Golfklúbbur Grindavíkur

Minnum á að skráningarfrestur í meistaramótið rennur út á miðnætti í kvöld, ekki missa af frábærri skemmtun!
https://tourentry.golfbox.dk/?cid=5548048

Formaður skorar á félagsmenn í tveggja manna Texas laugardaginn 25. júlí n.k

Skráning á golfbox litlar 2000 kr í keppnisgjald á mann og aðeins 72 sæti í boði.

Ræst út á öllum teigum kl. 11:00 mæting 10:30

Kveðja
GG

Þakklæti til Golfklúbbs Vestmannaeyja og glæsilegur árangur Grindvíkinga

Golfklúbbur Grindavíkur vill færa Golfklúbbi Vestmannaeyja innilegar þakkir fyrir hlýlega og höfðinglega gjöf sem klúbburinn afhenti á lokahófi Icelandair Volcano Open. Gjöfin var veitt sem þakklætisvottur til þeirra Grindvíkinga sem hafa í gegnum árin verið dyggir þátttakendur í Volcano Open, auk þess að vera tákn um þann góða vinskap og samstarf sem ríkt hefur á milli golfklúbbanna um árabil. Slík vinátta og gagnkvæm virðing er ómetanleg og kunnum við eyjamönnum bestu þakkir fyrir þessa fallegu viðurkenningu 🙏

🏆 Grindvíkingar létu einnig vel að sér kveða á vellinum og náðu glæsilegum árangri í mótinu. Bergvin Friðberg Ólafarson sigraði 1. flokk og Hávarður Gunnarsson hafnaði í 3. sæti í sama flokki. Þá vann Haukur Guðberg Einarsson 2. flokkinn

Golfklúbbur Grindavíkur óskar verðlaunahöfum innilega til hamingju með frábæran árangur og þakkar Golfklúbbi Vestmannaeyja fyrir frábært mót, einstakar móttökur og vináttuna sem hefur styrkst með hverju árinu. Við erum fullviss um að okkar félagsmenn sem tóku þátt í ár hlakkar mikið til að mæta aftur að ári 😊

📸⛳ Við náðum að sanka að okkur nokkrar myndir frá okkar fólki sem og á fésbókarsíðu Golfklúbbs Vestmannaeyja sem okkur langaði að birta með þessari færslu

Kæru félagar, við höfum tekið ákvörðun að Stigamóti 6 sem fara átti fram á morgun verði frestað vegna veðurs, ný dagsetning kynnt fljótlega 🏌️‍♀️🏌️🏌️‍♂️

Fréttabréf GG Júlí 2026

-Meistaramót GG 2026
-Staðfesting á rástíma við mætingu
-Umgengni á Húsatóftavelli
-Hægur leikhraði

Okkur langar sérstaklega að benda á breytingar er varðar rástíma á miðvikudeginum og fimmtudeginum í meistaramóti GG. Í stað þess að hafa þetta frjálst þá höfum við ákveðið að vera með fasta rástíma fyrir alla kylfinga í mótinu og ræsa út eftir flokkaskiptingu, sem sagt strax á öðrum degi mun verða ræst út eftir skori innan hvers flokks. Þetta eru breytingar sem hefur verið kallað eftir í þó nokkur ár sem og þetta einfaldar mótanefnd töluvert utanumhald á rástímum fyrstu tvo dagana sem hefur oft á tíðum verið frekar skrautlegt.

Fréttabréf GG Júlí 2026 Meistaramót GG 2026

Þetta er ekki í lagi, kylfingar verða að gera betur en þetta. Myndin er tekin á 13 flöt.

Hola í höggi á Húsatóftavelli.

Fyrr í dag fór Brynjólfur Bjarnason (GKG) holu í höggi á 14. braut, Brynjólfur notaði 7 járn í verkið.
Í samtali við starfsmenn GG sögðu meðspilarar að höggið hefði verið einkar glæsilegt og kom það því ekki á óvart þegar inná flöt var komið að boltinn væri í holunni.

Venju samkvæmt bauð Brynjólfur meðspilurum uppá mat og drykk eftir hring. 🍾🍾

þeir sem hafa hug á því að fara holu í höggi á næstu dögum eru beðnir um að panta mat fyrirfram í skála til þess að sleppa við óþarfa bið ; )

GG

Hrafn Hjartarson er 10 ára gamall Grindvíkingur sem kom með foreldrum sínum og systkynum í golf í gærkvöldi.

Hrafn las að hann gæti fengið fríann drykk hjá okkur ef hann myndi safna 50 nikótínpúðum á vellinum og skila til okkar.

Þau spiluðu aðeins 4 holur og á leið hans um völlinn safnaði hann bæði púðum og sígarettustubbum.

Við þökkum Hrafni kærlega fyrir að aðstoða okkur við að halda vellinum hreinum og vildum sýna öðrum hversu flott fyrirmynd hann er fyrir okkur öll. 👌🏻

Best væri þó ef ekkert væri skilið eftir á vellinum 🚮

Hrafn valdi sér Pepsi og fékk til viðbótar GG merkta golfkúlu.

Úrslit úr stigamóti 5.

Forgjafarflokkur 36,1- 54

1. Páll Hreinn Pálsson 33 p

Forgjafarflokkur 0-36

1.Gunnar Þ Jónsson 39 p
2. Bjarni Andrésson 38 p
3. Steinþór Júlíusson 36 p

Besta skor

Sigurður Helgi Hallfreðsson 79 Högg

Vinningshafar geta sótt vinninga á skrifstofu GG.

Staða efstu manna á stigalista eftir 5 mót er þannig að Haukur Guðbeg Einarsson er efstur með 114 stig og kannski kemur það engum á óvart því hann hefur leikið gríðalega gott golf það sem af er sumri, í samtali við GG segir Haukur að hann stefni á að vinna þessa stigakeppni og það örugglega.
Haukur vill þakka eiginkonu og vinum sérstaklega fyrir þeirra stuðning og fyrir það að hafa haldið honum frá KFC á árinu. 🐓🐓

í öðru sæti með 78 stig er enginn annar en Bjarni Andrésson sem allir ættu að kannast við, Bjarni sem verður 77 ára á árinu lék í gær fyrri níu á 1 höggi undir pari vallarins.

í þriðja sæti einu stigi á eftir Bjarna er Rúnar Sigurjónsson.

GG vill minna á skráningu í meistaramót sem hefst 15. júlí. stefnan er sett á met þáttöku en til þess að það verði þurfið þið að skrá ykkur til leiks 😃🏌️🏌️🏌️🏌️

Stigamót 4 úrslit:

Punktakeppni flokkur 36 og lægri:

1. Helgi Leó Leifsson 42 p
2. Haukur Guðberg Einarsson 41 p
3. Rúnar Sigurjónsson 40 p

Besta skor:

Helgi Dan Steinsson 69 högg.

Staða efstu manna á stigalista eftir 4 mót:

1. Haukur Guðberg 104 stig
2. Rúnar Sigurjónsson 77 stig
3. Ágúst Pálsson 75 stig

GG