皇家馬德里香港球迷會 - Real Madrid Hong Kong Fans Club

[ ][ #會員招募]

申請連結喺留言 。

#皇家馬德里香港官方球迷會 2026-27年度會員招募/續會正式開始啦。即日起到8月10號做緊早鳥優惠，記得唔好入多錢呀！稍後我哋仲會喺adidas有球迷會招募日/禮品領取日，宜家入會/續會，到時就可以優先領取會員卡同會員禮品 。

2026-27年度會費(正價)：
入會：皇馬會員$250；本地會員：$300；
續會：皇馬會員$200；本地會員：$250。

早鳥優惠，10/8/2026前完成入會/續會，
入會：皇馬會員$200；本地會員：$250；
續會：皇馬會員$120；本地會員：$170。

#皇馬會員 同 #本地會員 有咩分別？喺留言慢慢話你知。

招募/續會截止日期：2026年8月30日

注意：新入會年費內其中港幣５０元為本會代皇家馬德里向會員所收取，作為皇家馬德里向官方球迷會會員所收取之費用，有關費用皇家馬德里收取為每位會員５歐元。

---------------------------------


#皇馬
#皇馬球迷會招募

唔想錯過最新內容？記住去「追蹤/Following」設定為搶先看/See First」！

[ ][ #書展活動]

有人支持皇家馬德里十年、二十年，有人甚至將呢份對銀河艦隊嘅熱愛，代代相傳。

作為「皇家馬德里香港官方球迷會」，我哋一路上見證過無數奇蹟之夜，捧過無數次歐聯大耳盃。但背後，最令球會自豪嘅，係一班無論風雨、不分凌晨，都一齊喺香港高呼 "Hala Madrid" 嘅你哋。

《如何在香港成為歐洲足球會的最強後盾》講座，聽日正式登陸會展！

今次，我哋會長 June 獲得 PartyDroid 嘅誠意邀請，將會代表皇馬球迷會，同另外四支英超及西甲球會代表首次同台對談！June 將會親自訴說，如何由一個普通madridista ，到成立呢個官方球迷會、凝聚香港皇馬力量嘅心路歷程。

📅 活動詳情：
📍 地點： 香港運動消閒博覽 - 主舞台區 (書展 5/F)
📅 日期： 7月17日（星期五）
🕕 時間： 6:15 PM
⚽ 主題： 《如何在香港成為歐洲足球會的最強後盾》

現場仲有球迷互動、足球問答，MC Hilda驚喜演出，仲有禮物送出，一齊黎玩，幫我哋會長 June 加油打氣！

7月17日，我哋會展5樓主舞台見！Hala Madrid！🤍

#皇家馬德里香港官方球迷會 #美凌格 #皇家馬德里 #香港書展 #香港運動消閒博覽

[ ][ #啟德市集][ #優先入會]

我哋喺啟德Airside嘅「足球派對」市集開咗喇，大家快啲嚟搵我哋Say個Hi、玩下遊戲攞獎品啦，嚟到仲可以即場入會架。

小遊戲嘅獎品將會送出由插畫家 @10號仔 繪畫嘅皇馬傳奇postcard，而即場入會仲會獲得會場限定入會禮品一份。所有獎品都係數量有限同先到先得，記得早啲到，約定你，到時見！

日期：7月11日星期六
時間：13:00-19:00
地點：啟德Airside，3樓

2026-27年度，新會員會費(早鳥)：
皇馬會員：HK$200 (持有皇馬Madridista Premium Card / Madridista Platinum Card)
本地會員：HK$250

---------------------------------

#皇馬

[ ][ #西班牙皇馬國際會員][ #解說]
[ #皇馬會員] [ #本地會員]

球迷會招募又開始啦，好多人問我哋，皇馬會員 同本地會員有咩分別，我唔直接答你，我用故事去答你，去片～

👷🏻‍♂️: 球迷會招募詳情入邊，我見佢有個會員係平d，叫做皇馬會員，點解嘅？咩嚟架？

🧏🏻‍♂️: 皇馬會員其實即係持有皇馬Premium Madridista Card/Platinum Madridista Card嘅會員，而呢張卡就要自己喺皇馬官網度申請嘅。

👷🏻‍♂️: 咁皇馬嘅Premium Madridista Card/Platinum Madridista Card 其實咩黎架？

🧏🏻‍♂️: 睇左皇馬咁耐，你唔係重未成為Madridista 呀？

👷🏻‍♂️: 弱弱一問.......乜嘢係Madridista 呀？

🧏🏻‍♂️：Madridista 其實係皇迷嘅統稱，而網站上面呢個Madridista Premium Card/Platinum Madridista Card，簡單啲講就係皇馬課金會員！不過呢個係西班牙皇馬官方嘅國際會員！除咗可以自我感覺良好外，更加可以享受一系列皇馬嘅專屬優惠。

👷🏻‍♂️: 再弱弱一問....咁佢地同你香港官方球迷會又有乜嘢分別啊？

🧏🏻‍♂️：其實我哋係香港皇迷嘅自發組織，之後向皇馬申請認可，最終成為官方球迷會👑👑被皇馬授予負責部分地區服務，因為皇馬再神通廣大， 都好難支援到全世界嘅球迷🙆🏻‍♂️🙆🏻‍♀️，所以我哋喺皇馬內部有登記，而運作亦要受皇馬規管。我哋香港官方球迷會會為自己嘅會員提供服務或者一啲地區優惠，另外我哋都有同世界各地嘅皇馬球迷會聯絡，希望可以將更多有用嘅資訊帶到俾大家💪🏻！

🧏🏻‍♂️: 所以，如果你打算申請成為皇馬Madridista，唔好唔記得都要支持埋我哋香港球迷會啊，咁樣我哋先至可以帶到更加多嘅優惠俾大家架😊。

🧏🏻‍♂️: 詳細Madridista嘅offer你可以自己官網睇👇🏻，我實際啲同你分享下我哋最直接咁Enjoy 到啲乜😉：

- 已經由實體卡轉成Digital Card ( 咁就唔會唔記得帶啦）
- Real Madrid Online store 85折 (就算佢做緊特價都可以再折)
- 全線皇馬官鋪全單95折 (拎住非EU passport買夠€25仲可以退稅)
- 主場比賽可以比普通人做番隻早鳥，咁就可以早啲set好行程去朝聖（正如join 我哋個會都有早鳥優惠咁）
- Lucky Draw (皇馬自動抽，抽中有email通知，D奬品真心正，不過地獄黑仔王嘅我都唔係浪得虛名🧏🏻‍♂️，期望你中咗獎就嚟分享下）
- Bernabeu Tour 皇馬主場自由行都有8折
- Bernabéu stadium 食嘢買嘢都有折
- New Join 好似有份入會禮物 （不過我身邊個個都入晒👑，所以我就吾知最近點，不如你話我知啦！😈）
-RM play 皇馬快報全面睇，做個掌握資訊花生仔🥜

🧏🏻‍♂️: 另外你要留意💁🏻‍♀️💁🏻‍♂️，madridista身份係每年自動續卡，簡單啲講即係話你第一次用信用咭俾錢後，下一年皇馬會自動喺同一張卡扣錢，如果你張信用卡之後過咗期，佢就會扣唔到錢，咁個會籍就會斷咗㗎啦(咁當然要申請返都好簡單，Send個email俾佢哋再俾錢就得㗎啦🙂，好似我今年咁)。

*Madridistas官方介紹去留言睇。*

👷🏻‍♂️: ok，依家即刻馬上去申請😉。

#以上純粹個人經驗
#一切條款以皇馬官方網頁為準
#頭盔要先帶好

[ ][ #啟德市集][ #優先入會]

話咁快球迷會2025-26季度就嚟到尾聲，即係又要準備新季2026-27嘅會員招募。近日我哋亦收到唔少PM查詢申請入會嘅野。

適逢球迷會嚟緊嘅星期六11/07下午將會喺啟德Airside參加「足球派對」市集，正好藉呢個機會接觸下球迷，解答下問題，同大家玩下遊戲送下禮品，同埋幫大家做個一日限定嘅優先入會啦。

日期：7月11日星期六
時間：13:00-19:00
地點：啟德Airside，3樓

2026-27年度，新會員會費(早鳥)：
皇馬會員：HK$200；本地會員：HK$250

各位球迷歡迎嚟搵我哋Say個Hi、玩下遊戲攞獎品，同埋可以優先即場入埋會。遊戲獎品將會送出由插畫家 10號仔 繪畫嘅皇馬傳奇postcard，而即場入會就會獲得會場限定入會禮品一份。所有獎品都係數量有限同先到先得，記得早啲到，約定你，到時見！

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

[ ][ #球迷投稿]

好耐無收到投稿喇，好開心又收到皇迷嘅投稿🥳，今次佢並非講球隊喺某場波嘅表現，至於佢表達咗咩意見🤔？又或者抒發咗咩情感😗？咁就要大家自己睇喇🤪，亦歡迎大家理性地討論📝！
👇🏻

筆者其中一個比較喜歡嘅球員、教練，就係去季初上任嘅 #沙比阿朗素 （ 龍帥 ），球員時期已經好有紀律、亦十分聽從教練嘅指示，及後為了後輩嘅發展與成長而離開球隊🥲。經歷不同球隊的效力，跟住不同嘅教練學師，為佢嘅教練生涯奠定了基石。

順利成章，掛靴後嘅佢確實成為了一個教練，由青年軍開始執教鞭，到不敗奪得德國國內雙冠王，亦只係短短三數年時間，足證佢嘅足球智慧與膽識。隨着安帥宣布離隊，沙比嘅到來亦係順利成章嘅事🥳。筆者因為佢嘅緣故，而多咗睇利華古遜嘅比賽：集百家之大成嘅沙比，深知一隊波決不可能用死「勝利十一人」，所以佢會用以老帶新、適切輪換嘅方法，磨合全部球員，加上用不同戰術應付不同球隊，令其他隊伍無得「捉路」，亦使到正選後備都會有一定默契💪。

當場上嘅球員未能透徹執行指令，佢毫不猶疑、果斷地換人，筆者記得嗰次仲要係歐洲賽事嘅上半場30分鐘左右，可見其公平性、紀律性、執行性，以及用狀態定正選嘅方式，令一眾球員也臣服於佢，因而第二季促成全員留隊賣命👍！

返嚟我皇執教短短半季，佢就黯然離隊😭。離開之時，不發一言，亦没有因為傳媒嘅猜想，而道盡前東家或球員之不是，十分君子之舉！回看返佢執教嘅半季，球隊表現真的如媒體所傳般，那麼不堪入目嗎🙉？接手一隊波，真的可如打機般，不用經過日子累積、高低起伏，㩒幾下手掣按鈕，就能夠輕輕鬆鬆咁，解決所有現象級或潛在嘅問題嗎🎓？為何龍帥於前球會取得空前成功、球員能忠心不二地為其賣命🧐？

筆者相信上述嘅問題，衍生於球員由自由踢法，變成戰術性踢法；教練由寬鬆自在，變成紀律嚴明；教練話語權不足、江湖地位不高等等……

如果💭……龍帥他日回朝督師，相信佢已經位列「一代名帥」嘅殿堂🫶🏻！

筆者正為此文收筆之時，龍帥已成為新任「車長」，此消息卻教筆者摸不着頭腦、深感疑惑、充滿問號🤔。話雖如此，筆者仍衷心祝福龍帥能夠安全駕駛、開行引擎、全速前進，再次駛往「一代名帥」嘅高速公路🏎️！

撰文： #青衣誠

我皇教頭自沙比阿朗素之後，輾轉經過艾比路亞，再到回巢帶隊下季嘅摩連奴，唔知大家對上兩位教練，或下季嘅教練又有咩諗法呢？如果大家有咩關於我皇嘅野想同其他皇迷分享，都歡迎向我哋投稿。

---------------------------------

#皇馬

唔想錯過最新內容？記住去「追蹤/Following」設定為搶先看/See First」！

[ ][ #西甲]

雖然世界盃正進行得如火如荼，但都唔好忘記西甲呀！

開咧第一週，8月16日，主場迎戰皇蘇，收咧第三十八週，主場迎戰拉科魯尼亞。

另外，仲有重要嘅 #國家打吡 ，首輪會喺10月25日嘅第十週舉行，由我皇先作客，次輪主場就要得到出年嘅5月9日第三十五週。

至於另一重要戲碼 #馬德里打吡 ，就會9月20日第七週比賽先作客，到4月4月第三十週先返主場上演。

大家記得mark實呢幾個重要日子，一齊撐皇馬呀！

---------------------------------

#皇馬
#皇馬西甲

唔想錯過最新內容？記住去「追蹤/Following」設定為搶先看/See First」！

[ ][ #世界盃]

世界盃進入到第三場分組賽階段，而 #巴西 亦率先於今早完成比賽，以7分出線C組第一名。總計3場比賽， #雲尼 表現亮眼，取得4球1助，甚至連續3場成為比賽最佳球員。而且佢亦成為繼1970年查仙奴、1994年 #羅馬里奧 、2002年 #李華度 同 #朗拿度 之後嘅第5位巴西球員成功喺3場分組均取得入波。

雖然雲尼表現出色，但相信總有人會雞蛋裡挑骨頭咁去繼續搵野向佢作出批評。希望雲尼喺淘汰賽可以繼續出色表現，用行動帶領巴西向前。

PS：上述4位巴西球員於當屆勻成功捧盃。


---------------------------------

#皇馬

唔想錯過最新內容？記住去「追蹤/Following」設定為搶先看/See First」！

[ ][ ]

Playing from day to night！

感謝 adidas Hong Kong 邀請！皇馬球迷會派出會員 Kelvin、Sunny、Alan、Jack、Taison，同隊長 Dennis 組成「香港皇迷」出戰 The Yard Cup 2026。

首戰以 6-5 擊敗香港記者協會，
其後以 3-4 惜負 Rainbow。

兩場比賽比分都非常接近，可見賽事節奏緊湊、對抗激烈。雖然未能晉身四強，但球員們都表示非常享受，因為有機會體驗多種獨特街頭球例，例如 Hand of God、1 on 1、The Floor is Lava（禁區及中圈不能進入）以及 Tiny Ball（使用1號波）。

另外仲要多謝各位親身到場支持嘅球迷 。

IG 會放片，未follow 我哋記得follow返

#踢出我態度

[ #西甲][ #皇馬][ #荷西摩連奴][ #官宣]

🚨HERE WE GO🚨
👋 ¡Bienvenido, Mourinho! 👋
皇馬正式官宣The Special One嘅 #摩連奴 正式上艦‼️
隨著皇馬大選正式告一段落，外界一直盛傳 #佩雷斯 已經同摩連奴及賓菲加簽好條款，下季執掌我皇嘅帥印，由99% confirm到 #2026世界盃 前夕正式💯% confirm!
摩daddy明言將會從核心嘅內圍解決核心嘅問題！將會帶領皇馬再度衝擊冠軍！

球迷會仝人祝賀摩連奴回歸皇馬，馬到功成，武運昌隆！亦衷心感謝 #阿朗素 及 #艾比路亞 本季為我皇嘅付出，祝願佢哋前程似錦，萬事亨通！

Comunicado Oficial: José Mourinho.
🔗 https://bit.ly/ComunicadoMourinho

Official Announcement: José Mourinho.
🔗 https://bit.ly/OfficialAnnouncementMourinho

The Board of Directors of Real Madrid C.F., meeting today, Thursday, June 11, and presided over by Florentino Pérez, has agreed to appoint José Mourinho as the first team's head coach for the next three seasons, until June 30, 2029.
José Mourinho will join Real Madrid on July 13, the day preseason begins.

-------------------------------------------------




#皇馬西甲

唔想錯過最新內容？記住去「追蹤/Following」設定為搶先看/See First」！