香港草根體育發展中心

Thank you for your service!

願生者堅強, 死者安息

求助熱線：
香港撒瑪利亞防止自殺會熱線：23892222
醫院管理局精神健康專線：24667350
東華三院芷若園熱線︰18281
撒瑪利亞會熱線︰28960000
社會福利署熱線︰23432255
生命熱線：23820000
利民會《即時通》：35122626
明愛向晴熱線﹕18288

致各位愛護黃駿軒的球迷及朋友：

軒仔於傍晚時分選擇離開了我們，突如其來的噩耗，本球會仝人深感婉惜及沉痛。

軒仔在本地頂級聯賽上陣超過100場，曾經是香港U23代表隊，亦代表香港出戰過港澳埠際賽。他說過由細到大都好想踢波，為了爭口氣，堅持繼續留在球圈，為喜愛的足球付出所有。我們希望軒仔在彼岸能夠平安快樂，繼續擁抱他喜歡的足球。

我們向黃駿軒的家屬朋友致深切慰問，亦同時感謝各界人士關心。

深水埗體育會足球隊
6/6/2022

[草根x職員團隊訓練日]

相信大家都知道做運動除咗強身健體之外，當中都可以學到好多技巧例如戰略部署、團隊精神、堅持等等。
我地草根除咗focus係單純體育發展之外，都好希望可以發展其他相關方面嘅訓練。所以早前本會就帶領咗香港聖公會聖路加福群會長者鄰舍中心嘅職員進行團隊訓練日，嘗試一系列team-building活動。當中嘅練習包含信任、解難同運動元素，職員都表示好玩得嚟加強咗同事之間嘅了解同感情～



 #香港草根 #普及運動 #香港運動 #香港草根體育發展中心 #體育草根化 #社區體育 #香港體育 #運動

[攻防箭x校園活動]

早前草根曾經同聖公會諸聖中學合作舉辦過攻防箭活動，能夠將體育同團隊合作訓練嘅元素結合，仲要有機會帶入校園服務一眾師生，本會認為別具意義😍😍

新興運動故名思意未為普及，草根近年都著力進行推廣，融入玩樂、團隊合作、解難技巧等等，希望我地嘅服務對象獲益良多～ 嚟緊我地繼續會舉辦更多相關和一系列嘅活動，大家記得多多留意！Stay Tuned!!!

#香港草根 #普及運動 #香港運動 #香港草根體育發展中心 #體育草根化 #社區體育 #香港體育 #運動 #體育政策 #新興運動 #攻防箭

FIRST TIME?

【球場解封】
球場重開社交平台即刻湧現唔少「場地出讓」或「代放」等等嘅訊息，據知籃球場2小時最高索價仲去到1,800元......

社交距離措施放寬 康文署場地再現炒價｜Netflix 股價重挫 35%｜古天樂姚焯菲拍片鼓勵 DSE 考生｜專訪移英紀錄片導演｜4月21日・Yahoo 早報 早晨！今日係 2022 年 4 月 21 日星期四，天文台預測今日天氣大致多雲，初時有一兩陣驟雨，日間部分時間有陽光，氣溫介乎 21 至 27 度，吹和緩偏東風。 相隔數月，晚市堂食、康樂場地等設施重啟，市民都急不及待出街食飯和.....

[體育出路分享會：網上講座]

感謝 循道衛理亞斯理社會服務處 邀請本會足球部兩位教練 屠sir 及 泊鈞sir 出席「體育出路分享會」。


是次活動內容著力向一眾年青人分享職業足球、體育學系及職業教練嘅經驗及出路！屠sir 及 泊鈞sir身為過來人非常清楚係生涯路上的感受和心得。作為社區體育及服務發展機構，我地都明白香港年青人對於前景迷惘，係成長路上需要協助以及引導。


期望草根可以發揮以人和社區為本嘅精神，透過分享兩位呀sir 嘅經驗啟發大家嘅思維～



#香港草根 #普及運動 #香港運動 #香港草根體育發展中心 #體育草根化 #社區體育 #香港體育 #運動 #體育政策

[香港草根 壬寅虎年 賀歲盃 - 最新消息]

根據現時疫情發展及結合不同渠道消息，農歷年初三後重開體育設施機會「微乎其微」，本會將會視乎情況及政府防疫抗疫政策，不遲於下周一(30/1) 前決定是否取消，敬請留意。

#香港草根 #香港草根體育發展中心 #草根體育 #壬寅虎年 #賀歲盃

長文慎入
[草根運動周邊 - 體育賽事女性服裝爭議]
雖然奧運都完咗一段時間，但當小編屎忽痕去回顧下啲大型體育活動新聞時，就發現咗值得討論嘅議題想同大家分享🤛🏻

眾所周知，體育賽事對運動員嘅服裝都有嚴格規定。先睇圖一&二沙灘🏖️排球同手球，傳統上女性參加比賽嘅時候就要著👙比堅尼配埋三角褲，原意係緊身嘅短衫可以避免大動作時走光，亦更清楚睇到球員身體部份有冇觸網或其他犯規情況。聽講仲話咩可以方便撥走啲沙添⋯⋯但諗深一層，點解男性就可以著長少少嘅四角短褲呢？佢地就冇一樣嘅困擾咩？

挪威女子沙灘手球隊嘅隊員早前參加比賽時都同國際手球聯合會反映過問題，但被歐洲手球協會ban之餘仲要罰款。面對住大組織嘅壓迫，通常都係俾完錢換返衫就想冇事，好少可會有國家企硬為自己同埋人民嘅理念去做抵抗，在此，小編真心表示佩服🙇🏻‍♂️。好彩嘅係面對輿論壓力，國際手球協會最後都跪低咗，公布新服裝規定，移除比基尼限制🎉

另外，圖三嘅例子應該就比較少人知啦。Alice Dearing係第一位代表英國參加2020東京奧運會游泳🏊‍♀️項目嘅黑人女性；佢想戴住可以保護自己頭髮嘅Soul Cap出賽，但竟然因為頂泳帽不符合「頭部的自然形態」而唔俾係國際比賽中使用。非洲人種嘅頭髮好多時都會多而又有自然卷，一啲鬢邊嘅髮型例如dreadlock同多種braids就最為出名，因此Soul Cap就設計咗一款方形長身啲、專為非洲人頭髮而設計嘅泳帽啦。

大佬呀游個水姐，我頂帽又唔會幫手出到貓又唔係靚啲會加分，點解要咁多阻滯先？😀

每個人嘅preference都唔一樣，一定會有運動員enjoy著比堅尼泳衣去作賽，亦有人唔介意游水泳帽要用邊款。但服儀規定制定嘅前提應該係唔影響比賽下，容許運動員著住舒服而又合適嘅衣服去比賽。
（簡稱四角短褲同Soul Cap好合理，姐係運動員應該可以揀三角定四角褲，Soul Cap定Regular Cap🤞🏻。）

服儀規定雖就話係「傳統」，但係現今文明社會下就一定唔公平咖啦。老實講，小編作為女性都覺得運動賽場上嘅健康美同力量體態美好吸引☺️，但如果連落場嘅運動員都反映規則無理嘅時候，場外嘅人又有咩權指指點點呢？

#香港草根 #普及運動 #香港運動 #香港草根體育發展中心 #體育草根化 #社區體育 #香港體育 #運動 #女性運動員 #比賽服飾 #公平啲