Skautafélag Akureyrar Íshokkí

Öruggur sigur og flott frammistaða í opnunarleik tímabilsins. Silvía og Hilma skoruðu mörkin sem komu bæði í fyrstu lotu.

Opnunarleikur tímabilsins í Toppdeild kvenna á laugardag.
SA kvenna 🆚 SR Kl 16:45

🍔Burger fyrir leik og í leikhléi.
🥪 Ásgarður sjoppan í Skautahöllinni Opin.
🎟 Forsala Miða: https://dashboard.stubb.is/tickets/types/23222

Við tökum vel á móti öllum nýjum iðkendum næstu daga og vikur. Allur nauðsynlegur búnaður fæst á staðnum. Gott er að mæta að minnsta kosti 30 mínútum fyrir fyrsta tímann svo þjálfarar geti tekið á móti ykkur og aðstoðað við að finna búnað við hæfi ❤️🏒

Það voru 100 manns sem komu saman við skautahöllina í gær og gengu eða hlupu til stuðnings hlaupurum Reykjavíkurmaraþonsins til minningar og áheita í málstað okkar ástkæru Sólveigar Huldu og barnabarns hennar litlu Sólveigar Huldu.
Það var mögnuð appelsínugul fylking úr samfélaginu okkar sem spretti af stað frá höllinni í gærmorgun, mátti þar sjá sjálfboðaliða, dómara, leikmenn, stjórnarfólk, fjölskyldu, vini og velunnara Sólveigar og fjölskyldu.
Gengið var upp Miðhúsabraut, norður Þórunnarstræti að sjúkrahúsinu, niður Spítalaveginn og suður Aðalstrætið og endað í höllinni þar sem grillaðar pylsur og drykkir biðu þátttakenda.

Það er óhætt að segja að þetta var góð stund, þar sem ungir sem aldnir komu saman, elsti að nálgast 95 árin og yngsta rétt 3 mánaða. Það var gott að hittast, hreyfa sig og njóta stundarinnar í minningu Sollu, meðfylgjandi myndir segja betur frá öllu saman

Göngum, skokkum eða hlaupum saman í minningu Sólveiganna okkar á laugardaginn, hittumst við Skautaöllina kl 10🧡🧡

Göngum í minningu Sollu Göngum í minningu Sollu, sýnum samhug í verki með hlaupurum í Reykjavíkurmaraþoni

Nýtt tímabil handan við hornið 🏒

Nýtt tímabil handan við hornið. Það er ekki úr vegi, svona rétt áður en nýtt hokkí tímabil hefst, að rifja upp lokin á því liðna

Joseph Aubert frá Bishop’s University og Owain O’Connor frá Ottawa Sting Hockey Club í Kanada verða gestaþjálfarar hjá U16, U18 og Junior hópunum okkar í SA Sumarskólanum næstu tvær vikurnar. Þeir koma til okkar í samstarfi við Hockey Without Borders. 🇨🇦🏒
Það er uppselt í Junior og krakkahópana, en enn eru nokkur laus pláss í U16 og U18 og skráning er opin.

Velkomnir til Akureyrar, Joseph og Owain! ❤️🏒

Emil Alengård ✍️

Íshokkídeild Skautafélags Akureyrar hefur ráðið Emil Alengård sem yfirþjálfara meistaraflokka karla og kvenna ásamt U18 flokki félagsins fyrir tímabilið 2026–2027.

Emil kemur til SA frá Fjölni þar sem hann hefur starfað sem yfirþjálfari undanfarin ár og náð framúrskarandi árangri. Undir hans stjórn varð meistaraflokkur kvenna Íslandsmeistari árin 2024 og 2025 auk þess sem hann hefur komið að uppbyggingu yngri flokka félagsins og þróun leikmanna á öllum aldri. Áður en hann kom til Íslands starfaði hann hjá sænska stórliðinu AIK þar sem hann þjálfaði U18 og U20 lið félagsins auk þess að vera aðstoðarþjálfari meistaraflokks karla í Allsvenskan.

Emil er af mörgum talinn fremsti íshokkíleikmaður sem Ísland hefur alið. Hann lék stærstan hluta ferils síns í Svíþjóð auk þess að leika háskólahokkí í Bandaríkjunum og færir SA einstaka reynslu bæði sem leikmaður og þjálfari.

„Ráðning Emils er mikilvægur liður í áframhaldandi uppbyggingu íshokkístarfs SA. Markmiðið er að styrkja enn frekar þróun ungra leikmanna, efla tengingu milli yngri flokka og meistaraflokka og byggja áfram á þeirri sterku menningu sem einkennt hefur starf félagsins undanfarin ár,“ segir Beta, formaður íshokkídeildar SA.

Við bjóðum Emil og fjölskyldu hans hjartanlega velkomin til Akureyrar og hlökkum til samstarfsins á komandi tímabili.

Velkominn í SA Emil 🤝

Íshokkídeild Skautafélags Akureyrar semur við Emil Alengård Íshokkídeild Skautafélags Akureyrar hefur ráðið Emil Alengård sem yfirþjálfara meistaraflokka karla og kvenna ásamt U18 flokki félagsins fyrir tímabilið 20