Карате Федерација на Македонија

01/09/2026

Матеј Белистојаноски е новиот медитерански шампион! 🇲🇰🥇

Фантастичен успех за македонското карате и македонскиот спорт!

Нашиот репрезентативец Матеј Белистојаноски го освои златниот медал на Медитеранските игри Таранто 2026 во категоријата до 67 килограми, постигнувајќи еден од најголемите успеси во својата досегашна кариера.

Белистојаноски во финалната борба беше убедлив против Боран Берак од Хрватска, кого го совлада со одличен резултат 6:0, со што заслужено се искачи на највисокото место на пиедесталот.

🥇 Матеј Белистојаноски – златен медал, -67 кг! 🇲🇰 Македонија – медитерански шампион!

Овој успех има уште поголемо значење бидејќи златниот медал на Матеј е прво злато за Македонија на Медитеранските игри во Таранто, односно прв златен медал освоен од македонските претставници во сите спортови на овогодинешните Игри.

Со својата одлична борба, максимална концентрација и борбеност, Матеј уште еднаш покажа дека македонското карате има квалитет за највисоки дострели на големите меѓународни натпреварувања.

Овој резултат е и потврда за квалитетната и посветена работа на Карате федерацијата на Македонија, стручниот штаб и сите оние кои континуирано придонесуваат за развојот на македонското карате.

Карате федерацијата на Македонија му упатува најискрени честитки на Матеј Белистојаноски за освоеното злато и му посакува уште многу успеси и медали во иднина!

Браво, Матеј! 🇲🇰🥇
Македонија е горда!

01/09/2026

ЗЛАТО за Матеј Белистојаноски…

Медитеранските игри во Таранто

01/09/2026

🥇 МАТЕЈ БЕЛИСТОЈАНОСКИ – ЕДЕН ЧЕКОР ДО МЕДИТЕРАНСКОТО ЗЛАТО! 🇲🇰

Историски момент за карате спортот во Македонија на Медитеранските игри – Таранто 2026!

Репрезентативецет на Македонија Матеј Белистојаноски се пласираше во големото финале во категоријата до 67 кг, по три извонредни победи на патот кон борбата за најсјајното одличје.

🔹 Мустафа Алмасалмех 🇸🇾 – 6:1
🔹 Лука Мареска 🇮🇹 – 2:0
🔹 Георгиос Балиотис 🇬🇷 – 5:1

Три борби. Три победи. 13 постигнати поени и само 2 примени.

Сега останува уште една борба — најважната.

Во финалето, Матеј ќе се соочи со Хрватот Боран Берак 🇭🇷, во битка за медитеранското злато.

⏰ ФИНАЛЕ: 14:25 часот

🇲🇰 Еден борец. Еден момент. Еден сон – ЗЛАТО ЗА МАКЕДОНИЈА!

Со срце, храброст и верба до последната секунда.

АЈДЕ МАТЕЈ! 🇲🇰🥇🔥

01/09/2026

Следете го настапот на нашите каратисти

Watch live sports, stream replays and catch all the content from the biggest tournaments on all devices for FREE. Never miss a moment again with Eurovision Sport.

19/08/2026

# КФМ со тројца каратисти на Медитеранските игри – Таранто 2026

**Вероника Костовска, Стефан Стојановиќ и Матеј Белистојаноски ќе ги бранат боите на Македонија во Таранто**

Македонската карате репрезентација ќе има свои претставници на **XX Медитерански игри – Таранто 2026**, кои ќе се одржат од **21 август до 3 септември 2026 година** во Италија.

Карате федерацијата на Македонија на ова значајно мултиспортско натпреварување ќе настапи со **тројца свои најдобри натпреварувачи – Вероника Костовска, Стефан Стојановиќ и Матеј Белистојаноски**, кои ќе имаат чест да ја претставуваат нашата држава на големата медитеранска спортска сцена.

Нашите каратисти во Таранто ќе се соочат со силна меѓународна конкуренција и ќе имаат можност да го покажат своето знаење, квалитет и борбеност во конкуренција на најдобрите каратисти од медитеранските земји.

Тројцата репрезентативци ќе ги предводи **селекторот за кумите – сениори, Александар Кузмановски**, кој заедно со натпреварувачите во изминатиот период интензивно работеше на подготовките за настапот.

Учеството на КФМ на Медитеранските игри претставува уште една потврда за континуираниот развој на македонското карате и за квалитетот на нашите репрезентативци. За младите каратисти ова е значајна можност за стекнување дополнително меѓународно искуство, но и за остварување врвни спортски резултати.

Во периодот до почетокот на Игрите, фокусот ќе биде ставен на финалните подготовки, усовршувањето на техничко-тактичките елементи и максималната физичка и психолошка подготвеност на репрезентативците.

**Карате федерацијата на Македонија им посакува успешни подготовки на Вероника, Стефан и Матеј и многу успех во Таранто!**

Со гордост ги испраќаме нашите каратисти да ги бранат боите на Македонија и да го претстават македонското карате на едно од најзначајните спортски натпреварувања во регионот.

**Среќно, Вероника!
Среќно, Стефан!
Среќно, Матеј!
Среќно, селекторе Кузмановски! 🇲🇰🥋**

05/08/2026

🥋 Аплицирајте за ознаката SAFE COMBAT!

Ги повикуваме сите клубови членки да аплицираат за SAFE COMBAT Label – европски сертификат за клубови во боречки спортови и боречки вештини кои се посветени на заштитата и безбедноста, благосостојбата на учесниците и создавањето безбедна и инклузивна спортска средина.

Со добивањето на ознаката SAFE COMBAT, вашиот клуб ќе:

✅ ја покаже својата посветеност кон безбедноста и благосостојбата на учесниците;
✅ ја зајакне довербата кај спортистите, родителите и заедницата;
✅ примени признати европски стандарди за заштита и безбедност;
✅ добие пристап до едукативни ресурси за тренери, вработени и волонтери;
✅ биде објавен на веб-страницата SAFE COMBAT како сертифициран клуб;
✅ добие право да ја користи ознаката SAFE COMBAT во своите промотивни материјали.

SAFE COMBAT е повеќе од сертификат – тоа е видлива посветеност кон создавање побезбедна, поинклузивна и поподдржувачка средина за сите вклучени во боречките спортови и боречките вештини.

Процесот на аплицирање е едноставен и целосно онлајн.

🌐 Повеќе информации и аплицирање: www.safecombat.eu

Приклучете се кон растечката SAFE COMBAT заедница и станете дел од европското движење за побезбедни, поинклузивни и поодговорни боречки спортови.

Mapping existing safeguarding practices in combat sports and martial arts through literature reviews, best practice analysis, and focus groups in four countries.

03/07/2026

Светска младинска лига Пореч - Хрватска што се одржа од 1ви јуни до 5ти јуни 2026 година .

Голема благодарност и почит до нашите судии за нивниот придонес, труд и достојно претставување на Македонија. 🇲🇰🥋👏

30/06/2026

🥋🛡️ На 28.06.2026 година во Скопје успешно го организиравме настан во рамки на Erasmus+ Sport проектот SAFE COMBAT.

На настанот, на кој присуствуваа повеќе од 30 претставници на клубови, тренери и спортски работници, беа претставени резултатите од проектот, како и SAFE COMBAT сертификацијата – европска ознака за клубови кои ги исполнуваат стандардите за заштита и безбедност во боречките спортови и боречките вештини.

Учесниците имаа можност да се запознаат со процесот на сертификација, условите што клубовите треба да ги исполнат, како и чекорите за успешно завршување на SAFE COMBAT онлајн курсот и добивање на SAFE COMBAT ознаката.

Со оваа иницијатива продолжуваме да придонесуваме кон создавање побезбедна, поинклузивна и поодговорна спортска средина, во која заштитата и добросостојбата се највисок приоритет.
www.safecombat.eu

21/06/2026

🥋✨ Повик за женски амбасадорки во спортот!

Карате Федерацијата бара успешни активни или поранешни спортистки кои сакаат да станат дел од проектот IPIB – I Play, I Belong, I Lead / Играм, Припаѓам, Водам.

🌍 За проектот

Проектот IPIB го користи спортот како моќна алатка за промовирање инклузија, зајакнување и личен развој кај девојчиња и млади девојки на возраст од 10 до 21 година, особено кај оние со мигрантско или малцинско потекло.

Преку создавање безбедни и инклузивни спортски средини, проектот им помага на младите девојки да почувствуваат припадност, да изградат самодоверба и да развијат лидерски вештини за нивната иднина.

🎯 IPIB има за цел да:

✅ го зголеми учеството на девојчињата и младите девојки во спортот и да промовира еднакви можности;
✅ ја зајакне социјалната инклузија, интеграцијата и меѓукултурниот дијалог;
✅ ги зајакне девојчињата и младите девојки да развијат самодоверба и лидерски вештини;
✅ ги поддржи спортските професионалци со инклузивни и родово-сензитивни тренерски методи;
✅ создаде долгорочно влијание преку соработка, истражување и споделување добри практики низ Европа.

🏃‍♀️ Активности

Проектот вклучува широк спектар на активности дизајнирани да создадат вистинско влијание:

🔸 Локални спортски активности – редовни и инклузивни спортски сесии за девојчиња и млади девојки во различни земји.
🔸 Програми за обука – градење капацитети на тренери и спортски професионалци.
🔸 Кампањи со амбасадорки – инспиративни женски примери кои промовираат учество и еднаквост.
🔸 Фокус групи и истражување – вклучување на заедниците и засегнатите страни за подобро разбирање на потребите и подобрување на влијанието.
🔸 Меѓународна соработка – размена на знаење и добри практики низ Европа.

🙋‍♀️ Што бараме?

Дали сте спортски ентузијаст?
Дали вашето лично искуство и вашите активности покажуваат посветеност кон зајакнување на девојчињата и жените во спортот?
Дали ги разбирате клучните аспекти кои треба да се земат предвид при работа со лица со малцинско или мигрантско потекло?
Дали сте мотивирани да бидете пример за целите на проектот и да помогнете во обликувањето на спроведувањето на неговите активности во координација со проектниот менаџерски тим?
Дали сте подготвени да се поврзувате со други амбасадорки – и во земјата и во странство – и да го вложите потребното време за тоа?

💪 Ако сте активна или поранешна спортистка и сакате да инспирирате нови генерации девојчиња преку спортот, ова е можност за вас!

📩 За повеќе информации и пријавување, контактирајте не на [email protected]

IPIB - I Play I Belong

21/06/2026

Минатата недела присуствувавме на завршниот работен состанок во Лисабон, Португалија, во рамки на проектот Waaataah – It’s the Karate Sound!

За време на состанокот, заедно со партнерите ги разгледавме реализираните активности, постигнатите резултати и следните чекори за финализирање и промоција на проектните материјали.

Голема благодарност до сите партнери за посветеноста, соработката и заедничката работа во текот на проектот. 🤝