Tbr Tennis-og Badmintonfélag Reykjavíkur

TBR minnir á framlengdan opnunartíma á laugardögum!

Sjáumst í TBR 💙

Einliðaleiksmót TBR fór fram 4. september. TBR-ingar mættu sterkir til leiks eftir sumarið, en það fóru fram margir góðir leikir þar sem spilað var eftir nýja kerfinu upp í 15.

Úrvalsdeild einliðaleikur kvenna:
🥇Lilja Bu, TBR
🥈Iðunn Jakobsdóttir, TBR

Úrvalsdeild einliðaleikur karla:
🥇Einar Óli Guðbjörnsson, TBR
🥈Róbert Ingi Huldarsson, BH

Leikmenn á Einliðaleiksmóti TBR tóku þátt í Treyjudeginum, til að sýna stuðning við börn með krabbamein og fjölskyldur þeirra.

Í tilefni dagsins viljum við í TBR jafnframt vekja sérstaka athygli á Gleðistjörnunni, góðgerðarfélagi sem stofnað var til minningar um Þuríði Örnu Óskarsdóttur, sem lést árið 2023 eftir rúmlega 18 ára baráttu við heilaæxli. Þuríður starfaði hjá TBR og var því mikilvægur hluti af okkar samfélagi. Markmið Gleðistjörnunnar er að halda minningu Þuríðar á lofti með því að gleðja systkini langveikra barna með gleðigjöfum og viðburðum. Fjölskylda Þuríðar þekkir af eigin raun hversu mikilvægt það er að finna stuðning og hlýju frá samfélaginu þegar á reynir.

Kæru TBR-ingar.

Á morgun, föstudag, er Treyjudagurinn, dagur þar sem fólk klæðist uppáhaldstreyjunni sinni til að sýna stuðning við börn með krabbamein og fjölskyldur þeirra. TBR vill taka þátt í þessu mikilvæga átaki og hvetjum við alla iðkendur, bæði börn, unglinga og fullorðna, til að mæta í sinni uppáhaldstreyju í TBR á föstudaginn, bæði á æfingar og einnig á Einliðaleiksmót TBR sem hefst kl.17:30.

Í tilefni dagsins viljum við jafnframt vekja sérstaka athygli á Gleðistjörnunni, góðgerðarfélagi sem stofnað var til minningar um Þuríði Örnu Óskarsdóttur, sem lést árið 2023 eftir rúmlega 18 ára baráttu við heilaæxli. Þuríður starfaði hjá TBR og var því mikilvægur hluti af okkar samfélagi. Markmið Gleðistjörnunnar er að halda minningu Þuríðar á lofti með því að gleðja systkini langveikra barna með gleðigjöfum og viðburðum. Fjölskylda Þuríðar þekkir af eigin raun hversu mikilvægt það er að finna stuðning og hlýju frá samfélaginu þegar á reynir.

Treyjudagurinn snýst um samstöðu. Með því að mæta í uppáhaldstreyjunni okkar sýnum við börnum með krabbamein og fjölskyldum þeirra að við stöndum með þeim.

Við vonumst til að sjá sem flestar uppáhaldstreyjur í TBR á föstudaginn. Klæðist treyjunni sem þið elskið, komum saman og sýnum samstöðu.

TBR stendur með börnum með krabbamein og fjölskyldum þeirra.

Badmintonæfingar fyrir 6-8 ára 🏸💙⭐️
Skráning á abler: https://www.abler.io/.../1/product/Q2x1YlNlcnZpY2U6NjI3NDI=?

www.abler.io

Einliðaleiksmót TBR 2026 - 4. september 2026 | Kl: 17:30 | Gnoðarvogi 1

www.tournamentsoftware.com

"Loksins", heyrist á vörum margra.

Tímabilið er hafið gott fólk og óskum við ykkur góðra stunda og skemmtun á vellinum á komandi tímabili.

Áfram TBR! 🥰🏸💙

U19 landsliðshópur Íslands er nú kominn heim eftir viðburðaríka daga á Evrópumeistaramótinu í Tatabánya í Ungverjalandi. Eftir að liðakeppninni lauk tók einstaklingskeppnin við. Þar kepptu TBR-leikmennirnir Eggert Þór Eggertsson, Iðunn Jakobsdóttir og Óðinn Magnússon áfram fyrir Íslands hönd í sínum greinum.

Þrátt fyrir að TBR-leikmennirnir hafi ekki komist áfram í einstaklingskeppninni stóðu þau sig vel og öðluðust mikilvæga reynslu af keppni á stærsta sviði Evrópu í sínum aldursflokki.

Þjálfarar hópsins lýsa mikilli ánægju með frammistöðu keppenda, bæði innan vallar sem utan. Þótt úrslitin hafi ekki fallið íslenska hópnum í hag var jákvæður stígandi í leik liðsins í gegnum mótið og keppendur öðluðust dýrmæta reynslu sem mun nýtast þeim áfram á þeirra keppnisferli.

Við í TBR erum afar stolt af okkar fólki og sérstaklega ánægjulegt að sjá okkar þrjá leikmenn fá tækifæri til að mæta sterkustu ungum badmintonleikmönnum Evrópu.