Ár í lífi fuglaáhugamanns

Ár í lífi fuglaáhugamanns Fuglaskoðari, birder, fuglaáhugamaður, fuglaljósmyndun.

Rigning og meiri rigning og verður svoleiðsis næstu tvo daga að minnsta kosti, fór því lítið út og ekkert að sjá í stöðu...
29/09/2026

Rigning og meiri rigning og verður svoleiðsis næstu tvo daga að minnsta kosti, fór því lítið út og ekkert að sjá í stöðuvatninu á lóðinni. Seinnipartinn stytti að mest upp og fór ég þá í smá fuglarúnt, dæluhúsið á Horni var fyrsta stopp, engir fuglar þar svo ég fór í Grænahraun, sá þar 4 hrossagauka, stelk og svo einn góðann, hrísastelk, myndirnar eru af honum og á seinni myndinni er stelkur, birtan ekki góð til myndatöku.

Setti netin upp í morgun en svo tók Bjössi við, ég skaust í Lónið til að bæta við tegund á árslistann. Fyrsta stoppið va...
28/09/2026

Setti netin upp í morgun en svo tók Bjössi við, ég skaust í Lónið til að bæta við tegund á árslistann. Fyrsta stoppið var við Hlíð en þar var fyrirheitni fuglinn og var ég fljótur að finna hann, kúhegri (ný tegund á árslistann), kom svo við á Reyðará, Vík og Hvalnesi, ekki mikið af flækingum, sá gransöngvar á Hvalnesi Annars voru þetta lang mest skógarþrestir en með nokkrum undantekningum, t.d. músarrindill á Reyðará, steindepill á Hvalnesi og þúfutittlingar í Vík. Á baka leiðinni stoppaði ég við Dynjandi, sá þar m.a. 365 brandendur og 15 fjöruspóa. Rölti hring í Einarslundi kl. 11:00 og tók svo allveg við tveimur tímum síðar. Skaust í Brunnhól á Mýrum og sá þar turtildúfu (ný tegund á árslistann), laufsöngvara, 3 maríuerlur, skógarþresti og bjargdúfur. Fór aðeins um á Höfn og sá á Sílavík, 2 grálóur, sandlóu, heiðlóu, 6 lóuþræla, stelka og hettumáfa. Lokaði netunum um kl. 20:00 og þá vorum við búnir að merkja 41 skógarþröst og laufsöngvara. Myndirnar eru af turtildúfu á Brunnhól, grálóum á sílavík, gransöngvara í Hvalnesi, kúhegra í Hlíð og músarrindli í Vík.

Þann 26. sept setti ég netin upp að vanda og á meðan ég var að því komu 3 fuglar í, þúfutittlingur, laufsöngvari og gran...
28/09/2026

Þann 26. sept setti ég netin upp að vanda og á meðan ég var að því komu 3 fuglar í, þúfutittlingur, laufsöngvari og gransöngvari, við merktum 8 fugla og endurheimtum hauksöngvarann. Ég fór og kíkti í dæluhúsið á Horni og Grænahraun en fann enga flækinga. Í hadeginu ók ég svo af stuð suður til höfuðborgarsvæðisins, en kom aðeins við á Brunnhól, Smyrlabjörgum og Hala en fann mjög lítið af fuglum í rokinu sem komið var. Vaknað árla morguns í Kópavogi og fór smá fuglabíltúr á Reykjanes, Garður og Sandgerði, töluvert sást af fuglum en ekkert af flækingsfuglum, ók aftur í bæinn og kom við á læknum í Hafnarfirði og sá þar hrísastelkinn. Næst lá leiðin út á Seltjarnarnes, ósköp lítið að sjá þar og svo í grasagarðinn, þar hafði sést grænsöngvari en ég sá ekkert nema fuglaljósmyndara að vonast eftir færi við hann. En tilgangur ferðarinn ar var 60 ára afmæli, minn góði vinur og göngufélagi hann Robbi var að halda upp á þennann áfanga í lífi sínu, þegar búið var að fylla kviðinn af kökum og öðru góðgæti þá þeittist ég bara aftur heim á Höfn. Myndirnar eru af gransöngvaranum og laufsöngvaranum, hauksöngvaranum og svo hrísastelknum.

Byrjaði morguninn á að setja nokkur net upp í þeirri von að yrði lítil rigning, rúmum tveimur tímum síðar var ég búinn a...
25/09/2026

Byrjaði morguninn á að setja nokkur net upp í þeirri von að yrði lítil rigning, rúmum tveimur tímum síðar var ég búinn að loka þeim vegna rigningar, merkti skógarþröst og smyril. Heima á lóð kom tyrkjadúfu unginn, 2 bjargdúfur og skógarþrestir. Var svo að slá inn gögn frá leirutalningunum fyrir Náttúrustofuna vel fram yfir hádegi en var svo heppinn að Bjössi vildi endilega skreppa í smá fuglabíltúr. Okkar fyrsta stopp var í Grænahrauni/Sauðanesi í Nesjum, þar var heilmikið líf, á túnunum voru grágæsir, helsingar, um 400 jaðrakanar og um 1000 hettumáfar. Heima á Grænahrauni sáust 12 hrossagaukar, maríuerlur, þúfutittlingar, stari, smyrill og um 100 skógarþrestir. Dynjandi var næsti viðkomustaður þar mátti m.a. laufsöngvara, glókoll, steindepil og fleira. Fórum svo í Skjólbrekku í Lóni, þar sáust 2 gráhegrar, laufsöngvari, þúfutittlingur og skógarþrestir. Á Stafafelli voru um 100 skógarþrestir og á Reyðará um 30 og svo einn smyrill. Lítið af fuglum í Vík, smyrill og nokkrir skógarþrestir og ekki voru þeir fleiri á Hvalensi, 2 skógarþrestir, 2 þúfutittlingar og svo ung rósafinka (ný tegud á árslistann). Síðasta stoppið var svo við Hvalnesvita, sáum þar m.a. 8 gráskrofur, bara þokkalegur eftirmiðdagsrúntur. Myndin er úr safni af ungri rósafinku frá 2020.

Veðrið í dag var ekki beint fallið til fuglaskoðunar, rigningin í morgun var óþarflega mikil en það lagaðist með köflum ...
24/09/2026

Veðrið í dag var ekki beint fallið til fuglaskoðunar, rigningin í morgun var óþarflega mikil en það lagaðist með köflum þegar leið á daginn. Gerði nokkrar tilraunir til að fara út og leita að einhverju áhugaverður, gekk mis vel. Það var auðveldara að sytja bara heima og góna út um gluggann, það dugði til að sjá eina unga tyrkjadúfu, bjargdúfu og skógarþresti. En svona til að bjarga deginum þá fann Kristján Reynir rúkraga á Hallstúni (tún rétt hjá Einarslundi). Í þriðju tilraun tókst mér að sjá rúkragann (ný tegund á árslistann), reyndi að mynda hann en vatnsveðrið sem þá stóð yfir og fjarlægðin í fuglinn gerðu fuglaskoðarnum ekki auðvelt fyrir með myndatökur og útkoman var hreinasta hörmung, svo ég fór í myndasafnið og fann þar rúkragamynd tekna á sama túni við betri aðstæður.

23/09/2026

Frekar hvasst í dag, ekki skemmtilegt fuglskoðunarveður, var lítið á ferðinni í dag. Setti netin upp í morgun og var þeim lokað um hádegið aftur, merktum músarrindil og 3 skógarþrestir. Heima á lóð komu 2 tyrkjadúfur, bjargdúfa og skógarþrestir. Um kvöldmatarleytið hringdi Bjössi og var að horfa á rósamáf utan við Óslandið, ég skaust en sá hann því miður ekki, orðið annsi dimmt, færið langt og erfitt að vera allveg viss með svona fugl, spurning hvort veðrið á morgun verði nokkuð svo slæmt að ekki verði hægt að leita af fuglinum.

Leiðinda veður í dag, kvasst af SV og rigning annað slagið. Nokkur net sett upp í morgun og þeim lokað aftur í hádeginu,...
22/09/2026

Leiðinda veður í dag, kvasst af SV og rigning annað slagið. Nokkur net sett upp í morgun og þeim lokað aftur í hádeginu, einn skógarþröstur endurheimtist. Á lóðina komu tyrkjadúfa, bjargdúfa, maríuerla og skógarþrestir, lítið skoðað í dag. Eftir að veru minni í heitapottinum í sundlauginn undir kvöld lauk fannst mér ég þurfa að finna eitthvað myndefni til að byrta hér í dag, fyrsta stopp var við ræsið í Álaugarey, einn fyrsti fuglinn sem ég sá var fullorðinn dvergmáfur og eru myndirnar af honum.

Rigning langt fram eftir degi, lítið horft eftir fuglum en samt alltaf með augun opin. Um tíma var heilmikið líf á lóðin...
21/09/2026

Rigning langt fram eftir degi, lítið horft eftir fuglum en samt alltaf með augun opin. Um tíma var heilmikið líf á lóðinni, 2 tyrkjadúfur, bjargdúfa og yfir 20 skógarþrestir. Setti net upp seinnipartinn og merkti 6 skógarþresti og hauksöngvara (ný tegund á árslistann). Myndin er af hauksöngvaranum.

Í gær fór ég í Borgarfjörðinn, sá haförn, mikið af brandöndum og heiðlóum einnig 4 gulendur neðst í Anadakílsá. Á Hvanne...
20/09/2026

Í gær fór ég í Borgarfjörðinn, sá haförn, mikið af brandöndum og heiðlóum einnig 4 gulendur neðst í Anadakílsá. Á Hvanneyru voru yfir 300 blesgæsir og allavega ein litmerkt. Í dag fór ég svo heim en kom við á Suðurnesjum og fór svo Suðurstrandaveginn og þaðan á Selfoss og svo beinustu leiðina heim (svona næstum því). Byrjaði morgunin í Hafnarfirði við Hamarkotslæk (Lækinn) og sá þar hrísastelk (ný tegund á árslistann) sem fannst í gær. Hélt þaðn svo í Garðinn og leitaði að sportittlingum en fann enga, sá þessi stað steindepla og þúfuttlinga, ennig einn ljóshöfðaandarstegg ásamt ýmsu fleiru. Horfði út á sjó við Garðskaga, töluvert var af skrofum og súlum en enga sá ég gráskrofuna í dag. Í Sandgerði voru m.a. 2 lappajaðrakanar og fjöruspói. Fór í Hafnir, lítið að sjá þar, sá samt 2 steindepla. Ók svo frá Höfn í Grindavík, með smá viðkomu á Stóru- Sandvíkur tjörn og í Víkum en ekkert þar sem ég var ekki búinn að sjá. Grindavík og svo þaðan til Eyrarbakka með smá göngutúr í Arfadalsvík, þar voru m.a. fjöruspói og 7 steindeplar. Skoðaði svo á nokkrum stöðum á heimleiðinni en ekkert nýtt að sjá. Myndirnar eru af litmerktir blesgæs á Hvanneyri og hrísastelknum í Hafnarfirði.

Fór í fuglabíltúrinn í dag í Garð og Sandgerði, samt byrjaði morguninn með svartþrastar hjali í Kópavoginum. Fyrsta stop...
18/09/2026

Fór í fuglabíltúrinn í dag í Garð og Sandgerði, samt byrjaði morguninn með svartþrastar hjali í Kópavoginum. Fyrsta stopp var við hesthúsin í Keflavík þar var stór heiðlóuhópur en fann ekkert óvænt þar, svo var farið í gömlu hjallana á milli Keflavíkur og Garðs, þar má iðulega sjá rjúpur. Það var ekki mikið að sjá til landsins en um meira af sjófuglum og var mikið af gráskrofum, ég sá um 150, einnig voru nokkur hundruð skrofur og svo heilmikið af fýlum, súlum, skörfum og stórum máfum og svona til að brjóta þetta upp sá ég fullorðinn ískjóa (ný tegund á árslistann). Í Sandgerði var reytingar af vaðfuglum, sá m.a. 2 fjöruspóa, 2 lappajaðrakana og sanderlur. Svo voru nokkrir fuglaskoðarar á svæðinu. Myndirnar eru af þúfutittling í Garði og rjúpnakarra í hjöllunum.

Address

Hagatún 8
Höfn
780

Telephone

+3548940262

Website

Alerts

Be the first to know and let us send you an email when Ár í lífi fuglaáhugamanns posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ár í lífi fuglaáhugamanns:

Shortcuts

Share

Category