نوستالجيا أهلي

نوستالجيا أهلي الجانب المضئ من كره القدم ��

انا مش طالع اقول مبررات ولا اقول أني خسرت عشان مفيش تكافؤ فرص الخ الخ انا طالع اتكلم عن حاله فريقي الفنيه الهزيله انا لي...
31/05/2022

انا مش طالع اقول مبررات ولا اقول أني خسرت عشان مفيش تكافؤ فرص الخ الخ انا طالع اتكلم عن حاله فريقي الفنيه الهزيله انا ليه مش مقتنع اني بطئ في التحضير ليه خالص الجوده سيئه بالكوره جدا مفيش لاعب واحد في الأهلي بيعرف يستلم في وضعية محجوبة "ضهره لمرمى الخصم" وبيعرف يتفادى الضغط ويطلع بالكورة عشان كده موسيماني كان بيلاعب حمدي ستوبر بين قلبين الدفاع في أحيان كتيرة ببساطة لأنه مش هيعرف يعمل أي شىء إلا في الوضعيات المفتوحه كاشف الملعب ب ال 360 درجه
وعشان كده عشان كده لما اتقفل ع معلول بقا دا شكلك ي صديقي اللي فاكر أن معلول مجرد ظهير وخلاص يبقي غلطان معلول 60% من قوه الاهلي الهجوميه معلول بقاله تلت سنين مثلاً أهم لاعب في الاهلي في مرحلة التدرج بالكرة ⚽🤝
كابتن محمد هاني في النادي الاهلي وهوه عنده 8 سنين
عايز اعرف هوه ازاي متعلمش أساسيات مرجعيات الدفاع ازاي طب هوه مثلا ممكن مبيدافعش كويس 😃
عنده حلول هجوميه مثلا من ساعه ما دخل النادي مرفعش اوفر صح 😏
بديله كابتن كريم فؤاد لاعب واعد ويستحق فرصه اكبر ليه مجهزتش كريم نفسيا أنه يكون جاهز في اي وقت
طب سيبك من محمد هاني انت قاعد تلعب كور طويله ليه ومعندكش فرود بيلعب بدماغه غير حسام حسن اللي قاعد بره ده اللي شارينيه ب 25 مليون بلبل ي عيني والله كابتن بيبو الله ي خطيب لازم يتحاسب ع الصفقه دي
مفيش مبرر وحيد في الملعب يخلي بيرسي تاو موجود الا انك بتحب وتكرهه عادي والله أو مراتك مسمسره فيه انا مش لاقي أي مبرر لكده الصراحه 🤝😃
الاهلي محتاج باك يمين ويفضل احمد السيد عبد النبي الباك اليمين بتاع الناشئين
ناحيه الشمال محمد شكري لازم يرجع من سموحه في اخر الموسم
ولاعيب رقم 8 ويفضل يكون محمد رضا بوبو لاعيب فيوتشر
والاهلي محتاج جناح يمين مش شرط يكون محترف
كان انسب لعيب هيفيدك في المكان دا احمد سمير بتاع الطلائع بس انت روحت جبت ميكسيوني عشان عمل قدامك ماتش حلو ومحتاجين فرود يكون شامل يكون بيلعب بدماغه كويس جوه البوكس كويس بره البوكس بيرقص عادي والكوره سهله ف رجله وياريت تجيب كواليتي عاليه
سيبك من شغل بادجي وازارو وبواليا انا عاوز موليكا ي جدعان باي تمن ⚽☺️
رقم 10 يكون فيه قفشه ومحمد محمود يخش معاه وكان عندك لاعيب يفصل من اللي ف مصر كلهم عشره لاعيب اسمه احمد حمدي اللي انت رميته عشان خاطر حسام البدري ⚽🤝
شويه الكسر بقا اللي زي صلاح محسن بيع بيع ميكسيوني خلي شريف والشحات وطاهر بدلاء وكهربا أما يرجع ياخد فرصته كامله ⚽🤝

احنا استحملنا بما فيه الكفاية والله ولازم كل دا يحصل لو عاوزين تغيير فعلا إنما معملتش حاجه ونزلت بيان محترم وهتجيب صفقتين فيهم سمسره يبقا بلاش منها احسن ومنتفرجش ع كوره تاني ⚽❤️🤝

الناشئين، في الكوره قطاع الناشئين هما مستقبل اي نادي سواء فنيا او ماديا.انديه زي دورتموند وتشيلسي مثلا هنلاقي انها بتستف...
24/04/2021

الناشئين، في الكوره قطاع الناشئين هما مستقبل اي نادي سواء فنيا او ماديا.

انديه زي دورتموند وتشيلسي مثلا هنلاقي انها بتستفيد من قطاعات الناشئين دي في صوره ماديه ولنا في ديمبيلي عبره وعظه وتشيلسي صاحب اكبر عدد ناشئين معار لانديه في الدوري الانجليزي بما يقرب ٤٣ لاعب او اكتر شويه، وانديه الصف التاني والتالت بتعتمد على نفس المنوال خصوصا ان الانديه دي عندها اقتناع تام بانها مش هتقدر تجاري انديه الصف الأول ابدا فبتحاول تستفيد بشكل او بآخر من الناشئين.
اما انديه زي برشلونه ف اعتمادها الكلى على الناشئين من حيث المنافسه على البطولات سواء دوري او أبطال أوروبا، للسبب ده قطاع اللامسيا هو واحد من أفضل قطاعات الناشئين في العالم، اكيد طبعا لازم يكون في جانب مادي لكن الكلام عن الاستفاده الأكبر هنا.
أياكس وهولندا عموما بتتبع نظام هجين مابين الفايده الماديه والمعنويه، أياكس هي المثال الأكبر قدر يستثمر فنيا من لاعبي زي دي يونج ودي ليخت بعد كده قدر يستثمر فيهم ماديا بعد بيعهم لانديه برشلونه واليوفي بمبالغ كبيره.

قطاعات الناشئين بتمثل عائد مادي وفني عظيم في كره القدم والأندية صاحبه القطاع الاقوى هي اللي بتضمن استمراريتها في الكوره، وعشان كده انديه إيطاليا بسبب ندرة المواهب الفتره السابقه وعدم وجود قطاعات ناشئين قويه فهي حاليا خارج السباقات الاوروبية وحتى ده أثر على المنتخب بذاته ويمكن ده ظهر اكتر في آخر نسختين في كأس العالم وان إيطاليا بذاتها محضرتش النسخه الاخيره.

مع انتقالنا للمنتخبات فنروح لألمانيا وفرنسا دول أيقنت ان الحل الوحيد للاستمرار والهيمنه على المستوى المحلي والعالمي هو قطاع الناشئين، وفعلا اشتغلوا على الفكره دي وقدروا يطلعوا مجموعه ناشئين هي الاقوى حاليا ومعظم انديه الصف الأول صعب ماتلاقيش فيها لاعب ألماني او فرنسي ده على مستوى الانديه اما على مستوى المنتخبات ف هتلاقي ان اخر نسختين لكأس العالم حصلت عليهم ألمانيا وفرنسا وده دليل قوي على نجاح المشروع الخاص بالدولتين دول كرويا، اكيد من الممكن أن يحصلهم بعض السقوط والخسارة لكن اكيد هيكون من السهل انهم يرجعوا بسرعه خصوصا انهم أصحاب مشروع واضح.

أسبانيا والبرتغال وهولندا برضه أصحاب قطاعات ناشئين قويه وحاليا بتتحرك في نفس السياق ده إيطاليا وإنجلترا، يمكن إنجلترا ظهر عليها بعد نجاحها في الحصول على المركز التالت ف النسخه الاخيره من بطوله كأس العالم، وإيطاليا بدأت تستعيد جزء من قوتها بعد وجود عده لاعبين مميزين على مستوى قطاعات الناشئين.

من كل اللي فات ده لام الدنيا مصر، مصر عندها كرويا مجموعه من أفضل المواهب على مستوى أفريقيا ومع بعض الاهتمام ممكن يسطروا أسمائهم على المستوى العالمي، لكن عندنا اسوء قطاعات الناشئين على مستوى أفريقيا والعالم، خصوصا ان لو سألت نفسك كام ناشئ في مصر اخر ١٠ سنين ظهروا على الساحه واستمروا بنفس المستوى هتلاقي العدد قليل وسهل جدا انك تحصرهم على صوابع الايد، وده يرجع لان اللي اللاعيبه بتتعلمه في مراحل الناشئين، بيتغير تماما لما بيتصعد فريق اول، ضيف على ده كمان ان في قطاع الناشئين بيوقف اللاعب عند نقطه معينه بيكون عندها غير قابل للتطور حتى في السن الصغير، رمضان وتريزيجيه وصلاح وغيرهم هنلاقي انهم اتطوروا في نقط كتيره في حاجات ضمن أساسيات اللعبه لما اتصعدوا او بالأحرى لما اتعاملوا مع مدربين في أوروبا،
صلاح تطور على ايد سباليتي ورمضان على أسد فايلر مثلا وكلنا شوفنا التطور ده للاتنين.

وكمان قطاع الناشئين في مصر مش مبنى على نظام لعب معين، بمعنى في برشلونه واياكس لو لاعب اتصعد للفريق الأول فأكيد اول حاجه هتقول انه مميز في لعب الكوره ومناسب لطريقه لعب الفريق وهتبدا تعد ف الخصائص اللي فيه والمناسبه للفريق، ولو انتقلت للريال هتلاقي ان اللاعب اللي بيتصعد مناسب لأسلوب لعب الفريق، العكس عندنا بنطلع لاعب صاحب موهبه عاليه و بنتوقع ليه مستقبل عالي لكن من غير مانعرف هل هو مناسب لأسلوب لعب الفريق ولا لا عشان كده هنلاقي لاعيبه كتير بتتصعد للفرق الأولى لكن مش بتشارك كتير او لو تم اعارتها فهي مش بتشارك ولاهتشارك ولو شاركت فهيكون لوقت قليل وده مش عيب ف قدراتهم الفنيه اكتر من انه عيب منظومه مقدرتش تستفيد من إمكانيات اللاعب في نظام لعب معين، سواء طريقه زي برشلونه او سيتي بيب او ريال زيدان وتوتنهام مورينهو.

مما سبق نستنتج ان قطاعات الناشئين في مصر عندها مواهب لكن بدون اي وعي تكتيكي وعشان كده بنلاقي اللاعب اللي بيتصعد فريق اول ف اول مباراه رسميه بيكون نشاذ بالنسبه لباقي المجموعه، وده مش عيب لاعب اكتر من انه عيب تأسيس

السوبرليج، مابين الحرب الاقتصاديه وقتل التنافسيه.سؤال اي معيار اختيار الانديه هل من اجل التنافسيه، وليه الانديه الكبرى ب...
21/04/2021

السوبرليج، مابين الحرب الاقتصاديه وقتل التنافسيه.

سؤال اي معيار اختيار الانديه هل من اجل التنافسيه، وليه الانديه الكبرى بالأخص؟؟

الموضوع مش تنافسي يعني بيريز وانييلي مختاروش الانديه الكبرى في كل دوري عشان هما فرق صاحبه بطولات زي الريال وبرشلونه و اليونايتد والميلان لان هنلاقي فرق ملهاش بطولات زي الارسنال وتوتنهام والسيتي، فبكده فكره الصيت الأوروبي والبطولات مش هو مقياس الاختيار، طب هل الأداء القوي والتنافسي بعيد عن الحصول على البطولات الاوروبيه، لو دورت كويس هتلاقي ان مش ده المقياس برضه والدليل ان كفه الارسنال وتوتنهام والميلان الفتره الاخيره مش متساويه مع فرق زي الريال وبرشلونه و البايرن، لو حتى مستوى الفرق اخر ٣ - ٤ سنين فلا المستوى مش متقارب خالص والدليل على كده ان الريال وبرشلونه والسيتي والليفر في دوري الأبطال، الميلان وارسنال و توتنهام دوري اوروبي، حتى الانتر اخر سنتين في دوري الأبطال موسم مركز تالت ولعب دوري اوروبي وموسم مركز رابع وخرج من المجموعات.

استنادا على ده كله ف كلام بيريز عن التنافسيه و النديه اللي بتكسرها الانديه المتوسطه والصغيره ماهو الا اكليشيه اتحفظ بس، ولو دورنا اكتر هنلاقي ان معظم النتايج الكبيره بتحصل في ماتشات المفروض فيها نديه والامثله كتيره، لكن في ماتشات كانت قويه بين الفرق الكبيره والفرق المتوسطه والصغيره احيانا، كمان ضيف على ده الانديه اللي ظهرت اخر ٥ سنين على الساحه بقوه زي لاييزيج واتالانتا وغيرهم من الفرق اللي بتظهر على الساحه الاوروبيه كل موسم.

طب اي الاجابه المنطقيه للاختيارات دي؟؟

هنلاقي الاجابه بتتمحور حول كلمه واحده (الجماهيريه)، غالبية الفرق دي هنلاقيها كلها انديه جماهيرية وللسبب ده هتلاقي مثلا في اسبانيا اختاروا البارسا والاتليتي، ألمانيا البايرن ودورتموند و لاييزيج، إيطاليا الميلان والانتر واليوفي - لجل عيون انييلي -، اما إنجلترا ف هنلاقي ليها النصيب الأكبر ب٦ فرق، لأن المعروف ان الدوري الانجليزي هو الدوري الأكثر جماهيرية على مستوى العالم.

السؤال التاني : اي اللي ادي لده كله؟؟

الويفا في دوري الابطال بتساوي كل الفئات مع بعضها بمعنى فرق الصف الأول زي فرق الصف الرابع من ناحيه العوائد الماديه لما الفرق بتصعد لدوري المجموعات ودا سبب حرج للفرق الكبيره خصوصا ان ميزانيه فرق التصنيف الأول مش بتتساوي مع فرق التصنيف الرابع، ده غير كمان ان مكسب الويفا من دوري الأبطال بياجي من خلال الفرق الكبيره مش الصغيره والدليل ان نسب مشاهدات ماتش بين فرقين كبار بيكون أعلى بكتير من مشاهدات ماتش بين فرق متوسطه او صغيره، ف بمنطق الانديه الكبيره ان لازم يحصل عدل ليهم وان مينفعش فرق التصنيف الأول يتساوى مع فرق التصنيف الرابع او التالت.

السؤال الأهم : ليه التراجع عن الفكره؟

اتحادات الانديه هي السبب، في البدايه الاتحاد الألماني والفرنسي كان رافض الفكره من الأساس، وده بسبب سياستهم مع الانديه، يعني مثلا الاتحاد الألماني هنلاقي الانديه ماشيه بنسبه ٤٩ ل٥١ مابين الملاك والاتحاد الألماني عشان الاحتكار، والاتحاد الفرنسي ماشي بمشروع برضه بس الصراحه معرفش بالظبط اي هو، اما الاتحاد الانجليزي فهو المعارض الأكبر للفكرة وده يرجع لان العوائد المالية الكبيره للمسابقة دي هتقلل المنافسه على بطوله الدوري الانجليزي خصوصا ان حتى لو حد من السته الكبار هبط لدوري الدرجه التانيه الانجليزي فهو مش هتفرق معاه لانه كده كده موجود في البطوله دي وهيلعب مع فرق التصنيف الأول، ضيف على ده التنافسيه هتقل بين ال٦ الكبار في الدوري الانجليزي والمتعه هتقل وبكده المشاهدات هتقل لأنهم كده كده هيلعبوا ضد بعض في منافسه اكبر وبطولة أقوى وعوائد اكبر ومكسب اكير بكتير، واللي كان مقوي بيريز وانييلي هما فرق الدوري الانجليزي مش فرقهم وده بسبب جماهيرية الدوري الانجليزي وفرقها.

بيريز وانييلي كانوا حاطين كل امالهم على ال٦ الكبار في الدوري الانجليزي، لأن دول اللي هيضمنوا ليهم الحضور الجماهيري والعوائد الماليه الكبيره من مشاهدات للإعلانات لغيرها من الأمور والا كان ممكن يختاروا من الدوري البرتغالي مثلا زي بورتو و بنفيكا او الدوري الهولندي زي أياكس، أو الدوري التركي زي جالاتاسراي وفنرباخشه، وغيرها من الدوريات، لكن لان المكاسب كبيره جدا تتخطى ال٣ مليار يورو للنادي الفايز بالبطوله دي فكان لازم يغطوا ده بأكبر حمله دعايه وإعلانات وكمان مشاهدات كبيره وده مكانش هيتحقق من غير فرق الدوري الانجليزي ⚽💪🤚

ريال مدريد وليفربولحابب ابدا كلامي عن الماتش ده بزيدان، زيدان مش المدرب صاحب المشروع او صاحب الهويه لكنه مدرب مباريات مع...
07/04/2021

ريال مدريد وليفربول

حابب ابدا كلامي عن الماتش ده بزيدان، زيدان مش المدرب صاحب المشروع او صاحب الهويه لكنه مدرب مباريات معينه زيدان مدرب الهروب من الرقابه، مدرب بيظهر بشكل معقول ومميز طالما بيلعب ضد مدربين بيعتمدوا على شكل من أشكال الرقابه الفرديه، زي اتلانتا مثلا اللي قدر يكسبها بل وكمان يتفوق عليها في اوقات كتير جدا، مدرب بيقدر يعمل خلخله في الانظمه دي بسبب العشوائية اللي بيعملها زيدان، لكنه مثلا مش مميز ضد الفرق اللي مش بتعتمد على النظام ده، عشان كده خسر قدام السيتي لان بيب مش بيلعب على النقطه دي واكيد لو قابل فريق غير ليفربول بيعتمد على نظام مختلف سواء في الرقابه او الضغط اكيد مكانتش النتيجه هتبقى بالشكل ده.

من زيدان لكلوب ونظام الضغط الخاص بيه، كان في بوست سميته كيف تهزم يورجن كلوب وتقريبا من بعد البوست ده وكلوب مش شايف قدامه 😂😂
المهم للاختصار لينك البوست هيكون هنا وده بيتكلم عن نظام الضغط الخاص بكلوب وف نفس الوقت كان في حاله شبه الهدف الاول للريال واللي هتكلم عنه هنا

ننزل للصور

الاهلي والمريخ.كلامي المبدأي هيكون عن الهدفين اللي دخلوا في الاهلي واي المشاكل الموجوده في الاهلي تقريبا من بدايه الماتش...
04/04/2021

الاهلي والمريخ.
كلامي المبدأي هيكون عن الهدفين اللي دخلوا في الاهلي واي المشاكل الموجوده في الاهلي تقريبا من بدايه الماتش وكانوا اسباب صريحه في دخول الهدفين في مرمى الشناوي.

ننقل للصور

بعيدا عن ماتش النهارده 💔⚽نوعيه اللعيبه المجتهده اللي زي ياسر ابراهيم بتجبرك أنك تحترمها وال 70% اللي عنده بيدهملك كلهم و...
03/04/2021

بعيدا عن ماتش النهارده 💔⚽
نوعيه اللعيبه المجتهده اللي زي ياسر ابراهيم بتجبرك أنك تحترمها وال 70% اللي عنده بيدهملك كلهم ومبيبخلش ومبيستخباش وعنده شخصيه ووقت ما تحتاجه بتلاقيه ⚽

كره القدم للرجال وخير رجالها ياسر ابراهيم مش من فراغ والله ⚽🔥

فايلر ام موسيماني؟؟؟؟؟الفتره الاخيره خصوصا بعد الأداء الضعيف الفتره الاخيره كان بيتقال ولا يوم من أيام فايلر، في اللي كا...
05/03/2021

فايلر ام موسيماني؟؟؟؟؟

الفتره الاخيره خصوصا بعد الأداء الضعيف الفتره الاخيره كان بيتقال ولا يوم من أيام فايلر، في اللي كان مؤمن بالجمله دي وفي اللي كان ضدها، القاعده بتقول ان اي مدرب للنادي الاهلي بيتم دعمه حتى في اسوء الظروف، لكن هل موسيماني مدرب جيد فعلا ام هو مدرب متوسط وجاء للأهلي فقط بسبب صيته وهزيمته للنادي الاهلي بخماسيه في دوري الأبطال؟؟
ببساطه عشان نجاوب على السؤال ده لازم نرجع لطريقه موسيماني في اللعب، الطريقه ببساطه شديده هي اللعب على المساحات اللي بتتوجد من ضغط المنافس على الفريق اللي بيمرنه موسيماني، بمعنى اخر بيعتمد على تفريغ المساحات في التلت التاني او التالت ويبدأ يلعب عليها، للسبب ده أفضل مبارايات موسيماني اللي تابعناها هي الاهلي وصن داونز 5-0 و مباراه الاهلي والاتحاد 4-0 والزمالك وصن داونز 3-0 ذهاب النهائي، مباراتي الوداد لأن المبارايات دي هي تقريبا المبارايات الوحيده اللي كان فيها المساحات اللي بيشتغل عليها موسيماني.
طب اي الاختلاف بينه وبين فايلر؟؟

فايلر دايما عنده حلول في البدايه اعتمد على اسلوب الاستحواذ وتجميع اللعب في نقطه معينه وتحرير الجبهه العكسيه من جراء التجميع ده، غير كمان النقل السريع للكوره سواء في مرحله التحضير او تدوير الكوره، اما الجزء التاني من طريقه لعبه وهي التحولات والفكره بتتمحور على أن الفريق المنافس يطلع بالكوره فيتم الضغط عليه في منطقه معينه ف الملعب ف اللحظه اللي اللعيبه بتكون خارج تمركزاتها الدفاعيه، ثم يتم ضربهم بالتحول السريع من الدفاع للهجوم في المساحات اللي اتوجدت من تفريغ المنطقه الدفاعيه للفريق أثناء التحول من الدفاع للهجوم.
فدى كانت اسباب كافيه لان فايلر ميعانيش ضد الفرق اللي بتلعب بتكتل دفاعي لان دايما هو عنده حلول، على عكس موسيماني اللي للمره الأولى بيلعب بره دوري جنوب أفريقيا واللي هي دايما بتعتمد على المساحات والمهارات الفرديه اكتر، عكس الدوري المصري اللي معظم الفرق بتعتمد على التكتل الدفاعي أمام انديه الاهلي والزمالك وبيطمحوا فقط لتحقيق النقطه.
الفتره دي بالأخص هتكون فتره ذبذبه لموسيماني لكن الأكيد لما يتعود على الأجواء دي ويلاقي حلول لفك التكتلات الدفاعيه، اكيد هنشوف نسخه أقرب لفايلر لان موسيماني عنده المقومات لكده ❤️⚽🔝

دول عايروني وقالولي ي اسمر اللون يالالالي صحيح انا اسمر وكل البيض بيحبوني يا لالالي ⚽🖤كل سنه وواحده من أفضل المواهب ال...
05/03/2021

دول عايروني وقالولي ي اسمر اللون يالالالي
صحيح انا اسمر وكل البيض بيحبوني يا لالالي ⚽🖤
كل سنه وواحده من أفضل المواهب اللي مرت ع تاريخ مصر بخير كنت تستحق مسيره أفضل من كده ي أباتشي ⚽🔝

ده اسمه الحارس النجم اللي هوه مستواه ثابت وممتاز ويوم ما فريقه بيحتاجه بيبقي موجود في اي وكل وقت ⚽🔥الشناوي تأثيره ع ارقا...
28/02/2021

ده اسمه الحارس النجم اللي هوه مستواه ثابت وممتاز ويوم ما فريقه بيحتاجه بيبقي موجود في اي وكل وقت ⚽🔥
الشناوي تأثيره ع ارقام الاهلي في الدوري وف افريقيا وبرده تأثيره الكبير ف كأس العالم للانديه افريقيا مايقلش عن علي معلول وسحر إليو ديانج وحرفنه أجاي ⚽🦅
إن لم تتفوق ع أحداهم في بعض الأحيان الكتيره بالمناسبه ...⚽🦅

Address

Tanta

Website

Alerts

Be the first to know and let us send you an email when نوستالجيا أهلي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category