საქართველოს ანტიდოპინგური კონტროლის და განათლების სააგენტო GADceA

⚠️ სპორტსმენებო, ნუ შეხვალთ შეცდომაში!

არ ენდოთ დაპირებას, რომ ექიმი, ნუტრიციოლოგი ან სხვა სპეციალისტი ჩვეულებრივი სისხლისა თუ შარდის ანალიზებით შეძლებს წინასწარ დაადგინოს, „არის თუ არა დოპინგი თქვენს ორგანიზმში“ ან როდის აღარ იქნება აკრძალული ნივთიერება გამოვლენადი.

🔬 WADA-ს მიერ აკრედიტებული ანტიდოპინგური ლაბორატორიები მუშაობენ სპეციალიზებული, უახლესი ტექნოლოგიებითა და მაღალმგრძნობიარე ანალიტიკური მეთოდებით, რომლებსაც შეუძლიათ აკრძალული ნივთიერებების, მათი მეტაბოლიტებისა და შესაბამისი მარკერების აღმოჩენა ძალიან დაბალ კონცენტრაციებშიც კი.

ჩვეულებრივ კლინიკურ ლაბორატორიაში მიღებული „სუფთა“ პასუხი არ ნიშნავს, რომ ანტიდოპინგური ტესტიც უარყოფითი იქნება.

❗ ასევე არ არსებობს უნივერსალური „გამოდევნის ვადა“. ნივთიერების აღმოჩენის შესაძლებლობაზე გავლენას ახდენს მრავალი ფაქტორი — კონკრეტული ნივთიერება, დოზა, გამოყენების ხანგრძლივობა, ინდივიდუალური მეტაბოლიზმი, ნიმუშის ტიპი და გამოყენებული ანალიტიკური მეთოდი.

არ გარისკოთ კარიერა მცდარი გარანტიების გამო.

სპორტსმენი თავად არის პასუხისმგებელი იმაზე, რაც მის ორგანიზმში აღმოჩნდება.

სუფთა სპორტი იწყება ინფორმირებული გადაწყვეტილებით.

🔬 სპორტსმენებო, გახსოვდეთ — თქვენი სისხლის ან შარდის ნიმუშები შესაძლოა წლების განმავლობაში ინახებოდეს!

დოპინგკონტროლის დროს აღებული სისხლის ან შარდის ნიმუში, მათ შორის დალუქული B ნიმუში, შესაძლოა WADA-ს აკრედიტებულ ლაბორატორიაში 10 წლამდე იყოს შენახული.

ამ პერიოდის განმავლობაში ნიმუში შეიძლება განმეორებით გაანალიზდეს შესაბამისი ანტიდოპინგური ორგანიზაციის ან WADA-ს გადაწყვეტილებით:

🧬 ახალი ან გაუმჯობესებული ანალიტიკური მეთოდების გამოყენებისას;
🔎 ახალი ინფორმაციის ან გამოძიების საფუძველზე;
⚖️ შესაძლო ანტიდოპინგური წესების დარღვევის დასადგენად.

⏳ გახსოვდეს: ნივთიერება, რომლის აღმოჩენაც დღეს ვერ ხერხდება, შესაძლოა რამდენიმე წლის შემდეგ ახალი ტექნოლოგიებით გამოვლინდეს.

🏅 დრო პასუხისმგებლობას არ აუქმებს. დაიცავი საკუთარი კარიერა, შედეგი, გუნდი და სპორტის ღირსება — იასპარეზე სუფთად!

#სუფთასპორტი #ითამაშესუფთად #ანტიდოპინგი #სპორტსმენისპასუხისმგებლობა #სამართლიანისპორტი

🎓 ცოდნა შენი საუკეთესო დაცვაა!

ერთი არასწორად მიღებული მედიკამენტი ან დაუდევრად შერჩეული საკვები დანამატი შესაძლოა სპორტსმენის კარიერისთვის გადამწყვეტი აღმოჩნდეს.

სწორედ ამიტომ, ანტიდოპინგური განათლება ისეთივე მნიშვნელოვანია, როგორც ვარჯიში და შეჯიბრებისთვის მზადება.

საქართველოს ანტიდოპინგური კონტროლისა და განათლების სააგენტომ — GADCEA დაიწყო ანტიდოპინგური საგანმანათლებლო ტრენინგების ციკლი. განათლების პროექტში ეტაპობრივად ჩაერთვება საქართველოში აღიარებული ყველა სპორტული ფედერაცია, მათი სპორტსმენები, მწვრთნელები და სპორტში ჩართული სხვა პირები.

ტრენინგების მონაწილეები მიიღებენ პრაქტიკულ ცოდნას, რომელიც დაეხმარებათ:

✅ დაიცვან სპორტსმენების ჯანმრთელობა და კარიერა;
✅ თავიდან აიცილონ უნებლიე ანტიდოპინგური დარღვევები;
✅ უსაფრთხოდ გამოიყენონ მედიკამენტები და საკვები დანამატები;
✅ მიიღონ ინფორმირებული და პასუხისმგებლიანი გადაწყვეტილებები;
✅ დაიცვან სუფთა და სამართლიანი სპორტის პრინციპები.

სუფთა სპორტი მხოლოდ ტესტირება არ არის — ის ცოდნა, პასუხისმგებლობა და სწორი არჩევანია.

🏆 ძლიერი სპორტსმენი ვარჯიშობს.
💡 ინფორმირებული სპორტსმენი საკუთარ მომავალსაც იცავს.

ისწავლე. გადაამოწმე. ითამაშე სუფთად!

🇬🇪🤝🇵🇱

სუფთა სპორტის განვითარების ხელშეწყობის მიზნით, ცენტრალური ევროპის ანტიდოპინგური ორგანიზაციის (CEADO) მხარდაჭერით, საქართველოში სამუშაო ვიზიტით იმყოფებიან პოლონეთის ანტიდოპინგური სააგენტოს (POLADA) წარმომადგენლები.

ვიზიტის ფარგლებში მიმდინარეობს დოპინგ-კონტროლის ოფიცრების (DCO) და სისხლის აღების ოფიცრების (BCO) სპეციალიზებული ტრენინგი, რომელსაც უძღვებიან Olha Zavhorodnya და Łukasz Krych.

ტრენინგის მიზანია მონაწილეთა პროფესიული ცოდნისა და პრაქტიკული უნარების გაძლიერება მსოფლიო ანტიდოპინგური სააგენტოს (WADA) საერთაშორისო სტანდარტების შესაბამისად.
Polska Agencja Antydopingowa

📢 სპორტსმენების საყურადღებოდ — ჯანმრთელობის მდგომარეობის გამო მკურნალობას იწყებ? არ დაგავიწყდეს TUE!

გახსოვდეს — ზოგიერთი მედიკამენტისა და სამედიცინო ჩარევის შემთხვევაში შესაძლოა საჭირო იყოს თერაპიული გამოყენების ნებართვის (TUE) მიღება.

❗ თუ ჯანმრთელობის მდგომარეობა მოითხოვს ისეთი პრეპარატის ან მეთოდის გამოყენებას, რომელიც მსოფლიო ანტიდოპინგური სააგენტოს (WADA) აკრძალულ სიაშია, აუცილებელია წინასწარ გადაამოწმო, გჭირდება თუ არა TUE განაცხადის შევსება.

📌 სანამ რაიმე გადაწყვეტილებას მიიღებ:

✅ გადაამოწმე, შეიცავს თუ არა მედიკამენტი აკრძალულ ნივთიერებას;
✅ საჭიროების შემთხვევაში დროულად შეავსე TUE განაცხადი;
✅ კონსულტაციისთვის მიმართე საქართველოს ანტიდოპინგური კონტროლისა და განათლების სააგენტოს (GADCEA).

🎯 TUE-ის დროული მიღება დაგეხმარება დაიცვა შენი ჯანმრთელობა, სპორტული კარიერა და მონაწილეობა შეჯიბრებებში.

ჯერ გადაამოწმე — შემდეგ იმოქმედე!

#ანტიდოპინგი #სუფთასპორტი #სპორტსმენი #საქართველოსსპორტი #დაიცავითამაშისწესები

⚠️ სპორტსმენების გაფრთხილება!

არ მიიღოთ საკვები დანამატი არასპეციალისტის რჩევით!

მეგობრის, მწვრთნელის, თანაგუნდელის ან სოციალურ ქსელში გავრცელებული რეკომენდაცია არ არის უსაფრთხოების გარანტია.

❗ საკვები დანამატები შესაძლოა შეიცავდეს აკრძალულ ნივთიერებებს, რომლებიც ეტიკეტზე საერთოდ არ იყოს მითითებული. ასეთ შემთხვევაში კი დოპინგ-ტესტზე დადებითი შედეგისთვის პასუხისმგებლობა თავად სპორტსმენს ეკისრება.

📌 საქართველოს ანტიდოპინგური კონტროლისა და განათლების სააგენტო გირჩევთ:

✅ არ მიიღოთ საკვები დანამატი არასპეციალისტის რჩევით;
✅ ნებისმიერი დანამატის გამოყენებამდე გადაამოწმეთ მისი უსაფრთხოება;

დაიცავი შენი ჯანმრთელობა, კარიერა და სპორტული რეპუტაცია.

#ანტიდოპინგი

მსოფლიო ანტიდოპინგურმა სააგენტომ (WADA) ADEL-ის პლატფორმაზე ახალი სასწავლო რესურსი გამოაქვეყნა - „2027 წლის მსოფლიო ანტიდოპინგური კოდექსის გზამკვლევი სპორტსმენებისთვის“ (2027 Code Companion for Athletes).

2027 წლის 1 იანვრიდან ძალაში შედის 2027 წლის მსოფლიო ანტიდოპინგური კოდექსი. ახალი რესურსი შექმნილია იმისთვის, რომ სპორტსმენები წინასწარ გაეცნონ მოსალოდნელ ცვლილებებს და უკეთ გაიგონ, როგორ აისახება ისინი მათ სპორტულ საქმიანობაზე.

გზამკვლევი WADA-ს სპორტსმენთა საბჭოს მონაწილეობით შემუშავდა და მიმოიხილავს 2027 წლის კოდექსისა და საერთაშორისო სტანდარტების ძირითად ცვლილებებს, მათ შორის:

• ანტიდოპინგურ განათლებას;
• დოპინგ-კონტროლს;
• თერაპიული გამოყენების ნებართვას (TUE);
• შედეგების მართვასა და გამოძიებას;
• პერსონალური მონაცემების დაცვას.

უახლოეს პერიოდში საქართველოს ანტიდოპინგური კონტროლისა და განათლების სააგენტო (GADCEA) გაგიზიარებთ შესაბამის საგანმანათლებლო და საინფორმაციო მასალებს, რომლებიც ახალი მოთხოვნების უკეთ გაცნობაში დაგეხმარებათ.



მეტი ინფორმაციისათვის ეწვიეთ ბმულს:
https://www.wada-ama.org/en/news/wada-launches-2027-code-companion-athletes

We are pleased to launch the 2027 Code Companion for Athletes, now available on ADEL. 🎓

With the 2027 World Anti-Doping Code coming into effect on 1 January 2027, this new e-learning course helps athletes understand key changes to the Code and International Standards in an athlete-friendly way.

Learn more here: https://tinyurl.com/4dsd45sh

⚠️ BPC-157 საშიში ექსპერიმენტული ნივთიერებაა და აკრძალულია!

BPC-157 არ არის დამტკიცებული ადამიანებში კლინიკური გამოყენებისთვის არცერთი გლობალური მარეგულირებელი ორგანოს მიერ. მისი უსაფრთხოება, ეფექტიანობა და შესაძლო გვერდითი მოვლენები სრულყოფილად შესწავლილი არ არის, ამიტომ გამოყენებამ შესაძლოა ჯანმრთელობას სერიოზული საფრთხე შეუქმნას.

მსოფლიო ანტიდოპინგური სააგენტოს (WADA) 2026 წლის აკრძალული სიის მიხედვით, BPC-157 შეტანილია S0 — დაუმტკიცებელი ნივთიერებების კატეგორიაში და აკრძალულია ნებისმიერ დროს — როგორც შეჯიბრების პერიოდში, ისე მის მიღმა.

მოვუწოდებთ სპორტსმენებსა და სპორტსმენის დამხმარე პერსონალს:

🔹 არ გამოიყენონ დაუმტკიცებელი ან უცნობი შემადგენლობის პრეპარატები;
🔹 გამოყენებამდე აუცილებლად გადაამოწმონ ნებისმიერი პროდუქტის შემადგენლობა;
🔹 საჭიროების შემთხვევაში კონსულტაცია გაიარონ ექიმთან ან ანტიდოპინგურ ორგანიზაციასთან.

✅ ინფორმირებული არჩევანი იცავს სპორტსმენის ჯანმრთელობას, რეპუტაციასა და პროფესიულ კარიერას.