Stjarnan körfubolti

Heiðrún Björg Hlynsdóttir til Svíþjóðar 🤝

Fleiri af okkar ungu leikmönnum halda erlendis.

Heiðrún Björg hefur lengi verið hluti af Stjörnunni, spilað í þrjú ár í Bónus deildinni ásamt því að hafa spilað fyrir öll yngri landslið Íslands, nú síðast fyrir U20 ára lið Íslands sem náði frábærum árangri í A-deildinni í sumar.

Heiðrún hefur samið við Brahe Basket í Svíþjóð sem spilar í sænsku úrvalsdeildinni og frábært tækifæri framundan.

Við óskum Heiðrúnu góðs gengis í Svíþjóð og hlökkum til að fylgjast með henni í vetur.

SKÍNI STJARNAN 💙

Til hamingju með daginn Garðabær!

Meistaraflokkur karla er með fjáröflun á Garðatorgi í tilefni fyrirhugaðrar keppnisferðar i haust.

Drykkir við allra hæfi á góðu verði 🏀

Komdu og kiktu á okkur og hver veit nema penninn verði á lofti fyrir eiginhandaráritanir ✍️

Skíni Stjarnan 💙

Sigrún Sól Brjánsdóttir til Ameríku.

Sigrún Sól hefur leikið með Stjörnunni allan sinn feril. Í fyrra spilaði hún sínar fyrstu mínútur í Bónus deildinni ásamt því að vera í lykilhlutverki í 1.deildar liði Stjörnunnar, hefur leikið með U15 og 16 landsliðum Íslands og nú síðast var hún í U18 landsliðinu sem stóð sig vel í B-deildinni í sumar.

Sigrún gengur til liðs við Westtown high school í Philadelphiu í Bandaríkjunum. Liðið er hátt skrifað á landsvísu í Bandaríkjunum og því um frábært tækifæri að ræða.

Við óskum Sigrúnu góðs gengis og hlökkum til að fylgjast með henni í vetur.

Jakob Kári Leifsson framlengir við Stjörnuna 🤝

Jakob Kári hefur skrifað undir nýjan samning við Stjörnuna og mun leika með liðinu í Bónus deildinni í vetur.

Jakob er fæddur árið 2008 og spilaði stórt hlutverk með U18 landsliði Íslands í sumar.
Hann hefur æft og spilað með Stjörnunni frá 10 ára aldri, og unnið fjölmarga Íslands-og bikarmeistaratitla með Stjörnunni.

Við fögnum því að Jakob Kári endurnýi samning sinn við Stjörnuna og hlökkum til að fylgjast með honum í ÞG Verk höllinni í vetur.

Til hamingju Jakob Kári – Til hamingju Stjarnan

SKÍNI STJARNAN 💙

Kormákur Nói Jack til Þýskalands.

Kormákur samdi við Bremerhaven í Þýskalandi þar sem hann mun spila með U19 ára liði félagsins.
Bremerhaven er félag með mikla sögu og spilar á næsta ári í Pro A, næst efstu deild Þýskalands. Þess má geta að Hilmar Smári Henningsson spilaði með liðinu tímabilið 2023-2024.

Kormákur spilaði í sumar lykilhlutverk með U16 ára liði Íslands sem náði frábærum árangri og lenti í öðru sæti Evrópumótsins.
Það er alltaf gaman að sjá okkar fólk taka skrefið og reyna sig erlendis.

Við óskum Kormáki góðs gengis og hlökkum til að fylgjast með honum í vetur.

A-landslið karla mætti Finnlandi í vináttuleik í Helsinki í gær og fara þaðan til Belgrad í Serbíu þar sem þeir mæta heimamönnum föstudaginn 28. ágúst og Tyrkjum í Laugardalshöll mánudaginn 31. ágúst.

Fulltrúar Stjörnunnar í ferðinni eru þeir Hilmar Smári Henningsson og Bjarni Guðmann Jónsson.

Við óskum þeim og liðinu góðs gengis í leikjunum sem framundan er.

Áfram Ísland.

A-landslið kvenna mætti Portúgal í tveimur vináttuleikjum í Lissabon um helgina, leikirnir voru liður í undirbúningi liðsins fyrir næsta keppnisglugga sem er í nóvember.

Berglind Katla Hlynsdóttir spilaði sína fyrstu landsleiki í ferðinni en hún og Eva Wium Elíasdóttir voru flottir fulltrúar Stjörnunnar.

Leikirnir töpuðust en engu að síður mikilvægt fyrir liðið að slípa sig saman fyrir verkefni vetrarins.

Áfram Ísland

Zay Dyer semur við Stjörnuna ✍️

Zay er 22 ára og fædd í Bandaríkjunum. Hún kemur beint úr Troy University og vakti athygli þar fyrir gríðarlegar góða frammistöðu á körfuboltavellinum, og hlaut meðal annars viðurkenningar sem varnarmaður ársins og fl. Hún spilar í stöðu framherja, sterkur frákastari og ver hringinn vel.

Við bjóðum Zay velkomna í Stjörnuna og hlökkum til að fylgjast með henni í ÞG Verk höllinni í vetur.

Til hamingju Zay – til hamingju Stjarnan

Skíni Stjarnan 💙

Amandas Urkis semur við Stjörnuna.✍️

Amandas er 27 ára og fæddur í Litháen. Hann lék í bandaríska háskólaboltanum með Kentucky Wesleyan Panthers og stundaði einnig nám við Lewis & Clark Community College.
Hann kemur til Stjörnunnar frá BK Ventspils í Lettlandi.

Við bjóðum Urkis velkominn í Stjörnuna og hlökkum til að fyljgast með honum í ÞG Verk höllinni í vetur.

Til hamingju Amandas – til hamingju Stjarnan

Skíni Stjarnan 💙

Stina Almqvist semur við Stjörnuna ✍️

Stina kom til Stjörnunnar á miðju síðasta tímabili, eftir að hafa spilað í Þýskalandi og átti mjög góðan feril í háskóla í Bandaríkjunum þar sem hún skilaði mjög góðum tölum.

Í þeim 13 leikjum sem hún spilaði með okkur í fyrra skilaði hún að meðaltali 19 stigum og 8 fráköstum í leik. Hún fjölhæf og getur spilað margar stöður og fögnum við því að hún verði með okkur áfram í vetur í ÞG Verk höllinni.

Til hamingju Stina – Til hamingju Stjarnan.

Skíni Stjarnan 💙