香港特殊奧運會 Special Olympics Hong Kong

【2026年特殊奥林匹克哥德盃 - 成績總結】

有留意我哋IG動態嘅朋友仔已經知道我哋嘅代表隊喺今屆特殊奧林匹克哥德盃第四組以全勝姿態勇奪冠軍！恭喜咁多位隊員，用努力同汗水換取甘美嘅成果；多謝領隊及教練嘅悉心指導同照顧，一齊創造難忘嘅回憶😊

為大家送上一啲賽事嘅精彩時刻，更多賽事相片整理好再通知各位📸

#香港特殊奧運會
#哥德盃
#足球

【2026 年特殊奥林匹克哥德盃 - 決賽】

經過咗7月14-15日嘅賽事後，我哋嘅代表隊以全勝姿態進入決賽，最終會喺今日同比利時競逐組別嘅冠軍寶座！

賽事不設免費線上現場直播，不過大家有時間嘅話可以留意返賽事官方網站嘅比分，緊貼住香港特奧代表隊嘅成績架～

7月16日決賽成績傳送門：
香港時間5:15pm對比利時 - https://results.gothiacup.se/2026/matches/84174150?_cb=1784177662983

#香港特殊奧運會
#哥德盃
#足球

【特奧正能量】

保齡球最有趣嘅地方，就係你永遠估唔到下一刻會發生咩事。
可能一球全中，可能有少少偏差，但正正因為有變數，先更加刺激、更加值得去拼。
面對未知唔需要怕，因為每一次出手都係一次學習同突破。
保持專注、保持信心，享受過程，結果自然會帶嚟驚喜💪🎳

---------------------------------------------------
運動員除咗喺賽場上創造紀錄之外，亦為我哋留下唔少觸動人心嘅經典語句，特奧正能量系列希望透過哩啲句子，再配合我哋運動員喺比賽/活動嘅英姿，可以為各位帶嚟滿滿嘅正能量💪

#香港特殊奧運會
#保齡球

【2026 年特殊奥林匹克哥德盃 - 出發🛫】

這邊廂女子足球隊喺法國完成賽事，那邊廂男子足球隊就喺香港出發！

由10名運動員組成嘅代表團會去到瑞典嘅哥德堡參加喺7月14-16日舉行嘅2026 年特殊奥林匹克哥德盃 ，代表團已經喺噚晚出發，而家正在前往哥德堡嘅途中，期待大家嘅表現～

#香港特殊奧運會
#哥德杯
#足球

【2026年特殊奥林匹克融合足球世界盃 - 成績】

代表團已經完成比賽，雖然獲得小組第四名，但大家都表示喺唔同隊伍身上學到好多嘢，未來會繼續努力訓練提升技術💪

賽後我哋好開心獲邀派代表出席特奧東亞區招待會，喺會上仲有幸同國際特奧會主席Timothy Shriver博士合照留念🫶

#香港特殊奧運會
#2026年特殊奥林匹克融合足球世界盃

特殊奧林匹克多年來與獅子會攜手，致力提升智障人士健康水平，建立共融社會。

適逢第108屆獅子會國際年會喺香港亞洲國際博覽館舉行，我哋好榮幸獲邀為來自世界各地嘅獅兄獅姐帶嚟融合滾球體驗，見證運動員練習嘅成果。

特別鳴謝中華基督教會基順學校派出夜光龍隊，為獅兄獅姐們送上非遺項目表演，展示中華文化獨特而豐富嘅內涵。

Thanks for involving us in this grand event🫶
We are proud to showcase our athletes' talent and the power of inclusion with Lions and Leos from all over the world!

【2026香港特奧幼兒運動員計劃 - 照顧者工作坊】

工作坊喺啱啱嘅星期六舉行，參與者透過簡單有趣嘅活動體驗去了解幼兒掌握基本動作技能嘅重要性，並鼓勵佢哋將計劃所學融入家庭、學校及至社區，共享運動樂趣，促進幼兒嘅成長。

特別鳴謝 UPS 基金會資助本地特奧幼兒運動員計劃嘅發展🫶

#香港特殊奧運會
#幼兒運動員計劃

【2026年特殊奥林匹克融合足球世界盃】

四年一度嘅世界盃正進行得如火如荼，而特奧嘅世界盃亦準備上演！

代表團已經喺上星期五晚出發並已抵達法國巴黎為嚟緊嘅賽事準備，我哋獲編配喺C組，嚟緊會同來自加拿大、埃及仲有斯洛伐克嘅特奧代表隊進行競賽，各位隊員記住要加油呀💪天氣炎熱，記得要不時補充水份💦

賽事開幕典禮會喺香港持間7月7日凌晨12:00舉行，並設有線上直播，有時間記住收睇啦😉
https://www.youtube.com//streams

#香港特殊奧運會
#2026年特殊奥林匹克融合足球世界盃

【特奧正能量】

一開始唔需要將目標定得太高，最緊要係搵到自己舒服、順手嘅節奏。
當你喺合適嘅環境入面一步一步向上行，自然會更有動力，做事都會更穩陣。
唔好怕慢，只要方向啱，向上行嘅每一級都會有所得着。
慢慢建立信心，並保持正面心態，咁先可以將每件事做好，亦更容易行得遠😌

---------------------------------------------------
運動員除咗喺賽場上創造紀錄之外，亦為我哋留下唔少觸動人心嘅經典語句，特奧正能量系列希望透過哩啲句子，再配合我哋運動員喺比賽/活動嘅英姿，可以為各位帶嚟滿滿嘅正能量💪

#香港特殊奧運會
#滾球