Valur Handbolti

Þessa dagana stendur yfir lokakeppni EM hjá U20 ára landsliði karla. Mótið fer fram í borginni Cluj Napoca sem er í Rúmeníu. Við Valsarar eigum 7 fulltrúa, þjálfarann, markmannsþjálfarann og sjúkraþjálfarann ásamt því að eiga 4 leikmenn.

Liðinu hefur gengið vel, unnið tvo leiki og tapað einum.

Áfram Ísland 🇮🇸

Hrafn semur til tveggja ára

Það er gaman að segja frá því að enn einn leikmaðurinn úr unglingastarfi félagsins hefur gert samning við Val til næstu ára. Hrafn Þorbjarnarson hefur leikið upp alla yngri flokka félagsins og verið hluti af sigursælu liði 3. flokks sem urðu Íslandsmeistarar síðustu tvö tímabil. Hann var fyrirliði liðsins síðustu ár ásamt því að spila með U-liði félagsins. Þá var Hrafn hluti af U-18 ára landsliði Íslands, sem spilaði á HM í Egyptalandi síðasta sumar og náði þar góðum árangri.

“Hrafn er virkilega efnilegur leikmaður sem verður gaman að sjá koma inn í meistaraflokk félagsins og láta til sín taka. Við erum stolt af því að gera samninga við uppalda leikmenn sem skila sér alla leið upp í meistaraflokk félagsins” sagði Ágúst Jóhannsson, þjálfari meistaraflokks karla

Valsarar í yngri landsliðum Íslands🇮🇸

Ísland hafnaði í 19. sæti á HM U20 kvenna

Íslenska U20 ára landslið kvenna lauk keppni á heimsmeistaramótinu í Kína með glæsilegum sigri á Brasilíu, 30:27, í leiknum um 19. sætið. Ísland hafnaði því í 19. sæti af 32 þátttökuþjóðum á mótinu.
Íslenska liðið lék alls sjö leiki á heimsmeistaramótinu og vann fjóra þeirra en tapaði þremur. Eftir erfiða byrjun í riðlakeppninni náði liðið góðum takti og sýndi mikinn styrk í keppni um sæti 17–32.
Ísland hóf mótið á töpum gegn Svartfjallalandi, 34:24, og Tékklandi, 33:23. Í kjölfarið kom sterkur kafli þar sem liðið vann þrjá leiki í röð gegn Bandaríkjunum, 33:23, Gíneu, 31:20, og Alsír, 33:23. Íslenska liðið mætti svo Egyptalandi í leik um sæti 17–20 og laut þar í lægra haldi, 33:26, áður en það lauk mótinu með góðum 30:27 sigri á Brasilíu.

Tveir fulltrúar Íslands og Vals voru meðal markahæstu leikmanna heimsmeistaramótsins. Ásthildur Jóna Þórhallsdóttir skoraði 44 mörk í sjö leikjum og hafnaði í 9. sæti yfir markahæstu leikmenn mótsins. Guðrún Hekla Traustadóttir fylgdi fast á eftir með 43 mörk og endaði í 12. sæti markaskoraralistans.

Á myndinni eru 4 fulltrúar Vals sem tóku þátt í mótinu fyrir Íslands hönd og stóðu sig frábærlega🇮🇸👏

Guðrún Hekla Traustadóttir, Sara Lind Fróðadóttir, Ásthildur Jóna Þórhallsdóttir og Arna Karitas Eiríkdsdóttir.

Áfram Hærra🦅

Ógleymanleg vika hjá 5. flokki á Partille cup ⭐️🏆❤️🙌

5.flokkur kvenna skellti sér, eftir frábæran og skemmtilegan vetur, á Partille cup sem er eitt elsta handboltamót í heimi og er haldið í Gautaborg í Svíþjóð á hverju ári. Að þessu sinni voru 3 lið skráð til leiks frá Val, eitt á eldra ári og tvö á yngra ári.

Stelpurnar lentu í fjölbreyttum og skemmtilegum riðlum á mótinu og fór svo að eldra árs liðið fór í B-úrslit, eftir erfiða en skemmtilega riðlakeppni. Þær duttu hins vegar út í 32-liða úrslitum eftir virkilega flotta frammistöðu á móti Stjörnunni frá Íslandi.

Stelpurnar í liði 2 á yngra ári lentu í mjög erfiðum riðli og fóru áfram í C-úrslit. Þær komust í 16-liða úrslit en duttu þar út fyrir sænska liðinu Helsingborg eftir virkilega flottan leik en þær bættu sig með hverjum leiknum þrátt fyrir krefjandi leiki á mótinu.

Stelpurnar í liði 1 á yngra ári fóru áfram í A-úrslit eftir að hafa náð að skáka öllum sínu andstæðingum í riðlakeppninni. Þær náðu svo framúrskarandi árangri í úrslitakeppninni þegar þær komust alla leið í undanúrslit en duttu út eftir frækilega frammiðstöðu og gullmarki í framlenginu á móti heimakonum í Sävehof, sem unnu svo úrslitaleikinn á mótinu í G-13 flokknum.
Valsstelpurnar hlutu því bronsverðlaun, sem er einn besti árangur kvennaliðs frá Val og frá Íslandi, ef ekki sá besti hingað til!

Stelpurnar voru félagi sínu heldur betur til sóma, utanvallar sem innan, og eiga svo sannarlega framtíðina fyrir sér í handbolta. Þær skemmtu sér rosalega vel á mótinu og í öllu því sem mótið og borgin hefur upp á að bjóða. Úr varð ógleymanlega vika í Gautaborg sem skartaði sínu fegursta ☀️⭐️

Áfram Valur, áfram hærra 💪🙌

3.flokkur kvenna endaði í 3. sæti á Granollers Cup sem er alþjóðlegt mót á Spáni. Stelpurnar spiluðu vel í miklum hita og voru félaginu til sóma, innan sem utan vallar. Þær spiluðu aldusflokki 2005-06 og 07 en voru einungis með þrjár stelpur fæddar 2007 og aðrar voru yngri

Áfram Hærra !

Ágúst Ingi gengur til liðs við Val!

Ágúst Ingi Óskarsson sem lék með Aftureldingu á síðasta tímabili og þar áður með Gróttu hefur gengið til liðs við Val.
Ágúst sem spilar í stöðu skyttu eða miðjumanns er einnig mjög góður varnarmaður. Hann kemur inn í hópinn með baráttu og metnað og mun styrkja annars mjög góðan hóp leikmanna.

”Ég er ánægður með að fá Ágúst til liðs við okkur. Hann mun koma vel inní hópinn okkar og nýtast í mörgum hlutverkum. Hann hefur góða reynslu úr deildinni og mikill liðsmaður. Það verður gaman að sjá hann í Valstreyjunni” sagði Ágúst Jóhannsson þjálfari liðsins.

Áfram Valur, áfram hærra!

Tjörvi Týr er kominn heim!

Það er okkur sönn ánægja að tilkynna að einn af okkar uppöldu drengjum er kominn heim.
Tjörva Tý þarf ekki að kynna sérstaklega fyrir Völsurum. Hann ólst upp í Valsheimilinu og spilaði með yngri flokkum félagsins auk þess að spila með meistaraflokki félagsins áður en hann hélt á vit ævintýra í Þýskalandi síðustu ár.
Tjörvi á glæstan feril með félaginu og hefur unnið meðal annars bikar, Íslands og Evróputitil með meistaraflokki félagsins. Síðustu tvö ár hefur Tjörvi spilað í Þýskalandi.

”Ég er gríðarlega ánægður með að fá Tjörva aftur heim. Hann er frábær leikmaður sem mun styrkja liðið mikið á báðum endum vallarins. Að auki er hann mikill leiðtogi. Hann á eftir að koma með mikil gæði og góða orku inn í okkar leikmannahóp. Það verður gaman að sjá hann aftur í Valstreyjunni” sagði Ágúst Jóhannsson þjálfari liðsins.

Vertu velkominn heim, Tjörvi!

Áfram Valur, áfram hærra

Styrktarþjálfun í sumar!

Í sumar mun Páll Arnar Kandeh, Íþróttafræðingur og styrktarþjálfari, í samvinnu við körfu- og handknattleiksdeild Vals bjóða uppá styrktarþjálfunar námskeið fyrir 14-18 ára ungmenni (fædd 2013-2008).

Æfingarnar verð mánudaga, miðvikudaga og fimmtudaga klukkan 14-15, yngri hópar, og klukkan 17:00-18:00, eldri hópur.

Yngri hópur: 2011-2013

Eldri hópur: 2010 og eldri

Yfir tímabilið verður farið í helstu lyftingaræfingar, þolþjálfun og snerpuþjálfun ásamt bætingu á samhæfingu og liðleika.

Æfingarnar taka mið af aldri og getustigi hvers og eins. Áhersla á styrktar-, snerpu- og kraftþjálfun.

Æfingarnar fara fram lyftingarsalnum í N1 höllinni en geta þó verið færðar út þegar veður leyfir.

Námskeið hefst mánudaginn 15.júní.

https://www.abler.io/shop/valur/styrkur/product/Q2x1YlNlcnZpY2U6NTk0ODg=?