贏到開巷

沉冤代說🐴賠率啱幕後胃口😍排外檔博你唔信
⭐4場 8久久為軍
撰文：CP
//季尾階段，有兩類馬戰意會較高，一類係衝擊特別獎金，另一類就係季內未贏馬交代，後者每每評分已減凸，但由於近績唔起眼，所以未必成為公眾熱門，啱啱周三嘅「博愛先鋒」、「先到先得」、「電源之駒」，或上期日賽嘅「共享富裕」就係好例子，近況未算突出，不過隻隻都係10倍以內，同時又唔係頂頭熱門，無他嘅，耐心等咗成季，唔通2倍食糊？有人會話係跟劇本，從另一角度睇係部署。告東尼部署從未唔易估，季中曾出現小低潮，當時惹嚟唔少抨擊聲音，結果馬房喺2月開始反彈，呢4個月期間總共贏咗28場，大熱佔4匹，10倍以下佔16匹，7匹介乎11至20倍，最冷一匹頭馬「勝萬金」係22倍，亦已經係季內最冷W。由此可見，告東尼要搏殺時，甚少爆軚爆大冷。

曾為強組前列分子
今期符合以上情況嘅告東尼戰馬有好幾匹，其中第4場「久久為軍」最似樣，今季已出賽12仗，並無取得頭馬。季初身處3班，唔打冇把握嘅仗，明顯減分落4班，部署一如上季，落班即食，不過今季稍為欠運，總場次298重返4班首仗戰1400米，用鍾易禮孭132磅，臨場回飛至12倍，早段慢腳居尾，幸當日場地偏差不大，直路沿中內路段竄上，僅以頭位之差屆居亞軍，頭馬「開心老闆」、季殿軍「友瑩亮」及「亨驥」目前悉數已居3班。幕後唔甘心，翌仗捲土重來，繼續成13倍半冷，由於排外檔，順理成章留前鬥後，可惜彎位走3叠，兼且當日不利外冚，最終姍姍來遲得第4。

一連兩仗博失後，搵到大哥潘頓幫手，頓時變大熱，直路打兩鞭後，騎者對座騎動作有疑慮，早早收鞭，尾4而回。此後幾仗，表現平平無奇，飛數亦越來越冷，但同時評分由4班高位不斷遞減。到上仗（片），告東尼變招，為「久久為軍」面箍，31倍開跑，起步比近幾仗俐落得多，一早守4、5位，步速屬段段稍快，跑到彎位馬群加速，鍾易禮亦不敢怠慢，「久久為軍」一路保持纏鬥力，最終被賺步速追上嘅「龍傲綾羅」而得第4，反映配件起到作用之餘，馬仔狀態及評分已到位。

今次「久久為軍」表面上10檔未算理想，不過同場欠快馬，只要交出上仗嘅前速，大可以切入內叠，上季贏馬一役都係守中前位置，至今負磅進一步減輕至125磅，經已相當著數。隔夜開飛7至8倍，預計臨場熱極有個譜，正合幕後胃口，有望贏馬交代。

另外兩匹推介......//

📣📣📣加入私密群組👇👇 月費只需$160
請即登入https://www.patreon.com/winningracing 成為「贏到開巷」私密群組會員，得到更多獨家賽馬資訊，以及由CP及文西提供的即場推介。

#贏到開巷
#賽馬分析

#賽馬心水

沉冤代說🐴弱組可出值博馬😍「勝在」有分頭
⭐6場 11勝在當下
撰文：CP
//谷草總會編排4班1200米賽事，有時好似今期咁，一晚拆3組，有人會因此而腦交戰，覺得各無把握，只能勉強庸中取佼。絕對認同谷草4班短途水準唔高，不過呢類賽事每每講求陣上形勢，而且派彩唔太乏味，只要清楚了解馬匹能力水平，就可以取中獲利，正如早前「星火燎原」就係好例子。今期3組之中，較有均勢係第6場，開飛大熱係「獵寶勤」，以往未贏時，被視為一代衰馬，經常熱門而屢博不勝，直至最近喺5班開齋後，上仗重返4班打叠輕勝，就被指為開竅，咁大反差，前後不足兩個月。賽馬就是這樣，多數人以名次論好壞，「獵寶勤」今次繼續成為眾人焦點，係咪再贏？個人認為，形勢未必一面倒。

換人隨時變出彩虹
「獵寶勤」連續兩仗貼欄單騎領放到底，沿途受所壓逼不大，屬於形勢使然嘅頭馬，今鋪排4檔，獨立去睇，依然有利，之不過內側有匹快腳馬「勝在當下」排3檔，有可能成為「獵寶勤」形勢有變嘅因素。「勝在當下」經過一輪試準後，前仗谷1200米票數硬淨，臨場著綠燈至4.6倍，起步騎幾步搶前，騎者田泰安催騎下，中段一度稍稍拋甩群駒，頭800米比標準快半秒，好至黏地嚟講步速偏快，末段走勢減弱，被班底較高嘅「紅愛舍」追過。

「勝在當下」上仗續受關注，再次著綠燈（片），由於外檔嘅「金發盛世」寧舍快閘，田泰安為鞏固領放位置，急不及待早段大力搶前，再一次帶快步速，僅得第4。論步速，近兩仗都屬於前快後慢，「勝在當下」無疑末段轉弱，但既然水準唔高，要求亦無須太高，加上今次轉換配搭，改為韁繩較柔嘅鍾易禮披甲，預計3檔出閘後憑基本前速，霸佔貼欄放頭，有機會令「獵寶勤」走2叠，削弱對方之餘，只要鍾易禮早段hold得住，有權頂到尾。鍾易禮近期喺谷1200米贏「嘉應勇將」、「維港智能」亦操控得宜，「勝在當下」隔夜有8倍左右，比對上兩仗更為值博。

另外兩匹推介......//

📣📣📣加入私密群組👇👇 月費只需$160
請即登入https://www.patreon.com/winningracing 成為「贏到開巷」私密群組會員，得到更多獨家賽馬資訊，以及由CP及文西提供的即場推介。

#贏到開巷
#賽馬分析

#賽馬心水