Svifflugfélag Íslands-SFÍ

Kacper Agnar Kozlowski fór sitt fyrsta einflug (sólo-flug) í svifflugu fimmtudaginn 19.8.2026 og fræmkvæmdi það óaðfinnanlega eins og við var að búast!

Daníel H. Snorrason, formaður SFÍ, afhenti honum A-prófsmerki þessum áfanga til staðfestingar og foreldrar hans komu og fögnuðu með honum. Að þeirra sögn hefur hann dreymt um að verða flugmaður síðan hann var 5 ára. Hann er á leið í atvinnuflugmannsnám og er sviffluga fyrsta flugvélin, vonandi af mörgum, sem hann flýgur sem flugstjóri.

Um þetta segir Kacper sjálfur:
„Í gær upplifði ég eitt af stærstu augnablikunum í flugnáminu mínu – fyrsta sólóflugið mitt á svifflugu. ✈️

Það var ótrúleg tilfinning að sitja einn í vélinni, taka á loft og treysta á allt sem ég hef lært og æft hingað til. Þetta er augnablik sem ég mun aldrei gleyma og ég er ótrúlega þakklátur öllum sem hafa hjálpað mér og stutt mig á leiðinni.

Þann 14. september byrja ég svo í Integrated ATPL námi hjá Reykjavík Flight Academy, sem er næsta stóra skrefið í átt að draumnum mínum um að verða atvinnuflugmaður. 🛫

Ég er virkilega þakklátur fyrir þetta tækifæri og ótrúlega spenntur fyrir því sem fram undan er. Þetta er bara byrjunin.❤️✈️"

90-ára afmæliskaffi Svifflugfélag Íslands

Haldið var upp á það að 90 ár verða liðin frá stofnun Svifflugfélag Íslands 10. ágúst næstkomandi, með kaffisamsæti í skála félagsins á Sandskeiði sl. laugardag.

Fjöldi félagsmanna og gesta kom saman að þessu tilefni. Leifur Magnússon færði félaginu bókagjöf, sem Daníel H. Snorrason, formaður félagsins, tók við.

90-ára stórafmæli SFÍ!

Svifflugfélag Íslands var stofnað 10. ágúst 1936 og verða því liðin 90 ár frá stofnun félagsins á þessu sumri. Tímamótanna er m.a. minnst með afmælismerki sem fáanlegt er prentað á boli og límmiða, sem axlarmerki og sem barmnæla, sjá meðfylgjandi myndir.

Bolir, svartir, stærðir M, L, XL, XXL, verð 3.000 kr./st.

Límmiðar, plast, 75 og 250 mm þvermál, verð 1.000 kr./st.

Límmiðar, plast, innan á rúður, 75 mm þvermál, verð 1.000 kr./st.

Axlarmerki, saumað í textíl, festing m. heitlímingu, 75 mm þvermál, verð 2.500 kr./st.

Barmnæla, málmgreiping, 17 mm þvermál, verð 1.500 kr./st.

Sala fer fram á Sandskeiði alla daga þegar flugstarfsemi er í gangi, sjá svifflug.com

Hafa má samband í s. 697 8730 og um netfangið [email protected]

Fyrsta sóló!

Mánudaginn 1. júní byrjaði formlegt flugsumar félagsins. Fyrsta flug ársins var 7. maí og flugdagar í maí voru 6.

Flugsumarið byrjaði með látum með með því að einn af okkar ungu og efnilegu nemendum, Örn Ingvi Aðalgeirsson fór sitt fyrsta sóló. Umsjónarkennari var Stefán Sigurðsson.