JTE SPORT

من كأس العالم الى أهلي بنغازي ..

رسالة إلى المدرب الوطني الجديد معين الشعباني 🇹🇳❤️

قبل كل شيء، مبروك عليك تدريب المنتخب الوطني، ونتمنالك كل النجاح في المهمة الجديدة.

أما لازم تعرف إلي تدريب المنتخب يختلف على أي فريق دربتو قبل. الضغط باش يكون أكبر، والمنظومة للأسف فاقدة ثقة الجماهير، لذلك المطلوب منك تكون قوي الشخصية، وما تسمع كلام حتى حد. ما تمشيش بسياسة “قالولي”، وخليك ديما مقتنع بقراراتك.

إذا صار أي تدخل أو ضغط في الكواليس، اخرج واحكي بصراحة مع الشعب. الجمهور يساند المدرب الصادق والواضح أكثر من أي شيء آخر.

عقدك على أربع سنوات، لذلك نحبّوك تبدأ من توا تبني مشروع لكأس العالم 2030، موش تخدم من تربص لتربص. نحبّو منتخب عندو هوية، شخصية وطريقة لعب واضحة.

اختياراتك لازم تكون على الجاهزية والمردود فقط، موش على الأسماء ولا العلاقات. المحلي والمحترف يتقاسوا بنفس الميزان، والأفضل هو إلي يستحق القميص.

ونحبّوك تكون صارم. الرحمة لا، المجاملات لا، و الظلم لا. اللاعب إلي ما يحترمش المنتخب أو الإطار الفني ما عندوش بلاصة مهما كان اسمو. وزادة ما تخليش حتى حد من المنظومة يتدخل في خدمتك أو يفرض عليك أي قرار. وثمّة بعض الأشخاص في المكتب الجامعي، من الأفضل تحسبهم مش موجودين اصلا و ماتاخو لا بافكارهم لا بنصايحهم ..

وفي الأخير، اقرب من الجمهور وكون واضح في كل قراراتك. الشعب التونسي ما يطلبش المستحيل، يطلب مدرب عندو شخصية، صادق، يخدم بقناعاتو ويضع مصلحة المنتخب فوق كل اعتبار.

بالتوفيق كوتش معين… المهمة صعيبة، أما النجاح ممكن إذا بقيت حرّ في قراراتك، صارم في عملك، وصادق مع الشعب التونسي. 🇹🇳❤

🔴 رسميًا | معين الشعباني مدربًا جديدًا للمنتخب التونسي بعقد يمتد لأربع سنوات. 🇹🇳

يعود معين الشعباني إلى المنتخب الوطني، لكن هذه المرة من بوابة المدرب الأول، بعد مسيرة ناجحة قادته لتحقيق عدة إنجازات مع الترجي الرياضي التونسي، ثم خوض تجارب مميزة مع المصري البورسعيدي وسيراميكا كليوباترا في مصر، قبل أن يواصل التألق مع نهضة بركان المغربي، الذي غادره رسميًا لتولي قيادة نسور قرطاج.

كل التوفيق لمعين الشعباني في هذه المهمة الصعبة، وكل الدعم للمنتخب الوطني في الاستحقاقات القادمة. 🇹🇳❤

أكثر كلمة تعاودت في حوار صبري اللموشي هي: “قالولي…”

قالولي: نحبّو نبنيو جيل جديد.
قالولي: فما وجوه الشعب ما عادش يحب يشوفها في المنتخب.
قالولي : نتائج كأس العالم مش مهمّة
قالولي: لازم تبدّل الحارس، دحمان أي كرة تجيه تدخل.
قالولي: إلعب، ومهما كانت النتيجة أحنا معاك.
قالولي: الجمهور فرحان بيك.
قالولي: فرجاني ما تجيبوش.
قالولي : الجمهور مش راضي عليك
قالولي… قالولي… قالولي…

بالنسبة ليا، هذا الكل يأكد حاجة وحدة: كي قلنا وقتها إنك ماكش رجل المرحلة، و راك فاشل ، ما ظلمناكش.

إحنا نحبّو مدرّب عندو شخصية، يمشي بقناعاتو هو، موش بكلمة “قالولي”. مدرّب يختار اللاعبين إلي يشوفهم يستحقّو، ويتحمّل مسؤولية قراراتو، موش يطبّق تعليمات غيرو.

المنتخب الوطني ما يتبناش بـ”قالولي”… يتبنا بقناعات واضحة، وشخصية قوية، ومدرّب يكون هو صاحب القرار…

معين الشعباني، بالنسبة ليا، هو أكثر مدرب تونسي يستحق يكون على رأس المنتخب في الوقت الحالي، وعن جدارة واستحقاق. وحتى حد ما ينجم يشكك في النجاحات اللي حققها في السنوات الأخيرة، سواء في تونس، ولا في مصر، ولا في المغرب.

أما خويا، الظرف اللي باش دجي فيه صعيب برشا. المكتب الجامعي خسر ثقة أغلب الجماهير، والمنظومة الكل ما عادش عندها المصداقية عند الناس. الضغط باش يكون كبير، والتشكيك باش يرافق أي قرار وأي نتيجة.

وهذا علاش طالبنا من الأول بمدرب أجنبي، موش خاطرنا ضد المدرب التونسي، بالعكس، أما خاطرنا نشوفو اي مدرب تونسي مهما كانت قيمتو باش يلقى صعوبة كبيرة يخدم في الظروف هاذي.

إن شاء الله ما يكونش معين هو “الحربوشة” الجديدة اللي تستعملها المنظومة باش تهدي غضب الجماهير وتسكّت الشارع.

معين مدرب باهي، ولدنا، خدام، وربّاح، ونتمنى يطول مشواره في النجاح.
وإن شاء الله يجي نهار ويشد المنتخب الوطني، أما بصراحة نتمنى ما يكونش توّة…

� ║ رسميًا ║ كريستيان براكوني مدربًا جديدًا للنجم الرياضي الساحلي 🇫🇷⭐

أعلن النجم الرياضي الساحلي تعاقده رسميًا مع المدرب الفرنسي كريستيان براكوني لقيادة الفريق الأول، في خطوة يعوّل عليها النادي لبناء مشروع رياضي جديد.

ويبلغ براكوني 65 عامًا، ويُعرف بخبرته الكبيرة في مجال التكوين وتطوير اللاعبين، كما سبق له الإشراف على عدة أندية فرنسية، وعمل أيضًا ضمن الإطار الفني للترجي الرياضي التونسي، حيث قاد الفريق الأول في عدة مباريات وحقق نتائج إيجابية خلال فترة إشرافه المؤقت.

🔴 فهل ينجح كريستيان براكوني في إعادة النجم الرياضي الساحلي إلى منصات التتويج؟

في ظل تمسّك الوزارة بتعيين مدرب تونسي، مع تحديد سقف للراتب لا يتجاوز 10 آلاف دولار شهريًا…

❓ من ترونه الأنسب لقيادة المنتخب التونسي في المرحلة القادمة؟

🇹🇳 شاركونا بآرائكم، وإذا كان لديكم اسم آخر اكتبوه في التعليقات. 👇

اي و بالأمارة لتو المنتخب الفرنسي حزين عليك … 😏

شوف عيّش ولدي عملت مباراة و الا زوز باهين و قلناها يعطيك الصحّة ، اما ما تلحلهاش و ما تعيشش في اوهام ..

و رغم الازمة الي يعيشها المنتخب التونسي الا انو يبقى شرف ليك و لغيرك تمثيل المنتخب 🇹🇳

افرح توّة و اخدم على روحك و رد بالك راهي الدنيا دوّارة😉

🚨 يوسف بن سدرين (15 سنة) لاعب النادي الرياضي بقربة يتلقى دعوة رسمية لإجراء اختبار مع باريس سان جيرمان الفرنسي (PSG) 🔴🔵 في شهر أوت القادم!

كل الدعم والتوفيق ليوسف في رحلته لباريس، إن شاء الله ينورنا ويفتك عقد احترافي يشرّف بيه كورتنا وناديه الأم! العاقبة لصحّة العقد يا بطل!🇹🇳