Golfklúbbur Selfoss - Golfclub Selfoss, Iceland

Fjórtánda og næstsíðasta Footjoy mótinu lauk í síðustu viku. Betra er seint en aldrei að upplýsa um úrslitin í því móti. Um var að ræða Footioy Fjöruborðsmótið.

Það var Ársæll Ársælsson sem sigraði með 28 punktum og við óskum honum til hamingju með það. Hægt er að nálgast verðlaun í golfskálanum.

Í þessari viku klárast svo Footjoy mótaröðin.

⛳ Fréttir af æfingarsvæði og Golfskála GOS

Grassvæði æfingarsvæðisins lokað

Gríðarleg nýting hefur verið á grassvæðinu á æfingarsvæði GOS í sumar og álagið eftir því. Félagsmenn og gestir hafa greinilega verið duglegir að æfa sem er auðvitað frábært! 👏🏌️‍♂️

Nú er hins vegar komið að því að gefa grasinu smá hvíld og hefur því verið lokað fyrir slátt af grasi á æfingarsvæðinu frá og með deginum í dag.

Pitchsvæðið verður áfram opið að einhverju leyti.

Við biðjum félagsmenn um að hjálpa okkur að passa upp á að kylfingar séu ekki að slá af grassvæðinu eftir lokun. Þetta er jú okkar sameign, eins og annað á svæðinu, og með góðri umgengni hjálpumst við að við að halda svæðinu sem bestu. 💚

Æfingaskýlið verður áfram opið frá birtingu til kl. 22:00 og við erum búin að kveikja á flóðlýsingunum fyrir haustið. 💡⛳

🍔 Veitingasalan og Golfskálinn

Nú eru stelpurnar okkar byrjaðar aftur í skólanum og því verður þjónustan aðeins minni næstu vikurnar.

Á virkum dögum:
• Veitingasalan opnar kl. 10:00 fyrir almenna afgreiðslu
• Grillið opnar kl. 15:00
• Lokað kl. 20:00

Golfskálinn verður opinn á virkum dögum til 21. september.

Síðan líður hægt og rólega að lokum sumarsins hjá okkur og stefnt er að því að Golfskálinn loki fyrir veturinn í fyrstu vikunni í október.

Takk fyrir frábært sumar hingað til og takk fyrir að ganga vel um svæðið okkar. 💚⛳

Áfram GOS!

⛳️ BÆNDAGLÍMA GOS 2026 – 15 HOLUR! 🔴🔵

Bændaglíma GOS verður haldin laugardaginn 19. september og í ár ætlum við að gera eitthvað alveg sérstakt!

Spilaðar verða 15 holur – já, við ætlum að bæta við einni holu! 🎉

Leikið verður inn á verðandi 2. holu, sem er ein af þeim fjórum nýju holum sem við stefnum á að opna á næsta ári. Þetta verður í eina skiptið á þessu ári sem kylfingar fá að spreyta sig á holunni – spennandi forsýning á því sem koma skal! 👀⛳️

Fyrirkomulag

🔹 Mæting kl. 10:00
🔹 Ræst af öllum teigum stundvíslega kl. 10:30
🔹 Spilaðar verða 15 holur
🔹 Fjórir leikmenn verða saman í hverju holli
🔹 Spiluð verður holukeppni með forgjöf
🔹 Notuð er forgjafarregla úr Holukeppni GOS – hámark eitt högg á holu
🔹 Það lið sem vinnur fleiri leiki samanlagt sigrar Bændaglímuna
🔹 Verði liðin jöfn munu bændurnir sjálfir spila bráðabana!

Bændurnir, með aðstoð mótstjóra, skipta þátttakendum í liðin. Skiptingin miðast við austur og vestur Tryggvagötu.

🔵 Austurliðið – blátt
Bóndi: Halldór Morthens

🔴 Vesturliðið – rautt
Bóndi: Svanur Geir Bjarnason

🎨 Munið litina!
Leikmenn eru eindregið hvattir til að mæta í lit síns liðs og sýna strax hvoru megin þeir standa!

Skráning

Skráning fer fram í GolfBox og lýkur fimmtudaginn 17. september kl. 10:00.

Þátttökugjald er 2.500 kr.

Hámarksfjöldi er 80 þátttakendur – 40 í hvoru liði, svo það borgar sig að skrá sig tímanlega!

Halldór og Svanur hittast á föstudeginum og raða þátttakendum niður í leikina.

Við hlökkum mikið til að sjá ykkur og slútta þessu frábæra golftímabili saman með alvöru Bændaglímu! ⛳️🔴🔵

Opna Úrval/útsýn mótið var haldið um helgina. Um var að ræða Texas Scramble mót og um 200 kylfingar tóku þátt.

Úrslit voru eftirfarandi:
1. sæti = Baby Slice - Arnór Tjörvi Þórsson og Einar Bjarni Helgason -13
2. sæti = 1-2 og Negla - Kristín Þóra Möller og Örn Ævar Hjartarson -11
3. sæti = Erlingur Björn Pétursson - Erlingur Örn Birgison og Máni Páll Eiríksson -10

Nándarverðlaun voru eftirfarandi:
2. hola = Valdemar Gestur Valdemarsson 27cm
7. hola = Karl Eiríksson 138cm
10. hola = Ragnar Helgi Ragnarsson 284cm
12. hola = Guðjón Öfjörð 7cm

Hægt er að vitja vinninga í golskálanum.

Við þökkum öllum kylfingum fyrir að koma og taka þátt. Við þökkum líka Úrval/útsýn kærlega fyrir að halda mótið með okkur.

🏆 Máttur sjúkraþjálfun sigraði Firmakeppni GOS 2026! ⛳️

Frábær Firmakeppni GOS fór fram um helgina við góðar aðstæður á Svarfhólsvelli.

🥇 Máttur sjúkraþjálfun – Alexandra Eir og Bylgja
🥈 Hlemmiskeið – Bændurnir – Villi og Eiríkur
🥉 HP Kökugerðin – Grímur Arnarsson og barnabarn hans, Grímur Ægisson

Við óskum verðlaunahöfunum innilega til hamingju! 👏🏆

Stórt TAKK til allra fyrirtækjanna sem tóku þátt og studdu Golfklúbb Selfoss. Stuðningurinn skiptir klúbbinn gríðarlega miklu máli og hjálpar okkur að halda áfram uppbyggingunni og öflugu starfi GOS. 💚⛳️

Takk fyrir frábæran dag
sjáumst aftur að ári! 🙌

Þrettánda Footjoy mótinu lauk í vikunni. Það var Footjoy Krisp mótið. Það var Guðbjörg Guðmundsdótir sem vann með 32 punkta. Við óskum henni til hamingju með sigurinn, hægt er að sækja vinninginn í golfskálanum.

Nú eru bara tvö Footjoy mót eftir.

🚻 Efri salernin komin í notkun! ⛳️

Það er gaman að segja frá því að nú er búið að opna nýju salernin á efri hluta Svarfhólsvallar. 🙌

Fyrr í sumar opnuðum við fyrsta salernishúsið á miðjum vellinum og nú bætist þetta glæsilega hús við, með tveimur salernum og ekki amalegu útsýni yfir völlinn! 😍⛳️

☀️🔋 Líkt og við fyrra salernishúsið eru sólarsellur á þakinu, sem sjá um að framleiða rafmagn til að hlaða Husqvarna slátturóbóta GOS. Þannig nýtist húsið ekki aðeins sem bætt aðstaða fyrir kylfinga heldur einnig sem hluti af framtíðarlausnum okkar við umhirðu vallarins. 🤖⛳️

💛 Munum að þessi aðstaða er sameign okkar allra.
Við biðjum því alla um að ganga vel um, skilja snyrtilega við sig og hjálpast þannig að við að halda salernunum jafn glæsilegum og þau eru í dag. 🙏

Enn eitt skrefið í áframhaldandi uppbyggingu Svarfhólsvallar. 💪

Áfram GOS! 💛🖤⛳️

Opna Úrval Útsýn – Texas Scramble ⛳

Skráning er í fullum gangi á Opna Úrval Útsýn, sem fer fram á Svarfhólsvelli næsta sunnudag!

🏆 Frábær verðlaun í boði!

Við hvetjum alla til að skrá sig og taka þátt í skemmtilegu Texas Scramble móti.

👉 Skráning og nánari upplýsingar á GolfBox: https://www.golfbox.dk/livescoring/tour/ #/competition/5415690

Tólfta Footjoy mótinu lauk í gær. Um var að ræða Footjoy Sviðið mótið. Það var Svanur Geir Bjarnason sem sigraði mótið með 27 punktum. VIð óskum honum til hamingju með það. Hægt er að nálgast verðlaunin í golfskálanum.