Contact information, map and directions, contact form, opening hours, services, ratings, photos, videos and announcements from Sports Orient, Sports, Tbilisi.
13/08/2026
გზა ხვიჩა კვარაცხელიას ჩემპიონთა ლიგის ტიტულიდან კიდევ ერთ დაუვიწყარ მომენტამდე - უეფას სუპერთასამდე 🏆
ეს დაუვიწყარი გამოცდილება ჩვენი ეროვნული ნაკრების ვიცე-კაპიტანთან და ავსტრიის ბუნდესლიგის სეზონის სამგზის საუკეთესო მოთამაშესთან, ოთარ კიტეიშვილთან ერთად გავიზიარეთ 🇬🇪🌟
დაუვიწყარი მოგზაურობა Setanta Sports Georgia-მ და Sports Orient-მა კვლავ ერთად გაიარეს და გვჯერა, რომ წინ კიდევ ბევრი განსაკუთრებული მომენტი გველოდება 🤝
ვარჯიში ესპანური მეთოდოლოგიით, ახალი მეგობრები და დაუვიწყარი 5 დღე ბათუმში 🌊
ვილიარეალის საფეხბურთო კემპში, საქართველოს ხუთი რეგიონიდან, 65-მა მოზარდმა, მონაწილეობა სრულიად უსასყიდლოდ მიიღო 🟡
მადლობა ჩვენს პარტნიორ Croco-ს და მხარდამჭერებს - მინერალურ წყალ ბაკურიანს, Best Western Plus-ს, Jassport-ს, ევექსსა და 6000 B.C-ს 🤝
16/07/2026
ბაკურიანი ვილიარეალის საფეხბურთო კემპის მხარდამჭერია ⚽🤝
ბათუმში, Sports Orient-ის ორგანიზებით გამართულ კემპზე, ახალგაზრდა ფეხბურთელები ვილიარეალის აკადემიის სავარჯიშო მეთოდოლოგიას გაეცნენ და პროფესიონალური გამოცდილება მიიღეს.
✨ წყალი ბაკურიანი, როგორც ჯანსაღი ცხოვრების წესის მხარდამჭერი ბრენდი, ამ მნიშვნელოვან ინიციატივაში ჩაერთო და მომავალ სპორტსმენებს წყლის მნიშვნელობა კიდევ ერთხელ შეახსენა.
წარმატებებს ვუსურვებთ კემპის ყველა მონაწილეს! გვჯერა, რომ ეს პატარა ფეხბურთელები მომავალში საქართველოს ნაკრების მაისურს მოირგებენ და მსოფლიოს დიდ გუნდებში ითამაშებენ .
გვიყვარს, გვიყვარს მომავალი ბომბარდირები 💙
13/07/2026
საოცარი საფეხბურთო კვირა გვქონდა ბათუმში! ⚽ 🌊
ვილიარეალის კემპი ოფიციალურად დასრულდა და გვეამაყება, რომ 65 ახალგაზრდა ფეხბურთელს მივეცით შანსი, გამორჩეული ესპანური მეთოდოლოგიით სრულიად უსასყიდლოდ ევარჯიშა. 🇪🇸🇬🇪
საწვრთნელ პროცესში აქტიურად იყვნენ ჩართულები ქართველი მწვრთნელები, რომლებმაც ესპანელი კოლეგებისგან მნიშვნელოვანი გამოცდილება გაიზიარეს.
ამასთან ერთად, პროექტს სოციალური დატვირთვა ჰქონდა და გვიხარია, რომ სხვადასხვა რეგიონის ნიჭიერ ფეხბურთელებს ერთმანეთთან დამეგობრების საშუალება მივეცით. ❤️
განსაკუთრებული მადლობა გვინდა გადავუხადოთ დინამო თბილისის, დინამო ბათუმის, წყალტუბოს სამგურალისა და ფოთის კოლხეთი 1913-ის აკადემიებს მოთამაშეთა შერჩევისა და კემპში მონაწილეობისთვის. 🏟️👏
უდიდეს მადლობას ვუხდით ჩვენს მთავარ პარტნიორს - Croco-ს და მხარდამჭერებს - მინერალურ წყალ ბაკურიანს, Best Western Plus-ს, Jassport-ს, ევექსსა და 6000 BC-ს. თქვენი თანადგომის გარეშე ამ დაუვიწყარი კემპის ჩატარება შეუძლებელი იქნებოდა. 🤝
06/07/2026
ბათუმში ვილიარეალის საფეხბურთო კემპი დაიწყო. 6-დან 10 ივლისის ჩათვლით, 65 მოზარდი ლეონიძის საწვრთნელ ბაზაზე ესპანური კლუბის მეთოდოლოგიით ივარჯიშებს 🟡
ბათუმს 6-დან 14 წლამდე ფეხბურთელები საქართველოს სხვადასხვა ქალაქიდან და რეგიონიდან სტუმრობენ, ასევე საწვრთნელ პროცესში მონაწილეობას იღებენ ქართველი მწვრთნელებიც, სხვადასხვა რეგიონიდან 🏟️
მოხარულები ვართ, რომ კემპში მონაწილეობას შემდეგი აკადემიების მიერ შერჩეული ფეხბურთელები იღებენ - დინამო თბილისი, დინამო ბათუმი, წყალტუბოს სამგურალი და ფოთის კოლხეთი ⚽
ვილიარეალის კემპის ორგანიზატორია სპორტს ორიენტი, მთავარი პარტნიორი და წარმდგენი კომპანია კროკო. ღონისძიების მხარდამჭერები არიან ბაკურიანი, ბესტ ვესტერნ პლუსი, ჯასსპორტი, ევექსი 🤝
19/06/2026
ისრაელის ყველაზე ტიტულოვანი საფეხბურთო კლუბი თელ-ავივის მაკაბი 2026/2027 წლების სეზონის UEFA-ს ევროტურნირების მატჩებს ბათუმში, აჭარაბეთ არენაზე ჩაატარებს.
თელ-ავივის მაკაბიმ ბათუმზე არჩევანი ისრაელიდან პირდაპირი რეისებისა და ფრენის მოკლე ხანგრძლივობის გათვალისწინებით შეაჩერა. ქალაქებს შორის დღის განმავლობაში რამდენიმე პირდაპირი ავიარეისი სრულდება, რაც თელ-ავივის მაკაბის ათასობით გულშემატკივარს აჭარაბეთ არენაზე გამართულ მატჩებში ტრიბუნებიდან საკუთარი გუნდის ქომაგობის შესაძლებლობას აძლევს.
Sports Orient-ის გუნდი შეთანხმების ფარგლებში ისრაელის ყველაზე ტიტულოვანი კლუბის მასპინძელი იქნება და ადგილზე მაკაბის ყველა საჭიროებას უზრუნველყოფს. გარდა ამისა, ჩვენი გუნდი მატჩების UEFA-ს სტანდარტით ჩასატარებლად UEFA-ს ოფიციალურ წარმომადგენლებთან, სტადიონის გუნდთან და მატჩების ყველა მონაწილე მხარესთან ერთად იმუშავებს.
მადლობას ვუხდით თელ-ავივის მაკაბის გამოცხადებული ნდობისთვის. ასევე, მადლობას ვუხდით საქართველოს ფეხბურთის ფედერაციასა და შპს აჭარის პროექტების მართვის კომპანიას პროცესში გამოვლენილი მხარდაჭერისა და თანამშრომლობისთვის.
გვჯერა, რომ მსგავსი აქტივობებით ბათუმი საერთაშორისო ტურისტული მიმართულებით არაერთხელ მოხვდება ყურადღების ცენტრში. ულამაზესი აჭარაბეთ არენა კი ისრაელიდან თუ სხვა ქვეყნებიდან ჩამოსულ გულშემატკივარს არაერთ დაუვიწყარ საფეხბურთო მოგონებას შემოუნახავს.
06/06/2026
ᲕᲘᲚᲘᲐᲠᲔᲐᲚᲘᲡ ᲡᲐᲤᲔᲮᲑᲣᲠᲗᲝ ᲙᲔᲛᲞᲘ ᲡᲐᲥᲐᲠᲗᲕᲔᲚᲝᲨᲘ! 🇬🇪
ვილიარეალთან ექსკლუზიური პარტნიორობის ფარგლებში, Sports Orient სიამაყით წარმოგიდგენთ უახლეს პროექტს - საფეხბურთო კემპს 6-დან 14 წლამდე მოზარდებისთვის! 👦
6-დან 10 ივლისის ჩათვლით, ამ გამორჩეულ მოვლენას ბათუმი უმასპინძლებს. ჩვენი მომავალი ვარსკვლავები ვილიარეალის მწვრთნელებთან ერთად, კლუბის ოფიციალური, მსოფლიო დონის მეთოდოლოგიით ივარჯიშებენ. 🟡
სავარჯიშო პროცესი სრულად უმაღლესი ხარისხის, ბუნებრივსაფარიან ჰიბრიდულ მოედანზე წარიმართება. გარდა ამისა, მონაწილეები ვილიარეალის ოფიციალურ ეკიპირებასა და სერტიფიკატებს მიიღებენ.
მოხარულები ვართ, რომ კემპში მონაწილეობას შემდეგი აკადემიების მიერ შერჩეული ფეხბურთელები მიიღებენ - დინამო თბილისი, დინამო ბათუმი, წყალტუბოს სამგურალი და ფოთის კოლხეთი!
🙌 უდიდესი მადლობა ჩვენს პარტნიორებს - Croco-ში. ბათუმში დაგეგმილი საფეხბურთო კემპი პირველი ღონისძიებაა, რომელიც კროკოს, ვილიარეალის და გიორგი მიქაუტაძის პარტნიორობის ფარგლებში დაიგეგმა. კროკოს მხარდაჭერით, მოზარდი ფეხბურთელები კემპში სრულიად უფასოდ იასპარეზებენ!
მოხარულები ვართ, რომ ამ ღონისძიების პარტნიორებს შორის მინერალური წყალი ბაკურიანიცაა, რომელიც ასევე გიორგი მიქაუტაძესთან თანამშრომლობს.
შევხვდებით ბათუმში, საფეხბურთო მოედანზე! 🌊🏟️
31/05/2026
𝘽𝙖𝙘𝙠-𝙩𝙤-𝘽𝙖𝙘𝙠 𝘾𝙝𝙖𝙢𝙥𝙞𝙤𝙣𝙨 𝙇𝙚𝙖𝙜𝙪𝙚 𝙛𝙤𝙧 𝙆𝙑𝘼𝙍𝘼
გვიხარია და გვეამაყება, რომ Setanta Sports Georgia -თან თანამშრომლობით და ჩვენი პარტნიორი ათლეტის, S***a Arveladze-ის მონაწილეობით, უეფას ჩემპიონთა ლიგის ისტორიული ფინალი ბუდაპეშტიდან გავაშუქეთ.
ვულოცავთ კვარას ამ უდიდეს მიღწევას, გვჯერა, რომ წინ კიდევ უფრო დიდი გამარჯვებები გველოდება!
📸 ფოტო Lasha Kuprashvili
01/04/2026
ჩვენი პარტნიორი ათლეტი, გიორგი მიქაუტაძე და მინერალური წყალი ბაკურიანი თანამშრომლობას აგრძელებენ! 🤝
მორიგი კამპანიის ფარგლებში, ბრენდი მომხმარებელს უკვე კარგად ნაცნობი ვიდეორგოლის განსხვავებულ დასასრულს და ბაკურიანის ახალ, ლიმიტირებულ შეფუთვას სთავაზობს 💧
უცვლელი გზავნილით - 'ზრუნვა წყალივით გვჭირდება', ბაკურიანი აგრძელებს მთავარ საკომუნიკაციო ხაზს, რომელიც ზრუნვასა და ჯანსაღი ცხოვრების წესს აერთიანებს 💚
ვილიარეალისა და საქართველოს ეროვნული საფეხბურთო ნაკრების თავდამსხმელი, გიორგი მიქაუტაძე კროკობეთის ამბასადორი გახდა.
Crocobet - კროკობეთი-მა რეგიონალური პარტნიორობა გააფორმა ვილიარელთანაც. იტალიური ნაპოლისა და გერმანული ჰაიდენჰაიმის შემდეგ, ვილიარეალი ტოპ 5 ლიგის მესამე კლუბია, რომელთანაც ქართული კომპანია ითანამშრომლებს.
ოფიციალური ღონისძიება 3 მარტს, ვილიარეალის ესტადიო დე ლა კერამიკა-ზე შედგა, რომელსაც კლუბისა და კროკობეთის წარმომადგენლებთან ერთად გიორგი მიქაუტაძე დაესწრო. პარტნიორობის ოფიციალურ წარდგენაზე ვილიარეალისა და ესპანური ფეხბურთის ლეგენდა მარკოს სენაც დაესწრო.
გიორგი მიქაუტაძისა და კროკობეთის პარტნიორობა კომპანია Sports Orient-ის მონაწილეობით შედგა. 2026 წლიდან გიორგი მიქაუტაძე ჩვენი კომპანიის პარტნიორი ათლეტია და გვიხარია, რომ მასთან გრძელვადიან თანამშრომლობას ოფიციალურად ვიწყებთ.