安東東 Anthony

6月21日黃昏賽嘅四選及手寫板推介🐎

手寫板選擇了第四場"超和平", 上仗雖然表現欠佳,
然而起步慢咗之後推上嚟帶頭, 可能因此早段用多咗, 今次賽前試閘仍然見好, 呢組似乎得佢屬於領放型, 希望起步順利博佢今次回馬槍!

另一匹揀返"小鳥天堂", 上仗真係無運, 雖然今次有好幾匹同程好手列陣, 然而呢匹馬都仲未見底, 而且繼續有潘頓執韁, 希望可以再見佢入凱旋門💪🏼

GOOD LUCK 😊

尋日完成了另一次「有好音樂」直播...

我好珍惜每一次做節目的機會, 因此如果時間許可的話, 我都想堅持做live, 不過尋日係要同新嚟嘅operator 夾, 過程比想像中緊張, part 1 嘅我其實係處於繃緊狀態, 結果喺介紹第三首歌嗰陣窒咗...

因為part 2 會講好多嘢, 所以一定唔可以打亂陣腳, 亦慶幸之後一切順利, 希望大家都聽到小弟好多位拿捏得比之前更準😊

今次因應Michael sir 早前教我哋一啲新嘢, 本來set 咗另一個好個人嘅主題, 但由於最近"鮮花滿月樓"個post 咁好反應, 我想將對呢首歌嘅感覺, 喺大氣電波中講一次; 而去年睇Priscilla 嘅演唱會, "花店"嗰段我又有好深感受, 於是將Michael sir 教嘅嘢喺"花店" 度運用, 從而將今次嘅主題定為「花」😬

每次做節目都感覺係送份禮物俾自己, 今次做完之後有種想喊嘅衝動, 早前病咗幾日, 其實係無信心做好呢件事, 但結果順利完成之餘, 效果比想像中滿意, 感恩🙏🏼

今次呢12首歌分別係：
1) #花千樹 #容祖兒 2） #花無雪 #泳兒
3) #花之戀 #蔡國權 4) #花店 #陳慧嫻
5) #鮮花滿月樓 #張德蘭 6) #花落誰家 #李克勤
7) #花海 #張天賦 8) #地球上的最後一朵花 #陳卓賢
9) #當這地球沒有花 #陳奕迅 10) #花花宇宙 #陳慧琳
11) #花灑 #古巨基 12) #花火 #梁詠琪

下次輪到小弟嘅假日節目時段將會係10月1日😁

七日內重溫連結放喺留言😉

#有好音樂 #新城財經台

聽日係端午節假期... 上午11:00...
新城財經台繼續有假日音樂節目「有好音樂」,
節目表上面可以出埋自己個樣😁

早前Michael Sir教我哋嘗試喺某啲歌度講多啲嘢,
今次喺一首偶像嘅歌入面做咗呢件事😬

另一首歌係因為之前喺呢度竟然有超過八千個like,
想將我覺得呢首歌係人生入面如果列十首最愛,
佢會係其中之一呢段文字轉為聲音喺空氣中表達...
因此今次嘅主題將會係：花

相信熟悉小弟嘅朋友都估到係邊兩首歌㗎啦😂

#新城財經台 #有好音樂

今次賽事嘅四選及手寫板心水推介🐎

手寫板揀返兩匹之前都有寫過嘅馬...
第四場"勁開心"上仗雖然功虧一簣,
但潘頓再騎而且三檔好跑, 再寫多次😂

第八場"勁沙塵"上仗俾個藉口變化場地不適合,
而且應該唔會夠"首飾天空"跑,
希望臨場唔好落雨, 計馬喺呢組仍然可以爭勝💪🏼

GOOD LUCK 😊

星期三夜馬, 繼續QQP 2X3...
今次揀咗第五場及第七場🐎
第五場"紅海勁"明顯三班不足四班有利,
今次孭輕四磅排檔好轉期望演出好過上次;
"有情有義"上次初跑同程贏得出色,
繼續有內檔之助馬房爭冠有決心可期連捷💪🏼

第七場"豐辰"近兩仗同程得冠亞演出準繩,
繼續有內檔而比上次孭輕兩磅仍堪信賴;
"大千雄心"上仗初跑谷草快時間贏馬,
雖然升班增程, 但之前田草千八跑過兩次第二,
都係嗰句馬房決心爭冠軍繼續信佢😬

GOOD LUCK 😊

因為今日有從化嘅同事嚟咗參觀,
所以時間有點趕, 就簡單地介紹一下手寫板😂

第七場"小魔怪"之前一再抽到外檔際遇亦欠佳,
今次檔位係跑咁多次千二最內,
既然上次好黏地變招領放取得突破,
呢組對手唔算強博佢可以再下一城💪🏼

第八場"金金小子"傷患馬久休復出,
試閘走勢好相信仍有上升空間,
四檔係前季至今C欄同程勝出率最高檔位,
而呢匹馬排四檔亦都贏過, 就揀佢🐎

GOOD LUCK 😉

星期三夜馬繼續係普通馬迷系列...
今次揀咗兩場潘頓+艾兆禮...
其實我都係買完先醒起😂

第五場睇飛就似乎集中於三匹馬身上...
不過上次"佐治傳奇"嘅第三我係極度失望...
因為我單式馬膽四重彩中晒腳...
所以我印象中對呢匹馬打咗折扣...
雖然而家揀呢兩匹都係唔叻㗎啦...
不過"星辰千帥"換番一哥排檔好轉...
"天下寵兒"就一定有鬥志🤣

第六場"銳目"上仗雖一塌糊塗但潘頓唔放手...
1/6 嗰課真係好吸引, 排返一檔應該會跑返好啲...
"獵寶勤"上次中過, 今次仍然要返佢😬

GOOD LUCK 💪🏼