勇闖柴灣

黑角頭係前英軍駐港部隊嘅一個海防前線，除咗打卡點機槍碉堡，仲有守軍宿舍，同埋海防地洞

龍脊
位於柴灣山背通往石澳一條非常著名的行山路線，路程唔算太長但就可以飽覽整個港島東面大浪灣、石澳、大潭的景觀。由港島徑入口起步，經過一段樹陰山路，然後轉上龍脊路段，沿途有多個觀景點，視野極之廣闊，走到龍脊最高點的歡景台位置，更加可以360度同時欣賞幾個美麗的海灣。龍脊尾段係拍攝既熱點，有多個位於懸崖邊緣的立腳點，但拍照亦要小心。之後開始落山通往石澳道，馬路兩旁有巴士站往石澳或筲箕灣。

沒找到文獻記載，傳聞這座石碑是航海標柱是已有百年歷史的英式建築。大潭道出發實在太遠，所以今次直接由石澳道入口行過去，但石澳道附近冇車站亦冇車位，行人路亦冇未連接到較遠的車站，沿馬路行又實在太危險。於是今次由港島徑歌連臣角道入口經山路行過去，過咗第一個標距柱再走一段路，會有條落山既小徑，再行到馬路邊石級往下走到石澳道，對面馬路剛好行人路連接到石碑山入口山路。大概15分鐘便可以見到石碑，留意右邊會有路行向石碑。呢個石碑唔算太宏偉，但石質顯示石碑已經有很多年歷史，不過歲月仍無損佢結實既構造，果然係舊有英式建築風格。

柴灣秘境
二戰時候，英軍設於柴灣既海防機槍防禦建設
由於位置隱秘，而環境又有特色，所以叫柴灣秘景

位於柴灣峰華邨後山與大潭道之間，橫跨栢柴石澗既一條古老英式石橋，有山友稱之為猛鬼橋，亦有人叫佢英式石橋，橋身高約5米，非常宏偉。
附近一帶山路幾乎四通八達，今次我選擇由興民村旁大潭道小路入，沿引水道行，大概15分鐘已經到達。細心觀察，亦未發現橋身有明顯破舊失修，反而覺得石橋非常穩固，而且欄杆亦相對較高，比較而家好多新型公園遊樂場某啲欄杆安全多啦！

世外桃園的潭崗飛瀑 - 從柴灣坐小巴入赤柱，在大潭道水壩前港島徑入口下車，沿山路行到小橋，就會見到一個好大既石澗，石澗正正係潭崗飛瀑既上游，瀑布頂亦有一個好大既水潭，不過在水潭邊緣要注意小心跣腳，其實要通往飛瀑底部，另有兩條路，其中一條路係小橋右邊樹叢小路，然後有條繩爬落去就會見到呢個世外桃園的飛瀑，或者沿小橋港島徑繼續向大潭水塘方向行，沿山路左邊，會發現斜坡其實亦有路可以通往飛瀑。飛瀑底的水流沿石澗伸展，會見到另一個深不可測既潭，潭的盡頭便是大潭水塘。
遊完瀑布後，可以沿路返回港島徑，然後直去大潭水塘郊遊徑

柏柴坑石澗 - 峰華邨尾入澗，沿途經過無數水潭小溪，亦會見到棄置舊花園，古老石橋和樹屋，最後通過密林石澗，在密林入面要攀過大小不一的岩石和斜坡，然後通過大潭路橋底及古老石橋底，就可以去到引水道，沿引水道往東北，可通往將軍石，柏架山，從南面再往西，則通往潭崗瀑布，大潭水塘……