Taraji is my life

الدفاع باش يضيع تعب اصحابهم في الهجوم.
حاله حليله وعدم التفاهم شكون ديفونسور ليدر
كل الخط غير متوازن في التناسق ما بين بعضهم.
برشا خدمه لاكسيال الترجي.

افضل تشكيلة لموقعة القاهرة؟

لعب بڨلب ورب السيد هذا وجمهور لمكشخة مزال باش يدز معاك لأخر لحظة✔️🔥🇧🇪

الاعلام المصري بداو يخدمو في خدمتهم من توا باش يضغطو عالطاقم التحكيمي متع الروتور
باش يبداو توا يتبكاو و يحكيو في لغة الضحية و ناسيين سنين مالتحكيم الفاسد اللي يتزفرلهم و اخرهم الفينال لخراني زوز بينالتيات ما تزفروش كانو يجيبولنا التيتر
عموما الترشح مازال ما تلعب عليه شي عملنا خطوة اولى كانت تنجم تكون افضل و لكن الحمد لله على كل حال
توا اسبوع نحضرو فيه طرح القاهرة و ربي يجيبنا في الصواب

كلمة لمدرب الترجي بعد مباراة اليوم ضد نادي الاهلي
اشلزمنا نصلحو في مبارة الذهاب ؟

جووووول توغاي و رادس يهتز ❤️❤️🔥🔥

⚠️ بلاغ توعوي لكافة أحباء الترجي الرياضي التونسي
1- يوم غد الإثنين على ساعة 12:00 سيتم بيع تذاكر مباراة الترجي و الأهلى على موقع تسكرتي
2- كل شخص عندو الحق يقص زوز تيكيات بنفس الكارطة
3- جميع بطاقات البنوك و بطاقة e-dinar التابعة للبريد تنجم تقص بيها
4- في صورة حالفك الحظ و نجمت تقص زوز تيكيات بسبب إكتظاظ الرهيب اللذي سيتعرض له الموقع تمشي ل publinet و تخرجهم في اوراق عادية forme PDF
5- زوز تيكيات اللي قاصيتهم بالطبيعة باش يكون فيهم إسم و اللقب و بطاقة تعريف السيد اللي قص بكارطة على السيت و ماعندهمش قيمة الحكايات هاذي عادي مثال (" عمر دخل بتيكاي مكتوب فيها اسم محمد فولان فولاني ")
6- أي تيكاي موجود فيها code QR و تعريفو هو مربع أبيض وأسود يحتوي على بيانات مشفرة (روابط، نصوص، أرقام) يتم قراءته بسرعة عبر كاميرا الهاتف الذكي و تو في كومنتارات نحطلكم تصويرة بيه
7- #هام و #حذاري ردبالك تشري تيكاي من عند شخص شاري تيكاي من موقع تسكرتي و ماتعرفوش خاتر بعد ماقص مالموقع و خرجها من publinet ينجم يخرج منها حتى 10 نسخ و يبيعها ل 10وحدين و حتى كان يحبك تاثق فيه و يڨلك هاي نمشو نخرجوها من publinet راهو يكذب عليك ينجم يخرج نفسها نسخ أخرى
==» في الحالة هذيكا تعرف شنوا معناها أول واحد منهم باش يدخل مالباب ستاد و تتعدى تيكاي هذيكا بل Code Qr الوحيد باش يدخل و الباقية اللي ماخذين نفس تيكاي ماهمش باش يدخلو خاتر Code qr تيكاي هذيكا سايي validé✅ بالنسبة ليهم دخل
8- #هام و #حذاري ردبالك مابعد ماتشري تيكاي من موقع تسكرتي تهبط reçu و الا تيكاي في الفايسبوك قروبات و باجات اللهم غطيت code QR و الا فسختو باش مايبانش راهو عادي جدا ينجم واحد يتيليشرجيها و يخرجها و يدخل بيها و ماعندك ماتعملو و الا تعرفو أصلاً شكونو
اي واحد عندو استفسار يتفضل 🇧🇪♥️♥️

فضلا وليس امرا متابعة صفحتنا 💛❤️👋

نداء عاجل لجمهور الترجي: "في رادس.. عينيك في وسط راسك!"
​بعد القرار الأخير بلعب مباراة العودة ضد الأهلي في القاهرة دون حضور جمهور، الرسالة ولات واضحة وضوح الشمس: الكاف (CAF) والمنافسين يستناو فينا في الدورة، وأي غلطة صغيرة في رادس باش نخلصوها كاش وبأغلى الأثمان.
​⚠️ الفخّ منصوب.. ردّ بالك تطيح فيه!
​يا مكشخ، يا ولد الفيراج، لازم نفهموا اللي "القوة" متاع المنافسين تنجم تضربنا في أغلى ما نملك: حضورنا في الملعب. أي رمي قارورة، أي شمروخ (فلام) فوق الميدان، أو أي تجاوز في ماتش الذهاب ضد الأهلي — وإلا لا قدر الله في طرح صنداونز لو ترشحنا — يعني آلياً "ويكلو" (Huis Clos) في أهم لحظات الموسم.
​⛔ المحظورات في رادس:
​لا لرمي المقذوفات: دبووزة ماء وحدة تنجم تحرمنا من فينال كامل. ما تعطيش الفرصة للمراقبين باش يكتبوا تقرير ضدنا.
​الانضباط فوق كل اعتبار: نشجعوا، نزلزلوا الملعب بصوتنا، أما يدينا في جيابنا. هدوء الأعصاب هو اللي باش يوصلنا لبعيد.
​التوعية بيناتنا: إذا شفت صاحبك تنرفز أو حب يرمي حاجة، وقفو. مصلحة الترجي فوق كل شيء وفوق أي "فازة" صبيانية.
​المنافسين يحبونا نلعبوا في ستاد فارغ خاطر يعرفوا جحيم رادس. ما نكونوش أحنا السكين اللي تذبح جمعيتنا. قوتنا في لمتنا وفي تشجيعنا، موش في العقوبات اللي تهدنا.
​يا لولاد، الـ 12 لازم يكون حاضر.. موش معاقب ورا التلفزة

حسب موقع البطولة المغربي:
يتجه الكاف إلى معاقبة الأهلي المصري بمباراتين دون حضور جمهور مع مباراة أخرى مع إيقاف التنفيذ مستقبلا في حال إعادة مثل هاته الأحداث بالإضافة إلى تسليط عقوبات مالية ✅🇩🇪⚡