Athletics Centro de Entrenamiento

https://www.farodevigo.es/ourense/2026/08/29/gimnasios-ourense-deporte-133768128.html?fbclid=IwdGRjcAUCSodwZG9mBWZkaWQWUNgPFPeQT1DvX-35JLFvb_SIWEsoLGV4dG4DYWVtAjExAHNydGMGYXBwX2lkCjY2Mjg1NjgzNzkAAR6PwPfdvIJSG78nmgsUSPvWq5nFMH0YvNH6qwshojem9n6MvcqsJS-xWPKuJw_aem_fpaLht6k6zt3bPrT6kHaOg

Los gimnasios ourensanos cambian el ritmo de la vuelta al cole: la demanda se retrasa hasta mediados de septiembre Los centros deportivos detectan que los clientes alargan cada vez más el verano, aumenta el interés por los entrenamientos dirigidos y cambia la motivación: «La gente viene por salud, ya no por querer bajar barriga por estética»

Seguro que algunha vez che pasou.

Estás facendo o mesmo adestramento ca outra persoa e, aínda así, parece que os resultados non chegan á mesma velocidade.

Pero progresar non depende só do que fas durante esa hora no ximnasio.

O descanso, a alimentación, o estrés, a experiencia previa ou incluso a forma de executar os exercicios tamén inflúen. Por iso dúas persoas poden seguir a mesma rutina e obter resultados diferentes.

Compararse cos demais adoita ser enganoso. O realmente importante é comprobar se ti estás mellor ca hai unhas semanas ou uns meses.

Ese é o progreso que merece a pena medir. 💪

Pódese adestrar durante o embarazo? Na maioría dos casos, si.

Nun embarazo sen complicacións e coa aprobación do equipo sanitario, manterse activa adoita ser seguro e beneficioso. O exercicio pode axudar a manter a forza, reducir algunhas molestias, mellorar o benestar e chegar en mellores condicións ao parto e á recuperación posterior.

Obviamente, non se trata de seguir adestrando exactamente igual. Co paso das semanas é normal ter que adaptar exercicios, cargas, intensidade ou descansos.

Tamén inflúe moito de onde partes. Non precisa as mesmas adaptacións unha muller que leva anos adestrando ca outra que comeza durante o embarazo.

En resumo, seguir adestrando (ou incluso comezar) é o mellor que podes facer nesta etapa. Iso si, a supervisión e a adaptación vólvense totalmente imprescindibles.

Por que varían o número de repeticións nun exercicio?

Porque non sempre se busca o mesmo.

Cando traballamos con poucas repeticións, normalmente usamos máis peso e o obxectivo adoita ser gañar forza.

Coas repeticións medias buscamos un equilibrio entre forza e desenvolvemento muscular.

E cando facemos máis repeticións, podemos acumular máis traballo cunha carga menor, algo moi útil en determinados exercicios, para mellorar a resistencia muscular ou para seguir progresando sen sobrecargar tanto as articulacións e os tendóns.

Por iso non hai un número "máxico" de repeticións.

O importante é que cada serie teña un sentido dentro do adestramento. E iso é o que fai que unha planificación funcione de verdade.