Ассоциация футзала Кыргызской Республики

🚨 КФБнын Калыстар бөлүмүнүн чечими

2026-жылдын 6–7-июнунда өткөн Кыргыз Республикасынын футзал боюнча Суперлигасынын 2025/26 сезонундагы оюндардын жыйынтыгы боюнча КФСтин Калыстар бөлүмү калыстыктын сапатына талдоо жүргүздү.

2026-жылдын 6-июнунда өткөн «Нарын» — «Toyota» беттешиндеги калыстар чечимдерин карап чыгып, төмөнкүдөй чечим кабыл алынды:

▪️ Оюндун биринчи калысы Суперлиганын 3 туруна дайындоолордон четтетилди;
▪️ Экинчи калыс Суперлиганын 2 туруна дайындоолордон четтетилди;
▪️ Үчүнчү жана төртүнчү калыстарга эскертүү берилди;
▪️ Беттешти тейлеген калыстар бригадасынын сый акысы кыскартылды.

Мындай чаралар аталган оюнда калыстар тарабынан кетирилген олуттуу каталардын негизинде кабыл алынды.

КФБнын Калыстар бөлүмү калыстыктын сапатына мындан ары да көзөмөл жүргүзүп, анын деңгээлин жогорулатууга багытталган зарыл чараларды көрүүнү улантат.

😍 «Дс групп Нарын»🆚«Toyota
» беттешинин Мыкты
оюнчусу болуп Кубанычов Кайрат табылды🔥

Кыргыз Республикасынын футзал боюнча Чемпионатынын өнөктөштөрү - «AgroProduct» жана «Joma» компаниялары.

#Суперлига

🔥 «Дс Групп Нарын» командасы «Toyotaн» командасын финалдагы экинчи беттеште (6:4) эсебинде жеңип алды!

📊 Сериядагы эсеп — 1:1

🥉 Суперлига 2025–2026 сезонунун коло байгеси — «Достук» командасында!

👏 Куттуктайбыз оюнчуларды, машыктыруучуларды жана күйөрмандарды!

🔥 Татыктуу жыйынтык, чоң жеңиштер али алдыда!

😍 «Достук»🆚«Артбласт групп» беттешинин Мыкты
оюнчусу болуп Жакыпов Даулес табылды🔥

Кыргыз Республикасынын футзал боюнча Чемпионатынын өнөктөштөрү - «AgroProduct» жана «Joma» компаниялары.

#Суперлига

🔥 «Достук» командасы «Артбласт Групп» командасын экинчи беттеште (7:2) эсебинде жеңип коло байгенин ээси болду!

📊 Сериядагы эсеп — 2:0
Достук командасынын пайдасында👏

⚽️ ГОЛДОР:
Бейшенов (19’), Жумабеков (14’), Сайдалиев (10’), Абдуллаев(36’), Жакыпов (25’33’40’) - Кенешбеков (2’), Жумадилов(21’)

✔️СТАРТТЫК КУРАМ | СТАРТОВЫЙ СОСТАВ

🕖 БАШТАЛЫШЫ — 20:00
🎥 Түз алып берүү -

🚨 КФБнын Тартип комитетинин чечими

КФБнын Тартип комитети 2026-жылдын 7-июнундагы КФБнын Калыстар комитетинин Эксперттик-аналитикалык комиссиясынын корутундусун карап чыгып, 2025–2026-жылдардагы футзал боюнча Кыргыз Республикасынын чемпионатынын (Суперлига) алкагында 2026-жылдын 6-июнунда Нарын шаарындагы «Газпром» спорткомплексинде өткөн «ДС Групп Нарын» жана «Toyota» командаларынын ортосундагы беттеш боюнча төмөнкүлөрдү аныктады.
Иш материалдарына жана беттештин видеожазууларына ылайык, Тартип комитети оюндун экинчи таймында орун алган эки эпизодду карап чыкты.
Биринчи эпизоддо, беттештин 24-мүнөтүндө, «Toyota» командасынын №5 оюнчусу Мориньо Маркос топ үчүн күрөшүп жатып бутун өтө бийик көтөрүп ойноп, «ДС Групп Нарын» командасынын №26 оюнчусуна сокку урган. Видеожазууну изилдөөнүн жыйынтыгында оюнчунун аракетинде ашыкча күч колдонулгандыгы жана атаандаштын коопсуздугуна коркунуч жараткандыгы аныкталып, бул Оюндун эрежелерин олуттуу бузуу (орой оюн) катары бааланды. Бул эпизод үчүн беттештин калысы оюнчуга эскертүү (сары айып кагаз) көрсөткөн.
Экинчи эпизоддо, беттештин 25-мүнөтүндө, «Toyota» командасынын №21 оюнчусу Туратбеков Ислам топ үчүн күрөштө түз буту (табан жагы) менен кирип барып, атаандашынын бутуна сокку урган.

Жогоруда баяндалгандардын негизинде жана КФБнын Тартип кодексин жетекчиликке алуу менен, Тартип комитети төмөнкүдөй чечим кабыл алды:
1. «Toyota» командасынын №5 оюнчусу Мориньо Маркос КФБнын Тартип кодексинин 94-беренесинин 2-бөлүгүндө каралган тартиптик эреже бузууну жасаган деп табылып, ага 3 (үч) беттешке четтетүү түрүндөгү тартиптик жаза колдонулсун.
2. «Toyota» командасынын №21 оюнчусу Туратбеков Исламга карата кошумча спорттук санкциялар колдонулбасын, беттештин калысы тарабынан берилген эскертүү (сары айып кагаз) күчүндө калтырылсын.

Бул беттешти тейлеген калыстар бригадасына карата Калыстар бөлүмүнүн чечими 2026-жылдын 8-июнунда кабыл алынат.

✔️СТАРТТЫК КУРАМ | СТАРТОВЫЙ СОСТАВ

🕖 БАШТАЛЫШЫ — 19:00
🎥 Түз алып берүү -