Golfklúbbur Álftaness

⛳ Ósóttar klúbbpeysur í golfskálanum ⛳

Kæru GÁ-ingar,

Við viljum minna þá félagsmenn sem pöntuðu klúbbpeysur í forsölu á að enn eru nokkrar peysur ósóttar í golfskálanum.

Ef þú hefur ekki enn náð í peysuna þína, hvetjum við þig til að kíkja við sem fyrst og sækja hana. 😊

Fyrir þá sem misstu af forsölunni er einnig hægt að leggja inn pöntun á næstu sendingu, sem áætlað er að berist um miðjan eða lok ágúst.

Um er að ræða glæsilegar golfpeysur frá skoska merkinu Glenmuir. Peysurnar eru úr 50% merínóull og 50% akrýl, með svokölluðu vindheldu (wind-resistant) fóðri sem hentar einstaklega vel á golfvellinum við íslenskar aðstæður.

Við hlökkum til að sjá félagsmenn á vellinum í þessum glæsilega fatnaði merktum GÁ. ⛳

Sælar kæru GÁ-konur ⛳️
Við minnum á kvennatímann í dag 13. júlí ⛳️ kl. 17-19
Bjóðum sérstaklega velkomnar allar sem eru að byrja í golfi, tökum vel á móti ykkur! 🤗❤️
- Skráið rástíma í Golfbox:
- undir mótaskrá/Kvennatími
Skálinn býður til sölu súrdeigsbrauð og túnfisksalat. Munið að skrá alla birdies í fuglahúsið 🐥⛳️ Hlökkum til að sjá ykkur syngjandi í rigningunni saman ❤️

⛳️ HOLA Í HÖGGI Á 7. HOLU! ⛳️

Í hádeginu þann 24. júní mætti Elísa Björnsdóttir á 7. teig. Valið féll á ljótustu og ómerkilegustu kúluna í settinu, enda var hún talin líklegri til að enda í mýrinni en á flötinni. Fyrr í vikunni hafði kúlan ekki drifið inn á flöt með járni, svo það varð að láta reyna á 4 wood.

Smellurinn var fullkominn. Kúlan flaug lágt og hratt, beint í átt að holunni. Hljóðið þegar hún rakst í flaggstöngina bergmálaði um Álftanesið og þegar litið var á flötina var kúlan hvergi sjáanleg.
Það g*t aðeins þýtt eitt...
🎉 HOLA Í HÖGGI! 🎉

Þetta er ógleymanleg stund með vinum á vellinum og minning sem lifir lengi.
Innilega til hamingju, Elísa! 👏🏌️‍♀️⛳️

Glæsilegu meistaramóti okkar lauk á laugardaginn.

Mótið í ár var það fjölmennasta frá upphafi og mættu 81 kylfingur til leiks. Klúbbmeistarar ársins eru Kjartan Matthías Antonsson og Guðrún Birna Snæþórsdóttir og óskum við þeim innilega til hamingju.

Við þökkum öllum þeim sem aðstoðuðu við að gera þetta mót eins glæsilegt og raun bar vitni. Hvort sem það var með því að koma með veitingar yfir keppnisdagana, aðstoða við uppsetningu salarins eða sinna öðrum þeim verkefnum sem þurfti að leysa.
Við viljum sérstaklega þakka mótanefndinni, þeim Kjartani Matthíasi Antonssyni og Veigari Þórarinssyni, fyrir þeirra framlag, bæði við undirbúning mótsins og þá vinnu sem unnin var á meðan mótið stóð yfir.

Mótinu lauk svo formlega á laugardagskvöldið með glæsilegu lokahófi þar sem verðlaunaafhending fór fram og kylfingar skemmtu sér fram eftir kvöldi.

Kæru GÁ-ingar,

Í dag hefst Meistaramótið okkar.

Nú er komið að stærsta móti ársins hjá klúbbnum og þátttakan er framar björtustu vonum. Alls taka 82 kylfingar þátt og verður keppt í sjö flokkum.

Mótanefnd hefur lagt mikla vinnu í undirbúning mótsins og stefnt er að því að gera Meistaramótið í ár hið glæsilegasta. Keppendur munu meðal annars taka eftir nýjum og glæsilegum merkingum á vellinum.

Mótinu lýkur svo á laugardagskvöld með góðum veitingum, verðlaunaafhendingu og skemmtun fram eftir kvöldi.

Við höfum uppfært staðarreglur vallarins og gert nokkrar breytingar. Helstu breytingarnar eru eftirfarandi (sjá einnig meðfylgjandi myndir):
• Rauðir hælar fyrir aftan 1. flöt, sem ná að grjótgarðinum þar sem vallarmörk liggja.
• Fallreitur á 2. braut við blámerkt svæði.
• Göngustígurinn við 7. flöt er nú merktur með rauðum hælum frá Haukshúsum og fram fyrir flötina.
• Breytingar hafa verið gerðar á hvítum hælum við 8. braut.

Við í stjórninni viljum þakka öllum þeim sem hafa lagt hönd á plóg og aðstoðað við að gera aðstæður á vellinum eins góðar og kostur er.

Við viljum jafnframt hvetja keppendur sem hafa tök á því, að koma fótgangandi í mótið, þar sem búast má við miklum þrengslum á bílastæðinu. Bent er á að einnig er hægt að leggja bílum við Safnaðarheimilið við Brekkuskóga, við Bjarnastaði og við æfingaholuna.

Við óskum öllum keppendum góðrar skemmtunar og góðs gengis á Meistaramótinu.

Bestu kveðjur,
Einar Georgsson
Formaður GÁ

Kæru GÁ-ingar, Klúbbpeysurnar eru komnar!!!

Þeir sem keyptu peysur í forsölu geta komið í golfskálann okkar og sótt pöntun sína.

Um er að ræða glæsilegar golfpeysur frá skoska merkinu Glenmuir. Peysurnar eru úr 50% merínóull og 50% akrýl, með svokölluðu wind-resistant (vindheldu) fóðri sem hentar einstaklega vel á golfvellinum við íslenskar aðstæður.

Því miður fengum við aðeins hluta af þeim aukapeysum sem við pöntuðum. Þeir sem ekki hafa enn tryggt sér þessar glæsilegu peysur geta komið til okkar í GÁ og lagt inn pöntun sem ætti að berast um miðjan eða lok ágúst. Ástæða þess að við fengum færri peysur en ráðgert var, er sú að Glenmuir varð fyrir því óhappi að hluti af verksmiðju fyrirtækisins brann í sumar.

Við hlökkum til að sjá félagsmenn á vellinum í þessum glæsilega fatnaði merktum GÁ.

Bestu kveðjur, Stjórnin

⛳️ Kæru félagsmenn! ⛳️

Meistaramótið er fram undan og við viljum skapa sem skemmtilegasta stemmningu í klúbbhúsinu eftir hvern keppnishring. 💚

Við leitum því til ykkar sem hefðu áhuga á að leggja sitt af mörkum með því að baka eða koma með einhverjar veitingar. Það þarf ekkert að vera flókið – margt smátt gerir eitt stórt og saman getum við gert meistaramótið enn skemmtilegra fyrir alla. 🧁☕🍰

Ef þú hefur tök á að koma með eitthvað, endilega skrifaðu í athugasemd hvaða dag hentar þér best:

* Fimmtudagur
* Föstudagur
* Laugardagur

Þannig getum við dreift þessu sem best á milli daganna.

Mótanefndin kann innilega að meta allan stuðning og hlökkum til að eiga frábæra meistaramótshelgi með ykkur öllum! ⛳️🙌

⛳️ Meistaramót GÁ 2026 – skráning í fullum gangi! ⛳️

Skráning í Meistaramótið gengur frábærlega og eru 58 keppendur nú þegar skráðir! 👏

Mótið hefst á fimmtudaginn og viljum við hvetja alla sem ætla sér að vera með að skrá sig sem fyrst.

Við hlökkum til að sjá sem flesta á fimmtudag í stærsta golfmóti sumarsins! ⛳🏆

⛳️ Stigamótið heldur áfram á morgun – þriðjudag! ⛳️

Við viljum minna á að ekkert stigamót verður á þriðjudag í næstu viku, þar sem Meistaramót GÁ hefst á fimmtudaginn 2. júlí🏆

Því er umferðin á morgun næstsíðasta umferð stigamótsins. Lokaumferð stigamótsins verður síðan leikin samhliða síðasta hring Meistaramótsins á laugardeginum, sem einnig gildir til stiga í mótaröðinni.

Staðan er víða spennandi og því mikilvægt að mæta og safna dýrmætum stigum fyrir loka metrana! 🔥

🏅 Verðlaunaafhending stigamótsins fer fram á lokahófi Meistaramótsins á laugardagskvöldinu.

Við hvetjum alla til að vera með á morgun! ⛳️💪

Mótanefnd GÁ

🏆 MEISTARAMÓT GÁ 2026 🏆

Skráning opnaði í dag fyrir Meistaramót GÁ á Álftanesi sem er hápúnktur sumarsins! ⛳️

Dagana 2.–4. júlí verður keppt um titla í fjölmörgum flokkum.

🎯 54 holur á 3 dögum (fimt-lau)
🏅 Glæsileg verðlaun
🎉 Lokahóf og verðlaunaafhending innifalin í mótsgjaldi
⛳ Flokkar fyrir alla kylfinga

Við hvetjum alla félagsmenn til að skrá sig sem fyrst og ekki síður að peppa vini, fjölskyldu og aðra kylfinga í kringum sig til að taka þátt í stærsta móti sumarsins.

Við stefnum á glæsilega þátttöku og ógleymanlega helgi á Álftanesi! 💙

Skráning fer fram á GolfBox.