Trimmklúbbur Seltjarnarness - TKS

Frábær mæting á fyrsta í hlaupadögum TKS. Allir velkomnir á næstu æfingu sem er á laugardaginn kl 9:00 🏃🏃🏻‍♀️🏃🏼‍♂️

***HLAUPADAGAR TKS DAGANA 5-20 JÚNÍ***

Dagana 5-20 júní verða hlaupadagar hjá TKS þar sem öllum er boðið FRÍTT að mæta á hlaupaæfingar.

TKS heldur úti skipulögðum hlaupaæfingum þrisvar í viku frá sundlaug Seltjarnarness. Um er að ræða svokallaðar gæðaæfingar á mánudögum og miðvikudögum kl: 17:20 og rólegar „lengri“ hlaupaæfingar á laugardögum klukkan 9:00.

Þjálfari skipuleggur æfingar þannig að allir geta tekið þátt og hlaupið á sínum hraða. Hópurinn er breiður og geta því allir fundið hlaupafélaga innan hópsins hvort sem viðkomandi er að hefja hlaup eða vanur hlaupari.

Þrír heppnir þátttakendur í hlaupadögum verða dregnir út í lok hlaupadaga og fá gjafabréf frá Hlaupári að upphæð 30.000 kr.

Nú er tækifærið að reima á sig skóna, stíga yfir þröskuldinn og koma út að hlaupa !!!

Komdu út að hlaupa...

Kirkjuhlaup í Covid - við hlökkum til að hlaupa með ykkur á ný. Frábært hvað margir hlaupahópar og hlauparar tóku áskorun um að hlaupa sitt Kirkjuhlaup frá sinni kirkju á sínum tíma, endilega deilið myndum með okkur.

Upp með sokkanna og reimdu á þig skónna, við leggjum af stað kl. 17:40

Kæru trimmarar

Hátíð ljóssins er handan við hornið og verður hátíðahald með öðrum hætti en við eigum að venjast vegna þessara sérstöku aðstæðna sem við búum við í dag.
Einn af hátíðadögum Trimmklúbbs Seltjarnarness hefur verið á annan í jólum þegar trimmarar á höfuðborgarsvæðinu hafa safnast saman með Trimmklúbbsfélögum og hlaupið á milli 13 kirkna með jólaanda í brjósti og þegið góðgerðir í Seltjarnarnesskirkju að hlaupi loknu.
Á síðasta ári hlupu um 500 trimmarar Kirkjuhlaupið sem haldið var í níunda sinn.
Á 10 ára afmæli hlaupsins verður ekki boðið uppá þennan dásamlega viðburð vegna samkomutakmarkanna, en Trimmklúbbsfélagar skora á aðra trimmara að láta samt ekki deigan síga og reima á sig skóna og hlaupa á milli kirkna í sínu hverfi með ást og frið í hjarta. Þá væri ekki úr vegi að setja inn mynd á Facebook síðu Trimmklúbbsins og senda eins og eina jólakveðju með von um að árið 2021 fari mýkri höndum um okkur en árið sem er að líða.