Sport media

هەنگاوێکی مێژوویی بۆ سەنگەر مستەفا

مامۆستا سەنگەر مستەفا، ڕاهێنەری تیمی بالەی یانەی ئافرۆدەیت، بە فەرمی هەڵبژێردراوە وەک یاریدەدەری ڕاهێنەری تیمی نیشتمانی خانمانی عێراق، بۆ ئامادەکردن و بەڕێوەبردنی تیمەکە لە یارییەکانی ئاسیاد کە مانگی داهاتوو لە وڵاتی چین بەڕێوەدەچن.

ئەم هەڵبژاردنە تەنها سەرکەوتنی کەسێک نییە، بەڵکو نیشانەی ئەوەیە کە ڕاهێنەرانی کوردستان بە توانای خۆیان جێگای متمانە لە ئاستی نیشتمانی بەدەست دێنن.

خۆشەویستی وەرزشکارانە

کاکە هێرشی خەیات ناوێکی ناسراوە لەنێو وەرزشی سلێمانی و کوردستاندا؛ کە بە دڵسۆزی ، ساڵانێکە خزمەتی وەرزشکاران دەکات. شوێنی کارەکەی تەنها کاری دوورمانی تێدا نییە، بەڵکوو بووەتە شوێنی کۆبوونەوەی وەرزشدۆستان، یاریزانان و کەسانی خاوەن ئەزموونی وەرزش.

هەمیشە پشتیوانی وەرزش و وەرزشکارانی کوردستانی کردووە و بە ڕووخسارێکی خۆش و مامەڵەی جوان، جێگای ڕێز و خۆشەویستی لە دڵی زۆرێکدا گرتووە.

خانمە ئازاکانى بالەى ئافرۆدەیت گەیشتنە قۆناغى چوارگۆشەى زێرینى خولى بالەى یانەکانى عێراق، لە پەیامێکدا سوپاسگوزارى بۆ بۆردى وەرزشیی یەکێتیی نیشتمانى کوردستان دەردەبڕن کە هەمیشە هاوکاری تیپە جیاوازەکانى ئەو یانە تاقەنەى شاریان کردووە.

کلاسیکۆی کوردانی بەریتانیا بەڕێوەدەچێت

سبەی لە کاتژمێر 19:00 لە یاریگەی زانکۆی لیدس، تیپی نیوکاسڵی کوردان، وەک یەکێک لە بەهێزترین تیپەکانی خولەکە، بەرامبەر کوردانی وایکفێڵد دەوەستێتەوە لە یارییەکی بەهێزسا.

هەموو پشتیوانان بانگهێشت دەکرێن بۆ ئامادەبوون و دروستکردنی کەشێکی گەرم و پڕ لە هاندان لەم یارییەدا کە هەردوو تیپ تەواو ئامادەن بە ئەستێرەکانیانەوەو یارییەکەش بە کلاسیکۆی کوردانی بەریتانیا دادەنرێت.

پێشبینی ڕاست بکەو خەڵات ببەرەوە
ئەم یارییە کام دوو یانەیەیە، ئەو یاریزانە درێس شینەى یەکەم کێییە؟

ئەرشیف:سدیق عەواڵى

لە خولی ماڵی کوردانی لیدس، کوردانی بێرمینگهام سێ بە یەک لە کوردانی پیتەربورۆیان بردەوە و گەیشتنە قۆناغی داهاتووی خولە گەورەکەی بەریتانیا.

کارکردن لە پڕۆژەی تراکی وەرزش و ڕاکردن لە پارکی ئازادی بەردەوامە

ئەم پڕۆژەیە لەسەر ڕاسپاردە و پشتیوانیی ڕاستەوخۆی بەڕێز قوباد تاڵەبانی، جێگری سەرۆکی ئەنجومەنی وەزیران، بە سەرپەشتی سەرۆکی شارەوانی سلێمانی و بە هاوئاهەنگیی بەڕێوەبەرایەتی وەرزشی سلێمانی جێبەجێ دەکرێت، بۆ دابینکردنی شوێنێکی مۆدێرن و گونجاو بۆ وەرزش و چالاکییە جەستەییەکان.

لەسەردانێکی مەیدانیدا بەڕێوەبەری باخچەکانی سلێمانی بەیاوەری بەڕێوەبەری بەڕێوەبەرایەتی وەرزش و لاوانی سلێمانی و تیمی سەرپەرشتیار و لایەنی جێبەجێکار، بەدواداچوونێکی مەیدانی بۆ پڕۆژەی دروستکردنی تراکی تایبەت بە وەرزش و ڕاکردن لە ناو پارکی ئازادی ئەنجامدا. بەپێی پلان، لە سەرەتای هەفتەی داهاتوو بە شێوەیەکی چڕ کارەکانی پڕۆژەکە بەرەو پێشتر هەنگاو دەنێت.

تراکی وەرزشەکە بەپێی ستانداردە نێودەوڵەتییەکان دیزاین کراوە؛ درێژی ٤٠٠ مەتر و پانایی ٤ مەتر هەیە و بۆ ٤ هێڵ دابەش کراوە، بۆ ئەوەی چەندین وەرزشوان لە یەک کاتدا بە ئاسانی و بەبێ ئاستەنگ وەرزش بکەن.
بەڕێوەبەرایەتی باخچەکانی سلێمانی پابەندە ئەم پڕۆژەیە بە باشترین کەرەستە و لە ماوەیەکی گونجاودا تەواو بکات، بۆ ئەوەی بە زووترین کات بخرێتە خزمەتی هاوڵاتییانی خۆشەویستی شاری سلێمانی و هەموو وەرزش دۆستان.

درۆگباکەی ڕزگاری لە بەریتانیا دەرکەوتەوە

بیلال مەجید، یاریزانی بەتوانای ڕزگاری، کە لە کوردستان ناوی خۆی وەک هێرشبەرێکی کاریگەر دەرکرد، ئێستاش لە وڵاتی بەریتانیا درێسی کوردانی وایکفێڵد لە خولی ماڵی کوردانی لیدس دەپۆشێت.

بیلە لە قۆناغێکی یەکلاکەرەوەی خولە گەورەکەی بەریتانیا بەرامبەر کوردانی نیوکاسڵ دەردەکەوێت..