Veda samskruti

స్వామి శివానంద విరచిత #గురుతత్వము - 76వ భాగము
(English translation is provided in post... Please see completely)

ఈ యోగాన్ని ఆచరించడానికి కావల్సినవి నిజాయతీ, విశ్వాసము మరియు విధేయత అనే ఈ మూడు గుణాలు. పరిపూర్ణతను పొందాలని మీ యొక్క ఆకాంక్షలో నిజాయితీగా ఉండండి. అనిశ్చితితో, అస్పష్టతతో ఉండకండి. మీరు గురువుగా అంగీకరించిన వ్యక్తి మీద పూర్తి విశ్వాసం కలిగి ఉండండి. ఏ కొద్దిగా కూడా సందేహానికి తావు/అవకాశం ఇవ్వకండి. ఒకసారి నీవు గురువుగా ఎంచుకున్న వ్యక్తి యందు పూర్తి విశ్వాసాన్ని ఉంచినప్పుడు, ఆయన ఏది చెప్పినా అది నీ మేలు కొరకేనని తెలుసుకో. కనుక ఆయన యొక్క బోధనలను తప్పకుండా పాటించు. చెప్పినది చెప్పినట్టు ఆచరించు. ఈ విధంగా చేస్తే నా మాటగా చెబుతున్నాను: మీకు పరిపూర్ణత లభిస్తుంది; గట్టిగా హామీ ఇస్తున్నా.

The qualification for taking to this Yoga is the simple trio of sincerity, faith and obedience.
Be sincere in your aspiration for Perfection. Be not vague or half-hearted. Then have perfect faith in
the one you have accepted as your Guru. Do not allow even so much as a shadow of doubt to
approach you. When once you have reposed absolute faith in him, then know that what he instructs
you is indeed for your highest good. Therefore, obey his word implicitly. Follow his teachings to
the letter. Be earnest in doing thus, and take my word: you will attain Perfection; I assure you
emphatically.

రాయప్రోలు రథాంగపాణి గారి హనుమత్సందేశం (50)

మన నీతికారులు కూడా -

చేతనగువాడు కార్యము
కై తగ్గును వంగు గాక యల్పుండగునా|
యేతము చడి తా వంగును
బాతాళము నీరు దెచ్చి బయలం జల్లున్

"ధనమును విద్యయు వంశం
బును దుర్మదులకు మదంబు బొనరించును స
జ్జను లైనవారి కడకువ
యును వినయము నివియ తెచ్చు" నన్నటుల మారుతి యీ సందర్భమున చూపిన వినయం సమాజంలో సర్వులూ అల వరచుకోవలసిన విశిష్ట లక్షణం.

సీతామాతకు ధైర్యం చెప్పి- ఆనవాలుగా ఇచ్చిన శిరోరత్నాన్ని తీసుకుని- ఆనాడు అరణ్యవాసంలో జరిగిన కాకాసుర వృత్తాంతంతోపాటు ఆమె సందేశాన్ని విని తిరుగుముఖం బోతున్న పావనితో "మారుతీ! నీకు మరోసారి నా దీనావస్థను చెబుతున్నాను విను. కార్యసాధన జరిగే తీరున రామ ప్రభువును ప్రోత్సహించు. నీవు చక్కగా యోజించి ప్రయత్నిస్తే నా కష్ట పరంపరలు తొలగుతాయి!" అనగనే పవన తనయుడు 'తధేతి' అన్నాడు. అంతలోనే కన్నీరు విడుస్తూ సీత “హనుమా! అందరినీ పేరుపేరునా అడిగానని చెప్పు. నా బొందిలో ప్రాణాలుడుగక పూర్వమే రాముడు నన్ను చూచేటట్లు చేయవలసినది. నీవు పుణ్యవంతుడవు. నీ మాటలు విని రామప్రభువు స్పందించి వచ్చి నన్ను తీసుకు వెళ్ళునట్లు చేయి. నా మాటలనెలా చెబితే నా నాథుడు ఉత్తేజితుడై ఎంత త్వరగా తీసుకు వెళ్ళగలడో- అలా చెప్పు అంటుంది.

అంటే మాట విలువ ఆమోఘం అన్నమాట. మాటకున్న శక్తిని గూర్చి మహాభారతం ఇలా అంటుంది.

అరిది విలుకాని యుజ్వల శరమొక్కని నొంచు
దప్పి చనినం జను, నేర్పరియైన వాని నీతిస్ఫురణము, పగరాజు నతని భూమిం జెరచుస్.

విలుకాని బాణం గురితప్పనిచో ఒక్కని నొంచును. గురి తప్పిన వ్యర్థమగును కాని నీతిమంతుని మాట గురితప్పుట అన్నదే లేదు, మాట అంత శక్తివంతమైనదన్నమాట. ప్రమోదం, ప్రళయం రెంటిని కలిగించగలదు.

శ్రీ కంచి మహాస్వామివారి శంకర విజయం - 131 వ భాగం

బౌద్ధమత ఖండనలో మీ మాంసకుల సాహాయ్యం

సురేశ్వరులకు, తోటి శిష్యులకు తేడా ఉంది. మిగిలిన ముగ్గురు బ్రహ్మచర్యం నుండే సన్న్యాసం స్వీకరించారు. ఇతడు శంకరుల కంటె వయస్సులో పెద్దవాడు. ఇతడు గృహస్థుడుగా ఉన్నప్పుడు మీమాంసకుడు. అద్వైత ఖండన చేసేవాడు. శంకరుని వాదనా పటిమచే అద్వైతాన్ని స్వీకరించి సన్న్యాసి అయినాడు. గృహస్థుగా నున్నపుడు అతని పేరు మండన మిశ్రుడు. బ్రహ్మయొక్క అంశతో జన్మించినవాడు.

యజ్ఞం కర్మానుష్ఠానానికి చెందింది. యజ్ఞంలో నాల్గు రకాలైన ఋత్విక్కులుంటారు. యజ్ఞాన్ని పర్యవేక్షించే వానిని బ్రహ్మ అని అంటారు. మీమాంసకుడైన ఇతడు, బ్రహ్మాంశతో పుట్టడం బాగానే ఉంది.

మరొక మీమాంసకుడు, సుబ్రహ్మణ్య స్వామి యొక్క అవతారం కుమారస్వామి అంశతో పుట్టాడు కనుక కుమారిలభట్టుగా వచ్చాడు. అతని సిద్ధాంతానికి భాట్ట మతమనే పేరు. యజ్ఞంలో అగ్నికి ప్రథమస్థానం. అగ్నియే సుబ్రహ్మణ్యుడు. అందుకే కర్మ మీమాంసకు అనుకూలంగా ఉంది. ముందు ఇతడు అద్వైత వేదాంతాన్ని ఎదుర్కొన్నవాడే. చివరకు శంకరుల జ్ఞాన మార్గాన్ని అంగీకరించాడు. అయితే శంకరుల శిష్యుడు కాలేదు. వారి కథ తరువాత చెబుతా.

శంకరులు జ్ఞాన మార్గాన్ని వీరు కర్మ మార్గాన్ని ఎన్నుకొనడమేమిటి? పరస్పరం వాగ్వాదాలేమిటి? వారు దేవతలైనపుడు దేవుడైన శంకరులకు తోడ్పడవద్దా అని శంకిస్తాం.

Meet Karnataka's Sanskrit Riders Club where every ride begins with संस्कृतम्. 🏍️🕉️

A unique motorcycle community in Karnataka is giving new life to one of the world's oldest languages. The Kimbho Sanskrit Riders' Club, founded by Sanskrit enthusiasts in Bengaluru, brings together bikers who converse almost entirely in Sanskrit during their journeys.

From casual conversations and games to group interactions, the club encourages members to use Sanskrit as a living language rather than limiting it to classrooms and scriptures.

Since its launch in 2024, the initiative has steadily gained popularity, with rides across Karnataka attracting participants united by a shared mission to keep Sanskrit alive through everyday use.

The organisers hope the idea inspires similar Sanskrit-speaking communities across India and around the world, proving that even a motorcycle ride can become a journey to preserve India's timeless linguistic heritage.

శ్రీదత్త పురాణము (198)

కాంచన మాలికి పట్టరానంత ఆనందం కలిగింది. తన ఉపకారం వల్ల ఒక రాక్షసుడు దేవతగా మారడమే ఒక ఆనందమైతే, అలా మారినవాడూ విమానమెక్కి తుర్రుమనక తన ఉపదేశం అర్ధించడం ఇంకా ఆనందాన్ని కలిగించింది. ప్రేమగా ధర్మోపదేశం చేసింది.

మిత్రమా! ఏనాడూ ధర్మం తప్పకు. ప్రాణి హింసకు పాల్పడకు. సాధు పురుషులను సేవించు. కామక్రోధాధుల్ని పరిత్యజించు. ఇతరుల దోషాలనో, గుణాలనో కీర్తిస్తూ కాలయాపన చెయ్యక నిత్యమూ సదాశివుణ్ణి ధ్యానించు. అంతర్భహిరింద్రియాలన్నింటినీ (స్వర్ణభాన్ని) జయించు. అస్థిమాంస రుధిరాలతోనూ మలమూత్రాలతోనూ నిండిన ఈ శరీరం చివరికి క్రిమికీటకాలకు ఆహారమవుతుంది. పురుగులు పడుతుంది. దీని మీదా దీనితో ముడిపడిన భార్యాపుత్రుల మీదా మమకారం విడిచిపెట్టు. ఈ జగత్తు క్షణభంగురమని తెలుసుకో. ఒక వైరాగ్యభావం అలవరచుకో. యోగాభ్యాసం వైపు దృష్టి నిలుపు. నీ మీద ప్రేమతో నీ మాట కాదనలేక ఏదో నాకు తెలిసిన ధర్మోపదేశం చేశాను. మనస్సులో పెట్టుకో. ప్రధానంగా శీల సంపన్నుడనై మెలుగు. జ్యోతిర్మయదేవుడవై వెలుగు. ఇక బయలు దేరు. సుఖంగా నాకలోకం చేరుకో.

అమ్మా! కాంచనమాలిని! అద్భుతమైన ధర్మోపదేశం చేశావు. నాకే కాదు అన్ని లోకాల వారికీ ఆచరణీయమైన నీతి మార్గం ఉపదేశించావు. ధన్యుణ్ణి, కృతజ్ఞుణ్ణి, పావనీ! నవ్వు కూడా ఇలాగే ఎప్పుడూ సుఖసంతోషాలతో జీవించు. ఎప్పుడూ నవ్వుతూ ఆడుతూ పాడుతూ ఆనందంగా గడుపు. సాధ్వీ! నీకు సర్వదా శుభమగుగాక! కైలాసంలో శివ సన్నిధిలో ఆచంద్రతారకంగా నివశించు. పార్వతీదేవికి నీ మీద ప్రేమ ఇలాగే అఖండితంగా వర్ధిల్లుగాక. తల్లీ! ధర్మనిష్టా తపోనిష్టలతో నీ జీవితం చరితార్థమగుగాక. శరీర వ్యామోహం మరింకెన్నడూ నీకు కలుగకుండు గాక, ఇలాగే ఎల్లవేళలా ఆ పన్నుల ఆర్తిని హరింతువుగాక - సెలవు తల్లీ ! సెలవు అంటూ శిరస్సున అంజలి ఘటించి విమానంతో సహా - ముమ్మారు ప్రదక్షిణం చేసి నాకలోకానికి దూసుకు వెళ్ళిపోయాడు.

శ్రీదత్త పురాణము (197)

వృద్ధరాక్షసుడి ఆవేదన కాంచన మాలినిని కరుణారసార్ధ్రను చేసింది. ఒకప్పటి తన ఆవేదన తన పశ్చాత్తాపం గుర్తుకు వచ్చాయి. పుణ్యదానం చెయ్యాలనిపించింది. రాక్షసోత్తమా! ఇప్పుడే నీకు నిష్కృతి కలిగిస్తాను. దుఃఖించకు. నీ ముక్తికి గట్టిగా ప్రయత్నం చేస్తాను. ఏటేటా మాఘస్నానాలు చేశాను. ఎన్నో ఏళ్ళ తరబడి చేస్తున్నాను. అదీ శ్రద్ధగా చేస్తున్నాను. త్రివేణీ సంగమంలో చేస్తున్నాను. కనుక ఎంతో కొంత పుణ్యం రాశిపడి ఉంటుంది సందేహం లేదు - అది నీకు కొంత ధారపోస్తాను. ఆర్తుడికి చేసిన దానమే దానమని వేదవిదులు ప్రశంసిస్తున్నారు. సముద్రంలో కురిసిన మేఘుడు ఏ ఫలం మూటగట్టుకుంటున్నట్టు?

మిత్రమా! త్రివేణీ సంగమంలో చేసిన ఒక మాఘ స్నాన వ్రత ఫలం నీకు సమర్పిస్తున్నాను. దీనితో నీకు దేవతాకారమూ స్వర్గతీ లభిస్తాయి. ఆ పుణ్యఫలం ఎంతటి మహిమాన్వితమో నేనింతకు ముందు అనుభవించాను కనక సద్య స్సర్వపాప వినాశకంగా అమరత్వ ప్రదాయకంగా దాన్ని నీకు దానం చేస్తున్నాను అని చెప్పి కాంచన మాలిని నీళ్ళోడుతున్న తన చీర చెంగును చేతిలోకి పిండుకుని ఆ వృద్ధరాక్షసుడి దోసిట్లోకి ఇదమేకం మాఘజం - పుణ్యం తుభ్యమహం సంప్రదదేనమమ - అని ధారపోసింది. ఆ ధార దోసిట్లో పడటమేమిటి రాక్షసుడు దేవతాకారం ధరించడమేమిటి ఒక్కసారిగా జరిగిపోయాయి. అతడి దివ్యతేజస్సు దశదిశలనూ దగద్ధగాయమానం చేస్తోంది. అంతలోకి దేవతా విమానం వచ్చి అతడి చెంత నిలిచింది. హర్షిత్ఫుల్లలోచనుడై అధిరోహించాడు.

కళ్యాణీ! నిష్కృతియే లేదనుకున్న నాకు ఇంతటి మహోపకారం చేశావు. సదసత్కర్మలకు అనువైన ఫలం అందించే దేవదేవుడు నీకు సమస్త సన్మంగళాలనూ ప్రసాదించుగాక! కారుణ్యమయీ! మరికాస్త అనుగ్రహించి నాకు సర్వనీతిమయమైన మార్గం ఉపదేశించు. నువ్వు నాకు గురుస్థానీయవు. నీ మాట నాకు శిరోధార్యం, జీవితంలో నేనింక ఏ పాపమూ చెయ్యకుండా తగిన ఉపదేశం ఇయ్యి. అది విన్నాక నిన్ను స్తుతించి ధన్యుణ్ని అవుతాను. అటుపైనీ సురలోకం చేరుకుంటాను. ఆకాశమార్గాన విమానంలో తన చెంత నిలబడి అభ్యర్ధించాడు ఆ నూతన త్రిదశుడు.

శ్రీ గరుడ పురాణము (234)

గ్రహశాంతి

మునులారా! సిరిసంపదలూ, సుఖశాంతులూ కోరుకొనేవారు ముందు తమపై విభిన్న గ్రహాల 'చూపు' ఎలావుందో చూసుకొని 'అది' బాగులేని చోట జాగ్రత్తపడాలి. అంటే తమతమ జాతకాల్లో నున్న గ్రహదోషాలను ఆయాగ్రహ సంబంధిత యజ్ఞాలను చేయడం ద్వారా పోగొట్టుకోవాలి. మనకి తొమ్మిది గ్రహాలున్నాయని విద్వాంసులు చెప్తారు. అవి క్రమంగా సూర్య, చంద్ర, మంగళ, బుధ, బృహస్పతి, శుక్ర, శని, రాహు, కేతువులు వీటిని లేదా వీరిని అర్చించడానికి ప్రతిమలను అనగా మూర్తులను క్రమంగా రాగి, స్పటికం, రక్తచందనం, బంగారం, వెండి, ఇనుము, సీసం, కంచు ధాతువులతో తయారు చేయించాలి. ఇక వారి రంగులు క్రమంగా ఎరుపు, తెలుపు, ఎరుపు, పసుపు, పసుపు, తెలుపు, చివరి మూడు గ్రహాలూ నలుపు. వీరి పూజాద్రవ్యాలు కూడా క్రమంగా అవే రంగుల్లో వుంటాయి. ఈ నవగ్రహాలనూ ఒకచోట శాస్త్రోక్తంగా స్థాపించి (లేదా స్థాపింపబడిన చోటికి పోయి) సువర్ణ, వస్త్ర పుష్పాలను నవగ్రహ మండపానికి సమర్పించాలి. గంధ, బలి, ధూప, గుగ్గులాదులను కూడా ఇవ్వాలి. చరు (అనగా హోమంలో వండబడిన అన్నం)ని మంత్రాల ద్వారా ప్రతి ఒక్క గ్రహాన్నీ ఉద్దేశించి సమర్పించాలి. ఆ తరువాత ఈయీ గ్రహాలనూ ఆయా మంత్రాలతో దిగువనిచ్చిన విధంగా జపించి అర్చించాలి.

ఓం ఆకృష్ణన రజసా... సూర్య
ఓం ఇమందేవా... చంద్ర
ఓం అగ్నిమూర్ధాదివః కకుత్... మంగళ
ఓం ఉద్బుద్ధస్వ... బుధ
ఓం బృహస్పతే... బృహస్పతి
ఓం అన్నత్పరిస్రుతం... శుక్ర
ఓం శం నో దేవీ... శని
ఓం కయానశ్చి... రాహు
ఓం కేతుం కృణ్వన్... కేతు

ఈ నవగ్రహాలకు ఇదే క్రమంలో మందార, మోదుగ, కాచు, ఉత్తరేను, రావి, మేడి, శమి, దూర్వ, కుశ సమిధలను నేయి, పెరుగు, తేనెలలో ముంచి హవనం చేయాలి. తరువాత మరల పైన చెప్పబడిన మంత్రాలను చదువుతూ ఈ క్రింది పదార్థాలను ఆహుతులివ్వాలి. సూర్యునికి బెల్లం, చంద్రునికి ఉప్మా, మంగళునికి పాయసం, బుధునికి బియ్యంతో పరమాన్నం, బృహస్పతికి పెరుగన్నం, శుక్రునికి నెయ్యి, శనికి అరిసెలు, రాహువుకు పండ్ల గుజ్జు, కేతువుకి అనేక రంగుల ధాన్యాలతో ఉడికించిన ముద్ద.

A gentleman from Ambala asked: What is the rationalistic explanation of Draupadi’s sari becoming endless?

M.: Spiritual matters cannot be fitted into rationalism.
Spirituality is transcendental.
The miracle was after Draupadi had surrendered herself.
The secret lies in surrender.

D.: How to reach the Heart?
M.: Where are you now that you want to reach the Heart?
Are you standing apart from the Self?

D.: I am in my body.
M.: In a particular spot, or all over?

D.: All over. I am extending all over the body.
M.: Wherefrom do you extend?

D.: I do not know.
M.: Yes.
You are always in the Heart.
You are never away from it in order that you should reach it. Consider how you are in deep sleep and in the waking state. These states are also not yours.
They are of the ego.
The consciousness remains the same and
undifferentiated all through.

D.: I understand but I cannot feel it so.
M.: Whose is the ignorance? Find it out.

D.: All this is so difficult.
M.: The idea of difficulty is itself wrong.
It will not help you to gain what you want.
Again I ask: “Who finds it difficult?”

D.: I see that I am coming round to ‘I’.
M.: Because you are always that and
never away from that.
There is nothing so simple as being the Self. It requires no effort, no aid.
One has to leave off the wrong identity and be in his eternal,natural, inherent state.

~ Talks with Sri Ramana Maharshi,101

🙏🦚✨



muruga omsaravanabhava vetrivelmuruga godmurugan murugar murugaa murugantemple tamilkadavulmurugan velvel ommuruga arogara thaipusam arohara velvelvetrivel murugasaranam palani arupadaiveedu vetrivel tiruchendur velvelmuruga tamilkadavul tamilgod palanimurugantemple hindutemple god

గణపతి సహస్రనామం రోజుకో నామం - 489

ఓం ఝలజ్ఝల్లోల్లసద్దాన ఝంకారి భ్రమరాకులాయ నమః
ॐ झलज्झल्लोल्लसद्दान झम्कारि भ्रमराकुलाय नमः ।
Om Jhalajjhallolasaddana Jhamkari bhramarakulaya Namaha

అర్దం - గజాననుని గండస్థలము మదముతో నిండి ఉన్నందున ఆ మదమును త్రాగటానికి వచ్చే తుమ్మెదల ఝంకారనాదంతో మ్రోతతో ఆయన చెక్కిళ్ళు కూడా మ్రోగుతున్నాయి. అలాంటి భ్రమరములతో ముసురుకొని ఉన్న గణపతికి ఈ నామం కలిగింది.

----------------------------

మీకు వీలైతే అదే నామాన్ని తిరిగి కామెంట్ లో రాయండి.