UDAY Cycle. lunawada

13/09/2026

MISSION DIVERTED....
આજે લીલવણીયા મહાદેવ જવાનુ પ્લાન કર્યું હતું. શ્રાવણ પુરો થયો એટલે મહાદેવ ફ્રી હોય એ ગણતરીથી, પણ આગલા દિવસે ખબર પડી કે આજે કેવડા ત્રીજ છે. પત્ની પાણી પણ પીધા વગર આપણાં આયુષ્ય માટે ઉપવાસ કરતી હોય તો આપણી પણ ફરજ બને ને...
એટલે 25 km ની ટુંકી ride કરીને વડાગામ, ધૂળેટા થઈને ઝલાઈનું તળાવ જોવા પહોંચ્યો. અંબાજી જવાવાળા પદયાત્રીઓના સંઘ ચાલુ થઈ ગયા છે એટલે આખો રસ્તો live હતો. લીમડીયા આગળ રાજુભાઈ મળી ગયા. સાયકલ ઉપર ફેરી કરીને ગામડામાં સામાન વેચવાવાળા હિંદીભાષી ફેરિયાઓનો લગભગ છેલ્લો પ્રતિનિધિ એટલે રાજુભાઈ. વર્ષોથી ઉત્તરપ્રદેશ અને મધ્યપ્રદેશથી આવેલા આ મહેનતુ લોકો લીમડીયાને base બનાવીને સાયકલ ઉપર આજુબાજુના ગામડાંમાં સામાન વેચતા હોય છે. વર્ષોથી બધાજ અમારા ગ્રાહક. હવે લગભગ બધા બાઇક પર ચઢી ગયા છે પણ રાજુભાઈ હજી સાયકલ પરજ છે. આટલી ગરમીમાં આટલો સામાન લઈને સાયકલ ખેંચવાવાળા રાજુભાઈને સલામ કરીને આગળ વધ્યો.
વડાગામ ચોકડીથી હાઈવેનો ટ્રાફિક અને પદયાત્રીઓનો સંગાથ છૂટયા. ધુળેટાથી જમણી બાજુ વળતાંજ ગીચ જંગલ અને ડુંગરા શરૂ થઈ ગયા. છેલ્લા એક કિલોમીટર કાચા રસ્તે સાયકલ દોરીને તળાવે પહોંચ્યો. ત્રણેય તરફ ડુંગરોથી ઘેરાયેલા તળાવને એક બાજુ પાળ બનાવીને બનાવવામાં આવ્યું છે. એક નાના ડેમ જેવુ.આવા નાના ડેમ, કોયડેમ અને ઝાંઝરીમાં મે જોયા છે. આ ત્રીજો ડેમ. બીજે ક્યાંક હોય તો જણાવજો. ફોટા પાડીને પાછા એજ રસ્તે ઘરે.
વચ્ચે રસ્તામાં પંચાલ સમાજના પ્રમુખ અરુણભાઈ પંચાલ મળી ગયા. એમણે ગાડી ઉભી રાખીને, નીચે ઉતરીને ખાસ્સી વાર વાતો કરી.
પાછા ફરતી વખતે કેવડા ત્રીજની પૂજા માટે લીલી વનસ્પતિ તોડી લાવ્યો.

10/09/2026

ચારેય તરફ સોનાના ભાવવધારાની, ચાંદીના ભાવવધારાની, ડુંગરીના ભાવવધારાની, ખાંડના અને લીંબુના ભાવવધારાની વાતો અને ચિંતા થઈ રહી છે પણ કોઈ રબરના ભાવવધારા અને એની બજારમાં અછત વિશે વાત નથી કરી રહ્યુ.
મોટરસાયકલ અને સાયકલના ટાયર અને ટ્યુબ મારુ ક્ષેત્ર છે એટલે ચિંતા થાય એટલો ભાવવધારો છેલ્લા ખુબ ટૂંકા સમયગાળામાં થયો છે. ટાયર અને ટ્યુબ બનાવવામાં વપરાતું રબર અને બીજા મટીરીયલના ભાવવધારા અને અછતને કારણે ભાવમાં આગ લાગી ગઈ છે.
વર્ષોથી સ્થિર 120 રૂપિયે વેચાતી મોટરસાયકલની ટ્યુબના કાલથી 150 કરવા પડશે. બે મહિના પહેલા સુધી Hero splendor નું પાછળનું Ceat કંપનીનું ટાયર ફિટિંગ સાથે 1450 હતા જેના આજે 1650 છે. સાયકલના ટાયર ટયૂબમાં પણ આટલોજ ભાવવધારો છે.
અને મુદ્દાની વાતતો એકે આ ભાવવધારા છતાં પણ ટાયર ટ્યુબ બજારમાં આસાનીથી મળી નથી રહ્યા..
150 કરોડની વસ્તીને પુરું કરવા માટે ગમે તેટલું રબર ઉગાડો કે ચોખા,ઓછાજ પડવાના છે.....વસ્તી ઘટાડો...

06/09/2026

जिधर जाते हैं सब जाना उधर अच्छा नहीं लगता
मुझे पामाल रास्तों का सफर अच्छा नहीं लगता
गलत बातों को खामोशी से सुनना हामी भर लेना
बहुत है फायदे इस में मगर अच्छा नहीं लगता.
સાતકૂંડા waterfall ભારે વરસાદ વખતે સોળે કળાએ ખીલેલો હોય ત્યારે ગાડીઓ ભરી ભરીને બહારથી લોકો એને જોવા આવતા હોય છે. ઘણીજ ભીડ હોય છે. થોડુંક ઠંડુ પડયું, વરસાદ ખોવાઈ ગયો, મોટો ધોધ નાની ધારમાં ફેરવાઈ ગયો ત્યારે આજે હું ઉપડ્યો..
સવારે છ વાગે સાયકલ ચોકડી પર પહોંચી ત્યારે હાઈવે એકબાજુથી બંધ હતો. વડોદરા થી ઉદેપુર ની luxury બસ, GSRTC ની બસ, ટ્રક અને બધો ટ્રાફિક wrong side થી સામે આવી રહ્યો હતો. સાયકલ દોરીને S.T ડેપો પહોંચ્યો ત્યારે ખબર પડીકે વિધ્નહર્તાના આગમન માટે ગેટ બની રહ્યો હતો કે છોડાઈ રહ્યો હતો. Wrong side ના ટ્રાફિકના લીધે કોઈના ઘરે વિઘ્ન ના આવે એવી પ્રાર્થના કરતો કરતો ચંસર, રમજી ની નાળ, ઓરા, નાન સલાઈ થઈને સાતકુંડા..
કેળધરાથી આગળ બે કિલોમીટર સુધી જમણી બાજુ નીચે ખીણમાં પાનમનો અને ડાબી બાજુ અડાબીડ જંગલથી છવાયેલા ડુંગરનો સંગાથ. કોઈ વસ્તી નહીં. ખાખરાનું પાનું ખખડે તો પણ દિલ થડકારો ચૂકી જાય. ડુંગર પરના ગીચ જંગલમાંથી કોઈક જનાવર આવી ચઢે તો? વરસાદી પાણીના પ્રવાહને લીધે રોડ ઘણી જગ્યાએથી ધોવાઈ ગયેલો હતો એટલે સ્પીડ પકડવી શકય નહોતી. ગીચ જંગલમાં ભેજ વાળા વાતાવરણને લીધે ઘણોજ બફારો થઈ રહ્યો હતો. થોડેક આગળથી પાનમ વળાંકો લેતી દુર થઈ ગઈ અને છૂટાછવાયા કાચા ઘર વાળી વસ્તી ચાલુ થઈ.
સાતકુંડા કેમ્પ સાઈટ હવે બહું સરસ રીતે maintain છે. ત્યાંના વ્યવસ્થાપક ચૌહાણ ભાઈએ સરસ ચા પીવડાવી. સાતેય કુંડ અને ઉપરનો ઢોળીયો માળ ઘણી વખતે જોયેલ છે એટલે ભાદરવાનો તાપ ચઢે એ પહેલાં ઝડપથી પાછો વળ્યો. એસ. કે. હાઈસ્કૂલ આગળ છેલછેલ્લા કંકોડા લઈને ઘરે પાછો.

30/08/2026

52 km સરોલી....
દોઢ મહિનાનો સાયકલ વિયોગ આજે પુરો થયો પણ આ દોઢ મહિનામાં આખી જીંદગી બદલાઈ ગઈ. છેલ્લા બે વર્ષની મહેનત પછી ગ્રંથનું PDEU માં admission થયુ સોમવારે એને કોલેજમાં મૂકીને આવ્યા અને મંગળવારે મમ્મીને દવાખાને ગાંધીનગર લઈ જવાનું થયુ. Angiography, angioplasty અને bypass વચ્ચેનો ફરક ખબર પડી. દસ દિવસ સુધી દવાખાનામાં બેંચ ઉપર બહાર બેસી રહેવું કેટલુ કષ્ટદાયક હોય છે એ ખબર પડી. ઘરે સુખરૂપ પાછા આવ્યા પછી મમ્મીને brain stroke આવ્યો. ફરી પાછા ગાંધીનગર દોડયા. આ વખતે મમ્મીને બચાવી ના શકાયા.
ઓગસ્ટ મહિનામાં મારો જન્મદિવસ અને એજ મહિનામાં મને જન્મ આપનારી જતી રહી.
વાળ વગરના માથામાં હેલ્મેટ ઢીલું પડી રહ્યુ હતું એને ટાઈટ કરીને સવારે 6.15 એ સરોલી તરફ. સરોલીના દુર સુધી ફેલાયેલા તળાવના પાણી અને સામે દેખાતા ગાંધીનગર હાઈવેના સર્પાકાર વણાંકને પાસે આવેલા ડુંગર પરથી જોવા એ વર્ષોથી મનગમતી પ્રવૃત્તિ રહી છે. બીજી બાજુ નજર જાય ત્યાં સુધી લીલા ખેતરો આંખોને ઠંડક આપી રહ્યા હતા.
ડુંગર પર આવેલી દેરી જે પ્લેટફોર્મ પર બનેલી છે એ પાટલા ઈંટોથી બનેલો છે એ અને દુરથી દેખાતો ધામોદનો કિલ્લો આ આખા વિસ્તારની ભવ્ય ભૂતકાળની સાબિતી આપી રહ્યો હતો.

28/08/2026

આજે રાખડીના દિવસે 12..12 સાળા સાયકલ લઈને દુકાને પધાર્યા. ધનગર ગાડરિ સમાજના 12 મેવાડી યુવાનો મુંબઈ સેન્ટ્રલ થી અમરાજી ભગતની સમાધિ નરબદીયા. ચિત્તોડ. રાજસ્થાન સાયકલ પ્રવાસે નિકળ્યા અને સાયકલના નાના મોટા પ્રોબ્લેમ માટે ઉદય સાયકલ શોધતા શોધતા આવી પહોંચ્યા. મેવાડ મારી સાસરી થાય એટલે એ સંબધંથી સાળા થયા.
અમરાજી ભગતનો 184 મો જન્મદિવસ જન્માષ્ટમીના દિવસે છે. બધા એ દિવસે આ સિદ્ધ સ્થાનક પહોંચશે. દિવસના 90 કિલોમીટર cycling કરે છે. આ બધા મુંબઈમાં જમવાનું બનાવવાના કામમાં લાગેલા છે.
એમની સાથે વાતો કરવાની, એમના અનુભવો જાણવાની મજા આવી. બહુ બધી જય જય કાર કરીને બધા એમના રસ્તે ચડયા.

22/08/2026

6000 ની સાયકલ 3000 માં
6000 ની સાયકલ 3000 માં...
રીલ બનાવીને છેલ્લા 2 દિવસમાં બંસલ મોલ આગળ બહારના લોકો ટ્રક ભરીને કચરો સાયકલો વેચીને જતા રહ્યા. મૂર્ખ લોકો જોયા, જાણ્યા,સમજ્યા વગર પડાપડી કરતાં લઈ પણ આવ્યા. ના કોઈ quality ચેક કે ના કોઈ fitting ચેક. આજ સાયકલ અમે કચરો કહીને 3700 માં લોક, બેલ, સીટકવર અને after sales service સાથે વર્ષોથી વેચીએ જ છીએ પણ 6000 ની કહીને 3000 માં એવું ઉલ્લુ નથી બનાવતા.
આજે સવારથી નવીજ સાયકલમાં pedal તૂટવા વાળા, ટાયર ફાટવા વાળા, ચેન ઉતરવા વાળા, હેન્ડલ ફરી જવા વાળા ગ્રાહકો સાયકલ ખેંચીને આવી રહ્યા છે. એકપણ સાયકલનું કોઈ પણ કામ અમારા ત્યાં નહીંજ થાય.
સાયકલની quality એટલી ખરાબ, એટલી ખરાબ છે કે ત્રણ મહિના પછી આમાંની એકપણ સાયકલ ફરી શકે એવી કન્ડિશનમાં રહેવાની નથી જ જ...
આવું વર્ષોથી સાયકલમાં જ કેમ થાય છે? કોઈક અમેરિકા અને જર્મનીની સાયકલ કહીને છેતરી જાય છે, કોઈક મોબાઈલ સાથે સાયકલ ફ્રી ફ્રી..કરીને છેતરી જાય છે.
કોઈ LG નું વોશિંગ મશીન અડધી કિંમતે કે Hero honda નું splendor કેમ અડધી કિંમતે નહીં આપતું હોય?
"લોભિયા હોય ત્યાં ધુતારા ભૂખે ન મરે"

19/08/2026

ઈતિહાસ હમેશાં વિજેતા પ્રજા લખતી હોય છે અને એને પોતાની શક્તિઓનું મહિમામંડન બનાવી દેતી હોય છે પણ હકીકત અલગ હોઈ પણ શકે.
ઈતિહાસનું આ પાનું ફરીથી લખાવવું જોઈએ અને લુણાવાડાના વતની તરીકે આપણે આપણાં પૂર્વજો અને પરાક્રમી રાજવીઓ પર ગર્વ કરવો જોઈએ. અંગ્રેજો સાથેના સંઘર્ષથી ડર્યા વગર ઝાંસીની રાણી લક્ષ્મીબાઈને આશ્રય આપનાર આપણાં રાજવીને સલામ..

18/08/2026

13/08/2026

ब्रेकिंग न्यूज...
एक बच्चे की सायकिल चलाने की आदत से तंग आकर उसकेही बाप ने छुरी से साइकिल के ट्यूब और टायर दोनों को काट डाला....