مدرسة الأساليب لرياضات الدفاع عن النفس

  • Home
  • Egypt
  • Suez
  • مدرسة الأساليب لرياضات الدفاع عن النفس

مدرسة الأساليب لرياضات الدفاع عن النفس كونغ فو اساليب Wushu |
كيك بوكسينج Kickboxing |
وينج تشون Wing Chun
في السويس in Suez

هدفنا إعداد جيل رياضي ذو اخلاق رفيعة لتحقيق حلم البطولة

كابتن محمد عمر مدرب معتمد من الاتحاد المصري والافريقي للووشو كونغ فو ونقابة المهن الرياضية
حاصل على العديد من الدورات في مجال التدريب الرياضي للرياضة الكونغ فو
لديه كثير من ابطال الجمهوري في الاساليب
نحلم بصنع بطل اوليمبي في رياضة الكونغ فو

28/08/2026

الشقلبة الأمامية من اكتر المهارات الممتعة وكمان لما بنتعلم ازاي نستخدمها لتفادي السقطات
شجعوا معانا الأبطال في الكومنتات بكلمة حلوة من القلب🔥❤️
‏

كل خطوة بيخطوها بطل النهارده هي بداية لإنجاز أكبر بكرة 💪أبطالنا يتألقون في اختبار حزام الكونغ فو وسط ٥٠٠ لاعب من كل أندي...
27/08/2026

كل خطوة بيخطوها بطل النهارده هي بداية لإنجاز أكبر بكرة 💪

أبطالنا يتألقون في اختبار حزام الكونغ فو وسط ٥٠٠ لاعب من كل أندية السويس ، شجعوا أبطالنا في التعليقات بكلمة تحفّزهم وتفرّحهم

واكتر صور بطل هتاخد لايكات و كومنتات

هياخد معانا اشترك مجاني علي اشتراك شهر ٩

المسابقة هتنتهي يوم ٣١ اغسطس الساعة ١٢ بليل

يلا نشوف مين هيكون صاحب أكبر دعم لأبطالنا من جمهورنا الحبيب ! ❤️

Kickboxing fighter / Omar MostafaTrain with disciplineFight with confidenceWin with respect
05/08/2026

Kickboxing fighter / Omar Mostafa
Train with discipline
Fight with confidence
Win with respect

🥊 تحدي الأسبوع الماضي: ساعد غيرك من غير ما حد يطلب منكتخيل إن مامتك تدخل أوضتك... فتلاقيها مترتبة، وكل حاجة في مكانها، م...
12/07/2026

🥊 تحدي الأسبوع الماضي: ساعد غيرك من غير ما حد يطلب منك

تخيل إن مامتك تدخل أوضتك... فتلاقيها مترتبة، وكل حاجة في مكانها، من غير ما تقولك كلمة.

في اللحظة دي... بتبدأ البطولة الحقيقية. ❤️

إحنا كتير بنفتكر إن البطل هو اللي يكسب ميدالية أو يقف على منصة التتويج، لكن الحقيقة إن أول بطولة لازم يكسبها أي لاعب هي بطولة الأخلاق والمسؤولية داخل بيته.

علشان كده كان تحدي الأسبوع الماضي بسيط في شكله... لكنه كبير في معناه.

💙 التحدي كان: ساعد غيرك من غير ما حد يطلب منك.

طلبنا من لاعبينا يبادروا بالمساعدة من نفسهم، سواء مع الأب أو الأم أو الإخوات، من غير أوامر، ومن غير تذمر، ومن غير انتظار لكلمة "شكراً" أو أي مكافأة.

وكان دور أولياء الأمور إنهم يراقبوا تصرفات أولادهم، ويبلغونا مين فعلاً بدأ يساعد من تلقاء نفسه.

والحقيقة... الرسائل اللي وصلتنا أسعدتنا جدًا. ❤️

شفنا أولادًا رتبوا أوضهم، وساعدوا إخواتهم، وجهزوا السفرة، وشالوا حاجاتهم بعد ما خلصوا استخدامها... وكل ده من غير ما حد يطلب منهم.

والأجمل من كده، إن بعض أولياء الأمور قالولنا إن أولادهم استمروا يساعدوا حتى بعد انتهاء التحدي... وده بالنسبة لنا أكبر انتصار. 🌟

يمكن الأعمال دي ما تاخدش غير كام دقيقة، لكنها ممكن ترسم ابتسامة على وش أم تعبت طول اليوم، أو تخفف حملًا عن أب راجع من الشغل مرهق.

البيت هو أول بطولة يتعلم فيها الطفل معنى المسؤولية.

❤️ إحنا مش بنعلّم أولادنا يضربوا أقوى وبس... إحنا بنعلّمهم يبقوا أحسن.

لأن قيمة البطل الحقيقية مش في عدد الميداليات اللي هيحققها، لكن في الأخلاق اللي هتفضل معاه طول عمره.

👏 كل التحية لكل لاعب نفذ التحدي، وشكرًا من القلب لكل ولي أمر شجع ابنه وساعده يكوّن عادة جميلة هتفضل معاه في المستقبل.

💬 شاركونا في التعليقات...

إيه أكتر موقف عمله ابنكم الأسبوع ده وفرّحكم؟ ❤️

ولو تعرف أب أو أم هيحبوا الفكرة دي...

اعمل Share للبوست يمكن يكون سبب في إن طفل تاني يبدأ يساعد أهله من النهارده.

🎯 واستعدوا...

لأن تحدي الأسبوع الجديد هيكون خطوة جديدة في رحلة صناعة الأبطال.

🥊 أبطال في الملعب... وأبطال في الحياة.

طوال عمري كان عندي حلم إني أسس فريق أساليب كبيرمش لاعب ولا اثنين زي ما كنا طول عمرنا شغالين لأن دايماً لاعبية الأساليب ب...
02/07/2026

طوال عمري كان عندي حلم إني أسس فريق أساليب كبير

مش لاعب ولا اثنين زي ما كنا طول عمرنا شغالين لأن دايماً لاعبية الأساليب بيكونوا قليلين جداً بالنسبة لعدد الفريق

لأن الأساليب بتحتاج لاعب عنده قدرات بدنية وذهنية عالية مش أي حد ينفع يلعبها

فكان أي مدرب من المحافظات غير القاهرة طبعاً بيكون معه لاعب أو ٢ يقدروا يشاركوا في بطولات الجمهورية .

لكن الحمد الله ف ٢٠١٩ ربنا وفقني وقدرت أكوّن فريق بالكامل لاعبين جاهزين للمنافسة وطلع منهم أبطال كتير حققوا مراكز متقدمة في بطولات الجمهورية

بس للأسف اتشغلت بعدها مع زملائي المدربين في تأسيس منطقة السويس من جديد بعد إنفصالها عن منطقة الإسماعيلية

و ده شغلني عن شغفي في صناعة أبطال أساليب .

وقفت كتير لكن عمري ما نسيت حلمي ،

ودلوقتي رجعت أشتغل على حلمي من تاني وبعمل اختبارات انتقاء للاعبين من فريق التأسيس عشان أكوّن الفريق اللي بحلم بيه.

رياضة كونغ فو أساليب مش مجرد رياضة دي أسلوب حياة اللي بيجرب يلعبها بيتعلق بيها سواء كان كبير ولا صغير

لو حابب تشاركني حلمي، وتدي ابنك فرصة يكتشف قدراته الحقيقية، اكتب في الكومنت " فريق الأحلام"

وهبعت ميعاد اختبارات التقييم، وهقولك أفضل رياضة دفاع عن النفس مناسبة لشخصية وقدرات ابنك

أو هتكون جزء من فريق الأحلام💪♥️


قاعدت ست شهور اتحايل علي الكابتن عشان أتمرن كونغ فو أساليب وهو متجاهلنيبوست طويل قابل للمسحالحكاية بدأت في صيف ١٩٩٧. كنت...
28/06/2026

قاعدت ست شهور اتحايل علي الكابتن عشان أتمرن كونغ فو أساليب وهو متجاهلني

بوست طويل قابل للمسح

الحكاية بدأت في صيف ١٩٩٧. كنت ولد في تانية إعدادي، متحمس جداً من أفلام بروس لي وجاكي شان، ونفسي ألعب كونغ فو وأبقى زيهم.

بعد التمرين، كنت بشوف الكابتن بيمرّن مجموعة أولاد لوحدهم، تمرين مختلف. عرفت بعد كده إنه تمرين "أساليب". اتعجبت جداً بلياقتهم والحركات اللي بيتعلموها.

بس زي أغلب أطفال مصر، التمرين بيكون في الصيف بس، والشتا للمذاكرة. للأسف معرفتش أكمل، بس فضل الموضوع معلّق في دماغي، وفضلت شغوف إني أتعلم كونغ فو أساليب.

لما دخلت أولى ثانوي وكبرت شوية، كان لسه الكابتن والأساليب في دماغي ومش قادر أنساهم. روحت أماكن كتير عشان أدوّر عليه، لغاية ما لقيته في نادي السكة الحديد بميدان الأربعين. وكنت في تانية ثانوي ساعتها و كان ده في رجب ٢٠٠١.

أول ما شوفته، فرحت جداً وقعدت أفكّره بيا، وقولت له: "عايز ألعب أساليب وأكسر الدنيا"، ومستعد أدفع زي ما انت عايز عشان تدريب الأساليب بيحتاج عدد لاعبين قليل، فاشتراكه أغلى شوية. بس المفاجأة إن الكابتن تجاهلني تماماً.

عدّى شهرين وأنا في الفريق العادي، بشوف لاعيبة الأساليب جوه الصالة ونفسي أدخل وأكون معاهم. بس الكابتن متجاهلني تماماً، وكل ما أكلمه يبصلي ويبتسم ويقولي: "حاضر إن شاء الله."

بعد خمس أو ست شهور، مش فاكر بالظبط، لقيته لوحده أخدني من إيدي وبدأ يعلّمني أول مهارة: أساسيات الجامب تيك أوف في أسلوب الشمالي .

رغم إن فات على الكلام ده حوالي ٢٥ سنة، إلا إني لسه فاكر كل حاجة حصلت بالظبط، شكل المكان، ومسكة الكابتن لإيدي.

بعد ٣ سنين من التمرين الجاد والشاق، تطوّر مستواي وبقيت معروف وسط المدربين واللاعبين في السويس كلاعب أساليب جيد.

لقيت الكابتن بيسألني: "فاكر لما جيتلي عشان تلعب أساليب وأنا تجاهلتك؟"

قولت له: "هي دي حاجة تتنسى؟ ده أنا اتذلّيت عشان توافق أني أتمرن أساليب، وأنت تجاهلتني خالص، ولقيتك بعد كده لوحدك بتعلّمني كل حاجة، ومابتبخلش عليّا بأي حاجة من غير ما أطلب منك."

قال لي: "دي كانت فترة اختبار، عشان أشوف هل هتقدر تصبر وتستحمل التجاهل وتصرّ على هدفك، ولا هتزهق بعد أول شهرين وتمشي."

للأسف الشباب دلوقتي، لو اتشغلت شوية صغيّرة عليهم، ممكن يزهقوا ويمشوا.

المدرب مش بيمرّنك وبس، المدرب بيربّيك على حاجات كتير من غير ما يقولك، بس لازم تصبر، ولما يجي الوقت المناسب، هتلاقي نفسك بتجري زي البرق.

الكابتن/ علي إبراهيم كابتني وأستاذي اللي اتربيت على إيده، ولسه بتعلم منه لغاية دلوقتي هو حاليا مريض ومحتاج لدعائكم ، ماتنسهوش بدعوة حلوة من القلب عسى أن تكون ساعة إجابة وربنا يشفي عنه بفضل دعواتكم


🥊 البطولة بتبدأ من قرار صغير تلتزم بيه كل يوم.مش من الحماس… لكن من الاستمرار 💪تحدي الأسبوع الماضي كان بسيط في شكله... لك...
26/06/2026

🥊 البطولة بتبدأ من قرار صغير تلتزم بيه كل يوم.
مش من الحماس… لكن من الاستمرار 💪

تحدي الأسبوع الماضي كان بسيط في شكله... لكنه صعب في تنفيذه.

🕚 النوم قبل الساعة 11 مساءً

🎯 الهدف؟
نعود أولادنا على نظام صحي يساعدهم على:
✔️ التعافي
✔️ نمو العضلات
✔️ تركيز أعلى في التمرين والدراسة

🏆 البطل "أدهم وائل"
كان متعود يسهر لحد الفجر…
لكن قرر يتغلب على عادته ويثبت لنفسه إنه يقدر يلتزم 👊

👏 والنتيجة؟
استحق لقب بطل الأسبوع بكل جدارة

💪 لأن البطل الحقيقي
مش اللي يبدأ بحماس…

البطل الحقيقي هو اللي يلتزم، حتى لما يكون صعب

❤️ اكتبوا كلمة تشجيع لأدهم في التعليقات

ولو حابين أولادكم يستفيدوا من التحديات التربوية اللي بنعملها كل أسبوع، تابعونا وشاركوا معانا...

يمكن الأسبوع الجاي يكون ابنك هو بطل التحدي. 🥊🏆

25/06/2026

الولاد عندنا في وقت الراحة 😂😎

🎉 احتفالاً بوصولنا لـ 1000 متابع حقيقي من غير إعلانات!ده إنجاز كبير بالنسبالنا، وكل واحد فيكم كان جزء منه، سواء جربت معا...
24/06/2026

🎉 احتفالاً بوصولنا لـ 1000 متابع حقيقي من غير إعلانات!

ده إنجاز كبير بالنسبالنا، وكل واحد فيكم كان جزء منه، سواء جربت معانا منتج، أو استفدت من المحتوى اللي بنقدمه.

شكراً لثقتكم، وكمان عشان نفرح بيكم سوا، حضرنا لكم خصم خاص 🎁

علشان تحصل عليه:

اجمع أرقام موبايلك

(مثال: 01012345678 = 0+1+0+1+2+3+4+5+6+7+8)

واكتب لنا الناتج في كومنت 👇

وهنرد عليك برسالة خاصة فيها كود الخصم بتاعك خلال 24 ساعة.

ومستمرين معاكم في تطوير المحتوى عشان نقدملكم حاجة أفيد كل مرة ♥️

24/06/2026

كونغ فو ساندا
رياضة العقل قبل القوة


Address

�فروعنا:السلام/, السويس,/الملاحة/مدينة الملك عبدالله/شارع النيل
Suez
43511

Website

Alerts

Be the first to know and let us send you an email when مدرسة الأساليب لرياضات الدفاع عن النفس posts news and promotions. Your email address will not be used for any other purpose, and you can unsubscribe at any time.

Shortcuts

Share

Category