Artabros CrossFit

Cindy + DT, a combinación perfecta para un adestramento potente ✅

A nosa alumna Yoli recibiu un comentario que nunca debería ter lugar en pleno século XXI: chamáronlle “aldeana” por falar galego.

Yoli é galegofalante desde pequena. Fala a lingua do país con naturalidade, orgullo e respecto, como fixeron antes ca ela xeracións de galegas e galegos. Por iso resulta especialmente triste comprobar que aínda hoxe haxa quen pretenda ridiculizar ou menosprezar unha persoa por empregar a súa lingua propia.

Falar galego non é un motivo de vergoña. Nunca o foi. É unha riqueza cultural, unha herdanza colectiva e unha parte fundamental da nosa identidade.

En Ártabros defendemos o deporte, a inclusión e o respecto, pero tamén apostamos pola nosa lingua. Porque o galego é de todas e todos, vivamos onde vivamos, veñamos de onde veñamos e falémolo con maior ou menor frecuencia.

O que debería sorprendernos non é que alguén fale galego. O que realmente debería sorprendernos é que, a día de hoxe, aínda existan prexuízos contra quen o fala.

Toda a nosa admiración para Yoli e para todas as persoas que seguen mantendo viva a lingua cada día, con absoluta normalidade.

💙 O galego non resta. O galego SUMA, e moito.

Desbloqueado 😏🔓✅

Un exercicio de mobilidade ideal para gañar flexión dorsal de nocello 👌

baseado en feitos reais 😂

Moita xente sorpréndese de que Elvira e Santi saquen tempo para adestrar tendo fillos, traballo e mil cousas no día a día.

Pero eles téñeno claro: se queres, podes 💙

Santi chegou a Ártabros nun momento no que non se vía ben consigo mesmo, entrando na crise dos 40.
Elvira tiña clarísimo que quería volver facer deporte e sentirse mellor.

E case sen darse conta, Ártabros acabou converténdose nun espazo para eles.
Para coidarse, desconectar e compartir algo xuntos máis alá da rutina 🔥

Porque ás veces non se trata de ter tempo.
Trátase de priorizarse.

Diferentes obxectivos.
Diferentes ritmos.
Diferentes historias.

Pero todos compartindo o mesmo espazo, o mesmo esforzo e as mesmas ganas de mellorar 💙

En Ártabros cada atleta aporta algo ao grupo:
quen empeza, quen leva anos, quen vén competir e quen simplemente busca sentirse mellor no seu día a día.

Porque aquí o importante non é ser igual.
É avanzar xuntos 🔥

Este é o mix que fai especial a nosa comunidade.

desbloqueado 😏✅🔓

“Como fas para estudar Enxeñaría Mecánica e adestrar tanto?” 🤔

É unha pregunta que lle fan a Nacho.
E a resposta tena clarísima:

“Para min adestrar é como comer ou durmir. Necesítoo.”

Con 22 anos, compaxina a carreira universitaria cos adestramentos en Ártabros, sabendo que require organización, constancia e algún sacrificio. Pero tamén ten claro algo importante 👇

⚖️ Na balanza pesan moito máis os beneficios.

Máis enerxía.
Máis disciplina.
Máis saúde física e mental.
Mellores resultados académicos.
E un momento do día para desconectar de todo o demais.

Porque ás veces non se trata de “sacar tempo”
Trátase de decidir que cousas son importantes para ti 💙

Hoxe tocou sesión de restauración na box 🛠️ lixar, limpar e deixar listas esas kettlebells que levan centos de swings, cleans e goblet squats ás costas 😮‍💨

que che parece o antes e o despois?