Argentina Football Fan Club Hong Kong - AFFC 香港阿根廷足球球迷會

🧠 足本對話解密！Paredes 與史卡 Scaloni 商討完美拆解中場漏洞！🇦🇷♟️

史卡朗尼飲水 break 期間與 Paredes 傾戰術，經讀唇專家分析後，佢哋原來係進行緊極高質素嘅戰術交流，拆解中場防守出現嘅危機。
Paredes 當時具體咁向教練指出，當對手嘅中堅拉邊引球出擊時，如果佢跟出去右邊壓迫，就會失去對中場中路嘅控制權（原文：al abrirme a la derecha, yo no tengo control del juego）。加上對手個身型龐大嘅 9 號前鋒一直喺佢身邊同我方中堅之間游走，令佢分身不暇。

為咗解決呢個中場真空嘅隱患，Paredes 主動提出戰術要求，希望防線可以安排一個中堅專責全天候「招呼」對方個 9 號，等佢可以安心控制返中場樞紐。史卡朗尼聽完之後瞬間掌握局勢，一句「Bueno, ponemos otro (好啦，咁我哋換另一個中堅落場)」一鎚定音，促成咗及後換入奧達文迪（Otamendi）嘅調動！

呢段對話完全體現咗阿根廷國家隊內部嘅溝通有幾咁暢順同專業。球員喺場上能夠冷靜分析自身位置嘅漏洞，而領隊亦絕對信任球員嘅判斷，即時作出針對性嘅戰術微調。有呢種上下一心嘅將帥默契，加上超強嘅臨場應變能力，我哋對球隊衝擊冠軍絕對充滿信心，各位兄弟姊妹一齊繼續撐到底！
Vamos Argentina! 🩵🤍🔥

完整影片見留言
影片來源：Radio Cumbre Neuquén

#阿根廷 #史卡朗尼 #柏利迪斯 #戰術分析 #讀唇解密 #球迷會 #九鬼居酒屋

為免錯過任何阿根廷國家隊資訊，請各位在專頁頂的設定按 "追蹤中" -> "最愛" 以便最快緊貼本專頁所有資訊🇦🇷🇦🇷
►FB：https://www.facebook.com/affchk
►IG：https://www.instagram.com/affchk2019
►澳門分會FB：https://www.facebook.com/argentinafootballfansclubmacau

🇦🇷 驚險晉級！中場老化問題浮現，全靠艾華利斯破局！🥵

今場對瑞士真係睇到一額汗！正選陣容依舊，中場活力不足嘅問題依然明顯。上半場靠罰球偷雞領先，但下半場狀態回落，連美斯都跌咗watt，結果因為體能或者速度問題被追平。好在對手踢少個，加時階段全靠艾華利斯勇於起腳遠射打破缺口，再加埋拿奧達路埋齋，總算關關難過關關過！
雖然贏波，但球迷最想見到嘅依然係中場注入年輕活力，激活成隊波。球員體能消耗極大，緊接落嚟嘅硬仗絕對需要調整。
多謝尋日超過 70 位兄弟姊妹逼爆長沙灣一齊睇波，氣氛超級正！不過溫馨提示，睇阿根廷真係需要隨身帶備救心同平安鐘！😅

四強大戰對英格蘭肯定比今場更加難打，但我哋香港嘅藍白大軍一定會繼續撐到底！想同成班自己友一齊感受最瘋狂、最高漲嘅睇波氣氛？即刻撳入下面條 Link 報名參加我哋下一場嘅睇波派對啦！名額有限，先到先得，齊齊集氣撐阿根廷！👇
🔗 4強睇波派對報名連結：
https://forms.gle/qZrNQ4vedwaVgJbW9

(Now Sports 專欄全文連結請見留言區)

#阿根廷 #球迷會會長專欄
#九鬼居酒屋

🚨 【AFFCHK 報名更新！四強生死戰 睇波派對 費用減至 $280！】 🚨

各位兄弟姊妹，同大家匯報返個最新情況。由於目前嘅實際報名人數同之前問卷預計有頗大落差，我哋今次未能夠達標「包晒全場」。🥲
不過好彩！經大會極力同餐廳爭取，彌敦左岸非常體諒，答應照樣劃出一個「AFFCHK 球迷會專區」畀我哋，仲豁免咗我哋包底嘅壓力！🙌

🔥🔥 最重要嘅好消息係：
因為唔使包場，成人收費可以由原本嘅 $350，大幅減低至 $280/位！（未滿 18 歲小童減至$100）
⚠️ 溫馨提示：之前已經畀咗錢報名嘅兄弟姊妹絕對唔使擔心，我哋會退返差額畀大家（統籌會稍後會 WhatsApp 聯絡你哋安排退款）！

個場總共可以坐 80 人，既然冇包晒全場，即係隨時會有英格蘭球迷喺同一個場度睇波！🏴󠁧󠁢󠁥󠁮󠁧󠁿🚫
我哋藍白軍團點可以輸陣？！而家門檻平咗，希望之前猶豫緊、未報名嘅手足盡量出嚟撐場！我哋目標係要坐爆大半個場，氣勢上先贏對手一仗，推阿珍入決賽！💪

👇 最新活動詳情：
📅 日期： 7 月 16 日 (星期四) 凌晨 03:00 (即 7 月 15 日星期三深夜)
📍 地點： 尖沙咀 彌敦左岸 Nathan Left (赫德道 5-9 號)
💰 最新費用： 成人 $280 ｜ 未滿 18 歲小童 $100
(成人包小食及兩杯飲品，小童包兩杯無酒精飲品；場內嚴禁吸煙)

⚠️ 【報名流程】
維持「先填表留位，後 WhatsApp付費確認」
1️⃣ 即刻 Click 入下面條 Link 填表留位。
2️⃣ 統籌會盡快 WhatsApp 通知你繳費詳情 (PayMe / FPS)。
3️⃣ 收到 Message 後過數，名額正式 Confirm！
👇 唔好等啦，即刻 Click 入去填表搶位，一齊壯大阿珍聲勢：
👉 https://forms.gle/qZrNQ4vedwaVgJbW9
今晚深夜，齊齊著起藍白戰衣，去尖沙咀嗌爆個場！🏆
Vamos Argentina!!! 🩵🤍☀️

【🔥 殺入四強！阿根廷順利晉級！終極睇波主場由你話事！🇦🇷】

各位兄弟姊妹！啱啱順利擊敗瑞士，我哋阿根廷強勢殺入四強啦！🔥🔥
距離捧盃目標又近一步，今朝大家嗌到把聲沙晒未？！
為咗迎接嚟緊嘅 4 強生死戰，甚至係最後嘅終極決賽，大會而家火速啟動「霸位大行動」！💪
你想去酒吧/餐廳包場一齊飲住啤酒狂歡？定係想去大型商場感受震撼嘅大氣氛？
👇 麻煩大家即刻用 1 分鐘時間，Click 入下面條 Link 填表，話畀我哋知你嘅心水場地同預計人數：
https://forms.gle/XhLMbxnvW4i54YhcA

大家填嘅意向同數字超級重要！大會一有齊最準確嘅「鐵票人數」，班搞手去同大商場或者酒吧 Deal 嗰陣就最大牙力！🤝
時間緊迫，越快收集齊實數，我哋就可以越快 Book 定最正嘅場地！大家一齊繼續集氣，推阿根廷過關斬將！🏆
Vamos Argentina!!! 🩵🤍☀️

#阿根廷球迷會 #世界盃四強 #睇波派對 #主場由你話事 #集氣捧盃

小編同會長實地視察中
Dough Bros. Hong Kong 非常有誠意
為我哋嚟緊星期日嘅睇波派對重置餐廳格局
我哋都研究緊可以令大家都滿意嘅坐位編排
之前報咗名但未收到確認信息嘅朋友請稍候
無論最終能否安排坐位，我哋都會盡快通知大家🙏🏻

【🚨 FULL HOUSE！八強睇波派對名額極速爆滿！🚨】

各位阿根廷fans嘅熱情真係太犀利啦！🔥🔥
今次聯乘 Dough Bros 嘅八強睇波派對，短短時間內 60 個名額已經全面爆滿 (FULL HOUSE)！
極度多謝大家咁踴躍支持！🙌
我哋目前已經截龍，負責團隊而家正火速核對緊啲報名名單📝

👉 無論係已經成功留位嘅幸運兒，定係落入咗候補名單 (Waitlist) 嘅朋友，我哋都會盡快透過 WhatsApp 逐一發出通知。麻煩大家稍微等等，密切留意住手機 Message 呀！📱

再次多謝大家對 AFFCHK 嘅支持同體諒！🙏
就算今次搶唔到飛未能親身到場，今個星期日朝早 9 點，都記得各自喺電視機前著起藍白戰衣，隔空一齊發功，推阿根廷入四強！☀️
Vamos Argentina!!! 🩵🤍🇦🇷

#阿根廷球迷會 #世界盃八強 #睇波派對 #秒殺 #感謝支持