Grótta Knattspyrna

Grótta Knattspyrna Opinber Facebook síða Knattspyrnudeildar Gróttu.

Lokahóf 2026 💙💛Lokahóf knattspyrnudeildar Gróttu fór fram laugardaginn 26. september þar sem leikmenn og þjálfarar komu ...
28/09/2026

Lokahóf 2026 💙💛

Lokahóf knattspyrnudeildar Gróttu fór fram laugardaginn 26. september þar sem leikmenn og þjálfarar komu saman og fögnuðu tímabilinu sem er að baki.
Við tilefnið voru veitt verðlaun fyrir frammistöðu og framlag til liðsins á tímabilinu. Eftirfarandi leikmenn hlutu verðlaun:

🏆 Besti leikmaðurinn
KK - Guðmundur Rafn Ingason
KVK - Lovísa Davíðsdóttir Scheving

💯 100 leikja klúbburinn
Á lokahófinu voru fimm leikmenn sem enn eru að spila fyrir Gróttu heiðraðir fyrir að hafa náð þeim glæsilega áfanga að spila 100 leiki fyrir félagið. Það voru þau María Lovísa Jónasdóttir, Lovísa Davíðsdóttir Scheving, Axel Sigurðarson, Sigrún Ösp Aðalgeirsdóttir og Rakel Lóa Brynjardóttir.

⚽️ Gullskórinn
KK - Mattías Kjeld, 10 mörk
KVK - Nicole Douglas, 14 mörk

🫂Leikmaður leikmanna
KK - Axel Sigurðarson
KVK - María Lovísa Jónasdóttir

🌟 Efnilegasti leikmaðurinn
KK - Mattías Kjeld
KVK - Kristín Sara Arnardóttir

💪🏻 Naglinn
KK - Dagur Bjarkason
KVK - Kristín Þóra Birgisdóttir & Maya Neal

🚑 Hrökkbrauðið
KK - Nökkvi Már Nökkvason
KVK - Rakel Lóa Brynjardóttir

Knattspyrnudeild Gróttu óskar öllum innilega til hamingju með verðlaunin og þakkar öllum fyrir frábært sumar 🎉

Anton Bogdanov kveður Gróttu 👋🏻Finnski markmannsþjálfarinn Anton Bogdanov hefur ákveðið að láta af störfum hjá knattspyr...
26/09/2026

Anton Bogdanov kveður Gróttu 👋🏻

Finnski markmannsþjálfarinn Anton Bogdanov hefur ákveðið að láta af störfum hjá knattspyrnudeild Gróttu og heldur aftur heim til Finnlands.

Anton hóf störf hjá félaginu í byrjun árs og hefur á þeim tíma komið víða við í starfi deildarinnar. Hann hefur unnið með markvörðum yngri flokka félagsins auk þess að sinna markmannsþjálfun hjá meistaraflokkum karla og kvenna. Anton er gríðarlega metnaðarfullur þjálfari og hefur lagt mikla áherslu á fagleg vinnubrögð, fjölbreyttar æfingar og stöðugar framfarir hjá þeim markvörðum sem hann hefur unnið með.

Þótt dvöl hans hjá félaginu hafi ekki verið löng skilur hann eftir sig fótspor sem erfitt verður að feta í og mikilvægt framlag til uppbyggingar markmannastarfsins hjá Gróttu.

Anton er þákklátur fyrir tímann sinn hjá Gróttu: ,,Tíminn minn hjá Gróttu var sannarlega sérstakur og sú reynsla sem félagið veitti mér mun alltaf lifa í minningum mínum. Styrkur og fegurð félagsins felst í fólkinu í kringum það.💙 Allir þjálfarar, leikmenn og sjálfboðaliðar láta manni líða eins og heima hjá sér hjá Gróttu. Þetta er frábært félag fyrir metnaðarfulla, unga þjálfara til að öðlast reynslu og ábyrgð, og til að þroskast í starfi. Takk fyrir, til allra sem ég kynntist á þessum tíma. Áfram Grótta’’

Knattspyrnudeild Gróttu þakkar Antoni kærlega fyrir samstarfið og óskar honum góðs gengis í komandi störfum 💙💛

Mattías Kjeld seldur til KRMattías hefur verið seldur til KR og mun koma til með að spila með liðinu í Bestu deildinni á...
25/09/2026

Mattías Kjeld seldur til KR

Mattías hefur verið seldur til KR og mun koma til með að spila með liðinu í Bestu deildinni á næsta ári.

Mattías átti frábært tímabil með Gróttu í Lengjudeildinni og vakti þar verðskuldaða athygli fyrir frammistöðu sína. Hann skoraði 10 mörk, var fimm sinnum valinn í lið umferðarinnar og var valinn efnilegasti leikmaður Lengjudeildarinnar 2026

Yfirmaður knattspyrnumála, Arnar Axelsson segir:
,,Saga Mattíasar Kjeldar með Gróttu er skýrt dæmi um það sem félagið stendur fyrir. Hér fá ungir leikmenn tækifæri til að blómstra, þróast og taka næsta skref.

Mattías kom til okkar í mars og nýtti umhverfið svo sannarlega til hins ýtrasta. Við erum stolt af því að hafa fengið að vera hluti af hans vegferð og sjá hann vaxa sem knattspyrnumann og einstakling. Hann bætist í stóran hóp leikmanna úr okkar röðum sem hafa verið valdir efnilegastir í deildinni undanfarin ár. Þetta endurspeglar þá stefnu sem Grótta hefur markað.

Við óskum Mattíasi alls hins besta á nýjum stað og hlökkum til að fylgjast með honum halda áfram að vaxa”

Mattías segir:
,,Mér var tekið vel frá fyrsta degi og félagið hefur hjálpað mér mikið í minni þróun sem leikmaður.

Ég vil þakka Rúnari, Paul og strákunum í liðinu fyrir frábært tímabil. Grótta mun alltaf eiga sérstakan stað í mínu hjarta og ég mun spenntur fylgjast með félaginu og styðja við bakið á þeim í framtíðinni. Takk fyrir mig Grótta”
💙💛

Emelía Óskarsdóttir valin í A landsliðið 👏🏻Gróttukonan Emelía Óskarsdóttir, sem spilar fyrir HB Koge var í dag valinn í ...
24/09/2026

Emelía Óskarsdóttir valin í A landsliðið 👏🏻

Gróttukonan Emelía Óskarsdóttir, sem spilar fyrir HB Koge var í dag valinn í hóp A landsliðsins sem mætir Króatíu tvívegis í fyrri umferð umspils um sæti á HM 2027. Fyrri leikurinn fer fram á Stadion Aldo Drosina í P**a í Króatíu föstudaginn 9. október kl. 16:45 að íslenskum tíma. Seinni leikurinn fer svo fram þriðjudaginn 13. október á Laugardalsvelli og hefst hann kl. 17:30.

Þetta er stór áfangi á hennar ferli og verðskulduð viðurkenning fyrir góða frammistöðu. Emelía hefur vakið athygli með sterkri frammistöðu með liði sínu HB Køge og hún kom meðal annars nýverið inn á í leik gegn Arsenal í Meistaradeild Evrópu.

Ferill Emelíu er góð hvatning fyrir yngri iðkendum Gróttu og sýnir að leiðin úr yngri flokkum félagsins getur legið alla leið í A-landsliðið.

Knasspyrnudeild Gróttu óskar Emelíu innilega til hamingju með þennan glæsilega áfanga! 🇮🇸💙💛

Þjálfarateymi meistaraflokks karla endursemur ✍🏻Rúnar Páll Sigmundsson og Paul Westren hafa framlengt samninga sína við ...
22/09/2026

Þjálfarateymi meistaraflokks karla endursemur ✍🏻

Rúnar Páll Sigmundsson og Paul Westren hafa framlengt samninga sína við knattspyrnudeild Gróttu og semja til þriggja ára.

Rúnar Páll Sigmundsson er knattspyrnuáhugafólki kunnugur en hann þjálfaði lið Stjörnunnar í um sjö ár og Fylki í þrjú ár. Undir stjórn Rúnars varð Stjarnan Íslandsmeistari sumarið 2014, bikarmeistari árið 2018 og lék fjölda Evrópuleikja.

Eftir svekkjandi fall niður í 2. deild haustið 2024 var stefnan hjá Gróttumönnum sett á að komast aftur upp í Lengjudeildina. Rúnar hóf störf hjá Gróttu í nóvember 2024 og ljóst var að verðugt verkefni var fyrir höndum í krefjandi deild með liðum hvaðanæva af landinu. Gróttumenn áttu frábært tímabil og stýrði Rúnar liðinu beint aftur upp í Lengjudeild karla.

Rúnar er spenntur fyrir uppbyggingu liðsins: ,,Ég er mjög ánægður með að endurnýja samninginn við Gróttu. Mér hefur liðið mjög vel hjá Gróttu síðastliðin tvö ár. Höfum náð markmiðum okkar bæði árin. Það er gott og duglegt fólk að vinna kringum liðið. Frábær og samheldinn leikmannahópur og gott þjálfarateymi.
Ég hlakka mikið til að halda áfram að byggja upp gott lið og góða einstaklinga næstu árin’’.

Paul Westren kom til starfa hjá Gróttu vorið 2021 og hefur síðan þá þjálfað í yngri flokkum félagsins, starfað sem yfirþjálfari, styrktarþjálfari og var síðan ráðinn aðstoðarþjálfari meistaraflokks karla í janúar 2025. Paul hefur komið víða við á sínum ferli en hann hefur starfað í Kína, Síerra Leóne og Lesótó og því kynnst knattspyrnunni í ólíkum menningarheimum.

Paul er spenntur að halda áfram sínu starfi í Gróttu: ,,Síðustu tvö ár hafa verið frábær í starfi; við komumst aftur upp í Lengjudeildina í fyrstu tilraun og höfum síðan þá farið fram úr væntingum á þessu tímabili með góðri stöðu í deildinni og spennandi vegferð í bikarkeppninni þar sem við komumst í 8- liða úrslit. Það hefur einnig verið ánægjulegt að sjá marga unga leikmenn úr yngri flokkum félagsins vinna sér sæti í meistaraflokkshópnum en sumir þeirra hafa nú þegar leikið sína fyrstu leiki með liðinu. Ég hef gaman af samstarfinu við Rúnar og annað starfsfólk félagsins og hlakka til að takast á við þær áskoranir sem fram undan eru’’.

Á mynd með Rúnari er hann Sturlaugur Haraldsson, sem situr í meistaraflokksráði karlaliðs Gróttu.
Á mynd með Paul er hann Ingvi Arnar Sigurjónsson, sem situr í meistaraflokksráði karlaliðs Gróttu.

Mattías Kjeld efnilegastur 🌟Mattías Kjeld var valinn efnilegastur í Lengjudeild karla 2026 af Fótbolta.net.Mattías kom t...
21/09/2026

Mattías Kjeld efnilegastur 🌟

Mattías Kjeld var valinn efnilegastur í Lengjudeild karla 2026 af Fótbolta.net.

Mattías kom til Gróttu frá Val í apríl á árinu og var spenntur fyrir komandi tímum á nesinu. Hann átti heldur betur gott tímabil en hann skoraði 10 mörk í 22 leikjum og var fimm sinnum í liði umferðarinnar. Mattías á afmæli í dag og varð hann 17 ára gamall og eftir því sem næst verður komist er hann fyrsti leikmaðurinn sem nær að skora 10 mörk í tveimur efstu deildum Íslandsmóts karla áður en hann verður 17 ára eins og segir í frétt Fótbolta.net.

Knattspyrnudeild Gróttu óskar Mattíasi innilega til hamingju með valið og hlakkar til að fylgjast með honum áfram í bláu og gulu💙💛

📸 Eyjólfur Garðarsson

Jói kveður Gróttu 👋🏻Jóhann Egill Jóhannsson eða Jói, hefur ákveðið að setja þjálfaraskóna á hilluna og lætur af störfum ...
18/09/2026

Jói kveður Gróttu 👋🏻

Jóhann Egill Jóhannsson eða Jói, hefur ákveðið að setja þjálfaraskóna á hilluna og lætur af störfum hjá knattspyrnudeild Gróttu.

Jói er uppalinn á Nesinu og spilaði upp alla yngri flokka Gróttu. Þegar hann sneri sér að þjálfun var fljótt ljóst að þar væri frábær þjálfari á ferð og þjálfaði hann 6.–4. flokk karla og kvenna við góðan orðstír 👏🏻

Jói er þakklátur fyrir allar þær frábæru minningar sem hann hefur skapað í Gróttu:
„Grótta á stóran part í mínu hjarta. Ég spilaði sjálfur frá 8. flokki alveg fram að lokum 2. flokks. Árið 2023 byrjaði ég svo að þjálfa í Gróttu og fékk tækifæri til að þjálfa frábæra iðkendur sem sýna fyrirmyndarframmistöðu á öllum æfingum, innan vallar sem utan. Krakkarnir minna mann á hvað fótboltinn snýst um – gleði, vináttu og metnað. Ég hef fengið þann heiður að skapa frábærar minningar í Gróttu. Takk fyrir mig.“ 💛💙

Hafþór Bjarki og Jói hafa unnið vel saman: ,,Við Jói unnum náið saman frá því að ég byrjaði að starfa hjá Gróttu og þjálfuðum saman þrjá flokka sem aðalþjálfarar. Ég lærði ótrúlega mikið af Jóa, sem er heimsklassa þjálfari og tek með mér mikinn lærdóm og margar góðar minningar frá þeim tíma sem við unnum saman. Ég þakka Jóa kærlega fyrir samstarfið, ferðalögin, góðu stundirnar og minningarnar. Ég óska honum svo alls hins besta í tónlistinni og spennandi verkefnum sem eru framundan”💙💛

Knattspyrnudeild Gróttu þakkar Jóa fyrir vel unnin störf og óskar honum alls hins besta í næstu verkefnum 🎵

Fimm leikmenn úr Gróttu í liði ársins 💥Fimm leikmenn meistaraflokks kvenna voru valdar af Livey í lið ársins 2026 í Leng...
17/09/2026

Fimm leikmenn úr Gróttu í liði ársins 💥

Fimm leikmenn meistaraflokks kvenna voru valdar af Livey í lið ársins 2026 í Lengjudeild kvenna. Það eru þær María Lovísa Jónasdóttir, Nicole Douglas, Lovísa Davíðsdóttir Scheving, Telma Sif Búadóttir og Kristín Sara Arnardóttir sem eiga sæti í liðinu 🌟
Þær hafa allar verið lykilleikmenn í liði Gróttu í sumar og lagt sitt af mörkum með frábærri frammistöðu, mörkum, sterkum varnarleik, góðum liðsanda og miklum dugnaði 👏🏻

Knattspyrnudeild Gróttu óskar stelpunum innilega til hamingju með valið og árangurinn á árinu 💙💛

Grótta er Lengjudeildarmeistari kvenna árið 2026. Innilega til hamingju Grótta og gangi ykkur vel í deild þeirra bestu á...
12/09/2026

Grótta er Lengjudeildarmeistari kvenna árið 2026. Innilega til hamingju Grótta og gangi ykkur vel í deild þeirra bestu á næsta ári. Takk fyrir frábæra skemmtun í sumar 💙💛

Address

Vivaldivöllurinn
Seltjarnarnes
170

Telephone

+3545611133

Website

Alerts

Be the first to know and let us send you an email when Grótta Knattspyrna posts news and promotions. Your email address will not be used for any other purpose, and you can unsubscribe at any time.

Shortcuts

Share

Category