HERC - Harbour Engineering Recreation Club

കേരളത്തിന്റെ ഭരണസേവന രംഗത്ത് ദീർഘകാലം ശ്രദ്ധേയമായ സേവനം അനുഷ്ഠിച്ചിരുന്ന ശ്രീ കെ. ശിവരാജ വിജയൻ (ഐ.എ.എസ് Rtd) സാർ (87) അന്തരിച്ചു. ഹാർബർ എഞ്ചിനീയറിംഗ് വകുപ്പിന്റെ ആദ്യ ചീഫ് എഞ്ചിനീയർ ആയിരുന്നു.
കെ.എച്ച്.ആർ.ഡബ്ല്യു.എസ്. മാനേജിംഗ് ഡയറക്ടർ, പൊതുവിദ്യാഭ്യാസ ഡയറക്ടർ (DPI), എൻട്രൻസ് പരീക്ഷ കമ്മീഷണർ എന്നീ പ്രധാനപ്പെട്ട നിലകളിൽ പ്രവർത്തിച്ച അദ്ദേഹം തന്റെ സമർപ്പിത സേവനത്തിലൂടെ സംസ്ഥാനത്തിന്റെ വികസനത്തിന് വിലപ്പെട്ട സംഭാവനകൾ നൽകിയിരുന്നു.

കൃത്യനിഷ്ഠയും, ചുമതലാബോധവും, ലാളിത്യവും അദ്ദേഹത്തിന്റെ വ്യക്തിത്വത്തിന്റെ മുഖമുദ്രകളായിരുന്നു. സഹപ്രവർത്തകരോടും പൊതുജനങ്ങളോടും ഒരുപോലെ സൗഹൃദപരമായ സമീപനം പുലർത്തിയിരുന്ന അദ്ദേഹം, ഭരണരംഗത്ത് ഉയർന്ന മൂല്യബോധം സ്ഥാപിച്ച വ്യക്തിയായിരുന്നു.

വിരമിച്ച ശേഷവും ഹാർബർ എഞ്ചിനീയറിംഗ് വകുപ്പുമായി അദ്ദേഹം നിരന്തരം ബന്ധം പുലർത്തിവന്നു. മറൈൻ എഞ്ചിനീയറിംഗ് രംഗത്ത് അദ്ദേഹം നടത്തിവന്ന നിരന്തര ഗവേഷണവും ഈ രംഗത്തുള്ള അദ്ദേഹത്തിന്റെ ആഴത്തിലുള്ള അറിവും വകുപ്പിന് എന്നും മുതൽക്കൂട്ടായിരുന്നു. ഒരു മെന്റർ എന്ന നിലയിൽ അദ്ദേഹം വകുപ്പിനെ അവസാന നിമിഷം വരെയും സഹായിച്ചു വന്നു.

2026 ഏപ്രിൽ 2-ാം തീയതി രാവിലെ അദ്ദേഹം നമ്മെ വിട്ടുപോയത് വലിയൊരു നഷ്ടമാണ്. ഏപ്രിൽ 3-ാം തീയതി രാവിലെ 8 മണിക്ക് വസതിയിൽ സംസ്കാരച്ചടങ്ങുകൾ നടക്കുന്നതും, 10 മണിക്ക് തൈക്കാട് ശാന്തി കാവടത്തിൽ ദഹനകർമ്മം നടത്തുന്നതുമാണ്.

അദ്ദേഹത്തിന്റെ ആത്മാവിന് നിത്യശാന്തി നേരുന്നു. കുടുംബാംഗങ്ങൾക്കും ബന്ധുക്കൾക്കും സഹപ്രവർത്തകർക്കും നമ്മുടെ ഹൃദയംഗമമായ അനുശോചനം അറിയിക്കുന്നു.
------------------------‍------------------------‍
ഹാർബർ എഞ്ചിനീയറിംഗ് റിക്രിയേഷൻ ക്ലബ്ബ്

ഹാർബർ എഞ്ചിനീയറിംഗ് വകുപ്പിന്റെ പ്രഥമ ചീഫ് എഞ്ചിനീയർ ശ്രീ. ശിവ രാജ വിജയൻ അന്തരിച്ചു.

ആദരാഞ്ജലികൾ...

ആദരാഞ്ജലികൾ
പ്രിൻസി വി കെ (58)

ഹാർബർ എഞ്ചിനീയറിംഗ് വകുപ്പ് ചീഫ് എൻജിനീയർ ശ്രീമതി വി.കെ. ലോട്ടസിന്റെ സഹോദരിയാണ്. സ്ഥലം ആമ്പല്ലൂർ (തൃശൂർ ജില്ല)

🌹🌹🌹🌹

ഹാർബർ എഞ്ചിനീയറിംഗ് വകുപ്പിന്റെ പുതിയ ചീഫ് എഞ്ചിനീയർക്ക് അഭിനന്ദനങ്ങൾ...

ഹാർബർ എഞ്ചിനീയറിംഗ് വകുപ്പിന്റെ പുതിയ ചീഫ് എഞ്ചിനീയറായി ശ്രീമതി ലോട്ടസ് വി.കെ. നിയമിതനായി.

ശ്രീ. എം. എ. മുഹമ്മദ് അൻസാരി
ഒരു സമർപ്പിത പൊതുസേവനത്തിന്റെ മാതൃക

ഹാർബർ എഞ്ചിനീയറിംഗ് വകുപ്പിന്റെ ചീഫ് എഞ്ചിനീയറായിരുന്ന ശ്രീ. എം. എ. മുഹമ്മദ് അൻസാരി
2026 ജനുവരി 31-ന്
26 വർഷത്തെ സമർപ്പിത സർക്കാർ സേവനത്തിനു ശേഷം
സർവീസിൽ നിന്ന് വിരമിച്ചു.

1971-ൽ ജനിച്ച ശ്രീ. മുഹമ്മദ് അൻസാരി,
വിദ്യാഭ്യാസവും പൊതുസേവനവും ജീവിതമൂല്യങ്ങളായ
ഒരു കുടുംബത്തിലാണ് വളർന്നത്.
അദ്ദേഹത്തിന്റെ പിതാവ്,
പരേതനായ ഡോ. അബ്ദുൽ അസീസ്,
കാലിക്കറ്റ് സർവകലാശാലയിൽ നിന്ന് വിരമിച്ച അധ്യാപകനാണ്.
മാതാവ്, ഡോ. കുൽസം ബീവി,
ആരോഗ്യ വകുപ്പിൽ നിന്ന് വിരമിച്ച ഡോക്ടറാണ്.
ജീവിതപങ്കാളിയായ ശ്രീമതി ഷബാന,
പോളി ടെക്നിക് കോളേജിൽ സിവിൽ എഞ്ചിനീയറിംഗ് വിഭാഗത്തിലെ
വകുപ്പ് മേധാലിയായി സേവനം അനുഷ്ഠിക്കുന്നു.
മക്കൾ:
മുഹമ്മദ് സയാൻ, ആരോഗ്യ മേഖലയിൽ
ഹൗസ് സർജൻസി പരിശീലനം നടത്തുന്നു;
മുഹമ്മദ് സിഷാൻ, പ്ലസ് ടു വിദ്യാഭ്യാസം പൂർത്തിയാക്കിയിരിക്കുന്നു.

മലപ്പുറം, കോഴിക്കോട് ജില്ലകളിലെ
വിവിധ സ്കൂളുകളിലായി പ്രാഥമിക വിദ്യാഭ്യാസം നേടിയ അദ്ദേഹം,
1988-ൽ പ്രീഡിഗ്രി,
1992-ൽ സിവിൽ എഞ്ചിനീയറിംഗിൽ ബിരുദം,
1994-ൽ തിരുവനന്തപുരം കോളേജ് ഓഫ് എഞ്ചിനീയറിംഗിൽ നിന്നും എം.ടെക് (ഗോൾഡ് മെഡൽ)
1998-ൽ ഓപ്പറേഷൻസ് മാനേജ്മെന്റിൽ
പോസ്റ്റ് ഗ്രാജുവേറ്റ് ഡിപ്ലോമ എന്നിവ നേടി.

സർക്കാർ സേവനത്തിലേക്ക് പ്രവേശിക്കുന്നതിന് മുമ്പ്,
മംഗലൂർ റിഫൈനറീസ് & പെട്രോ കെമിക്കൽസ് ലിമിറ്റഡിലും,
തുടർന്ന് ഒരു സ്വകാര്യ വിദ്യാഭ്യാസ സ്ഥാപനത്തിൽ
അധ്യാപകനായും വകുപ്പ് മേധാവിയായും
അദ്ദേഹം സേവനം അനുഷ്ഠിച്ചിട്ടുണ്ട്.

1999-ൽ
ഹാർബർ എഞ്ചിനീയറിംഗ് വകുപ്പിൽ
കോഴിക്കോട് അസിസ്റ്റന്റ് എഞ്ചിനീയറായി
സേവനത്തിൽ പ്രവേശിച്ച അദ്ദേഹം,
2004-ൽ ബേപ്പൂർ ഇൻവസ്റ്റിഗേഷൻ സബ് ഡിവിഷനിൽ അസിസ്റ്റന്റ് എക്സിക്യൂട്ടീവ് എഞ്ചിനീയറായി,
2015-ൽ കോഴിക്കോട് ഡിവിഷൻ എക്സിക്യൂട്ടീവ് എഞ്ചിനീയറായി,
2020-ൽ കേരള സംസ്ഥാന തീരദേശ വികസന കോർപ്പറേഷൻ ചീഫ് എഞ്ചിനീയറായി നിയമിതനായി.
2024 ഫെബ്രുവരി മുതൽ
ഹാർബർ എഞ്ചിനീയറിംഗ് വകുപ്പിന്റെ
ചീഫ് എഞ്ചിനീയറായി സേവനം അനുഷ്ഠിച്ചു.

അദ്ദേഹത്തിന്റെ സേവനകാലത്ത്
സംസ്ഥാനത്തിന് നിർണായകമായ
നിരവധി പദ്ധതികൾക്ക്
അദ്ദേഹം നേതൃത്വം നൽകി.
കോഴിക്കോട് സമുദ്ര കമ്മ്യൂണിറ്റി ഹാൾ,
കോഴിക്കോട് ബീച്ച് നവീകരണം,
മുതലപ്പൊഴി ഹാർബറിലെ മണ്ണടിഞ്ഞ പ്രശ്നപരിഹാരം,
പൊന്നാനി സസ്പെൻഷൻ ബ്രിഡ്ജ്,
ചെല്ലാനത്തെ രാജ്യത്തെ ആദ്യത്തെ
ഫ്ലോട്ടിംഗ് കോൺക്രീറ്റ് ജെട്ടി,
അഴീക്കോട് ഹാർബർ നിർമ്മാണം,
ബേപ്പൂർ ബ്രേക്ക് വാട്ടർ ടൂറിസം,
കൊയിലാണ്ടി ഹാർബർ റീക്ലമേഷൻ,
പൂന്തുറ ഓഫ്‌ഷോർ ബ്രേക്ക് വാട്ടർ
എന്നിവ അദ്ദേഹത്തിന്റെ
സാങ്കേതിക ദൂരദർശിതയുടെയും
ഭരണ മികവിന്റെയും
സാക്ഷ്യങ്ങളിൽ ചിലതുമാത്രമാണ്.

സാങ്കേതിക മികവിനൊപ്പം
പൊതുജന പ്രതിബദ്ധതയും
സാമൂഹിക ഉത്തരവാദിത്തവും
ഒരുപോലെ ഉൾക്കൊണ്ട
ഒരു മികച്ച പൊതുസേവകനായി
ശ്രീ. എം. എ. മുഹമ്മദ് അൻസാരി
ഹാർബർ എഞ്ചിനീയറിംഗ് വകുപ്പിൽ
തന്റെ സാന്നിധ്യം
എന്നും സ്മരണീയമാക്കി.

വിരമിക്കുന്ന ഈ വേളയിൽ,
അദ്ദേഹത്തിനും കുടുംബത്തിനും
ആരോഗ്യവും സന്തോഷവും
സമാധാനവും നിറഞ്ഞ
ഒരു ദീർഘവും അർത്ഥവത്തുമായ
വിശ്രമ ജീവിതം
ഹൃദയം നിറഞ്ഞ് ആശംസിക്കുന്നു.

(ചിത്രത്തിൽ ശ്രീ. മുഹമ്മദ് അൻസാരിയോടൊപ്പം അദ്ദേഹത്തിന്റെ ഭാര്യയും സഹോദരന്റെ മക്കളുമാണ്. വിരമിക്കൽ ചടങ്ങിനോടനുബന്ധിച്ച് എടുത്തത്)

26 വർഷത്തെ സ്തുത്യർഹമായ സേവനത്തിനു ശേഷം ബഹു. ചീഫ് എഞ്ചിനീയർ ശ്രീ. മുഹമ്മദ് അൻസാരി ഈ മാസം 31 -ന് സ്വയം വിരമിക്കുന്നു. അദ്ദേഹത്തിന് നൽകുന്ന യാത്ര അയപ്പ് ചടങ്ങിലേക്ക് ഏവരെയും സ്വാഗതം ചെയ്യുന്നു.

Please contact soon...