ÍBV Handbolti

🇮🇸 U16 ára landslið karla - leikir í Færeyjum

Fannar Ingi Gunnarsson og Matthías Sigurðsson fóru í byrjun júní með U16 ára landsliði karla til Færeyja, þar sem leiknir voru tveir vináttulandsleikir við heimamenn.

Íslenska liðið sigraði báða leikina nokkuð sannfærandi en strákarnir fengu flotta reynslu út úr þessu verkefni.

Fannar og Matti stóðu sig vel í þessu verkefni og erum við hjá ÍBV mjög stolt af þeim.

Til hamingju með ykkar framlag fyrir Íslands hönd! 🤍

🇮🇸 U18 ára landslið kvenna - leikir í Póllandi

Klara Káradóttir fór í æfingaferð á dögunum með U18 ára landsliði kvenna. Liðið ferðaðist til Katowice í Póllandi og lék þar tvo æfingaleiki við heimastúlkur.

Ísland vann fyrri leikinn 38-32 en þeim síðari lauk með eins marks sigri pólska liðsins. Ferðin var virkilega vel heppnuð, skemmtileg og fer í reynslubankann hjá þessum flotta hópi.

Klara stóð sig með mikilli prýði og erum við hjá ÍBV mjög stolt af henni.

Til hamingju Klara með þitt framlag fyrir Íslands hönd! 🤍

🇮🇸 U20 ára landslið karla - EM í Rúmeníu

Andri Erlingsson og Elís Þór Aðalsteinsson hófu í gær leik með U20 ára landsliði karla á EM sem haldið er í Rúmeníu.

Íslenska liðið byrjaði mótið á sigri gegn Austurríki í leik gærdagsins, 32-27. Okkar menn léku vel í leiknum en Andri skoraði 7 mörk og Elís Þór 3.

Næsti leikur liðsins er í dag þegar strákarnir mæta Spánverjum kl.14:00 á íslenskum tíma. Síðasti leikur riðilsins er svo á laugardaginn þegar þeir mæta Lettlandi.

Hægt er að fylgjast með leikjunum hér: https://handball-globe.tv/
Við erum afar stolt af Andra og Elís Þór og óskum þeim góðs gengis í þessu spennandi verkefni!

Áfram Ísland! 🤍

🇮🇸 U16 ára landslið kvenna - European Open

Tanja Harðardóttir lék nú á dögunum með U16 ára landsliði kvenna sem tók þátt á European Open sem haldið var í Gautaborg í Svíþjóð. Liðið lék 8 leiki á 5 dögum og hlutu þær mikla og góða reynslu í þessu móti.

Tanja stóð sig virkilega vel á sínu fyrsta móti með landsliði og erum við hjá ÍBV ótrúlega stolt af henni.

Til hamingju Tanja með þitt framlag fyrir Íslands hönd! 🤍

🇮🇸 U20 ára landslið kvenna - HM í Kína

Alexandra Ósk Viktorsdóttir, Ásdís Halla Hjarðar og Birna María Unnarsdóttir voru í eldlínunni þegar U20 ára landslið Íslands lék á HM í Kína á dögunum. Liðið endaði í 19 sæti mótsins.

Stelpurnar okkar stóðu sig með miklum sóma í þessu skemmtilega en krefjandi verkefni og erum við hjá ÍBV afar stolt af þeim.

Á meðfylgjandi myndum eru stelpurnar okkar ásamt Sunnu Jónsdóttir, sem lék um árabil hjá ÍBV og var í þjálfarateymi liðsins.

Til hamingju með stelpur með ykkar framlag fyrir Íslands hönd! 🤍

⚔️ LOKASPRETTURINN – TÝR eða ÞÓR? ⚔️

Nú styttist heldur betur í að við sendum inn pöntunina á retro treyjunum og í kvöld er síðasti séns til að tryggja sér treyju í þessari fyrstu pöntun! 🤍🖤

👀
⚪️ TÝR – 41%
⚫️ ÞÓR – 59%

Þórarar hafa forystu og virðast ekki ætla að gefa eftir🔥

En er þetta endanlega niðurstaðan? Eru Týrarar tilbúnir að láta gömlu keppinautana vinna þessa baráttu eða verður síðasti spretturinn nægur til að snúa taflinu við?

Retro treyjurnar eru einstakt tækifæri til að eignast hluta af sögu Vestmannaeyja og heiðra þau félög sem lögðu grunninn að þeirri öflugu íþróttahreyfingu sem við eigum í dag.

⏰ Pöntunarfrestur rennur út í kvöld fyrir fyrstu sendingu.

Hvort stendur þú með TÝR eða ÞÓR?

Skráðu pöntunina áður en það verður um seinan!
https://forms.office.com/e/GxgjsPsNa6




Áfram ÍBV – alltaf, alls staðar! 🤍🖤

⚔️ ÁMINNING – MÁTUNARDAGUR Á MORGUN! ⚔️

Ertu óviss um hvaða stærð hentar þér best í TÝR eða ÞÓR treyjunni? 🤔

Munum að mátunardagur retro treyjanna fer fram á morgun, 16. júní, í Íþróttamiðstöðinni:

🕛 12:00–13:00
🕓 16:00–18:00

Við hvetjum alla sem eru að hugsa um að panta sér treyju að kíkja við og finna réttu stærðina áður en pantað er.

⚪️ TÝR eða ⚫️ ÞÓR?
Hvor treyjan verður vinsælli?

Treyjurnar verða aðeins framleiddar eftir pöntunum, svo ekki missa af tækifærinu að eignast einstakan hluta af sögu Vestmannaeyja.

Pantaðu þína treyju hér:
https://forms.office.com/e/GxgjsPsNa6



Áfram ÍBV – alltaf, alls staðar! 🤍🖤

⚔️ TÝR eða ÞÓR? ⚔️

Gamla keppnin lifnar við! 🤍🖤

ÍBV Handbolti býður nú upp á einstaka retro treyju í heiðursskyni við félögin sem lögðu grunninn að þeirri sögu sem við byggjum á í dag – TÝR og ÞÓR.

Nú gefst öllum Eyjamönnum, fyrrum Týrurum, Þórurum og stuðningsfólki ÍBV tækifæri til að tryggja sér sína treyju og um leið taka þátt í skemmtilegri keppni.

🔥 Hvort selst meira af?
⚪️ TÝR
⚫️ ÞÓR

Við munum birta stöðuna reglulega og sjá hvort félagið á sterkari stuðningsmenn árið 2026!

Treyjurnar verða aðeins framleiddar eftir pöntunum og því er þetta einstakt tækifæri til að eignast hluta af sögu Vestmannaeyja.

Treyjan er á 13.000kr
Ef pantað eru 3 treyjur er verðið 30.000kr

ATH !
Mátunardagur verður á þriðjudaginn 16. júní kl 12:00-13:00 og aftur kl 16:00-18:00 í Íþróttamiðstöðinni.
svo verða treyjur til sýnis niður í Týs heimili frá 18. júní.
módelið Breki okkar er 184cm og er í stærð (XL) í TÝR treyju og (S) í ÞÓR treyju.

pantaðu þína treyju með þessum link hér að neðan og veldu þitt lið!
https://forms.office.com/e/GxgjsPsNa6



Áfram ÍBV – alltaf, alls staðar! 🤍🖤

🏆 Til hamingju, Dagur! 🏆

Við hjá ÍBV Handbolta viljum óska Degi Arnarssyni innilega til hamingju með háttvísisverðlaun HSÍ sem hann hlaut á uppskeruhátíð HSÍ fyrir framkomu sína og heiðarleika á handboltavellinum. 👏🤍🖤

Háttvísisverðlaun eru meðal þeirra verðlauna sem hvað mestur heiður fylgir enda byggja þau á gildum sem skipta íþróttahreyfinguna miklu máli; virðingu, heiðarleika, framkomu og fyrirmyndarhlutverki.

Dagur Arnarsson hefur ávallt verið frábær fulltrúi félagsins og sýnt með framkomu sinni hvað það þýðir að bera merki ÍBV af stolti. Slíkar viðurkenningar eru ekki aðeins verðlaun fyrir einstaklinginn heldur einnig viðurkenning á þeim gildum sem hann stendur fyrir.

Við erum gríðarlega stolt af Degi og óskum honum innilega til hamingju með þessa verðskulduðu viðurkenningu.

Þvílík fyrirmynd! 🖤🤍

Áfram ÍBV – alltaf, alls staðar! 🤍🖤