Mizoram Football Association - MFA

AIFF Referee Development Course 2026 kharna hun hman a ni.

Mizoram Football Association leh All India Football Federation tangkawpin a buatsaih 'AIFF Referee Development' May 19, 2026 atanga tan chu vawiin Mai 23, 2026 khan Chite Veng Playground-ah kharna hun hman a ni.
He course ah hian candidate 61 awmin, Theory Class leh Fitness Test te uluk takin neih a ni a, Candidate 50 te Exam hmachhawn thei tura tling chhovin, vawiin khan Exam an hmachhawn a, Exam zawh hian AIFF Referee Development Course kharna hun hman zui a ni.

Issued by Information, Publicity & Documentation Committee, Mizoram Football Association

AIFF 'D' Licence Coaching Course

Mizoram Football Association leh RFYC tangkawpin an buatsaih AIFF 'D' Licence Coaching Course chu vawiin May 23, 2026 (Sat) hian RG Stadium, Mualpui-ah zawh fel a ni. Course hi May ni 18, 2026 (Mon) khan RG Stadium-ah tan a ni a, Course Instructor hi K Lalrindika (AIFF Coach Instructor) niin, Coordinator hi Lalzarmawia a ni a, Candidate mi 23 an awm.

Issued by Information, Publicity & Documentation Committee, Mizoram Football Association

AIFF SPECIAL GENERAL BODY MEETING

May ni 23, 2026 (Fri) hian Kolkata-ah AIFF Special General Body Meeting (SGM) neih niin, Mizoram Football Association aiawhin Hony Secretary Pu Lalrengpuia a tel a, MFA Presodent Pu Lalnghinglova Hmar chu AIFF Executive Committee Member anihna angin a tel bawk.

He SGM hian Agenda hrang hrang a ngaihtuah zingah pawimawh leh langsar bik thil pahnih a awm a- AIFF Constitution thar tur chungchang leh AIFF commercial partner tur zawnna Master Rights Agreement (MRA) chungchangte a ni.

SGM-ah hian Sorkar laipuiin National Sports Governance Act 2025 a lo siam tawh chu AIFF chuan a pawm a. NSGA mila duan 'draft Constitution' hi Member Association-te hnenah a ranglama sem chhuah tur a ni a, hemi atanga ni 15 chhungin an ngaihdan leh rawtna te AIFF hnenah thlen leh theih a ni ang. AIFF Constitution hi sorkar duh ang ngeiin, June ni 30, 2026 hma ngeia pass tura hmalak nise tih a ni.

AIFF Commercial partner - ISL, IWL & Super Cup atana thawhpui tur inremna Master Rights Agreement (MRA) chungchang pawh sawiho niin, Genius Sports & Fancode te chhanna leh ISL Club te proposal lo lut chu lo zirchiang lehzual turin AIFF Executive Committee chu mawhphurhna a pe bawk.

May ni 22, 2026 khan AIFF General Body te leh ISL Club te hi indawrin, ISL Club lam rawtna te thlirho a lo ni tawh a. Heng bakah hian AIFF Constitution-a Article 25.3 (c) & (d) - State FA & AIFF a nihna neih kawp theih lohna clause chu paih a ni dawn bawk.

AIFF SGM ah hian Executive Committee member 19 leh State Football Association hrang hrang 32 te bakah, FIFA & AFC aiawh palai te an tel. AIFF Executive Committee emaw AIFF SGM emaw thut leh hun tur hi ruat a la ni lo.

Issued by Information, Publicity & Documentation, Mizoram Football Association

HUN HMANG HO

Ministry of Women & Child Development, Govt of India-in 'Beti Bachhoa Beti Padhao' (BBBP) Scheme hnuaia an achievement/documents-a dah atan MFA Football Development Project for Girls 'Project Starlight' chu May 21, 2026 (Nilaini) khan an media team ten an tlawh a, Training lai cover-in, Interview-te an neih pui a, he hunah hian MFA Womens Committee lamin an lo tawimawm.

Issued by Information, Publicity & Documentation Commitee, Mizoram Football Association

BR Studio MFA Inter School Futsal Tournament 2026

Fri 22, May
Middle School Section
Quarter Final
Results

Mizoram U20 Team MFA President-in Kolkata-ah a tlawh.

Vawiin May ni 22, 2026 khan MFA President Pu Lalnghinglova Hmar chuan Swami Vivekananda Mens’ U20 National Football Championship, 2026 Final khel tur Mizoram Team chu Mizoram House, New Town Kolkata ah a tlawh a, Final atan duhsakna hlanin, anmahni fuih pahin inkawmhona hun tha tak an nei. Pu Tetea Hmar chuan huaisen taka khel tur leh an theihtawp chhuah a, hun engemaw chen NFC-a Mizoram kan champion tawh loh hnua rawn champion leh hmasa ber ni turin a chah bawk. Players leh Coaching staff-te hi duhsakna thilpek a hlan vek bawk a ni. Mizoram Team Manager Pu Vanlaltleipuia pawhin Team aiawha thusawiin, MFA in an ngaihtuahna zawng zawngah lawmthu a sawi.

He hunah hian MFA Hony Secretary Pu Lalrengpuia pawh telin, player-te thawhrimna avanga Final an lut thei chu lawmawm a tih thu leh, vanduaithlak taka Team enkawl a a zin bo hlana amah enkawltu a 'Ni' Pi Lalawmpuiin a boralsan tak Head Coach Pu Lalrindika Hmar inpekna a fakawm a tih thu sawiin, player-te chu Sir Rindika tan Final match hi hlana chak ngei turin a chah bawk a ni. Pu Tetea leh Pu Renga te hi Kolkata-a AIFF Special GBM, May ni 23, 2026 a neih tura tel tur anni.

Mizoram U20 team-te hian May ni 11, 2026 khan Semi Final ah Manipur hnehin Final an lut a, Phase 2 khelh leh phawt anih avangin Narayanpur, Chhatisgarh-a Final khelh hun tur May ni 27, 2026 nghakin Kolkata-ah an cham mek. An cham chhunga duat taka lo mikhual a, lo enkawl tu JRC, Mizoram House Kolkata Pu Zoremthara Ralte leh a thawhpuite chungah Mizoram Football Association chuan lawmthu a sawi tak meuh a, Mizoram Team te hian vawiin hian Narayanpur panin Kolkata an chhuah san ang.

Issued by Information, Publicity & Documentation, Mizoram Football Association

BR Studio MFA Inter School Futsal Tournament 2026

Fri 22, May
Middle School Section
Quarter Final
Fixtures

Live On BR Studio

BR Studio MFA Inter School Futsal Tournament 2026

Thu 21, May
School Girls Section
Quarter Final
Results

Live On BR Studio

BR Studio MFA Inter School Futsal Tournament 2026

Thu 21, May
School Girls Section
Quarter Final
Fixtures

Live On BR Studio

BR Studio MFA Inter School Futsal Tournament 2026

Tue 19, May
High School Section
Quarter Final
Results

Live On BR Studio

AIFF REFEREE COURSE

Mizoram Football Association leh All India Football Federation tangkawp chuan, vawiin may 19, 2026 atangin RG Stadium, Mualpui-ah AIFF Referee Course a buatsaih a, MFA leh a hnuaia DFA hrang hrang atangin Referee 61 an tel. Course hi May 22, 2026 thleng neih a ni ang.
Course hawnna Pu C Vanlalmawia, Treasurer-MFA in a hmang a, MFA leh AIFF tangkawpin Football Referee Course buatsaih thei anih chu lawmawm a ti a, Course a lo kal zawng zawngte duhsakna hlanin, Mizoram chhung mai ni lo, National level thleng chho zel tura theihtawp chhuah chhunzawm turin a chah.
Course Instructor hi M Joychandra Singh, AIFF North East Zone (Zonal Referee Development Officer) a ni. Theory & Practical Exam neih tel a ni ang.

Issued by - Information, Publicity & Documentation Committee-MFA