28/09/2026
上上星期只有四隊登場，所以冇出場嘅唔郁，有出場嘅卡頓布列、Kupsas、Gettys、Maxwell先至comment：
1. Gettys--如果嫌蓋蒂斯防守唔夠積極嘅話，等於話畀人知冇睇開甲一😂始終呢個禮拜佢贏波而且打到一貫水準，點都要排得高過打得冇咁好同埋輸波嗰幾位。
2. 連加特--N/A。
3. Maxwell--當然比賽嘅分差加上蓋蒂斯嘅防守習慣令佢多咗發揮空間，但不得不讚嘅係佢呢一場走位攞波、跑快攻、單打、搶籃板都積極過第一場好多，有中距離嘅中鋒點可以唔讚。
4. Kupsas--打曬上半場先得4分(全場12分)同第一場贏滿冠嘅時候好似係兩個唔同嘅人咁，動作慢咗半拍，進攻唔識極，防守亦都冇乜貢獻；要啱啱病癒復出嘅老將Bryant Austin擔起得分大旗情何以堪？
5. Hatton--N/A。
6. Polius--N/A。
7. 麥洛連--N/A。
8. 科懷斯--N/A。
9. 卡頓布列--將佢排落包尾因為確實佢係表現得差過上場輸波嘅科懷斯。剷籃展現唔到速度(將Kupsas拉出高位都係過唔到畀佢追身block返)，籃底背打亦唔見有，暫時見到佢嘅進攻板斧就係pick and pop，可惜冇記錯三分波都係射到第四球(Q3)先至入...外援就係王牌，照計冇理由淨係期望佢做工兵(老實講護框暫時亦唔見有多出色，仲神咁早就三犯添)。佢而家呢個情況令老編諗起曾經效力金牛嘅另一位卡頓第一季嗰陣嘅表現：冇遠射冇背打，但係防守好有影響力，進攻亦勤力pick and roll(唔係pop!)。但願呢位卡頓發掘下自己做到啲乜，努力專心做好嗰樣嘢先啦，希望佢可以好似Maxwell咁打多場會再好啲，話曬都係我哋球隊阿sir嘅隊友嘛。
N/A. Davenport--祝早日康復。
原本諗住返屋企買直播，點知臨收工先知無，唯有嗱嗱聲衝落灣仔睇現場。雖然要到10月6日先再有甲一賽事，但如果唔襯有時間清咗啲嘢佢，到時新嘅要嚟舊嘅都未上就尷尬喇。唔知下星期東網有冇得直播呢？鍾意睇波還鍾意睇波，收工仲要出街其實都幾攰。。。
#香港籃球 #甲一
