Sjálfsrækt

✨Ég kynntist nýrri hlið á sjálfum mér. Þessir tímar gerðu svo mikið fyrir mig að ég plataði mömmu mína með mér á næsta námskeið. Hjálpar mikið með stress og taugakerfið, að læra að ná ró, þar sem daglegt líf er fullt af stanslausu áreiti.

Ég fann mig strax í Jóga Vellíðan tímunum, alveg frá fyrsta tíma. Andrúmsloftið er afslappað, öllum er mjög vel tekið í öruggu umhverfi þar sem maður getur verið maður sjálfur. Ég nýti mér öndunaræfingar og annað sem ég hef lært á námskeiðinu daglega. Þetta hefur haft stórkostleg áhrif á líf mitt, svo miklu meira en ég hefði nokkurn tíman trúað. Opnar á heim sem mig óraði ekki fyrir. Ég er ofvirkur með mikið ADHD og er alls ekki rólega týpan sem ég hefði séð fyrir mér að stundaði jóga, en ég er svo feginn í dag að hafa gefið þessu séns og prufað, ég á eftir að búa að þessari þekkingu svo lengi sem ég lifi. Takk kærlega fyrir mig.

Ég myndi mæla með því fyrir alla að iðka í Sjálfsrækt því það er svo mikilvægt að ná ró og liðka líkamann. Gerir svo mikið fyrir núvitund og almenna vellíðan.

- Axel Darri

Líkaminn var skapaður til að hreyfast í allar áttir. Hann var ekki hannaður til að hreyfast bara beint áfram. Hann var skapaður til að beygja sig, snúa sér, ná upp fyrir sig, lyfta, bera, skríða, standa upp og hreyfast frjálst í allar áttir.

Við vinnum með þessa þætti í Liðleika og styrk (mobility) tímunum okkar.

Við erum ekki bara að byggja upp styrk eða bara liðleika. Við erum að byggja upp hreyfigæði og auka hreyfifærni. Við æfum hreyfingar sem líkaminn notar á hverjum degi, svo hann verði sterkari, öruggari og færari í daglegu lífi.

Fyrir okkur snýst hreyfingin í Sjálfsrækt um að þjálfa upp líkama sem þjónar þér vel, í dag, eftir tíu ár og alla dagana þar á milli.

💚 Hvaða vilt þú geta gert í dag...og eftir tíu ár?

Við höfum ekki fullkomna stjórn á því hvernig við eldumst. Lífið er einfaldlega þannig að við förum í gegnum alls konar tímabil þar sem líkaminn breytist, við höfum misjafna orku, meiðumst, veikjumst eða þurfum að takast á við nýjar áskoranir. En við höfum þó oft mun meiri áhrif á það hvernig okkur líður og hvernig líkaminn þjónar okkur til lengri tíma en við gerum okkur grein fyrir.

Við erum gjörn á að leita að einni lausn sem á að breyta öllu. Nýju æfingaprógrammi, s*x vikna átaki eða flýtileið að betri heilsu og langlífi. Á meðan gleymum við oft grunninum. Við gleymum að spyrja hvort við sofum nóg, hreyfum okkur reglulega, byggjum upp styrk, hvílum okkur og gefum líkamanum tækifæri til að endurheimta sig. Það eru einmitt þessir einföldu hlutir sem geta skipt gríðarlegu máli þegar litið er til margra ára, ekki bara næstu vikna.

Raunverulegar breytingar verða nefnilega sjaldnast til á stuttum tíma. Þær verða til með því sem við gerum aftur og aftur, ár eftir ár. Við ofmetum oft það sem ein hörkuæfing getur gert og vanmetum það sem góðar venjur geta gert á tíu árum.

Að byggja hraustan líkama fyrir lífið snýst ekki um að gera allt fullkomlega. Það snýst um að velja reglulega það sem þjónar líkamanum best. Að hreyfa sig. Byggja upp styrk sem nýtist í daglegu lífi. Halda í hreyfanleikann svo líkaminn geti gert það sem við biðjum hann um. Hvíla sig þegar þess þarf og hlusta þegar líkaminn lætur vita að eitthvað þurfi að breytast.

Lestu alla greinina hér:
https://www.sjalfsraekt.is/frodleikur/

Hvernig hljómar að taka frá heila helgi bara fyrir þig?

Helgi þar sem þú færð smá rými til að...

..slaka á og anda aðeins dýpra
..til að tengjast líkamanum í gegnum meðvitaða hreyfingu, liðleika og styrktaræfingar
..slaka vel á í Jóga Nidra
..losa um spennu með bandvefslosun
..fara í gönguferðir og sauna
..borða góðan ma.
..hlæja í góðum hópi kvenna

Það er merkilegt hvað gerist þegar þú stígur aðeins út úr hversdeginum. Þegar þú leggur öll hlutverk og skyldur til hliðar um stund og leyfir þér að njóta augnabliksins.

📍Helgafell hlédragssetur, Svalbarðsstrandarhreppi
⏰ 25.- 27.september

Allar frekari upplýsingar á heimasíðu Sjálfsræktar

💚 Ætlar þú að koma með okkur og njóta
https://www.abler.io/shop/sjalfsraekt/1/product/Q2x1YlNlcnZpY2U6NjA4Njc=

Það eru ákveðin skilaboð sem við fáum aftur og aftur.
Ef okkur líður ekki vel eigum við að hreyfa okkur meira. Vera duglegri. Taka okkur á.
Stundum er það alveg rétt. En stundum er líkaminn einfaldlega orðinn þreyttur.
Þá er vandamálið ekki að við séum að gera of lítið heldur að við höfum verið að gera of mikið í of langan tíma.

Þegar taugakerfið er stöðugt á ferðinni nær líkaminn ekki alltaf að endurheimta sig. Jafnvel góður nætursvefn getur orðið grunnur ef líkaminn fær aldrei raunverulega tækifæri til að slaka á.

Þess vegna leggjum við svona mikla áherslu á hvíld í Sjálfsrækt.

Ekki vegna þess að hún sé andstæða hreyfingar heldur vegna þess að hún er hluti af henni. Líkaminn verður ekki sterkari á meðan við æfum. Hann verður sterkari þegar hann fær tækifæri til að jafna sig.

Þess vegna elskum við Jóga Nidra.

Þar þarftu ekki að standa þig. Þú þarft ekki að ná einhverju markmiði. Þú leggst einfaldlega niður og gefur líkamanum rými til að gera það sem hann kann svo vel þegar hann fær frið.
Kannski er það einmitt það sem vantar hjá mörgum okkar.
Ekki meira álag, heldur aðeins meira rými.

👉Hvenær gafstu líkamanum síðast leyfi til að hvíla sig án samviskubits?

Við erum svakalega dugleg að ýta okkur áfram.

Að gera meira.
Æfa meira.
Klára meira.
Vera duglegri.

En hvað ef það er ekki það sem við þurfum mest á að halda til að líða vel?

Í Sjálfsrækt spyrjum við:

Á hverju þarft þú að halda núna?

Kannski finnurðu fyrir spennu. Kannski ertu orkulaus. Kannski er líkaminn orðinn stirður og verkjaður. Eða kannski áttu erfitt með að slaka á þegar þú sest niður eftir daginn.

Til að okkur geti liðið sem best þurfum við að geta hvílst, líkaminn okkar þarf að geta hreyft sig vel og við þurfum að hafa orku til að njóta þess sem lífið býður upp á.

Nálgun okkar byggir á grunnstoðum sem vinna saman:

🌿 Ró
Til að styðja við taugakerfið og skapa meira jafnvægi.

🌿 Endurheimt
Til að losa um spennu, gefa líkamanum tíma til að jafna sig og endurheimta góða hreyfigetu.

🌿 Uppbygging
Til að byggja upp styrk og liðleika, hreyfigæði og traust á eigin líkama.

Við trúum því ekki að sjálfsrækt sé eitt enn verkefnið á verkefnalistanum sem þarf að mastera. Við trúum því að hún sé leið til að hugsa vel um sig og eðlilegur hluti af lífi þar sem markmiðið er að líða vel á líkama og sál.

💚 Ef þú stoppar aðeins og hlustar á líkamann í dag... hvað finnst þér hann þurfa mest á að halda?

• Ró
• Endurheimt
• Uppbyggingu

✨Að stunda líkamsrækt hjá Sjálfsrækt er að vera hluti af samfélagi sem tekur vel á móti þér í hvert sinn sem þú mætir. Fjölbreyttir tímar sem hægt er að velja úr eftir því hvernig þér líður þann daginn.

Með því að stunda líkamsrækt hjá Sjálfsrækt þá hef ég haldið við líkamlegum styrk, liðleika og jafnvægi. Hvað varðar andlegu hliðina þá finn ég aukna ró og sef betur.

Svo er líka svo frábært hvað stöðin er vel staðsett 😄

- Þorbjörg

Hey! Ertu ekki örugglega að fylgja okkur á Instagram. Þar erum við duglegar að deila alls konar upplýsingum um starfsemina, ekki missa af💚☀️

Farðu inn á tengilinn og hentu í eitt follow

Sjálfsrækt (@sjalfsraekt) • Instagram photos and videos 1,648 Followers, 1,011 Following, 388 Posts - See Instagram photos and videos from Sjálfsrækt ()

Ég sat með einstakling í markþjálfun fyrir nokkru síðan sem sagði við mig: „Mér finnst ég vera fastur. Mér líður stundum eins og ég hafi ekkert komist áfram.“

Hann sá alla hlutina sem hann átti eftir að gera og það dró úr honum kraftinn að hugsa til þess hversu leiðin í land væri ennþá svo löng. Þegar við fórum að skoða þetta saman kom hins vegar önnur mynd í ljós. Hann hafði farið í gegnum breytingar sem hann hefði ekki trúað að hann gæti tekist á við. Hann hafði staðið af sér erfiða tíma, lært að setja mörk, tekið ákvarðanir sem kröfðust hugrekkis og byrjað að hlusta betur á sjálfan sig.

Ég held að við könnumst öll við þetta á einn eða annan hátt. Það er merkilegt hvað við eigum auðvelt með að sjá það sem vantar. Það sem við eigum eftir að læra, laga eða bæta. Markmiðin sem við höfum ekki enn náð, venjurnar sem við höfum ekki enn tileinkað okkur eða verkefnin sem bíða okkar handan við hornið.

Rannsóknir í sálfræði hafa sýnt að við höfum tilhneigingu til að veita hinu neikvæða meiri athygli en hinu jákvæða. Þetta er stundum kallað negativity bias og lýsir því hvernig neikvæð reynsla, gagnrýni og erfið atvik hafa oft sterkari áhrif á okkur en jákvæð reynsla af svipuðum styrk. Að einhverju leyti hefur þessi eiginleiki hjálpað okkur að þróast og lifa af. Hugurinn leitar ósjálfrátt að því sem gæti farið úrskeiðis, því sem þarf að laga og því sem við þurfum að varast.

Kannski er það ástæðan fyrir því að við getum fengið tíu fallegar athugasemdir frá fólki í kringum okkur en festum okkur samt við þá einu sem felur í sér gagnrýni. Eða af hverju eitt erfitt samtal getur skyggt á heila helgi sem annars var góð.

Vandinn er sá að ef þessi neikvæða rödd fær of mikla athygli þá getur hún skyggt á annað. Litlu skrefin sem við höfum tekið. Breytingarnar sem hafa átt sér stað. Þroskann sem hefur orðið til í gegnum reynsluna. Styrkinn sem hefur byggst upp á leiðinni.

Lestu alla greinina hér:
https://www.sjalfsraekt.is/frodleikur/

Í samfélaginu okkar er árangur gjarnan mældur í tölum. Verkefnum sem klárast, kílóum sem tapast, tekjum, gráðum eða afrekum. Allt getur þetta skipt okkur máli en margt af því sem skiptir mestu máli í lífinu verður ekki mælt með þessum hætti.

Því hvernig mælum við aukið hugrekki? Hvernig mælum við það að standa af sér tímabil sem við vissum ekki hvernig við myndum komast í gegnum? Hvernig mælum við meiri sjálfsþekkingu, aukna sjálfsvinsemd eða betri tengingu við eigin líkama og líðan?

Tengill á grein í athugasemdum.

Ég sat með einstakling í markþjálfun fyrir nokkru síðan sem sagði við mig: „Mér finnst ég vera fastur. Mér líður stundum eins og ég hafi ekkert komist áfram.“

Þannig hefst heilsupistill Hrafnhildar Reykjalín Vigfúsdóttur sem akureyri.net birtir í dag. Pistillinn ber yfirskriftina Hvað ef þú ert að standa þig betur en þú heldur?