Lat Fitness

-დღიანი დიეტა გარანტირებული შედეგით! - მათთვის, ვისაც წონაში კლება უჭირს
გთავაზობთ 7 დღიანი დიეტის ერთ-ერთ მაგალითს, რომლის გამოყენებითაც შეგიძლიათ 4-7 კილოგრამის დაკარგვა. 7 დღიანი დიეტა იდეალურია კუჭის სათანადო კვებისათვის მოსამზადებლად, რომელზეც უნდა გადახვიდეთ დიეტის შეწყვეტის შემდეგ. 7 დღიანი დიეტა შედგება რამდენიმე სახის მონოდიეტისგან, რომელთა შორის არის წყლის დღეც, მაგრამ ეს არ ნიშნავს იმას, რომ ამ დღეს მხოლოდ წყალი ან ბულიონი უნდა დალიოთ, ნებადართულია რომ მიირთვათ იოგურტი, კეფირი, ახლად გამოწურული ბოსტნეულის და ხილის კოქტეილები, კომპოტები, რძის კოქტეილები და ა.შ. რაც შეეხება რძის პროდუქტებს, მათში ცხიმის პროცენტული
შემცველობა მინიმალური უნდა იყოს, ხოლო იოგურტი არ უნდა შეიცავდეს შაქარს.
დღე 1: წყლის დღე
საუზმე: 200 მლ კეფირი და ჩაი უშაქროდ.
სადილი: 200 გრ ქათმის ბულიონი მარილის გარეშე.
საუზმე: 150-200 გრ ნატურალური იოგურტი.
ვახშამი: 200 მლ უცხიმო რძე.
დღე 2: ბოსტნეულის დღე
საუზმე: ორი პომიდორი.
სადილი: კიტრის, ახალი კომბოსტოს და მწვანილის სალათი მცენარეული ზეთით.
საუზმე: ორი კიტრი.
ვახშამი: კიტრის სალათი, ტკბილი ბულგარული წიწაკა და მწვანილი.
დღე 3: წყლის დღე
საუზმე: 200 მლ რძის კოქტეილი, ჩაი უშაქროდ.
ლანჩი: 200 მლ უცხიმო რძე.
სადილი: 150-200 გრ ქათმის ბულიონი მარილის გარეშე.
ვახშამი: 200 მლ უცხიმო რძე.
დღე 4: ხილის დღე
საუზმე: ორი ფორთოხალი, ერთი გრეიფრუტი.
სადილი: ვაშლის, კივის და ფორთოხლის სალათი.
ვახშამი: ვაშლი და მსხალი.
დღე 5: ცილის დღე
საუზმე: ორი კვერცხი.
ლანჩი: 200 გრ მოხარშული თევზი.
სადილი: 150 გრ მოხარშული ქათამი და 100 გრ მოხარშული ბარდა.
ვახშამი: 100 გრ ყველი.
დღე 6: წყლის დღე
საუზმე: 200გრ კეფირი და ჩაი უშაქროდ.
ლანჩი: 200 გრ გრეიფრუტის წვენი.
სადილი: 200 გრ ქათმის ბულიონი მარილის გარეშე.
ვახშამი: 200 გრ რძე.
დღე 7: დიეტის შეწყვეტა
საუზმე: კვერცხი და მწვანე ჩაი უშაქროდ.
ლანჩი: ნებისმიერი ხილი.
სადილი: სუპი წიწიბურით ან ბრინჯით.
საუზმე: ნებისმიერი ხილი.
ვახშამი: ბოსტნეულის სალათი მცენარეული ზეთით.

ვარჯიშის მთავარი სარგებელი ჯანმრთელობისთვის!
აუმჯობესებს ვარჯიში ჯანმრთელობას?
ზოგიერთი ადამიანი იმიტომ ვარჯიშობს, რომ კუნთური მასა მოიმატოს, ან ზედმეტი ცხიმი დაწვას. თუმცა ამ ყველაფრის გარდა ვარჯიშს გაცილებით მეტი სარგებელი აქვს. არაერთი კვლევა მტკიცედ უჭერს მხარს იმ აზრს, რომ ვარჯიში აუმჯობესებს ფიზიკურ და ფსიქიკურ ჯანმრთელობას. ამაში რომ უფრო მეტად დავრწმუნდეთ, მოდი განვიხილოთ ვარჯიშის რა სახეობები არსებობს და თითოეულს რა სარგებელი გააჩნია.
აერობული ვარჯიშები. მისი მთავარი უპირატესობა არის გულ-სისხლძარღვთა სისტემის ჯანმრთელობის გაუმჯობესება. ეს არის აქტივობა, რომელიც საკმარისად ინტენსიურია. აერობული ვარჯიშები აუმჯობესოს გულის და ფილტვების მდგომარეობას. აერობულ ვარჯიშებს მიეკუთვნება: სწრაფი სიარული, სირბილი, ცეკვა, ველოსიპედი, კალათბურთი, ფეხბურთი, ცურვა და ასე შემდეგ.
კუნთების გამაძლიერებელი აქტივობა. ამ ტიპის ვარჯიშები ინარჩუნებს ან ზრდის კუნთოვან მასას, რის შედეგადაც უმჯობესდება ძალა და გამძლეობა. აღნიშნული აქტივობის სარგებელი ის არის, რომ, ორგანიზმში იზრდება კუნთოვანი მასა და მცირდება ზედმეტი ცხიმი, რაც სხეულის სრულფასოვან მუშაობას აფერხებს.
გაწელვები, რომელიც სულ რაღაც რამდენიმე წამია საჭირო, ჭიმავს ჩონჩხის კუნთს, რის შედეგადაც იზრდება სხეულის ელასტიურობა და მოძრაობის დიაპაზონი სახსრის გარშემო. გაწელვები ასევე აუმჯობესებს და ამარტივებს სხვა სახის ვარჯიშების შესრულებას. მაგალითად: დინამიური ვარჯიში (იოგა,) სტატიკური გაჭიმვები(პოზის შენარჩუნება რამდენიმე წამის ან მეტი ხნის განმავლობაში)
ბალანსის ვარჯიში. ეს აქტივობები მიზნად ისახავს ბალანსის გაუმჯობესებას, რის საფუძველზეც მეტად შესაძლებელი ხდება სხეულის კონტროლი. ამ ტიპის ვარჯიშების მთავარი უპირატესობა სხვადასხვა სახის დაზიანებების თავიდან აცილებაა.(მაგალითად, დაცემისას, ტრამვის ან მოტეხილობის შემცირება)
ფიზიკური აქტივობა სხვადასხვა ასაკის ადამიანებში
აშშ-ში ჯანდაცვის დეპარტამენტი გასცემს კონკრეტულ მითითებებს თუ როგორი ფორმის ფიზიკური აქტივობა იქნება რეკომენდირებული სხვადასხვა ასაკის ადამიანებისთვის.
ბავშვები 3-დან 5 წლამდე. ამ ასაკში ბავშვი ფიზიკურად აქტიური უნდა იყოს მთელი დღის განმავლობაში. მშობლებმა ბავშვები უნდა წაახალისონ აქტივობისკენ, რომელიც დღეში მინიმუმ 3 საათი უნდა გაგრძელდეს.
მოზარდები. ამ ასაკშიც რეკომენდირებულია ხშირი აქტივობა დღის განმავლობაში. ჩაერთეთ კვირაში მინიმუმ 150-დან 300 წუთამდე (კვირის მანძილზე) ზომიერი ინტენსივობის აერობული ვარჯიშებით. ასევე კვირაში 2 ჯერ შეგიძლიათ კონკრეტული კუნთების გასაძლიერებლად ივარჯიშოთ. იმისათვის, რომ ჯანმრთელობის სარგებელი აშკარად შესამჩნევი იყოს, ივარჯიშეთ კვირაში მინიმუმ 300 წუთი.
ხანდაზმულების შემთხვევაშიც, აქტივობის პრინციპი იგივეა, უბრალოდ მეტი ყურადღება არის საჭირო კონკრეტული ვარჯიშებისას.(მაგალითად ბალანსის ვარჯიშის დროს) ამ ასაკის ადამიანებს შეიძლება უწევთ ექიმთან სიარული, შესაბამისად ექიმი ადგენს ვარჯიშის ტიპს და რეჟიმს. ეს საკითხი განსაკუთრებით მნიშვნელოვანია ამ ასაკობრივ ჯგუფში, რადგან კონტროლის მთავარი მიზანი ჯანმრთელობის მდგომარეობა, ან ფიზიკური შეზღუდვის მაღალი ალბათობა იყოს.
ორსულობა ან მშობიარობის შემდგომი პერიოდი. (ქალები) ასეთ დროს, პირიქით კარგიც არის მიზნად დაისახოთ ზომიერი ინტენსივობის აერობული ვარჯიში, დაახლოებით 150 წუთი კვირის განმავლობაში. თუ ორსულობამდე რეგულარულად ვარჯიშობდით, მით უმეტეს ორსულობის პერიოდშიც შეგიძლიათ ივარჯიშოთ. (უმჯობესია ექიმთან კონსულტაციის შემდეგ)
ფიზიკური შეზღუდვისა და ქრონიკული დაავადებების მქონე მოზრდილები. დაიცავით აქტივობის ის მითითებები, რომელიც რეკომენდირებულია ზრდასრულებისთვის, თუმცა მხოლოდ ექიმთან ვიზიტის შემდეგ ივარჯიშეთ. განიხილეთ ექიმთან აქტივობის ტიპები და ვარჯიშების რაოდენობა, რომელიც შესაფერისი იქნება მსგავს პირობებისთვის. შემდგომ ივარჯიშეთ, საკუთარი შესაძლებლობების ფარგლებში. ვარჯიში დაგეხმარებათ, რათა თავიდან აირიდოთ სრულიად მჯდომარე მდგომარეობით გამოწვეული პრობლემები.
საერთო ჯამში ვარჯიშის სარგებელი იყოფა ორ კატეგორიად.(მოკლევადიანი და გრძელვადიანი სარგებელი)მოკლევადიან პერიოდში ვარჯიში ხელს უწყობს მადის კონტროლს, განწყობის ამაღლებას და ძილის გაუმჯობესებას. გრძელვადიან პერსპექტივაში ის ამცირებს გულის დაავადების, ინსულტის, დიაბეტის, დემენციის და დეპრესიის რისკს.
საინტერესო ინფორმაცია
გულისცემის გამოთვლით შესაძლებელია ვარჯიშის ინტენსივობის გაზომვა. როგორ უნდა გააკეთოთ ეს ყველაფერი: პირველ რიგში განსაზღვრეთ თქვენი მაქსიმალური გულისცემა: გამოაკლეთ თქვენი ასაკი 220-ს (მაგალითად: მაქსიმალური გულისცემა 40 წლის ადამიანისთვის იქნება 220 – 40 = 180 დარტყმა წუთში). ზომიერი ინტენსივობის დროს გულისცემის მაჩვენებელი არის მაქსიმალური გულისცემის 65-75%-ი, ხოლო ენერგიული ვარჯიშის დროს 77-93%. ასე რომ, 40 წლის ადამიანისთვის, რომლის მაქსიმალური გულისცემაა 180, ვარჯიშისას გულისცემის ზომიერი სიხშირე იქნება დაახლოებით 117-135 წუთში, ხოლო ენერგიული ვარჯიშის დროს 139-167.
გულისცემის განსაზღვრის მეორე ხერხი. ვარჯიშის პერიოდში შეჩერდით და შეამოწმეთ პულსი. საჩვენებელი თითით მაჯის არეში, მსუბუქად დააწექით არტერიას, შემდგომ დაითვალეთ გულისცემა 30 წამის განმავლობაში და გაამრავლეთ 2-ზე.

თერმოგენული ცხიმის მწველები: ენერგია და ცხიმის წვის გაუმჯობესება
თერმოგენული ცხიმის მწველები (Thermogenic Fat Burners) საკვები დანამატებია, რომლებიც ხელს უწყობენ მეტაბოლიზმის აჩქარებას და ცხიმის წვას. ისინი პოპულარულია მათთვის, ვინც ცდილობს წონის დაკლებას და ენერგიის დონის ამაღლებას. ამ სტატიაში განვიხილავთ, რა არის თერმოგენული ცხიმის მწველები, როგორ მუშაობენ ისინი და როგორ უნდა გამოიყენოთ ისინი ეფექტურად.
რა არის თერმოგენული ცხიმის მწველები?
თერმოგენული ცხიმის მწველები არის დანამატები, რომლებიც შეიცავს ბუნებრივ ინგრედიენტებს, რომლებიც აჩქარებენ ორგანიზმის თერმოგენეზს. თერმოგენეზი არის პროცესი, რომლის დროსაც სხეული წარმოქმნის სითბოს და იყენებს კალორიებს ენერგიისთვის.
ამ დანამატების ძირითადი მიზანია:
მეტაბოლიზმის აჩქარება – ცხიმების სწრაფი დაშლის ხელშეწყობა.
ენერგიის დონის ამაღლება – ვარჯიშისა და ყოველდღიური აქტივობისთვის.
მადასის კონტროლი – საკვების მიღების რეგულირება.
როგორ მუშაობენ თერმოგენული ცხიმის მწველები?
თერმოგენული ცხიმის მწველები შეიცავს ინგრედიენტებს, რომლებიც:
აწესრიგებენ ცხიმის წვას – ორგანიზმი იწყებს ენერგიის წარმოქმნას ცხიმოვანი მარაგებიდან.
ამაღლებენ სხეულის ტემპერატურას – ეს პროცესის შედეგად ორგანიზმი უფრო მეტ კალორიას წვავს.
აჩქარებენ მეტაბოლიზმს – ორგანიზმის ბუნებრივი პროცესები ხდება უფრო ეფექტური.
თერმოგენული ცხიმის მწველების სარგებელი
1. მეტაბოლიზმის აჩქარება
თერმოგენული დანამატები ხელს უწყობენ კალორიების სწრაფად დახარჯვას, რაც ხელს უწყობს ცხიმის შემცირებას.
2. ენერგიის მომატება
ინგრედიენტები, როგორიცაა კოფეინი, ზრდიან ენერგიის დონეს და აუმჯობესებენ ფიზიკურ შესრულებას.
3. მადის კონტროლი
ბუნებრივი კომპონენტები, როგორიცაა მწვანე ჩაი და გარსინია კამბოჯა, ამცირებენ მადას, რაც ხელს უწყობს საკვების მიღების შემცირებას.
4. ცხიმის წვის ხელშეწყობა
თერმოგენული დანამატები პირდაპირ მოქმედებენ ცხიმოვან უჯრედებზე, რაც მათ დაშლას უწყობს ხელს.
5. ფოკუსისა და კონცენტრაციის გაუმჯობესება
კოფეინისა და მსგავსი ინგრედიენტების დახმარებით, თერმოგენული დანამატები ხელს უწყობენ მენტალური ფოკუსის გაუმჯობესებას.
ძირითადი ინგრედიენტები
კოფეინი (Caffeine)
ეფექტური სტიმულატორი, რომელიც ზრდის ენერგიას და აუმჯობესებს ცხიმის წვას.
მწვანე ჩაის ექსტრაქტი
შეიცავს კატექინებს, რომლებიც აჩქარებენ მეტაბოლიზმს და ცხიმის დაშლას.
L-კარნიტინი (L-Carnitine)
იცავს კუნთებს და ხელს უწყობს ცხიმის ენერგიად გარდაქმნას.
კაენი წიწაკა (Cayenne Pepper)
აქტიური ნივთიერება კაპსაიცინი ხელს უწყობს თერმოგენეზის პროცესს და მეტაბოლიზმის სტიმულირებას.
გარსინია კამბოჯა (Garcinia Cambogia)
ამცირებს მადას და ხელს უწყობს ცხიმის დაგროვების პრევენციას.
როგორ მივიღოთ თერმოგენული ცხიმის მწველები?
რეკომენდებული დოზა
გაიარეთ კონსულტაცია ექიმთან ან წაიკითხეთ პროდუქტის შეფუთვაზე მითითებული ინსტრუქციები.
ჩვეულებრივ, იღებენ დღეში 1-2-ჯერ, ვარჯიშის წინ ან დილით ენერგიის გასაზრდელად.
როდის მივიღოთ?
დილით: მეტაბოლიზმის დასაჩქარებლად.
ვარჯიშის წინ: ენერგიის დონის ამაღლებისთვის და ცხიმის ეფექტური წვისთვის.
როგორ უნდა ავარჩიოთ თერმოგენული ცხიმის მწველები?
ინგრედიენტების ხარისხი
არჩიეთ დანამატები, რომლებიც შეიცავს მხოლოდ ბუნებრივ ინგრედიენტებს და არ შეიცავს ზედმეტ შაქარს ან ქიმიურ დანამატებს.
ბრენდის რეპუტაცია
ყურადღება მიაქციეთ ბრენდს, რომელიც ცნობილია თავისი ხარისხით და სანდოობით.
პერსონალური საჭიროებები
ზოგიერთი დანამატი განკუთვნილია ენერგიისთვის, ზოგი კი მადის კონტროლისთვის. აირჩიეთ ის, რაც თქვენს მიზნებს შეესაბამება.
ხშირად დასმული კითხვები (FAQ)
1. თერმოგენული დანამატები ყველასთვისაა შესაფერისი?
არა, ადამიანები, რომლებსაც აქვთ გულ-სისხლძარღვთა დაავადებები ან მაღალი წნევა, უნდა მოერიდონ ასეთ დანამატებს.
2. რამდენად ეფექტურია ისინი?
თერმოგენული დანამატები ეფექტურია, მაგრამ ისინი საუკეთესო შედეგს იძლევიან დიეტასა და ვარჯიშთან კომბინაციაში.
3. აქვს თუ არა გვერდითი მოვლენები?
ზედმეტი მიღება შეიძლება გამოიწვიოს ძილის პრობლემები, შფოთვა ან გულისრევა. აუცილებელია სწორი დოზირების დაცვა.
4. რამდენ ხანს შეიძლება მათი მიღება?
რეკომენდებულია დანამატების ციკლური მიღება (მაგ., 8-12 კვირა), რათა ორგანიზმი არ მიეჩვიოს მათ.
დასკვნა
თერმოგენული ცხიმის მწველები შესანიშნავი დანამატებია მათთვის, ვინც სურს წონის დაკლება და ენერგიის დონის ამაღლება. ისინი აჩქარებენ მეტაბოლიზმს, ხელს უწყობენ ცხიმის წვას და უზრუნველყოფენ ენერგიას ვარჯიშისა და ყოველდღიური აქტივობებისთვის. თუმცა, მათი გამოყენებისას აუცილებელია სწორი დოზირების დაცვა და ჯანმრთელობის მდგომარეობის გათვალისწინება. აირჩიეთ ხარისხიანი პროდუქტი და მიაღწიეთ თქვენს ფიტნეს მიზნებს უფრო სწრაფად!

E ვიტამინი წარმოადგენს ძლიერ ანტიოქსიდანტს, რომელიც ამცირებს ისეთი გარეგანი ფაქტორების არასასურველ გავლენას, როგორებიცაა დაბინძურებული ჰაერი, ულტრაიისფერი გამოსხივება და სხვა.
მოქმედება და თვისებები
მონაწილეობს სასქესო ჯირყვლების გამართულ ფუნქციონირებაში
აჯანსაღებს გულ–სისხლძარღვებს
ზრდის სისხლის დინების სიჩქარეს არტერიებში
მისი ნაკლებობისას ზიანდება ღვიძლი, ვითარდება დეგენერაციული ცვლილებები კუნთებში და ემბრიონში სისხლჩაქცევები
წყარო
განსაკუთრებით დიდი რაოდენობით შეიცავს:
კვერცხი
ბადრიჯანი
ნიგოზი
სიმინდი
ნუში
ფორთოხალი
ლიმონი
კივი
მწვანე ლობიო

ბრაზილიული დიეტა
ეს დიეტა გათვლილია 14 დღეზე. ვისაც არ უყვარს კვერცხი, ამ დიეტის დაცვა გაუჭირდება. ორი კვირის განმავლობაში შეიძლება 4-5 კგ. დაკლება. აზრები ამ დიეტის შესახება განსხვავებულია, მაგრამ მას ხშირად იყენებენ.
I,II დღე:
სამჯერ დღეში ერთი მოხარშული კვერცხი, ჭიქა ყავა, ერთი ვაშლი.
III დღე
დილა- 2 კვერცხი;
სადილი - 1 ნაჭერი საქონლის ხორცი;
საღამოს - ერთი კვერცხი, ისპანახი.
IV დღე
დილა- 1 კვერცხი;
სადილი - მოხარშული თევზი, ერთი პომიდორი;
საღამოს - ორი კვერცხი, ერთი ფინჯანი ყავა.
V დღე
დილა- 1 კვერცხი, ერთი ფინჯანი ყავა;
სადილი - 2 კვერცხი, ერთი პომიდორი;
საღამოს - შემწვარი თევზი (უცხიმო), ბოსტნეული ძმრით.
VI დღე
დილა- 1 კვერცხი, ერთი ფინჯანი ყავა;
სადილი - ერთი ნაჭერი საქონლის ხორცი, კიტრი;
საღამოს - ხბოს ხორცი (უცხიმო), ერთი პომიდორი, ყავა.
VII დღე
დილა- 1 კვერცხი, ერთი ფინჯანი ყავა;
სადილი - ნახევარი წიწილა (შემწვარი ცხიმის გარეშე), ბოსტნეული;
საღამოს - წიწილის მეორე ნახეარი, ერთი ვაშლი, ერთი ფინჯანი ყავა.
მომდევნო კვირა მეორდება თავიდან.

რატომ მძულს სიტყვა დიეტა?
დარწმუნებული ვარ ძალიან ბევრისთვის სიტყვა დიეტა ცალსახად შეზღუდულ კვებასთან, გამუდმებული შიმშილის გრძნობასთან, ხანგრძლივ და დაუსრულებელ წვალებასთან ასოცირდება.
ერთი შეხედვით თავად განმარტებაში არაფერია საგანგაშო
დიეტა – [ბერძ.diaita ცხოვრების წესი]-ადამიანის კვების გარკვეული რეჟიმია – დიახ, საუბარია კვების დადგენილი წესის დაცვაზე. ასეცაა – გააზრებულ, სწორედ შედგენილ დიეტაში, ანუ კვების რეჟიმში რა თქმა უნდა ცუდი არაფერია, როცა ის დაბალანსებული კვების და ზომიერების პრინციპებზეა აგებული.
თუმცა სამწუხაროდ, რეალურად საქმე რადიკალურად განსხვავებულად მდგომარეობს. წონაში სწრაფად დაკლების მსურველთა ლექსიკონში სიტყვა დიეტა ცალსახად, არა კვების, არამედ მუდმივი შიმშილის რეჟიმს მოიზრებს. ამ თემაში სწორედ ასეთ მიდგომაზე ვისაუბრებთ – დიეტაზე, რომელიც ორიენტირებულია სწრაფ ეფექტზე და ამის გამო რადიკალურად შემცირებული ერთფეროვანი რაციონით გამოუსწორებელ დარტყმას აყენებს ორგანიზმს და ჯანმრთელობას.
საინტერესოა ვინმეს თუ უცდია დაეთვალა რამდენი დიეტა არსებობს მსოფლიოში?
საკმარისია თქვენს რაციონს მოაკლოთ ან მიუმატოთ რომელიმე პროდუქტი და ჩათვალეთ რომ ახალი დიეტა მიიღეთ. თანამედროვე დიეტების რაოდენობა ლამის გახდომის მსურველთა რაოდენობას უტოლდება, მრავალფეროვანია მათი დასახელებებიც – ფრანგული, ინგლისური იაპონური, დიეტა, უგულავას, დოლინას, კრემლის დიეტა, ბრინჯის, წიწიბურას დიეტა და ა.შ. შთამბეჭდავია წინასწარ დაანონსებული შედეგები – თვეში 4, 6, 8, 12 კილო. მოკლედ გაუვალი უგზოუკვლო ჯუნგლებია. ამ დიეტების შესახებ როგორც წესი დაქალის, ჟურნალის, ან ინტერნეტის საშუალებით მოიძიებენ. არადა მათი უმეტესობა მოკლებულია ყოველგვარ მეცნიერულ ან სამედიცინო საფუძვლებს და ჯანმრთელობისათვის სერიოზული ზიანის მიყენება შეუძლიათ.
სხეულის ფორმაში მოყვანის მსურველ მდედრობითი სქესის ბევრი წარმომადგენელისთვის დიეტა ხშირად აკვიატებულ იდეადაა ქცეული. არ არსებობს ქალი, რომელსაც ცხოვრებაში ერთხელ მაინც არ მიუმართავს დიეტისათვის. უმეტესობა კი წელიწადში ერთხელ მაინც, განსაკუთრებით ზაფხულის სეზონის დადგომის წინ, რომელიმე სწრაფშედეგიან ექსტრემალურ დიეტას მსხვერპლად სწირავს საკუთარ თავს…. მკვეთრად ამცირებს რაციონს და ერთფეროვანი საკვებით ცდილობს გასაოცარი შედეგის მიღწევას…. უარეს შემთხვევაში კი იწყება მთელი დღე ან მარტო ბრინჯის, ან ვაშლის, ან წიწიბურის ჭამა, იქამდე სადამდეც ჯერ ენთუზიაზმი, ბოლოს კი სასოწარკვეთილი თავდადება გასწვდება. ასეთი ტიპის, სწრაფ შედეგზე ორიენტირებული დიეტები, როგორც წესი დაბალკალორიული და დაუბალანსებელი კვების სისტემას წარმოადგენენ, რომლებიც ვიტამინების და მინერალების სიმწირით სცოდავენ ჩვენი ჯანმრთელობის წინაშე. ასეთ არარაციონალურ კვებას საკმაოდ არასასურველ შედეგების გამოწვევა შეუძლიათ, რის შესახებაც ხშირად არც დაფიქრებულან ქალები. სწორედ დაბალკალორიული დიეტა ქალის ცხიმოვანი ქსოვილის წარმოქმნის საუკეთესო მაპროვოცირებელია. (!!!)
მკაცრი და უგუნური დიეტის მოყვარულებს წარმოდგენა რომ ჰქონდეთ რა ხდება რეალურად მათ ორგანიზმში, არამგონია ოდესმე კიდევ სურვილი გასჩენოდათ მსგავსი ექსტრემისთვის მიემართათ.
როგორც კი თქვენი ცხიმოვანი უჯრედები „ხვდებიან“, რომ ორგანიზმში კალორიების რაოდენობის მიწოდება მკვეთრად მცირდება, სასწრაფოდ ირთვება საგანგაშო სიგნალი და იწყება ცხიმის წარმომქმნელი ფერმენტების მობილიზაცია. დიეტა ზრდის ცხიმოვანი უჯრედების ზომას და აიძულებს ცხიმის დაგროვებაზე აქტიურად მუშაობას და მათ ნელ წვას. სასწორზე თქვენი წონა მცირდება, მაგრამ ეს არ ნიშნავს რომ მხოლოდ ცხიმისგან თავისუფლდებით. ამ დიეტის გამო ორგანიზმი კარგავს დიდი რაოდენობით წყალს და კუნთოვან ქსოვილს და შედარებით მცირე რაოდენობით ცხიმს. დიეტის შედეგად დაკარგული კუნთოვანი მასა მეტაბოლიზმის (ნივთიერებათა ცვლის) შენელებას იწვევს. მეტაბოლიზმის შენელება კი ნიშნავს, რომ ცხიმოვანი მარაგების დაწვის პროცესის გასაგრძელებლად თქვენ კალორიების, ანუ კვების კიდევ უფრო შემცირება გიწევთ, ეს ისევ ამცირებს მეტაბოლიზმის პროცესს …. მოკლედ მოჯადოებული წრე….
უნდა იცოდეთ, რომ რაც უფრო მკაცრი და ექსტრემალურია თქვენი დიეტა, რაც უფრო სწრაფად იკლებთ წონაში, იმდენად სწრაფად დაგიბრუნდებათ წონა უკან და თან ნამატით.
მეცნიერების უამრავი დასკვნა არსებობს იმის შესახებ, რომ არცერთ დიეტას არ შეუძლიათ ხანგრძლივი ეფექტის მოტანა.
პირველ ეტაპზე ნებისმიერი დიეტის დაცვით თავისუფლადაა შესაძლებელი წონის 5-10% დაკლება, მაგრამ დიეტის შეწყვეტის შემდეგ წონა დროთა განმავლობაში უკან ბრუნდება და ხშირად აჭარბებს კიდეც პირველად მაჩვენებელს. ხშირად წონის მატების მერე დიეტას ისევ იმეორებენ, კვლავ იღებენ შედეგს…. დროთა განმავლობაში კი ისევ იგივე წრეზე მეორდება ყველაფერი. ექიმების და სპეციალისტების აზრით წონაში ასეთ მრავალჯერად მატება-კლებას შეუძლია გულ-სისხლძარღვთა სისტემის დაავადება, დიაბეტის გამოწვევა და იმუნური სისტემისათვის გამოუსწორებელი ზიანის მიყენება.
გარდა ამისა, ყოველი ასეთი წონის მკვეთრი რყევის შემდეგ თქვენი სხეულის კომპოზიცია თანდათან უარესდება. პირვანდელ წონაზე დაბრუნების შემდეგ კუნთოვანი მასა გაცილებით მცირე გაქვთ ვიდრე წინა ჯერზე, აი ცხიმოვანი კი პირიქით მატულობს. კუნთოვანი მასის როლზე ცხიმების წვაში კი უკვე ვახსენებთ ზევით….
არ დაფიქრებულხარ, თუ ამდენი მრავალფეროვანი დიეტა არსებობს, რატომ აწუხებს მოსახლეობის უმეტესობას ჭარბი წონა. გამოდის, რომ ცხოვრებაში ერთხელ მაინც თუ ნებისყოფას მოკრეფ, სასურველ წონამდე დახვალ, შეგიძლია სამუდამოდ დასვენო ამ პრობლემისგან. არადა ნებისმიერმა თქვენთაგანმა საკუთარი გამოცდილებიდან უკვე მშვენივრად იცის რომ ასე არ არის და ეჭვიც მაქვს რომ არაერთხელ აქვს ის უთავბოლო დაკლება-მატების წრე შემოვლილი. სტატისტიკის მიხედვით 100 ადამიანიდან მხოლოდ 5 აქვს მთელი წლის განმავლობაში წონის შენარჩუნების ბედნიერება.
არა აქვს მნიშვნელობა თუ რითი კვებას კრძლავს დიეტა. მთავარია როგორ რეაგირებს მასზე ჩვენი ორგანიზმი. არსებობს 3 ტიპის რეაქცია.
პირველი ვარიანტი – ოპტიმალური. ადამიანი იცავს დიეტას, გრძნობს რომ ყველაფერი კარგად მიდის და ეფექტურად ხდება კლება. თვლის რომ მისი დიეტა საუკეთესოა და გმობს ყველა სხვა ტიპის დიეტას. სამწუხაროდ, ასეთი მოვლენების მიმდინარეობა მხოლოდ 5%-ია.
მეორე ვარიანტი – უკვე მძიმეა. ადამიანი წვალობს, აწუხებს გამუდმებული შიმშილის გრძნობა, სასწორი კი უმნიშვნელო ცვლილებებს აფიქსირებს წონაში. ასეთი სცენარი დიეტის შეწყვეტით და ისევ წონის მატებით სრულდება. ასე მთავრდება დაახლოებით ნახევარი შემთხვევები.
მესამე ვარიანტი – დიეტა წყდება ორ-სამ დღეში. ძალიან ბევრი ადამიანია, ვისაც არ ძალუძს კვებაში მკაცრი შეზღუდვის ატანა.
ყველა დიეტის შედეგი ამ სამი სცენარის შედარებითი თანაფარდობაა. მაგალითად, მსუბუქ დიეტებს უფრო დიდი ხანი უძლებენ, მკაცრი უფრო სწრაფად წყდება და ა.შ.
ჟურნალების მიერ შემოთავაზებული დიეტები ძალიან ცალმხრივია: დაშვებულია მხოლოდ ცილოვანი საკვების მიღება, ან მხოლოდ ნახშირწყლების. ნებისმიერი უგემური და ერთფეროვანი საკვები ემოციურ ფონს დაბლა სწევს, იწვევს მოთენთილობას და ქრონიკულ დაღლილობას. საძულველი საკვებით შედგენილი მკაცრი დიეტა ფსიქოლოგიურ სტრესს იწვევს. გარკვეული ტიპის საკვების მუდმივი მოხმარება, იმ დროსაც კი, როცა ისინი სხვადასხვა ტიპის ჯგუფს მიეკუთვნებიან, არამარტო მალე მოსაბეზრებელია და გახდომის პროცესს ანელებს, არამედ შეუძლია ვიტამინების და მინერალების ნაკლებობა გამოიწვიოს. ორგანიზმს ნორმალური ფუნქციონირებისათვის ყოველდღიურად სჭირდება ცილების, ცხიმების, ნახშირწყლების, მინერალების – კალიუმის, ნატრიუმის, რკინის, იოდის, კალციუმის და ა.შ. გარკვეული რაოდენობა. რადგან დიეტების უმეტესობას მკვეთრად შეზღუდული აქვს რაციონი რაოდენობის და შემადგენლობის მიხედვით, მათი დაცვის პერიოდში სასიცოცხლოდ აუცილებელი ელემენტების მკვეთრი დეფიციტი ვითარდება.
არ არსებობს აბსოლუტურად სასარგებლო და აბსოლუტურად მავნე საკვები პროდუქტები. ყველაფერი დამოკიდებულია არამარტო მიღების რაოდენობაზე, არამედ მათ კულინარიულ დამუშავებაზე, გარკვეული ტიპის პროდუქტების სწორ შეთავსებაზე, ჯანმრთელობის მდგომარეობაზე, ასაკზე და სხვადასხვა ფაქტორებზე.
პროდუქტები არ შეგვიძლია ჩავანაცვლოთ ერთმანეთით. მაგალითად, ხორცის ნაცვლად შევჭამოთ ვაშლი. რკინა, რომელსაც ვაშლი შეიცავს, ორგანიზმი ძნელად ითვისებს, რკინის ძირითად წყაროდ სწორედ ხორცის პროდუქტები ითვლება. დიეტებში, სადაც ცილოვანი საკვები შეზღუდულია, ორგანიზმი ხარჯავს არა ცხიმს, არამედ კუნთოვან ქსოვილებში არსებულ ცილებს, ხოლო ცხიმი ინტენსიურად წარმოქმნება ნახშირწყლებიდან.
ორგანიზმი უმეტესად ენერგიის მობილიზაციას ახდენს არა მხოლოდ ცხიმოვანი მარაგების დასაშლელად, არამედ შლის კუნთოვან ქსოვილსაც, წყლის და სხვა აუცილებელი კომპონენტების დაკარგვასთან ერთად. როცა კვებას ხელოვნურად ზღუდავთ და თქვენი ტვინი ვერ იღებს სიგნალებს დანაყრების შესახებ, ორგანიზმი კი მიღებული საკვების მაქსიმალურად ცხიმად გარდაქმნას იწყებს.
გარდა ამისა, როგორც ინგლისელმა ექიმებმა დაასკვნეს, ყველა გაუაზრებელი მკაცრი დიეტის შემდეგ დაგროვილი ცხიმი, თავისი შემადგენლობით და ორგანიზმში განლაგებით გაცილებით უარესია, ვიდრე დიეტამდე. ცხიმოვანი მარაგების დაგროვება კუნთებიდან და კანიდან შინაგანი ორგანოების მიმართულებით ინაცვლებს.
ქალები წონაში დასაკლებად და სწრაფი ეფექტის მისაღებად მზად არიან ნებისმიერ მსხვერპლზე წავიდნენ, მაგრამ ხშირად არ არიან მზად შეცვალონ ცხოვრების წესი, ჩვევები, არ ცდილობენ გონიერად შეარჩიონ რითი და როგორ იკვებონ, კონკრეტულად რა უხდება მათ ორგანიზმს. ხშირად იცავენ იმ დიეტას და კვების რეჟიმს, რომელიც მათ დაქალს ან მეზობელს მოუხდა და ა.შ.
არცერთი მეთოდი არ არის ეფექტური წონის დასაკლებად, რომელსაც ინდივიდუალური მიდგომა არ უდევს საფუძვლად. გასათვალისწინებელია არა მხოლოდ სიმაღლე და წონა, არამედ ასაკიც და შესაძლო არსებული დაავადებები ან დარღვევები. სტაბილური შედეგის მისაღებად საჭიროა სისტემური და კომპლექსური მიდგომა. ამიტომ ნელ-ნელა პოპულარული ხდება კვების ისეთი სისტემები, რომლებიც ორიენტირებულია არა მხოლოდ ფიგურის კორექციაზე, არამედ ცხოვრების წესი ხდება.
ბოლო წლებში ამ პრობლემის მიმართ მიდგომაში გარკვეული ცვლილებები შეინიშნება, ბევრი ქალის აზროვნებაში მოხდა გარდატეხა. თუ ადრე პრიორიტეტულად ითვლებოდა გარეგნული ფორმა, ახლა მეტი ყურადღება შინაგან განწყობას ექცევა. მხოლოდ სილამაზეს და გარეგნობას არ მოაქვს ბედნიერება. ამაღლებული განწყობა და ენერგია ჯანმრთელობას მოაქვს, რომელიც გვმატებს ძალას და გვაძლევს უნარს გავიკეთოთ კარიერა, ავიწყოთ პირადი ცხოვრება და სრულად ვისიამოვნოთ ცხოვრებით.

სიმსუქნის მთავარი მიზეზი. შეშუპება. წყალ-მარილოვანი ბალანსი.
დღეს გესაუბრებით შეშუპებაზე, რომელიც აწუხებს უამრავ ადამიანს და რომელიც ხშირად ეშლებათ სიმსუქნეში. ამის გამო ადამიანები მიმართავენ დიეტებს, იწყებენ ვარჯიშს, თუმცა ამ პრობლემას მაინც ვერ შველიან. ამიტომ, ვისაც აქვს ზედმეტი წონა უნდა ივარაუდოს, რომ მას შეიძლება აქვს შეშუპება და არა სიმსუქნე.
წყალ-მარილოვანი ბალანსი.
წყალ – მარილოვანი ბალანსი – ორგანიზმში შესული და მისგან გამოყოფილი წყლისა და მარილების რაოდენობებს შორის შეფარდება.
იმისათვის რომ გავიგოთ, თუ საიდან ჩნდება შეშუპება და რითი განსხვავდება ის სიმსუქნისაგან, მოდით გავერკვეთ ამ პრობლემის წარმოქმნის მექანიზმში თევზის დამარილების მაგალითზე.
როდესაც თევზს ამარილებენ, მას აყრიან მარილს, რომელიც შეიწოვს სითხეს თევზიდან, თევზი თანდათანობით შრება და მარილი იჟღინთება წყლით.
რატომ ხდება ეს?
მოვლენის არსი მდგომარეობს შემდეგში: ამ შემთხვევაში მოქმედებს ფიზიკის კანონი (დიფუზია), როდესაც ნებისმიერი სისტემა ცდილობს შეინარჩუნოს წონასწორობა. თევზის უჯრედებში არის მარილი და როდესაც მას გარედან დავაყარეთ მარილი, აღმოჩნდა, რომ თევზში არის მცირე მარილი და ბევრი წყალი, ხოლო გარეთ არის ბევრი მარილი და ცოტა წყალი. თანახმად ფიზიკის კანონისა, რომ ნებისმიერი სისტემა ცდილობს შეინარჩუნოს წონასწორობა, თევზში უნდა შემცირდეს წყლის რაოდენობა და გარეთ მარილის რაოდენობა, რითაც წონასწორობა გათანაბრდება. შედეგად წყალი, მიემართება იქ სადაც წყალი ნაკლებია, ხოლო მარილი მიემართება იქ სადაც მისი კონცენტრაცია ნაკლებია, რათა სისტემა გათანაბრდეს. ამ პროცესით ჩვენ ვათანაბრებთ ორგანიზმში ნივთიერების კონცენტრაციას წყლის მეშვეობით.
როგორც ცნობილია ჩვენი ორგანიზმი შედგება უჯრედებისაგან. უჯრედები შემოსაზღვრულია მემბრანათი, რომლითაც გამოყოფილია გარემოსგან, უჯრედებსშორისი ნივთიერებისგან. მემბრანას აქვს თვისება რეცეპტორების საშუალებით გაატაროს საჭირო ნივთიერებები უჯრედში, თუმცა ის ყველაფერს არ გაატარებს. სხვანაირად, უჯრედში მოხვდება ის, რასაც მემბრანა გაატარებს. მემბრანა სპეციალურად იღებს შაქრებს, მარილებს, ვიტამინებს, მინერალებს და ყველა საჭირო ნივთიერებას შეგნებულად, სხვა რამე კი ვერ მოხვდება უჯრედში მემბრანას რეცეპტორების გარეშე, გარდა წყლისა. ეს გავს იმ პროცესს, რაც ზევით აღვწერე თევზის დამარილების შემთხვევაში.
განვიხილოთ სისხლის უჯრედი – მასში გარკვეული კონცენტრაციით არის მარილები, გარშემო კი, სადაც უჯრედია მოთავსებული, არის უჯრედებსშორისი ნივთიერება სისხლის პლაზმა, სადაც ასევე არის მარილის გარკვეული კონცენტრაცია. თუკი უჯრედებსშორის ნივთიერებაში მარილის კონცენტრაცია იქნება უფრო მაღალი, ვიდრე უჯრედში, მაშინ უჯრედში მყოფი წყალი გამოვა უჯრედიდან გარეთ, რათა გააზავოს მარილი უჯრედებსშორის ნივთიერებაში და მარილის კონცენტრაცია გაუთანაბროს უჯრედში მარილის კონცენტრაციას. შედეგად უჯრედი შეიკუმშება, რადგან წყალი გამოვიდა.
თუ უჯრედში მარილი მეტია, ვიდრე უჯრედებსშორის ნივთიერებაში, მაშინ წყალი შედის უჯრედში და ათანაბრებს მარილის კონცენტრაციას. ამ შემთხვევაში უჯრედი იწყებს შეშუპებას სითხისაგან. სწორედ ამიტომ ყოფილა გარდაცვალების შემთხვევები ბევრი სასმელი წყლის, ან გამოხდილი წყლის დალევისგან. ბევრი წყლის მიღებისას უჯრედებსშორის ნივთიერებაში მარილის კონცენტრაცია მცირდება, უჯრედში კი მარილი მეტი იქნება, შედეგად წყალი შეაღწევს უჯრედში გასაწონასწორებლად. უჯრედები დაიწყებენ შეშუპებას და გასკდომას, რაც იწვევს სიკვდილს. თუ თქვენ ჩააგდებთ ხორცს გამოხდილ წყალში, თქვენ მიხვდებით რაზეა საუბარი, ხორცი გაიბერება და მოიმატებს მასაში.
სწორედ ამიტომ ნებისმიერ წამალს ხსნიან არა გამოხდილ წყალში არამედ ფიზიოლოგიურ ხსნარში, რომელშიც მარილი იმდენია, რამდენიც უჯრედებში.
ადამიანებს ხშირად აწუხებთ შეშუპება და არა სიმსუქნე და ცდილობენ გახდომას, თუმცა უშედეგოდ. ეს ადამიანები ფაქტიურად არ ჭამენ მაგრამ სუქდებიან. ეს სულ შეშუპების ბრალია, წყალ-მარილოვანი ბალანსის დარღვევის შედეგი. თქვენ ვერასდროს ვერ შეძლებთ შეშუპების შედეგად მომატებული წონის დაკლებას ნაკლებ ნახშირწყლოვანი დიეტით, ან სხვა დიეტით, ხოლო თუ დაიკლებთ, ძალიან მალე ისევ მოიმატებთ.
რატომ არის ვარჯიში ეფექტური? იმიტომ რომ ოფლთან ერთად გამოიყოფა მარილები და სხვა მავნე ნივთიერებები, ჩვენი სხეული იკუმშება, მაგრამ ეს დროებითი შედეგია, ვარჯიშები და დიეტები არ არის გამოსავალი. ბევრმა გოგომ იცის, რომ თუ ერთი კვირა თავს შეიკავებს და არ შეჭამს ტკბილს, როგორც კი დაარღვევს დიეტას და შეჭამს შოკოლადს შეიძლება მოიმატოს 1 კილოგრამი, თანაც გოგოებს გონიათ, რომ მოიმატეს ცხიმი. თუმცა ეს ყველაფერი არის ხსნარი, წყალში გაზავებული სხვადასხვა ნივთიერებები, რომლებიც გროვდება უჯრედებში და უჯრედებსშორის ნივთიერებაში, ან ცხიმოვან ქსოვილებში, ამას ყველაფერს ეწოდება წყალ-მარილოვანი ბალანსის დარღვევა.
როგორ აღმოვაჩინოთ შეშუპების ნიშნები.
ალბათ შეგხვედრიათ ადამიანები, ვინც მოცულობაში დიდია და წონა პატარა აქვს, ან პირიქით, გამხდარია და წონა დიდი აქვს. ამ შემთხვევაში ძვლის სისქე არ თამაშობს მნიშვნელოვან როლს. თუ ადამიანი დიდია მოცულობაში და წონა არ აქვს დიდი, აქ უეჭველი შეშუპებაა და სრული უაზრობაა, როცა წონას აქცევენ ყურადღებას და არა მოცულობას. უფრო მნიშვნელოვანია მოცულობაში მოკლება და არა წონაში დაკლება. ვიზუალურადაც მოცულობას აქცევენ ყურადღებას და არა წონას.
მეორე ნიშანი. როგორც წესი მამაკაცებს ცხიმი უგროვდებათ მუცელზე, ხელები და ფეხები არ უნდა სუქდებოდეს. ქალებს სხეულის უფრო მეტ ადგილებში უგროვდებათ ცხიმი. მაგრამ თუ თქვენ ნახეთ, რომ არც თუ ისე მსუქან ადამიანს აქვს მსუქანი ხელები, მაჯები, თითები, ფეხის წვივები, ტერფები ე.ი. აქვს შეშუპება, რადგან ცხიმი ამ ადგილებში არ გროვდება.
ცხიმოვან ქსოვილსაც აქვს უნარი შეაკავოს სხვადასხვა ნივთიერება, ამიტომ ის აკავებს სითხეს, რომელიც აზავებს ამ ნივთიერებებს. ამის გამო შეშუპება ლოკალიზდება ცხიმოვან ქსოვილში. ჯამში ყველაფერი არის ცხიმი, მაგრამ ის ნაწილობრივ შედგება შეშუპებისგან. თუ ცხიმი არის წყლოვანი, თანთალა, მაშინ ეს არის შეშუპება, ნამდვილი ცხიმი არის მკვრივი. თუ ცხიმი არის უფორმო ესეც შეშუპებაა. როდესაც ამოწმებენ კანს სიმკვრივეზე და თითის დაჭერით რჩება პატარა ორმოსავით, ეს ყველა ვარიანტში შეშუპებაა.
ქალებში ცელულიტიც შეშუპებაა, იმიტომ რომ ცხიმოვანი ქსოვილი აგროვებს სხვადასხვა ნივთიერებებს და წყალიც მიემართება იქ, რათა ეს ნივთიერებები გააზავოს. თუ თქვენ საღამოს გისივდებათ თითები და გიჭირთ ფეხსაცმლის გახდა, ესეც შეშუპებაა, რაც ძალიან ცუდია.
ასევე ერთერთი სიმპტომია წონის მოკლე დროში ცვალებადობა. თუ გოგონა დილით იწონიდა 50 კილოგრამს და საღამოს სასწორმა უჩვენა 53 კგ. ის თვლის რომ შეჭამა ტკბილი და მოიმატა ცხიმი, რაც შეუძლებელია, რადგან ერთ დღეში 3 კილო საკვებს გოგო ვერ შეჭამდა. ასევე შეუძლებელია კუნთოვანი მასის მომატება მცირე დროში. ბოდიბილდერებს ხშირად გონიათ რომ სტეროიდების კურსის მერე მოიმატეს კუნთოვანი მასა 5 ან მეტი კილოგრამი, მაგრამ ესეც არ არის ასე, აქაც შეშუპებასთან გვაქვს საქმე. ძირითადი ნაწილი არის წყლის შეკავება კუნთოვან და ცხიმოვან ქსოვილებში. აქვე ვიტყვი, რომ კრეატინიც მუშაობს ზუსტად ამავე მეთოდით, კრეატინი გროვდება უჯრედში, ის მეტია იქ ვიდრე უჯრედებსშორის ნივთიერებაში და წყალი მიემართება უჯრედში კრეატინის გასაზავებლად, ამიტომ კუნთები იბერება. სწორედ ეს არის კუნთების გაბერვის მიზეზი.

ჯანმრთელობა და სილამაზე ყველა ასაკში! ფიტნესი 40+
ცნობილია, რომ ასაკის მატებასთან ერთად ადამიანი სხვადასხვა დაავადებების მსხვერპლი ხდება, რომლებიც დაკავშირებულია ორგანიზმში მიმდინარე დაბერების და სხვა თანამდევ პროცესებთან. არ არსებობს ადამიანი, ვისაც ამ პროცესის შენელება და რაც შეიძლება შორს და შორს გადაწევა არ სურდეს. ჯანმრთელი და აქტიური ნებისმიერ ასაკში შეიძლება იყო და ნელ-ნელა იმსხვრევა ის სტერეოტიპი, რომ ასაკის მატება აუცილებელ ავადმყოფობას ნიშნავს. ამ სტერეოტიპის დანგრევას კი ისეთი შესანიშნავი საშუალება ემსახურება, როგორიც ვარჯიში და ფიტნესია. სწორედ ვარჯიშს შეუძლია გაახანგრძლივოს ახალგაზრდობა და უსაფრთხო ჯანსაღი სიბერე უზრუნველყოს, მოახდინოს სხვადასხვა დაავადებების პროფილაქტიკა და უკვე არსებულს ებრძოლოს. ვარჯიში მათთვისაც კი სასარგებლოა, ვისაც მთელი ცხოვრება ჯერ არ უვარჯიშია – ვარჯიშის დაწყება ნებისმიერ ასაკში შეიძლება. არაერთი მაგალითის მოყვანა შეიძლება, როცა უკვე გვიან ასაკში დაწყებული ვარჯიშით არაჩვეულებრივი შედეგები მიიღეს ადამიანებმა. უფრო რომ დავკონკრეტდეთ ამის მშვენიერი მაგალითი ერნესტინა შეპარდია, გინესის რეკორდების წიგნში შესული ყველაზე ასაკოვანი ბოდიბილდერი ქალი, რომელმაც ვარჯიშს პირველად 56 წლის ასაკში მოკიდა ხელი, დღეს 77 წლის ასაკში კვლავ აქტიურად ვარჯიშობს, დარბის ყოველ დილით 10-12 კილომეტრს, მუშაობს ფიტნეს-ინსტრუქტორად და ატარებს სემინარებს. საზღვარგარეთ მუდმივად ტარდება მარათონები, სადაც 50+, 60+, 70+ და ა.შ. ასაკის ადამიანები მონაწილეობენ და დარბიან სრულ მარათონს, ყველაზე ასაკოვანი მარათონელი 100 წლისაა, შორს რომ არ წავიდეთ უკანსაკნელ პერიოდში საქართველოში გამართული ყველა მარათონის გამარჯვებული ქალბატონი მარიელა კარმანოლი 56 წლისაა. ასეთი უამრავი მაგალითების მოყვანა შეიძლება.
ახალგაზრდული ასაკის დამთავრების შემდეგ, დარჩებით სახლში წნევის წამლებით ხელში, ათასი ავადმყოფობის მოლოდინში, თუ საკუთარ ჯანმრთელობას თავად მართავთ აქტიური ჯანსაღი სპორტული ცხოვრებით – ეს თქვენი არჩევანია და არა ბუნების კანონი!
თუ არ ვივარჯიშებთ?
როცა ადამიანი ფიზიკურ აქტიურობას უკლებს, ამით ის მოძრაობის დეფიციტს ქმნის, რაც თავისთავად აისახება ნივთიერებათა ცვლაზე, სწრაფად მიდის ორგანიზმის დაბინძურების და დაბერების პროცესები, ეს კი ხელს უწყობს ქრონიკული დაავადებების და სხვა არასასიამოვნო შედეგების წარმოშობას. აღნიშნული პროცესები გააქტიურებას 40 წლის ზევით იწყებს.
სამედიცინო კვლევებით და სტატისტიკით აშკარაა, რომ რაც უფრო ნაკლებად აქტიურია ადამიანი ფიზიკურად, მით სუსტია მისი იმუნიტეტი, უფრო მეტად მიდრეკილია სხვადასხვა სახის დაავადებებისაკენ და უფრო ადრე დგება სიბერე. თუმცა, სწორედ შერჩეული დატვირთვები და რეგულარული ვარჯიში ხელს უწყობს გაახალგაზრდავებას და ორგანიზმის თვითგანკურნვას, იმუნიტეტის გაძლიერებას, ნივთიერებათა ცვლის პროცესების გააქტიურებას და ა.შ.
არაერთი ადამიანი, ასაკში შესვლასთან ერთად, ასე ვთქვათ, „თავს ზოგავს“ და ერიდება დატვირთვებს. ეს კი შეცდომაა! თუ სხეული არ მოძრაობს, კუნთები ატროფირდება და დუნდება, სახსრები და შემაერთებელი ქსოვილები უხეშდება და მკვრივდება, ხოლო კანი აღარ იკვებება საკმარისად სისხლიდან და ადრე ბერდება.
საკუთარ ფიზიკურ განვითარებაზე ეკონომია, განსაკუთრებით ხანშიშესულ ასაკში იგივეა, რაც საკუთარი სიცოცხლის ეკონომია!
რა სიკეთე მოაქვს ვარჯიშს?
ვარჯიში ყველა ასაკში კარგია და ასაკი არაა მიზეზი, რომ უარი თქვათ ყველა იმ სიკეთეზე რაც ვარჯიშს მოაქვს. პირიქით, ახლა უფრო მეტი მიზეზი გაქვთ დაიწყოთ ვარჯიში. მთავარია სწორედ შეარჩიოთ რას გააკეთებთ და სწორი სტრატეგია შეარჩიოთ. ყველაზე კარგია რა თქმა უნდა, თუ გაქვთ ვარჯიშის გამოცდილება და იცით მთავარი პრინციპები, იცნობთ თქვენს ორგანიზმს, იცით როგორ უნდა დაიწყოთ, რას მიაქციოთ ყურადღება, როგორ მიაღწიოთ პროგრესს, როგორ დაიცვათ თავი ტრავმებისაგან.
ვარჯიშის საშუალებით:
გაიჯანსაღებთ და გაიმაგრებთ მთელს სხეულს და ორგანიზმს;
გაიზრდება კუნთების სიმტკიცე და შემაერთებელი ქსოვილების მოქნილობა, მოძრაობის მობილურობა;
გაუმჯობესდება ბალანსი და კოორდინაციის უნარი;
გაუმჯობესდება გულ-სისხლძარღვთა სისტემის მდგომარეობა, დატვირთვების დროს პულსაცია აღარ იქნება ძალიან მაღალი, გაიზრდება ჟანგბადის მაქსიმალური მოხმარება;
თავიდან აიცილებთ ისეთ დაავადებებს, როგორიცაა ოსტოპოროზი, ოსტეოპენია და სარკოპენია;
ცხიმის პროცენტულობას ორგანიზმში;
აუმჯობესებს გლუკოზის ტოლერანტობას;
ამცირებს ქოლესტერინის დონეს;
ამცირებს სტრესს;
ნაკლებად იავადმყოფებთ, შესაბამისად ნაკლებ დროს და თანხას დახარჯავთ წამლებსა და ექიმებში;
შენელდება დაბერების და ამოქმედდება ორგანიზმის გაახალგაზრდავების პროცესები;
სხეულს მოემატება სიცოცხლისუნარიანობა და ძალა, გაიზრდება შრომისუნარიანობა;
მიიღებთ მეტ სიხარულს და სიამოვნებას ცხოვრებისაგან, მოგემატებათ თავდაჯერებულობა და ოპტიმიზმი;
გაგიუმჯობესდებათ ძილი, ნაკლებად დაიღლებით და უფრო მეტს მოასწრებთ დღის განმავლობაში.
თუ არანაირი გამოცდილება არ გაგაჩნიათ, მაშინ აუცილებლად უნდა გაითვალისწინოთ ის თავისებურებები, რაც უფროს ასაკში ვარჯიშის დაწყებას აქვს, რადგან ამ პერიოდში თქვენს ორგანიზმში მიმდინარე ცვლილებების არ გათვალისწინება, არ გახდეს სარგებლის ნაცვლად პირიქით ნეგატიური შედეგების მომტანი. უფრო უკეთესი კი, თუ ექიმთან გაივლით კონსულტაციას, ზუსტად გეცოდინებათ თქვენი ჯანმრთელობის მდგომარეობა და თავიდან აირიდებთ ყველა უკუჩვენებას.
ვარჯიშის გამოცდილების არქონის შემთხვევაში, უმჯობესია ფიტნეს ინსტრუქტორთან დაიწყოთ ვარჯიში, რათა სწორედ იქნეს შედგენილი თქვენთვის შესაფერისი პროგრამა და აითვისოთ მთავარი უნარ-ჩვევები, რაც ვარჯიშს სჭირდება.
როცა ორგანიზმი არც ისე ახალგაზრდაა და სახეზეა სხვადასხვა ორგანული ან ქრონიკული დაავადებები, საჭიროა სავარჯიშო პროგრამის შედგენისას გათვალისწინებული იყოს ინდივიდუალური მიდგომა, მნიშვნელოვანია განისაზღვროს – დატვირთვები გულზე, მომატებული წნევა, სახსრების ნაკლები მოქნილობა, შენელებული ნივთიერებათა ცვლა, შესუსტებული კოორდინაცია და ა.შ.
თუ ფიზიკურ ვარჯიშს გონივრულად დაგეგმავთ, შესაძლებელია შეჩერდეს ან შენელდეს დაბერების პროცესები, უკეთეს შემთხვევაში კი მიღწეული იქნეს გაახალგაზრდავებაც კი! ეფექტი, რომელსაც თქვენც და თქვენი გარშემომყოფებიც შეამჩნევენ!