BUJI Universe

yes?

[Weekend Audit]

Taking care of what we take in, might as well of what we get out.

📔 Let’s open Notes app and audit our week.

For the next 7 days: what are you deciding to take in / not take in?

For BUJI: we’ll take in quality rest, quality nutrition, quality relationships, peace of mind, relaxed concentration, as well as challenges, enjoyment, satisfaction from training our PTs, training ourselves, and anything that charges us up🔋.

Your turn!

- Ed

［轉變］
源自電影 CREED II (2018) 嘅一句說話。

當時Adonis正準備同佢嘅死敵重賽。正當Adonis問係咪照5:00起身？照去費城訓練？佢嘅師傅 — 傳奇人物Rocky就咁樣同佢講：

「唔啦，我哋另有計劃。如果你想要截然不同嘅結果，你一定要做截然不同嘅事情。」

跟住就係大家最熟悉嘅沙漠訓練。

Adonis一落車就忍唔住話：
「簡直係地獄呀。」
而Rocky嘅回覆係：
「冇計，因為你要重返地獄嘅關係，提早習慣咗佢好過啦。」

個情況係Adonis第一次對打係輸咗比對手Draco，當然好唔忿氣想重賽，但係對手實在太強，高過佢，快過佢，大力過佢。明顯對Adonis嚟講係一個地獄。但係Rocky好明顯唔覺得Adonis一定會輸，只係唔能夠再好似以往咁訓練，然後期望下一次可以完爆對方，畢竟人哋都會訓練，都會進步。

去到沙漠，只有好簡陋嘅器材：大錘、車呔、鐵餅、重球、擂台，仲要室外冇冷氣。仲有一幕經典場口就係Rocky開車Adonis喺後面跟跑。Rocky仲安排咗一個同Draco差唔多大隻嘅對手比Adonis練習，佢哋要每人踩一隻腳喺車呔裏面，逼住要近身搏鬥，打到對方企唔住喺個圈裏面就算贏，為嘅就係迫住Adonis去訓練佢最弱、最容易輸嘅地方。喺呢個情況底下，Adonis冇得逃避，隻腳踩咗入去，就逼住要面對唔舒服、唔習慣、冇乜信心嘅環境。

亦都正正因為逼住要去面對，最後佢成功打贏咗車呔對面嘅對手，講緊係大隻過佢、又大力過佢嘅大隻佬。佢打贏咗嘅唔係對方，而係戰勝咗佢自己，克服咗佢本身做唔到嘅事情。

另一邊廂，對手Draco係一間設備好齊全嘅體育館裏面訓練，又有媒體報道，形成好大嘅反差。不過儘管如此，最後Adonis都係打贏咗Draco。

呢套戲早喺2018年已經影響我好深，最有啟發性嘅位就係，訓練唔係睇你有幾強嘅器材、外在條件；最重要嘅係你有冇直接面對你最怕面對嘅事情，最唔夠膽、最冇自信嘅位置。雖然感覺好似Adonis所講嘅「地獄」，但正正係呢啲地獄，為每個人帶嚟最翻天覆地嘅改變。BUJIBUJI嘅誕生、設計、教學嘅風格，好大程度上都係做緊呢個效果。

「呢個地方就係好多拳手過嚟砍掉重練、捲土重來嘅地方」Rocky到步沙漠嘅時候咁樣向Adonis介紹。其實BUJIBUJI訓練場地都係我重生嘅地方 — 去除雜訊，專注真正重要嘅事情。

BUJIBUJI訓練嘅學生們可能最有共鳴嘅嘢就係：我地乜都冇，但我哋已經有齊我哋需要嘅一切；我哋乜都做得到。

或者「地獄」，係通往「天堂」嘅必經之路💭

我係好鍾意呢套戲，呢個故事。有機會見面同大家分享更多，呢套戲裏面有好多位都好對應到BUJI嘅構思。當年呢一幕真係深受啟發🙏🏻

對於上身練得唔係好firm，成日覺得膊頭好緊嘅人，喺你哋走去睇Physio/拍骨/針灸拔罐之前，用我呢套 #脊椎三部曲 — 純粹用阻力訓練嘅形式，啟動咗脊椎嘅力量先。

我相信有九成人keep住每次做gym前都有呢一系列warm up，你會發現原來一直以來唔係控制能力不足，唔係技術唔好，只係未叫醒最關鍵嗰個部份啫。

就算環境唔係最適合，都唔應該影響到我哋嘅鬥志！不過可以做得好啲嘅話，Why Not？

能夠幫大家唞啖氣順啲，減少過度流汗嘅水份流失，係會直接提升你哋嘅恢復時間同力量💪🏻 冇得賴啦😁

BUJIBUJI 私人健身室｜觀塘