Fjallahjólaklúbburinn

Það var Sigurður Einar sem hlaut titilinn Mætingameistari 2026. Hann mætti í 13 af 16 ferðum sumarsins og hlaut fyrir vikið farandbikar, Hjólabókina, blóm og konfekt.

Við þökkum öllum sem hjóluðu með okkur í sumar og minnum á laugardagshjólatúrana sem hefjast í september, nánar tiltekið 5 september kl 11:00 Við munum hjóla frá Hlemmi til að byrja með. Viðburður verður stofnaður þegar nær dregur.

Hæ, við erum með tvær ferðir á teikniborðinu og langaði að kanna áhuga fólks á að taka þátt í þeim. Gefið að veður verði skaplegt.

Strandir 28-31 ágúst. Keyrt á milli staða og gist á tjaldsvæðum. Hjólaðir malarvegir, hringur út frá Drangsnesi og seinni daginn frá Norðurfirði inn í Ingólfs- og 0Ófeigsfjörð. Krossneslaug heimsótt sem og veitingastaðir á Ströndunum og heitu pottarnir á Drangsnesi.

Hrauneyjar í september eða oktober. Haustlitaferð. Gist eina nótt á hótel Hrauneyjar (snætt þar) og hjólað um lónin sem þar eru. Sultartangalón, Sporöldulón, Hrauneyjalón og Krókslón. Lón og dón.

Ef þið hafið hug á að koma með, vinsamlega sendið póst á [email protected] eða Þórð ([email protected]).

Myndin er af Sultartangavirkjun.

Síðasta opna hús á Sævarhöfða var á mánudaginn síðastliðna. Þar höfum við haft aðstöðu ásamt Reiðhjólabændum í rúm tvö ár. Hvað nú tekur við veit víst enginn. Stjórnin mun hittast á mánudaginn og funda.

Takk fyrir okkur.

Heiðurshjónin Lilja og Einar leiddu síðustu ferð um Elliðavatn og buðu okkur svo heim í kaffi og veisluborð eftir hjólatúrinn. Við þökkum þeim kærlega fyrir.

Hér má finna myndir úr ferðum sumarsins

https://photos.app.goo.gl/4X44dvjNDdtczyEFA

Næsta þriðjudag er rómantísk hjólaferð um skógarstíga Breiðholtsins. Smá hjólafimi og í lokin má vera að við reynum að finna krá í Breiðholtinu til að stinga okkur inn á. Brottför frá Landsbankanum Mjódd kl 19:00, öll velkomin. Regnfatnaður nauðsynlegur ef marka má veðurspá, en það er jú nauðsynlegt að prófa regngræjurnar líka, ekki satt?

Við höfum farið þó nokkuð út fyrir bæjarmörkin á þessu ári. Við höfum hjólað á Selfossi, Akranesi og Akureyri. Í Hveragerði og Reykjanesbæ. Ýmist dagsferðir eða helgarferðir með gistingu. Nokkuð ljóst að við gistum ekki í tjöldum að vetrarlagi, við höfum gist í bústöðum eða ódýrri hótelgistingu.

Ef einhver vill ekki láta birta myndir af sér í ferðalögum og öðrum viðburðum, þá verðum við að sjálfsögðu við því.

Næsta ferð er á dagskrá 22 maí. Gist í bústað í Fjárhústungum (í nágrenni Húsafells) og hjólað um nágrennið, hvert verður að koma betur í ljós eftir ástandi vega og slóða í nágrenninu. Heitur pottur, grill og næs. Við getum ferjað hjólin ef á þarf að halda. Takmarkað pláss, fyrstur kemur fyrstur fær. Vinsamlega tilkynnið þátttöku til Hrannar í email [email protected] Kostnaði verður stillt í hóf og dagleiðir skipulagðar miðað við þáttakendur og eins og áður sagði, veðri og færð.

Hér má sjá myndir úr þeim ferðum sem hafa verið farnar á fyrstu þremur mánuðum ársins.

https://photos.app.goo.gl/wQFo7p5cgn4NTpVP6