Vestri hjólreiðar

🚴‍♂️Æfingar að hefjast á ný og mikilvægar öryggisbreytingar! 🚴‍♀️
Kæru hjólarar og foreldrar,

Við höfum góðar fréttir að færa!

Æfingar hjá okkur hefjast aftur á morgun, mánudaginn 6. júlí. Við stefnum á að halda áfram með æfingar á virkum dögum, mánudaga og miðvikudaga. Samhliða því höfum við ákveðið að hækka öryggisviðmiðin okkar verulega til að tryggja öryggi allra iðkenda.

Hér eru helstu punktar sem gott er að kynna sér:

🛡️ Hertar öryggiskröfur: Full-face hjálmar og brynjur
Frá og með næstu æfingu gerum við kröfu um að allir iðkendur mæti með full-face hjálma (hjálma með kjálkavörn) og séu í brynju.

Engin brynja? Engar áhyggjur! Til að tryggja öryggi nemenda okkar sem best hefur félagið fjárfest í brynjum fyrir deildina. Klúbburinn mun því útvega öllum þeim iðkendum brynju að láni, þeim að kostnaðarlausu, sem eiga þær ekki sjálfir.

Við biðjum foreldra að skoða það að fjárfesta í full-face hjálm fyrir krakkana sína eins fljótt og hægt er.

👕 Jako-merking og fatnaður!
Við erum gríðarlega spennt að kynna nýja klúbba-fatnaðinn okkar í samstarfi við Jako! Nýjar hettupeysur og stuttermabolir með merkingum klúbbsins eru komnar á vefsíðu Jako.

Pöntunarglugginn er opinn frá mánudegi til föstudags í þessari viku. Eftir það verður allt prentað og sent til okkar.

Smellið hér til að skoða úrvalið og panta:
🔗 https://jakosport.is/voruflokkur/ithrottafelog/hjolreidar-vestri/

Sjáumst hress á morgun!

Bestu kveðjur,
Vestri hjólreiðar

Hjólreiðar Vestri Flokkur - JakoSport.is Your personal data will be used to support your experience throughout this website, to manage access to your account, and for other purposes described in our persónuverndarstefnu.

Yfirlýsing frá Hjólreiðadeild Vestra

Við viljum upplýsa iðkendur, foreldra og aðra sem fylgjast með starfi Hjólreiðadeildar Vestra að þjálfari deildarinnar, Þorgils, varð fyrir alvarlegu slysi við hjólreiðar nýverið. Hann féll af hjóli sínu og slasaðist það illa að læknar hafa ráðlagt honum að forðast bæði hjólreiðar og aðra erfiða líkamlega áreynslu næstu 2–3 mánuði.

Vegna þessa hefur verið ákveðið að aflýsa öllum skipulögðum æfingum tímabundið á meðan unnið er að nýju æfingaprógrammi fyrir sumarið og metið hvernig best sé að halda starfinu áfram á öruggan og ábyrgan hátt.

Hjólreiðar eru spennandi og krefjandi íþrótt, en jafnframt fylgir þeim ákveðin áhætta. Í ljósi þessa atviks hefur stjórn Hjólreiðadeildar Vestra ákveðið að endurskoða öryggismál deildarinnar og herða kröfur um öryggisbúnað fyrir iðkendur. Nánari upplýsingar um þær breytingar verða kynntar síðar.

Við sendum Þorgils okkar bestu batakveðjur og þökkum iðkendum og foreldrum fyrir skilning, stuðning og þolinmæði á meðan þessi staða er unnin.

Stjórn Hjólreiðadeildar Vestra