Awara Haji

⸻

🌱 ژیانەوە | گەڕانەوە بۆ خۆت

هەندێک جار پێویست ناکات ژیانت لە سەرەتاوە بگۆڕیت؛
تەنها پێویستە کەمێک بوەستیت و سەیری خۆت بکەیت. 🤍

لە «ژیانەوە»دا لەگەڵ یەکتر کار دەکەین لەسەر:

🌿 خۆناسین و ناسینی بەهاکان
🧠 بیرکردنەوە و هەستەکان
🤍 خۆقبوڵکردن و پەیوەندی لەگەڵ خۆت
🌱 ژیان‌سازی و دانانی ئامانج
🫂 بەڕێوەبردنی پەیوەندی و دانانی سنوور

ئەم پرۆگرامە تەنها قسەکردن نییە؛
لە ڕێگەی چالاکی، ڕاهێنان، Worksheet و کارکردنی کرداری هەنگاو بە هەنگاو لەگەڵ خۆمان کار دەکەین.

✨ ئەگەر لە خۆت دەپرسیت:

«من بەڕاستی چیم دەوێت ؟»
«چی بۆ من گرنگە؟»
«ئایا ژیانم لەگەڵ بەهاکانم دەگونجێت؟»
«چۆن بتوانم هەنگاوێکی نوێ بنێم لەژیانم ؟»

لەوانەیە ژیانەوە دەرفەتی ئەوە بێت کە پێویستتە. 🌱

📅 گروپی داهاتوو: ٢٢/٨

📌 شوێنەکان سنووردارن

📲 بۆ وەرگرتنی زانیاری زیاتر و تۆمارکردن،
تکایە لە ڕێگەی WhatsApp پەیوەندی بکەن:

0773 354 1311 🤍

ژیانەوە — چونکە ژیان تەنها بەردەوامبوون نییە؛
ژیان‌سازییە.

هەڵەیەکی باو هەیە لە تێگەیشتنمان بۆ «خۆبەرەوپێشبردن»…

زۆرجار وا دەزانین خۆبەرەوپێشبردن واتە گوێ گرتن پۆدکاست، کۆرس بەشداری‌کردن، کتێب خوێندنەوە و هەموو ڕۆژێک شتێکی نوێ فێربین.

بەڵام ڕاستییەکە ئەوەیە:
زۆرترین فێربوون لەو کاتەدا ڕوودەدات کەبارو دۆخ و ژیان تاقیمان دەکاتەوە.

کاتێک بارودۆخێکی سەخت ڕووبەڕووت دەبێتەوە، ئەوەی فێربوویت دەچێتە ناو «کردار».
چۆن مامەڵە دەکەیت؟
چۆن بڕیار دەدەیت؟
چۆن سنوور دادەنێیت؟
چۆن هەستەکانت دەناسیت و بەبێ ئەوەی هەستەکانت کۆنترۆڵت بکەن، مامەڵەیان لەگەڵ دەکەیت؟

ئەمەش بەشێکی گرنگی خۆبەرەوپێشبردنە.

فێربوون تەنها ئەوە نییە چی دەزانیت؛
ئەوەیە کاتێک ژیان قورس دەبێت، چۆن ئەوەی فێربوویت بەکاری دەهێنیت. 🌱

هەموو کەسێک وەک تۆ نابینێت…
و هەموو کەسێک وەک تۆ بیر ناکاتەوە. 🌿

جیاوازیی بۆچوون، مانای ئەوە نییە کە یەکێکتان هەڵەیە و ئەوی دیکە ڕاستە.
هەندێک جار تەنها دوو کەسین کە لە دوو شوێنی جیاوازەوە سەیری هەمان شتەکە دەکەن.

پێویست ناکات هەمیشە ڕازی بیت لەگەڵ بۆچوونی بەرامبەرەکەت؛
بەڵام پێویستە فێر بیت بێ ئەوەی خۆت لەدەست بدەیت، جیاوازییەکەی قبوڵ بکەیت.

گوێ بگرە بۆ تێگەیشتن، نەک تەنها بۆ وەڵامدانەوە.
پرسیار بکە، پێش ئەوەی حوکم بدەیت.
و بیرت بێت:

پەیوەندییەکی تەندروست ئەوە نییە کە هەموو شتێکدا هاوبیر بن؛
ئەوەیە بتوانن جیاواز بن، بەڵام هێشتا ڕێزی یەکتر بگرن. 🤍

#خۆناسی #ڕاوێژکاری

چاوەڕوانی زۆر لە پەیوەندییەکاندا، هەمیشە تەنها بەهۆی خۆشەویستییەوە نییە… 🤍

زۆرجار لە ئەنجامی ئەوەیە کە لەگەڵ خۆمان هاوسەنگ نین؛
لە ڕووی ڕۆحی، دەروونی، هزری و جەستەییەوە.

کاتێک خۆمان بە باشی نەناسیوە، نازانین کێین، چیمان دەوێت ، چی بەهاکانمانن و چۆن دەتوانین خۆمان خۆش بوێت…
ئەوا بە ئاسانی چاوەڕوانی ئەوە دەبین کە کەسێکی تر بێت و ئەو بۆشاییەمان بۆ پڕ بکاتەوە.

چاوەڕێی هاوڕێیەک دەبین کە هەموو کات لەگەڵمان بێت،
هاوکارێک کە هەموو بارەکەمان لەگەڵ هەڵبگرێت،
یان هاوسەرێک کە بتوانێت هەموو ئەو شتانەمان پێ بدات کە خۆمان هێشتا فێری پێدانیان بە خۆمان نەبووین.

بۆیە پێش ئەوەی بپرسین:
«من کێ دەبێتە هاوڕێم؟»
«کێ دەبێتە هاوکارم؟»
«کێ دەبێتە هاوسەرم؟»

باشترە یەکەم جار لە خۆمان بپرسین:
«من کێم؟»
«چیم دەوێ ؟»
«چی بەهادارە لام؟»
«چۆن خۆم دەناسم و چۆن خۆم دەپارێزم؟»

چونکە ئەوەی خۆی نەناسێت، زۆرجار بە پەیوەندییەکانەوە دەچێتە شوێنی ناسینەوەی خۆی…
بەڵام کاتێک خۆت دەناسی، پەیوەندییەکانت تەنها بۆ پڕکردنەوەی بۆشاییەکانت نابن؛
دەبن هەڵبژاردنێکی ئاگادارانە بۆ ژیانێکی هاوسەنگتر. 🌿

پێش ئەوەی کەسێکی تر هەڵبژێریت،
خۆت بناسە…
چونکە شێوازی هەڵبژاردنی ئەوانەی دەچنە ناو ژیانت، زۆرجار لەوێوە دەست پێدەکات کە تۆ چۆن خۆت دەبینیت.

راوێژ وەرگرتن تەنها بۆ کاتێک نییە کە کێشەیەکت هەیە… 🌿

هەندێک جار مرۆڤ لە ناو بیر و هەستەکانی خۆیدا وەها دەگیرێت کە ناتوانێت بە ڕوونی بڕیار بدات، هەستی خۆی بناسێت یان بزانێت کێشەکە لە کوێوە دەست پێدەکات.

راوێژ دەتوانێت یارمەتیت بدات کە:
🤍 خۆت و هەستەکانت باشتر بناسیت.
🤍 هۆکاری ڕەفتار و هەڵسوکەوتەکانت تێبگەیت.
🤍 لە نێوان هەست و بیرکردنەوە جیاوازی بکەیت.
🤍 بڕیارەکانت بە هۆشیاری و ئارامی زیاتر بدەیت.
🤍 سنوورە تەندروستەکان لە پەیوەندییەکانتدا دابنێیت.
🤍 لەگەڵ کێشە و فشارەکانی ژیان بە شێوەیەکی باشتر مامەڵە بکەیت.
🤍 پەیوەندییەکانت لەگەڵ خۆت و کەسانی دەوروبەرت چاکتر بکەیت.
🤍 و گرنگتر لە هەموویان… پێش ئەوەی کێشەکان قووڵتر ببن، خۆت زیاتر بناسیت.

راوێژ وەرگرتن نیشانەی لاوازی نییە؛
نیشانەی ئەوەیە کە تۆ بە ژیانت، هەستەکانت و داهاتووتەوە گرنگیت دەدەیت. 🌱

چونکە هەموو جارێک پێویست ناکات چاوەڕێی شکاندن بکەیت بۆ ئەوەی چاکسازی دەست پێ بکەیت.
هەندێک جار باشترین کات بۆ راوێژ… ئەو کاتەیە کە هێشتا دەتوانیت پێش گەورەبوونی کێشەکە، ڕێگاکە بگۆڕیت.

یەکەم دانیشتن… تەنها بۆ ئەوە نییە بزانیت « بەدڵمەو وخۆشم ئەوێت یان نا؟» 🤍

ئەو دانیشتنە دەرفەتێکە بۆ ئەوەی بە ئارامی بزانیت:
ئایا بیرکردنەوەکانتان لە ژیان نزیکە؟
ئایا بەها و باوەڕەکانتان هاوشێوەن؟
ئایا شێوازی گفتوگۆ و چارەسەرکردنی کێشەکانتان گونجاوە؟
و گرنگتر لە هەموویان… ئایا دەتوانیت لەگەڵ ئەم کەسە خۆت بیت؟

هاوسەرگیری تەنها بە «حەزکردن» دروست نابێت؛
بە ناسین، تێگەیشتن و هەڵسەنگاندنی گونجاوی دروست دەبێت. 🌿

یەکەم دانیشتن، دەستپێکی ناسینە… نە بڕیاری کۆتایی.

کاریگەری نەرێنی پەیوەندی خۆشەویستی پێش هاوسەر گیری

1. خۆشەویستی پێش هاوسەرگیری هەمیشە بە مانای ئامادەبوون بۆ هاوسەرگیری نییە؛ هەندێک جار بریندارکردنی دڵە و تێکچوونی باوەڕ.

2. هەموو پەیوەندییەک خۆشەویستی نییە، و هەموو خۆشەویستییەکیش بە کۆتایی جوان ناگات. پێش هەنگاوێکی گەورە، بیر لە ئەنجامەکان بکەوە.

3. کاتێک خۆشەویستی بێ سنوور و بێ بەرپرسیارێتی بێت، ئەنجامەکەی زۆرجار دەبێتە ئازار، دڵشکان و نەمانی متمانە.

4. خۆشەویستیی پێش هاوسەرگیری دەتوانێت ببێتە هۆی: دڵشکان، کەمبوونی متمانە، تێکچوونی ئارامی دەروونی و هەڵەبژاردنی هاوسەر.

5. خۆشەویستی ڕاستەقینە تەنها هەست نییە؛ڕاستگۆیی ، بەرپرسیارێتی و هەڵبژاردنی دروستیشە.
:

*
* #هاوسەرگیری
* #خۆشەویستی
*
*
* ژیانی_هاوسەری
* کوردستان