Grótta Handbolti

Soffía Helen með U16 í Gautaborg

Um síðustu helgi lauk Opna Evrópumótinu hjá U16 ára landsliðinu sem fór fram í Gautaborg dagana 29.júní – 3.júlí. Okkar manneskja, Soffía Helen Sölvadóttir úr Gróttu var valin til þátttöku sem er frábær viðurkenning fyrir hana. Íslenska liðið lék átta leiki á mótinu og endaði í 16.sæti mótsins. Liðið vann einn leik, gerði tvö jafntefli og tapaði fimm leikjum.

Soffía Helen stóð sig vel í sínu fyrsta alvöru móti. Hún mun án efa nýta þessa reynslu til frekari afreka með Gróttu á næstu misserum.

Flott viðtal við Ídu Margréti Stefánsdóttur á nýjum handboltavef, harpix.is þar sem rætt er við hana um næsta tímabil.

Okkar markmið er að komast í úrslitakeppnina Olísdeild karla — HARPIX.IS

Silfurverðlaun hjá 5.flokki kvenna

Stelpurnar á yngra ári í 5.flokki mættu á síðasta mót vetrarins í maí. Mótið fór fram hjá Fram í Úlfarsárdal.

Yngra árs stelpurnar voru 9 talsins en svo spiluðu stelpurnar á eldra ári í 6.flokki sem eitt lið, þær voru 8 talsins,

Liðin spiluðu í 1.deild og 4.deild. 1.deildin var gríðarlega spennandi, liðið spilaði fjóra gríðarlega jafna leiki, þrír töpuðust og einn sigur. Í 4.deildinni unnu 6.flokks stelpurnar alla fjóra leikina sína sannfærandi.

Flottur vetur að baki hjá 5.flokknum. Yngra árið tók á móti silfurverðlaunum fyrir Íslandsmótið yfir veturinn. Virkilega vel gert hjá þeim!

Róbert Dagur í Gróttu

Handknattleiksdeild Gróttu hefur samið við Róbert Dag Davíðsson til næstu tveggja ára. Róbert Dagur er tvítugur og leikur sem vinstri hornamaður. Hann er uppalinn í FH og lék með öllum yngri flokkum félagsins. Hann lék með Fjölni í Olísdeildinni tímabilið 2024-2025 og síðan með ÍH í Grill 66-deildinni á síðastliðnu tímabili þar sem hann skoraði 56 mörk.

„Við fögnum því að fá Róbert Dag í okkar raðir. Hann er góður sóknarlega og getur leyst nokkrar stöður fyrir okkur varnarlega. Hann mun mynda frábært hornateymi vinstra megin með Kára Kvaran. Ég hlakka mikið til að vinna með honum næstu árin“, sagði Andri Sigfússon þjálfari liðsins þegar samningur var kominn í hús.

Velkominn í Gróttu, Róbert !

5.flokkur kvenna á Framtille

Í byrjun júní tók 5.flokkur kvenna þátt á Framtille, úti handboltamóti í Úlfarsárdal. Stelpurnar voru 11 talsins og léku sem eitt lið. Þær spiluðu við Hauka, Stjörnuna, Fram og Selfoss. Þær unnu tvo leiki, gerðu eitt jafntefli og töpuðu einum leik.

Mótið heppnaðist vel og skemmtu stelpurnar sé konunglega á þessum endapunkti tímabilsins.

Vestmannaeyjaferð 5.flokks kvenna

Í maí fóru stelpurnar á eldra ári í 5.flokki á sitt síðasta yngri flokka mót. Mótið var haldið í Vestmannaeyjum og lögðu stelpurnar af stað á föstudeginum.

Liðið spilaði fjóra leiki, þar sem þrír töpuðust tæpt eftir hörkuleiki. Liðið vann svo góðan sigur í síðasta leik. Á kvöldvöku kvöldsins fór fram leikur landsliðsins og pressuliðsins. Björg Guðmundsdóttir línumaður var valin til að spila fyrir hönd Gróttu. Hún lék með landsliðinu í leiknum og stóð sig mjög vel.

Stelpurnar sýndu góða baráttu og spiluðu vel á mótinu.

Hallgrímur í Gróttu

Hallgrímur Jónasson hefur verið ráðinn markmannsþjálfari meistaraflokks karla hjá Gróttu. Þá mun hann einnig þjálfa markverði yngri flokka félagsins. Hallgrímur er einn reyndasti markmannsþjálfari landsins auk þess að hafa þjálfað yngri flokka um árabil. Hann átti sömuleiðis farsælan feril sem markmaður.

Það eru virkilega ánægjuleg tíðindi að Hallgrímur verði hjá Gróttu enda öflugur markmannsþjálfari sem markmenn meistaraflokks karla og yngri flokka munu njóta góðs af.

Velkominn í Gróttu, Haddi !

Sumarstarf handboltans

Seinni hluta sumars fer sumarstarf handboltans af stað líkt og undanfarin ár. Í boði verður handboltaskóli fyrir krakka f. 2015-2020 og afreksskóli fyrir iðkendur f. 2011-2014.

Handboltaskóli Gróttu/KR
* Fyrir krakka f. 2015-2020
* Mán, þri, mið, fim og fös
* kl. 09:00-12:00. Boðið upp á gæslu 08-09 og 12-13
* Krakkarnir þurfa að hafa með sér nesti

Afreksskóli Gróttu/KR
* Fyrir iðkendur f. 2011-2014
* kl. 12:30-14:00
* Mán, þri, mið og fim
* Styrktaræfing 2x í viku og fyrirlestur 2x í viku áður en formleg æfing í sal hefst

Skráning fer fram í Abler:
Handboltaskóli: https://www.abler.io/shop/grotta?program=Q2x1YlNlcnZpY2U6NTc4NzM=

Afreksskóli: https://www.abler.io/shop/grotta?program=Q2x1YlNlcnZpY2U6NTc4NzY=

Allar nánari upplýsingar gefa yfirþjálfarar, [email protected] og [email protected]

Sverrir framlengir

Sverrir Arnar hefur framlengt samninginn við Handknattleiksdeild Gróttu til tveggja ára. Sverrir er 18 ára gamall línumaður og lék lykilhlutverk með 3.flokki karla í vetur. Hann lék sömuleiðis tvo leiki með meistaraflokki í Gróttu á tímabilinu. Þess fyrir utan hefur hann leikið 25 leiki með Gróttu U og var hluti af bikarmeistaraliði Gróttu i 3.flokki fyrir rúmlega ári síðan.

Sverrir er ungur leikmaður og við erum spennt að fylgjast með áframhaldandi þróun hans næstu árin. Auk þess er Sverrir efnilegur þjálfari og hefur verið að þjálfa í yngri flokkum félagsins við góðan orðstír og mun hann halda því hlutverki áfram.

Handknattleiksdeildin fagnar þessum nýja samningi og er spennt að sjá Sverri í bláu áfram næstu árin.

3.flokkur karla fór í draumaferð til Þýskalands um miðjan júnímánuð. Strákarnir dvöldu fyrstu fjóra dagana í Gummersbach þar sem þeir æfðu með og léku æfingaleik við heimamenn. Sameiginlegu æfingarnar voru með U17 og U19 ára akademíuliðum Gummersbach. Æfingaleikurinn var gegn U17 ára liðinu og fór hann með fjögurra marka sigri heimamanna, 29-33.

Seinustu þrír dagar ferðarinnar voru í Köln þar sem Final 4 í meistaradeildinni fór fram í glæsilegri Lanxess-íþróttahöllinni. Þar sáu strákarnir hverja stórstjörnuna á fætur annarri og að lokum Barcelona með Viktor Gísla Hallgrímsson innanborðs verða Evrópumeistara eftir frábæra leiki.

Ferðin mun án efa skilja eftir ótal minningar enda vel heppnuð ferð hjá strákunum.