里奧．21克心理動力

明報：港人抑鬱焦慮指數新高 Gen Z抑鬱指數最嚴重

🎉恭賀新禧🎊
好耐無Update了Social Media了🫣

祝大家
🔸身體健康、事事順景💪🏻
🔸心想事成、萬事如意🙌🏻
🔸馬到功成、馬年大吉🧧

而最重要係祝願大家🙌🏻
Keep住都有個好心態🫶🏻

20/1 出雲大社前

宏福大火至今，每日都發現好多嘢，
你以為係政府方針或者係政策問題咩？

根本唔係，其實一切都係公關問題。
󠀠
＝＝＝＝＝＝＝＝＝
󠀠
🔸竹棚問題？發泡膠問題？唯獨棚網無問題
󠀠
一開始特首李家超咩都未查就講竹棚嘅問題，嗰時火災都未完全處理好，就公佈話發展局將會諗全面取締竹棚，以鋼棚作發展嘅藍圖方向。速度之快，仲快過棚網嘅燃燒速度。但係快到咁，大家當然就會猜測其實係咪有咩內情，點解要狂推鋼棚呢？點解查都未查就話啲竹有事呢？🤔

救哂火之後，保安局局長鄧炳強話棚網佢哋攞咗去驗，係乎合阻燃規格。

What😱即刻攪到人人再出Post。仲要唔止我哋啲星斗市民呀，由各大建制KOL去到一向都親政府嘅報紙同TVB等，無一靜默。跟住過咗幾日突然間話鋒再轉，話原來有啲網呢，就比人混咗啲唔合格嘅落去，魚目混珠咗。咁點解佢哋又係未查清楚就咁急要同大家講呀？強哥就話係因為政府要透明，所以想第一時間就同大家講。呢個說法就睇大家信幾多啦。

但係點都好，就住竹棚同棚網方面，關公都忙咗幾轉㗎啦🤭
󠀠
＝＝＝＝＝＝＝＝＝
󠀠
🔸想略盡棉力做義工？唔比喎
󠀠
災情啱啱發生嗰時，大家都不斷諗點樣可以出一分力，幫到手。有好多人就好好啦，眞係獅子山下體現香港精神 。自發去宏福同廣福嗰邊做義工，有啲去唔到都捐好多物資過去。講眞，嗰吓覺得每一位香港人都眞係好正，不分你我他，每位都略盡棉力。就算出唔到嚟嘅都會幫手Share資訊，比各界Keep In Touch。

但係！之後政府嘅關愛隊進場，趕走哂啲義工。嗰時就有傳話關愛隊去到騎劫咗嗰物資站，然後有人嘈佢咩，就報警趕走哂一般義工。就住呢件事，民政事務局局長麥美娟就話，其實都係不分彼此，希望不分立場，一齊幫助受影響嘅居民。好啦，聽住先啦，因為咗一日，警方全面進場，要求義工清場。簡而言之，依家政府先係嗰揸𨋢人，你哋全部自發嘅唔駛再過嚟㗎啦。

事態咁樣發展，眞係令到一大班市民怨聲四起。老實講，大家都係想去幫吓手啫，都唔係介意你哋邊個攞尾彩，邊個齋企係側邊打卡，依家想過去幫手都唔得？係嘅，可能你會講，有啲不法之徒假以義工嘅身份去行騙，所以可能係咁就統一大家都唔得啦。但係如果心水清嘅，你就會發現，並不是有騙徒所以關愛隊先進場，而係關愛隊進場先有騙徒。嗰先後次序同因果關係係唔同嘅，甚至呢兩件事本身有無關係呢，我哋都係唔知嘅🤷🏻‍♀️

再睇義工事件 。關愛隊同警方進場嘅嗰幾日 ，國安拉咗幾個人，包括一個關注組嘅發起人、前區議員張錦雄 同 一位普通義工，話佢哋企圖「以災亂港」。立場係點呢？自己諗啦。有啲嘢唔係唔做得，而係嗰個時間點係咪應該做，係咪應該高調做，係咪應該有其他方法做。顯然佢哋嗰PR無諗過，又或者咁講，一直以嚟我都唔太覺得政府係有PR。

講到呢度，關羽張飛可以劉備趙雲未？未呀😈
󠀠
＝＝＝＝＝＝＝＝＝
󠀠
🔸獨立「無調查」委員會？
󠀠
最近特首李家超話要成立「獨立委員會」。咦！好似幾好喎，滿足咗有啲人話要獨立調查委員會啦，係咪先？等等，睇清楚，入面無調查呢兩個字㗎，而超哥都無講呢個委員會係根據《調查委員會條例》設立嘅。簡單少少講，即係呢個委員會係一個「非法定機構」，無傳召證人嘅法定權力、無得要求證人出庭作供、無得出手令去搜查處所。

如果咩都無，咁會點？就係發現某人要比證供時，佢唔配合你就吹佢唔脹啦。咁點查呀？查鬼查馬咩？所以超哥都唔加調查呢兩個字啦，索性直接叫「獨立委員會」。呢種我唔知係捉字虱定搏公眾唔識啦，總之又係一出聲就引起大家熱烈討論啦。
󠀠
＝＝＝＝＝＝＝＝＝
󠀠
🔸12月7號記得投票呀🗳️
󠀠
26號宏福大火，到28號左右消防先叫眞正撲滅哂所有火源。同時間所有人嘅選舉工程都剎停哂，街邊嘅直幡同橫額都收起哂。有啲記者一早都問㗎啦，會唔會考慮延後？哈，一個星期後，有日晚上返到屋企就睇到，話選舉論壇再度展開，咁即係意味住7號係會照常舉行投票㗎啦。仲有咩？政府會特別為宏福嘅災民增設票站。幾好呀，支持投票。

呢點就敏感啲，講唔到啲咩。總之我就話你知，我會去投票㗎，我都會呼籲大家去投票嘅，畢竟嗰日係超哥生日呀嘛🥳

嚟緊仲有幾多唔同嘅公關災難呢？好期待呀。
󠀠
利申返：
我全力支持特區政府㗎，愛國愛港的就是我💃🏽

20個樣本，7個唔達阻燃標準
之前強哥話達標，依家又唔達標，點解呢？唔重要啦，總之依家就係有人魚目混珠，係「有人」違法
#而那人並不是碧嬌

呢單好少人講，但我都想講吓

尋晚凌晨時份突然收到好幾個朋友及義工朋友Msg我，話 #張錦雄 被國安拘捕咗，但係我一直都搵唔到太多消息。直至今早，我終於喺唔同嘅渠道度證實咗，Ken仔同另一位女性嘅義工都喺尋晚被捕了。未知咩原因，但係消息就指Ken曾經指罵過關愛隊。

依家呢個時代眞係荒謬，做義工，自發去統籌分發物資，提出要求政府徹查事件嘅人，統統都被捕。諗唔到罪名？就話佢哋煽動，有料呀。更荒謬絕倫嘅係咩呢？當然係碧嬌姐啦，賊喊捉賊，話一切都唔關佢事，然後去舉報現屆法團。

掂呀，當你喺呢個世界度發現，原來電影演得仲正常過眞實嘅時候，你就知道呢個世界眞係有病。但可能係，有病嘅從來唔係呢個世界，而係背後一個個掌權嘅人。

噢？提個「四大訴求」要求徹查「宏福苑大火」就比國安拉咗？
查佢不如查吓成串圍標工程同圍網嘅關係網啦

《問號問號》經初步化驗，棚網達阻燃要求。

🔻雖則阻燃唔係「防火」嘅意思，但如果嗰圍網眞係合乎「阻燃」嘅規格的話，佢點都唔應該係「易燃」掛？其實就算唔係專家，我哋普羅大眾望到有哂明火，成塊著哂，然後燒到啲火種會跌落嚟繼續燒嘅，點睇都唔覺得係阻到燃喎。不過亦都可能係，我哋眞係唔係專家啦，諗唔到佢點樣阻，阻到邊條燃啦。

🔻一開始唔肯認圍網嘅問題，不斷屈落竹棚度，狂推鋼棚。跟住又話見到有發泡膠係極唔尋常，係咁捉住發泡膠嚟講，而唔講圍網。眞係不禁令人懷疑，係咪塊圍網嘅來源定係當中批准掛上去嘅人或部門，係其中不可抗力嘅因素？

（網上圖片）

如果有人經歷緊傷痛，
唔好回應「至少」或者「算好㗎啦」。唔識講嘅，我勸你講少啲難聽過粗口嘅說話，做個傾聽者好過做個建議者

深夜發文：2025年11月26日係香港人一個傷痛嘅日子。好耐無出過文字Post啦，想抒發一下。以下嘅只係我個人嘅感想，無諗過要分析啲咩，要引發啲咩，只係道出我心中所想。

本身當日出咗去，無咩睇到電話或新聞。直至係某間鋪聽到啲店員講咩咩4級火嗰時，其實都唔太知咩事。係去到晚上坐低食嘢時歇一歇先知咩事。一睇到，第一個疑問就係：

1、點解會一次過咁多座樓一齊做搭棚嘅？以往嘅唔係都係一棟棟嚟嘅咩？咁大工程？然後掘吓掘吓就知，原來呢個屋苑係2024年東張報過天價維修工程，跟住又話圍標，又話搵過勞工處，又話係民建聯嘅人做法團顧問；

2、之後聽到好多消息話無響火警鐘。吓！？係眞唔係？正常屋苑唔係都有火警鐘嘅咩？如果眞係無火警鐘響，眞係會有好多人唔知而走唔到喎，到發現嗰時，其實可能成棟大廈或者成條走廊都係濃煙，嗰時根本係困住哂喎會；

3、再之後又有啲唔知眞定假嘅消息話大廈嘅消防喉都係無水。咁癲？如果係眞嘅話，咁就眞心係成個屋苑嘅消防系統都出現問題喎。呢個無見新聞或啲報道有講，唔知堅定流；

4、睇網上片段覺得，眞係唔係啲竹嘅問題攪到燒得咁快，但係依家就不斷講要推鋼棚。其實唔好話啲專家講啦，我哋平常人依家睇火勢熄滅咗嘅外圍都睇得出，啲竹根本就無爛過，燒嘅基本上都係啲圍網。啲火係沿住圍網狂燒上去，熱力引發嘅氣流同當日嘅風向就不斷加劇嗰火勢。然後嗰圍網燒出嚟嘅火舌就又順住啲風向飄去其他座樓度，攪到係咁產生連鎖反應；

5、當然，「竹」燒唔燒得著？緊係得啦，高溫起上嚟乜都得。但係透過爐嘅就一定知，如果碌嘢唔係黐住連住，其實嗰火一定好難持續落去。就算燒到1碌都好難燒埋第2碌；

6、發泡膠係咪助燃呢？有機。但係又咁講，喺啲已經撲滅咗嘅外牆嚟睇，又未必喎。因為有啲畫面我係見到成塊圍網燒哂，但係仲見到窗戶塊發泡膠係度喎。亦係咪可以理解佢嗰助燃力唔夠圍網咁勁？

7、但係發泡膠一樣都係問題，因為燒完之後佢會出現大量有毒氣體。而火場上一向都講，濃煙往往先係最致命。

8、好心悒。火災眞係無情，一轉眼幾個鐘，見到火勢係會突然超不受控，然後勁多人走都走唔到。一路睇住啲消息，Mon住最新嘅動向，但係眞係會越睇越Sad。不斷見到有人話仲未搵到佢嘅屋企人，見到有人話佢嘅伴侶同寵物仲係單位度，見到有不同嘅生離死別，好痛心。

打吓打吓都唔知講緊啲咩了。
最後想提醒大家，要時刻警剔唔好被困於情緒嘅漩渦之中。可以嘅就放低電話，同身邊嘅朋友傾訴吓，將心中嘅感受講出嚟抒發吓。甚至如果你有能力嘅，可能選擇自發去做義工，將你嘅感受轉化成行動，協助有需要嘅災民。

而如果你係受影響嘅災民，我會建議你聯絡政府或相關機構並進行情緒支援。記得記得，唔好自己一個頂。我相信大家都一定可以同你哋同行到底。

（網上圖片）

大埔民間自發物資站 港人互助　「有冇人要XX」叫喊聲不斷 https://link.mingpao.com/85573.htm 大埔宏福苑五級火至今未熄，宏福苑居民尚未能返家園，需要在臨時庇護中心暫住。不少港人入夜後仍前往大埔，協助運送物資予災民和消防員。在廣福邨平台，民間自發組成物資站，提供外套衣物、食物、暖水等，現場「有冇人要XX」叫喊聲不斷，盼能幫到有需要的人。 #明報 #明報新聞 IG/ www.instagram.com/mingpaonews YT/ www.youtube.com/@mingpao