើនសម្រាប់និស្សិតក្នុងការអភិវឌ្ឍចំណេះដឹង ជំនាញ និងសមត្ថភាពរបស់ខ្លួនឱ្យកាន់តែប្រសើរឡើង។
ឯកឧត្តមមិនត្រឹមតែយកចិត្តទុកដាក់លើវិស័យអប់រំប៉ុណ្ណោះទេ ប៉ុន្តែថែមទាំងផ្តល់សារៈសំខាន់យ៉ាងខ្លាំងដល់វិស័យកីឡា ដែលជាផ្នែកមួយដ៏សំខាន់ក្នុងការអភិវឌ្ឍធនធានមនុស្សប្រកបដោយគុណភាព។ ឯកឧត្តមតែងតែជំរុញ លើកទឹកចិត្ត និងគាំទ្រដល់និស្សិតឱ្យមានឆន្ទៈមុតមាំ ខិតខំប្រឹងប្រែង រៀនសូត្រ និងហ្វឹកហាត់កីឡាដោយភាពអត់ធ្មត់ និងការតស៊ូ ដើម្បីសម្រេចបាននូវលទ្ធផលល្អប្រសើរទាំងក្នុងការសិក្សា និងការប្រកួតកីឡា។ ការលើកទឹកចិត្តរបស់ឯកឧត្តមបានក្លាយជាកម្លាំងចិត្តដ៏ធំធេងសម្រាប់និស្សិតជាច្រើន ក្នុងការបន្តដំណើរឆ្ពោះទៅរកភាពជោគជ័យ។
ជាពិសេស ឯកឧត្តមតែងតែបង្ហាញពីសមានចិត្តដ៏ថ្លៃថ្លា តាមរយៈការចំណាយថវិកាផ្ទាល់ខ្លួន ដើម្បីឧបត្ថម្ភ និងគាំទ្រដល់សកម្មភាពនានារបស់និស្សិត ទាំងក្នុងវិស័យអប់រំ និងវិស័យកីឡា។ ការឧបត្ថម្ភទាំងនេះបានជួយសម្រួលដល់និស្សិតក្នុងការចូលរួមប្រកួត ការសិក្សាស្រាវជ្រាវ និងសកម្មភាពអភិវឌ្ឍសមត្ថភាពផ្សេងៗ ដោយផ្តល់ឱកាសឱ្យពួកគេអាចបង្ហាញនូវទេពកោសល្យ សមត្ថភាព និងស្នាដៃរបស់ខ្លួននៅលើឆាកនានា ទាំងថ្នាក់ជាតិ និងអន្តរជាតិ។
ក្នុងនាមនិស្សិត និងក្រុមគ្រួសារសាកលវិទ្យាល័យជាតិបាត់ដំបង សូមសម្តែងនូវការដឹងគុណយ៉ាងជ្រាលជ្រៅចំពោះការយកចិត្តទុកដាក់ ការគាំទ្រ និងការលះបង់ដ៏មានតម្លៃរបស់ឯកឧត្តម ដែលបានរួមចំណែកយ៉ាងសំខាន់ក្នុងការកសាងធនធានមនុស្សប្រកបដោយសមត្ថភាព ចំណេះដឹង សីលធម៌ និងភាពជាអ្នកដឹកនាំសម្រាប់សង្គមជាតិ។ សូមគោរពជូនពរ ឯកឧត្តម សុខ ឃន និងក្រុមគ្រួសារ សូមទទួលបាននូវសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ និងជោគជ័យគ្រប់ភារកិច្ច ដើម្បីបន្តដឹកនាំ និងអភិវឌ្ឍសាកលវិទ្យាល័យជាតិបាត់ដំបងឱ្យកាន់តែរីកចម្រើន និងសម្រេចបានសមិទ្ធផលថ្មីៗបន្ថែមទៀតនាពេលអនាគត។ 🙏💙💛

🏆🥇❤️❤️⚽️

❤️❤️

កម្រងរូបភាពនៃការប្រកួតពានរង្វាន់ឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំ២០២៦ បាល់ទះផ្នែកបុរស។