28/09/2026
Á laugardaginn síðasta héldum við frábært slútt á draugabarnum og afhendum leikmönnum verðlaun fyrir tímabilið 2026.
Þetta var erfitt val hjá þjálfurum þar sem oft gerðu fleiri en einn tilkall til verðlauna.
Leikmaður og miðjumaður ársins er Ingvi Rafn Óskarsson. Ingvi átti frábært tímabil og sýndi það svo sannarlega í úrslitakeppninni að drengurinn er með alvörugæði.
Efnilegastur var valinn David Örn Aitken Sævarsson. David er einungis 18 ára og var að stíga sín fyrstu skref í meistaraflokki. Hann óx og óx er leið á tímabilið og erum við með miklar væntingar til hans.
Mestu framfararir fékk Jóhann Fannar Óskarsson. Jóhann var færður á miðjuna í sumar og eignaði sér þá stöðu með flottum frammistöðum.
Mattabikarinn var afhendur að venju en það er raun mikilvægasti bikarinn enda besti liðsfèlaginn. Hann fèkk öðlingurinn Atli Dagur, verðskuldað.
Besti varnarmaður var Elfar Ísak Halldórsson. Elfar kom í vor og var gríðarlega öflugur og sannur leiðtogi í vörninni
Sóknarmaður ársins og markakóngur var Arilíus Óskarsson.
Alli var frábær í sumar og var með 9 mörk í 15 leikjum. Stórkostlegur innan sem utan vallar.
Einnig voru Ingvi Rafn og Arilíus valdir í lið ársins eftir frábært tímabil hjá þeim
Þökkum styrktaraðilum og stuðningsmönnum innilega fyrir stuðninginn, án ykkar væri þetta ekki hægt. Erum strax byrjaðir að plana næsta tímabil og stefnum á að mæta hungraðir og tvíelfdir til leiks.
Stokkseyri rís!❤️🤍
