Handknattleiksdeild Fram

Handknattleiksdeildir Fram og FH hafa náð samkomulagi um kaup Hafnarfjarðarliðsins á Eiði Rafni Valssyni. Eiður Rafn mun ganga rakleitt í raðir FH-inga.

Eiður Rafn er uppalinn Framari og hefur leikið stórt hlutverk í yngri flokkum félagsins þar sem hann vann til fjölda titla með öflugum liðsfélögum sínum. Þá festi hann sig í sessi í meistaraflokki á undanförnum árum og var hluti af liði Fram sem tryggði sér Íslands- og bikarmeistaratitilinn árið 2025.

Fram þakkar leikmanninum fyrir hans framlag til félagsins og óskar honum velfarnaðar á nýjum slóðum.

Jóhann Ágústsson gengur til liðs við Fram.

Okkur hefur borist liðstyrkur frá Hlíðarenda þar sem Jóhann Ágústsson kemur til okkar fyrir tímabilið. Jóhann er fæddur árið 2008 og kemur inn í meistaraflokkinn hjá okkur ásamt því að vera gjaldgengur í 3.flokk og U-liðið.

Jói eins og hann er kallaður kemur úr mikilli handboltafjölskyldu en systur hans tvær þær Ásdís og Lilja eru nýbakaðir Íslandsmeistarar með Val sem og faðir hans sem er þjálfari meistaraflokks Vals. Þá er móðir hans að sama skapi þjálfari í yngri flokkunum hjá Val við góðan orðstýr.
VIð erum mjög spennt að fá Jóa inn til okkar og spennt að sjá hann vaxa og dafna í okkar herbúðum.

Fram Open - skráning hafin! - Fram Fram Open fer fram með glæsibrag föstudaginn 7. ágúst 2026 á golfvellinum á Flúðum. Við bjóðum félagsmönnum, stuðningsmönnum og velunnurum félagsins velkomna

Partille Cup fer vel af stað, hér höfum við sigrað og tapað, hitt handboltahetjur fortíðar, nútíðar og framtíðar!
Dagur 2 og fullt af fjöri eftir!!!

103 Krakkar og starfsmenn eftir því voru rétt í þessu að leggja af stað á vit ævintýranna til Gautaborgar í Svíþjóð.
Þar sem þau munu spreyta sig a Partille Cup í komandi viku.
Við óskum þeim góða gengis og skemmtunar!
Áfram Fram!

Garpur Druzin Gylfason heldur á vit ævintýrana.

Garpur kom inn í meistaraflokkshópinn okkar fyrir 3 árum og hefur bætt sig jafnt og þétt síðan. Eftirminnilegar eru 3 stórkostlegar vörslur hans á stuttum tíma úti í Porto seint á síðasta ári þar sem hann stimplaði sig rækilega til leiks í evrópukeppninni.

Garpur hefur ekki bara látið til sín taka á vellinum heldur líka utan vallar í alls kyns verkum til að hjálpa til við umgjörð leikja og liðsins.

Það er mikill missir af Garpi, frábærum félagsmanni, en hann fer ekki langt og við munum fylgjast spennt með framþróun hans. Við í Fram óskum þér alls hins besta og gangi þér gífurlega vel í nýju liði.

Arnþór Sævarsson hefur framlengt samninginn sinn við, ásamt því að komast að samkomulagi um að fara á lán til Gróttu.

Arnþór hefur verið burðarásinn í U-liði okkar um nokkurt skeið og var valinn leikmaður ársins í U-liðinu á síðast liðnu lokahófi handknattleiksdeildar.

Arnþór er gífurlega samviskusamur og duglegur leikmaður, sinnir handboltanum af mikilli festu og við erum mjög spennt að fylgjast með honum sækja sér reynslu og spiltíma með sterku liði Gróttu í Grill66 deildinni.

Vegni þér vel Arnþór!

Fyrir liðlega viku síðan varð Barcelona Evrópumeistari í handknattleik, það er, unnu Meistaradeild Evrópu eftir glæsilega Úrslitahelgi í Köln.

Framarinn Viktor Gísli Hallgrímsson varði mark Barcelona sem áður og er af okkar bestu vitneskju fyrsti Framarinn sem vinnur meistaradeildina.

Frábær áfangi hjá okkar manni og við gífurlega stolt af Viktori. Það er gaman að fylgjast með Viktori, hann æfir hrikalega vel þegar hann er í fríi og tíður gestur hjá okkur í Framheimilinu. Gefur reglulega af sér hjá ungu kynslóðinni í félaginu og er frábær fyrirmynd.

Á meðfylgjandi myndum frá föður Viktors má sjá hann nýkominn með medalíuna og svo litla bróður Viktors, Alex Unnar leikmaður meistaraflokks að máta sig við eftirsóknarverðustu medalíu handboltans.

TIl hamingju Viktor Gísli!

Ebba Guðríður Ægisdóttir gengur til liðs við FRAM.

Ebba Guðríður Ægisdóttir kemur til okkar frá Haukum fyrir komandi tímabil, Ebba sem er fædd árið 2009 er gríðarlega efnileg og hefur verið fastamaður í unglingalandsliðum Íslands kemur til með að styrkja 3. flokkinn, U-liðið og meistaraflokk hjá okkur.

Ebba Gurrý hefur sterka Fram tengingu, dóttir Díönu Guðjónsdóttur sem er nýráðin aðstoðarþjálfari mfl, síðan væri lengi hægt að rekja ættarsöguna og allar þær kjarnakonur sem þar eru og hafa verið stórtækar í handboltasögu bæði Fram og Íslands.

Við erum gífurlega spennt að fá Ebbu Gurrý til okkar og sjá hana vaxa og dafna í Frambúningnum.

TIl hamingju Ebba og FRAM!

Dagmar framlengir!!!
Dagmar Guðrún Pálsdóttir hefur framlengt samninginn sinn um þrjú ár og það gleður okkur mikið!
Dagmar er á fullu í sumar með u21 landsliði Íslands og kemur inn i það verkefni eftir frábært tímabil með mfl. Dagmar er enn ung og við erum mjög spennt fyrir að fylgjast mep áframhaldandi þróun á hennar ferli. Við viljum hafa okkar uppalda fólk í lykilhlutverkum og Dagmar passar þar eins og flís við rass!
Til hamingju Fram og Dagmar!